خطوبة جمال مبارك

[مصرية الهوى]

مسافر :o

لأ .. لأ .. انت شككتني ؟؟

انت حجازي والا قصيمي ؟؟

اول شيء " مير" هذي قصيمي بحت .. وشعارنا " بُه مير نيم " .. اتحدى احد يترجمها :D

وثاني شيء .. الكليجا .. هذي فطيرة القصيم اللذيذة :P

وبالنسبة لويليام .. بلاحمولة بلا قبايل بلا هم ..

اهم شيء الحب ..

وبعدين انت شفت بنات القصيم عشان تحكم :D

ولا تنسى المثل القائل " زوج بنتك سديراوي .. وزوج ولدك قصيمية " B)

[khedr]

" .. اتحدى احد يترجمها  :

احنا اللي محتاجين حد يترجم الحوار اللي بينكم

فيه كلام كتيييير... محتاج ترجمه

مير

بُه مير نيم

سديراوي

كليجه

حموله

[مصرية الهوى]

احنا اللي محتاجين حد يترجم الحوار اللي بينكم

فيه كلام كتيييير... محتاج  ترجمه

مير

بُه مير نيم

سديراوي

كليجه

حموله

<{POST_SNAPBACK}>

من عينيا يا خضر B)

مير يعني لكن .. وتيجي احيانا بمعنى على فكرة ..

بُه مير نيم .. لما حد يكلم في التليفون يقول فلان موجود .. ارد عليه واقول : بُه مير نيم .. يعني موجود بس نايم ..

سديراوي .. يعني واحد من منطقة سدير ..

زي اسكندراني .. طنطاوي .. كده يعني

كليجه .. دي بقى حاجه تتاكل .. زي الفطيرة كده .. جواها عسل ..

حموله .. يعني اهل الزوج ..

بس على فكرة كلام مسافر جايب على بدوي وقصيمي وحجازي .. يعني جامع كذا لهجة سعودية :P

اي خدمة تانية يا باشا ؟؟

جيجي ..

مترجمة مصري / سعودي .. رايح جاي :D

[مسافر زاده الخيال]

اهلا ببنتي gg

ليش مستغربه باني اعرف كم كلمه من كم لهجه؟؟؟؟؟؟؟

اولا تمتاز منطقه الحجاز بانها مجمعه كل اجناس البشر لان الحرمين فيها ..

وبما ان القصمان كثير منهم دينيين فطبيعي ان نشوفهم في الحجاز وكثير من اصدق

[Reham]

يانهاره ابيض ...

هو كان لسه ماتجوزش لغاية دلوقت

ياحراااااااام

غلبان اوي والله

تلاقيه عقبال لما كوم نفسه

لاوالله بجد محتاج مساعده

ماتيجوا ياجماعة نلم له مساهمه ولا نعمل له جمعية ولا حاجه ده بردو ابن ..........الريس بتاعنا...حبيبنا كلنا

تلاقيه ياعين امه وراه ديون اد كده من مصاريف العفش والنجف والاجهزه والذي منه...

مين يتبرع

تبرعواااااااااااااااااااااا

لمساعدة ابن الريس الغلبان

[مسافر زاده الخيال]

الرد السابق ماكملش.................كثير من القصمان اصدقائي في المدرسه و كجيران ..................

والكليجه تنباع في بعض الاماكن.في جده(بس كليجه صناعيه زي البسكويت)......اما ( به مير نم ) اول مره اسمعها بصراحه.........

اما كوني شفت بنات القصيم (اقترح عليكي تأليف رواية بنات القصيم) فما قد شفتهم ولا بنات الرياض ولا الحجاز ولا بنات جيزان ولا بنات افكاري...............

بس اسمع ان بنات القصيم وبني شهر اجمل بنات في العالم ........وانا مصدق وحتى اولاد القصيم (ما شاء الله عشره وعشيره) فيهم الجمال الرباني

لان القصمان اختلطوا بالاتراك واهل الشام ومصر (المغني الراحل محمد رشدي اصلا من القصيم)جده كان من تجار العقيلات

بس انا ما اوافقك على حكاية الحب ابدا :D

والدليل حماك الافتراضي تشارلز راح لكاميلا (ارجل من قولدا مائير و ثاتشر) باسم الحب ........دا كلام برضك؟ :P

باين انك (صغيره عل الحب) على فكره كم عمرك قوليلي ولا حد حيعرف B)

المهم توقعي مني اى لهجة ماعدا لهجة جيزان و جبال فيفا

المهم لا تضيعي الهرجه و تاخذيني في دوكة ........قلتي ايه في سيف الاسلام القذافي؟؟؟؟؟؟؟؟؟؟؟؟؟؟؟؟

الرد بسرعه......

[الرافعي]

الأخت العزيزة جيجي - الأخ العزيز مسافر

يالربع .. ترنا طولنا السالفة وهي قصيرة ..

المهم .. الوصلة السابقة كانت خروجاً عن الموضوع بدأته :D لحبي وتقديري لأهل المملكة الأشقاء الأعزاء ممثلين في الأخت جيجي والأخ مسافر

اللي شرفونا ونورونا في فرحنا

وإن كنا ماشفناش أي نقوط لحد دلوقتي ... B)

على كل حال ... نرجع بعد هذا الفاصل الأخوي الالتحامي مع أشقائنا في المملكة الحبيبة إلى أصل الموضوع، حتى لا يتشتت..

وأشكر الأعزاء جيجي / مسافر على المصطلحات اللغوية والمعلومات الجميلة، وهكذا نتعلم ونعرف عن بعضنا البعض ونزيل الحواجز والحدود ..

وتقبلا وتقبلوا جميعاً خالص تحياتي ....

خميس أبو العافية من أمام الصوان المنصوب علشان الخطوبة

بالتحديد جنب الاتنين اللي بيحطبوا :P

[حرفوش]

وجدت " جوازة" قلت أشبع فيها لطم.

عقبال البكارى,

ويبقى كل مولود إنشاء الله محافظا, علشان تكمل.

[MZohairy]

الأخوه جيجي و مسافر زاده الخيال

والله لو مرجعتوا تتكلموا عربي تاني حجيبلكم شوية كلام تونسي لما تتشقلبوا مش حتفهموه لأني انا لسه مش فاهمه :D

ياللا نرجع نتكلم عربي تاني

صباح الخير

مساء الخير

ازيكم

كويسين

وكده يعني

ياللا

[مسافر زاده الخيال]

bone jour mon n'ami? ca va?

كيفاش تحكي هذرة التوانسه ديالي؟ وحق الله العظيم زوين برشا برشا

اكلت سندويتش عظم؟

merci pour voue

(يعني)@#$%&&&&* والله محدش فاهم حاجه ولا عارف حاجه

ce la vie

[MZohairy]

:D B)

:P

أخي مسافر

:o

أخطأت خطأ عظيم بالخلط بين التونسي و المغربي

ديالي و هدره و حق الله و زوين

كل ده مغربي

التونسي يا سيدي بقى

لا باس

دز النح

كيما تحب

بره رهز

وحاجات سهله غيرها كتير

ترجمة انيس عبيد و شركاه

[yasser6666]

.

Future Wife and her Mother

[مختار]

طبيعى والأستاذ جمــــــــــــــــــــــــــــــــــــــــــــــــــــــــــــــــــــــــــــــ

ــــــــــــــال مشرف على تولى السلطة فى غياب تام لعقول المصريين الغلابة واشتغالهم بجلب المال لاطعام الأطفال المساكين و وو و وو و و و وو و ، لابد للأستاذ جمااااااااااااااااااااال ( احم احم ) ان يأتى لنا بسيدة مصر الأولى ( مبروك عليها )

لكن على كل حااااااااااااااااااااااال

مبرووووووووووووووووووووووك وربنا كبيييييييييييييييييييييييييييييييير

ومصر لسه بخير

بس اتأخر ليه هو كان وراة مشواااااااااااااااااااار ولا كان فى الكويت بيشتغل عشان يعمل شقة ؟؟؟؟؟؟؟؟؟

[مسافر زاده الخيال]

يا راجل مفرقتش ..............تونسي مغربي كلوهم مغاربييين (اخرج من دماغي مش فاضيييلك دل واقييت)

نخش على ياسر الستات (ايه الحلويات دي كلها؟ وجنسيتهمA؟) ولو مفيهاس رزاله اساميهم وعناونهم ويدرسوا فين وهوايتهم والفريق اللى يشجعوه و..............استنى استنى

فرمل ...........اه ليكونش هما اللى عليهم العين؟؟؟؟؟؟؟؟؟؟؟

طب متأسفين........

بس ملعوبه

[yasser6666]

الصورة اللي فوق بتاعة الأنسة خديجة الجمال (علي الشمال) ووالدتها زوجة الملياردير رجل الأعمال محمد الجمال

والأنسة هي خطيبة السيد جمال مبارك ومتوقع لها أن تكون سيدة مصر الأولي

[Shams100]

فستان العروس بـ150 ألف جنيه.. ومصمم عالمي لخاتم خطوبة جمال مبارك

كتبت ـ علا محمود (المصريون) : بتاريخ 27 - 2 - 2006

علمت "المصريون" أن جمال مبارك، النجل الأصغر للرئيس مبارك طلب من أقرب صديقين له، أحدهما قريب للعروس وهو الوسيط الذي تمت من خلاله الخطبة، عدم حضور حفل خطوبته على خديجة محمود الجمال، ابنة رجل الأعمال والمقاول الشهير محمود الجمال، المقرر عقده يوم الجمعة القادم في شرم الشيخ خوفا من عدم اكتمال الأمر!

وأوضحت المصادر أن أهل العروس هم الذين أصروا على أن يعلن جمال مبارك خطبته لابنتهم بشكل سريع. وأضافت أن الفستان الذي سوف ترتديه العروس في حفل الخطوبة تم شرائه من فرنسا، بينما قام مصمم مجوهرات عالمي معروف بإعداد خاتم الخطوبة خصيصا على ذوق العروس وتكلفته تجاوزت 150 ألف جنيه.

وكان جمال مبارك قد أهدى عروسه بمناسبة عيد ميلادها خاتما ثمنه 25 ألف جنيه تم شرائه من محلات السرجاني للمجوهرات. وعلمت المصريون أن جمال مبارك سيفاجئ الرأي العام المصري خلال الشهور الخمسة القادمة بتغييرات واسعة في أعلى هرم قيادات الوطني وكذلك في لجنة السياسات على الرغم من تزامن ذلك مع الاستعدادات لإتمام الزواج .

[se_ Elsyed]

.

Future Wife and her Mother

<{POST_SNAPBACK}>

أنا كده اموت وأنا مستريح .. لإني أطمئنيت على مستقبل مصر ..

أيوه كده خلي النسل يتحسن ونجيب عيال رؤساء نضاف ومستحميين وشكلهم حلو .

بس البنت حلوه .. يعني من جهة حلوه .. فهي حلوه وهاتشرفنا قدام العالم لما جيمي يبقي رئيس ... ولايق عليها لقب سيدة مصر الأولى ..

أما حتة اللحمة اللي جنبها على اليمين واللي مش باين عليها سِن دي .. فلقد أطلقنا عليها نحن سين سين ملك شارع مصر والسودان لقب " حماة مصر الأولى " يعني تبقى حماتنا كُلنا مش حماة جمال بس .

يا سلام . الفرح حلو يا ولاد ..

ومرة تانية .. ألف مبروك لأخويا وحبيبي وشقيقي الريس جمال

يا جمال .. يا جمال يا حبيب الملايين

إلى جنة الخُلد يا جمال ...

[khedr]

ياللا

الهدايا

مش عايزين كلام كتير

[MZohairy]

:D :D :o :)

بعد الصور دي معنديش غير تعليق الله يرحمه ويحسن اليه عبد الفتاح القصري:

يا صفايح الزبده السايحه

يابراميل القشطه النايحه

يا حلو

يا لوز

لماذا هذا السكوت

الا تتكلمين

اللهم صلي على سيدنا النبي

اشرقت الأنوار

و عمرت الديار

وانكاد العدو الغدار

وما جميل الا سيدنا محمد

[عادل أبوزيد]

ملاحظة خبيثة :

ألا تلاحظون أن فارق السن كبير جدا بالنسبة للأجيال الحديثة ... هل هو منطق "يربيها على إيديه" أو أنه يريد أن يقول أنه " سى السيد " فى بيته .. لو كان الموضوع فى باب الأسرة أو كان الأمر يتعلق بأى شخص لكانت هذه هى الملاحظة الرئيسة و محور الحوار.