مصريين مونتريال _ ممكن سؤال ؟

[haivi]

أعزائي وأصدقائي قاطنى مونتريال كندا وأصحاب الخبره في عالم الساتالايت

منذ وصولي إلى مونتريال قبل قرابة العامين وأنا لا أرى أي قناه عربيه لتسرعي

وشراء دش وريسيفر من شركة (بيل) ولا يوجد لديهم حزمه عربيه , لا جزيره ولا فضائيه مصريه ولا الهوا

فأردت أن أستفسر منكم بعد إستقرار تام اليوم وبعد وجود الوقت للبحث والتنقيب عن ما هو الأفضل لشرائه أو الإشتراك فيه كي أنال حظي من متابعة التليفزيون العربي والذي طالت الوحشه لهيافته وتخلفه وأخباره المشكوك في مصادرها بإختصار

وحشني التليفزيون العربي وبالذات الفضائيه المصريه والجزيره للأخبار بحلوهم ومرهم

فهل من معلومات تساعدني لإختيار أحسن الشركات في العرض

علماً بأنني لا أريد ما يملأ مونتريال وغير قانوني حيث أنه ينهار كل أسبوعين تلاته كما سمعت .

لكم جزيل الشكر والعرفان للقراءه أولاً

تحيات مصري قاهري

[wagdi]

مادام مش عايز ماهوغير قانوني وبينهار كل أسبوعين يبقى عليك وعلى Videotron... هما نظامهم كيبل مش ساتلايت فأحسن بس أظن اغلى... يعني إعمل حسابك ف 100 دولار على الأقل في الأول و40 -50 دولار كل شهر...لأنك لو حاتختار ارخص باقة حوالي ب حاجة وعشرين كل شهر، وبعدين تزود 10 دولار علشان الART غير الضرايب ...

كل ده ومش حايجيلك غير ART America، يعني مش مستاهلة...

أحسن حاجة تشوفلك واحد يركبلك دش وريسيفر ويجيبلك كل القنوات العربي عالعرب سات... مرة سألت الراجل قاللي حوالي 300 دولار علشان الدش والرسيفر والتركيب وده يجيبلك القنوات المجانية، لو عايز قنوات الARTوكدة بتدفع حوالي 30 دولار كل شهر.... بس مش عارف الصراحة مدى قانونية الموضوع ده...بس أنا بأشوف كل الخلق عاملاه...

تم تعديل 18 فبراير 2006 بواسطة wagdi

[haivi]

أولاً متشكر ليك جداً يا سيد وجدي على سرعة ردك .

ثانياً منا عارف يا عزيزي حكاية الدش والريسيفر اللي حتى من غير كارت

بس اللي فهمته من ناس عندهم ده إنه بيقع وبتضطر كل أسبوع والتاني تجيب البيه الخبير يشفر ويحفر وينخور وياخدله بتاع خمسين دولار وعليها لغاية أسبوع إتنين تلاته وهلم جرا

والظاهر إن مفيش غير كده وأمري لله .

ممنون ليك قوي يا سيد وجدي