جمارك السيارات فى مصر

[se_ Elsyed]

أحنا بالصلاة عالنبي عندنا فى مصر أنظمة جمركية تشيب رأس الكتكوت وهما هناك حسبنها بالورقة والقلم بحيث يخليك تكره اليوم اللي أشتريت فيه عربية من بره ...

على سبيل المثال عندنا فى السعودية سعر التويوتا كرولا 2003 = 42000 ريال ( 11000 $ تقريبا ) تيجي بأه نازل مصر بيها يقوم هابدك 45000 جنية جمارك بالتمام والكمال يبقى كده عندك كام .. تعالى نحسبها

42000 ريال * 1.6 جنية سعر صرف الريال دلوقت شفت الأمالة اللى أحنا فيها = 67000 ج + 45000 ج جمارك + قول 5000 ج فرفشة والذي منه ورشه جريئة فى الجمرك علشان تخلص نفسك من براثنهم = 117000 جنية ... طيب هي تمنها كام فى مصر دلوقت .. انا أقولك ، سعرها كاش 113000 ج مع الضمان طبعاً

أحسبها أنت وأبقى رد عليه .... دول جبابرة يابا .

على فكره اللى بهدل الدنيا الجنية بتاعنا اللى بقى فى الحضيض .... ومنك لله ياللى كنت السبب.

[se_ Elsyed]

بالمناسبة شوفت الدول المحترمة بتعامل أبنائها العاملين بالخارج إزاي ، عندك على سبيل المثال سوريا وتونس والسودان بتسمح للى قضى 5 سنوات بالخارج وجاي نازل نهائي بأن يدخل سيارة واحد على أسمه بدون أى جمارك بالإضافة إلى عفش بيت كامل من أجهزة كهربائية وخلافه .

يعني الواحد مننا سايب لهم البلد واللي فيها وبعد كده مايقدرش يشتري حتى من بلده عربية يقضي بها بقيت حياتهم وذلك للأسعار الجنونية الموجودة فى بلدنا.

ياراجل إسكت بلا قرف ده عندنا لا بيرحموا ولا بيسيبوا رحمة ربنا تنزل .

[الطفشان]

بالمناسبة شوفت الدول المحترمة بتعامل أبنائها العاملين بالخارج إزاي ، عندك على سبيل المثال سوريا وتونس والسودان بتسمح للى قضى 5 سنوات بالخارج وجاي نازل نهائي بأن يدخل سيارة واحد على أسمه بدون أى جمارك بالإضافة إلى عفش بيت كامل من أجهزة كهربائية وخلافه .

كان عندنا النظام دة زمان

و كان اللي يروح برة عشان يدرس دكتوراه لازم يجيب عربية و عفش

عشان كانت فرصة لا تعوض

و بعدين اتلغى النظام دة

[أسد]

جمارك السيارات في مصر مصيبة كبرى ...

سرقة علني ...

حتطلع السيارة أغلى من مصر بكثير ...

أكثر من اللي حسبها سي السيد ..

لأنه نسي حاجة اسمها نولون ...

واتاوة أخرى اسمها ضريبة المبيعات ..

أما الفرفشة اللي قالها ...

ده راجل بخيل ... والمبلغ اللي قاله بسيط جداً ...

الموقع ده سيعطيك بعض المؤشرات ... وطريقة حساب الجمارك

http://www.sayaratmisr.com/temp5.htm

[ragab2]

معكم حق فى كل ماقيل

ولكن

هل فكرتم لماذا تتعامل الحكومة بشراهة لأموال المصريين ومنهم المغتربين

لماذا تتعامل الحكومة مع الشعب بطريقة الجباية وبطريقة سافرة

هل نحن شعب يستحق العما ومايستهلش الخدمة فى نظرها ولا حتى الرأفة ويجب أن يأخذوا عنينا ويصادروا جيوبنا

هل لأن مصاريف الحكونة كثيرة بالرغم من وجود قناة السويس والضرائب والغاز وغيره غير المنح والقروض التى لم نترك دولة الا طلبنا منها قروض ولم يبقى الا زامبيا وجنوب افريقيا التى لم تقرضنا بعد

حتى لو دفعت أموال بالخطأ للحكومة وأردت استردادها لابد أن تعمل عجين الفلاحة حتى يوافقوا على رد جزء من هذا الدين اذا ردوه

هل هذه عادة موروثة وادمان لأموال الشعب حتى صار القول المأثور .. ادفع ثم تظلم .. لأنها لا تنتظر التظلم والمحاسبة بدون امتصاص مافى جيوب المصريين

بصراحة أتعجب من شره الحكومة لابتزاز الشعب المكافح

[kokowawa1979]

جمارك السيارات 135 % من قيمة الفاتورة الخاصة بها عدا التحابيش

هذا كان رد الملحق التجارى لأحدى السفارات المصرية

[arabawy]

جمارك السيارات 135 % من قيمة الفاتورة الخاصة بها عدا التحابيش  

هذا كان رد الملحق التجارى لأحدى السفارات المصرية

ياسنة غبرة دا اصحاب صناعة السيارات لم يستطيعوا تحقيق هذا النسبة من الربح الصافي

[Spider]

جمارك السيارات 135 % من قيمة الفاتورة الخاصة بها عدا التحابيش  

هذا كان رد الملحق التجارى لأحدى السفارات المصرية

طب الفلوس دى كلها بتروح فين؟!!!!!!!!!!!!!

(وش برىء)

[se_ Elsyed]

يا جماعة انا شاكر لكم جدا....

مجرامون..... إختصار أسم محمد جرامون و هو شخص عزيز عليا جدا و صديق عبر الإنترنت و هو كاتب في الساحة و في إسلام او لاين و في كذا موقع و هو دايما يقول انه mgramoun آت @ أي حاجة علشان كان مسجل نفسه في كل الإيميلات المجانية بهذا الأسم المهم قلتله مرة أني هسبقك في موقع وأسجل بهذا الأسم و فعلا أنا هنا بأسمه و هو دلوقت متغاظ مني .... بس هو روحه حلوة  و مبسوط اني بأعمله دعاية يمكن يخش الإنتخابات.

بالنسبة لموضوع الجمارك صدق حدسي و مشكور لكم جميعا لكن اللي لفت نظري هو كلمة التحابيش.... و أنا موش عارف التحابيش دي مقننة ولا حسب الظروف و أحوال المأمور يعني لو سحنتي عجبته ممكن تكون 5% و لو معجبتوش  ممكن تكون 30%..؟؟؟؟ أفيدونا أفادكم الله

تشرفنا يا باشا .... بس برضوا صاحبك اللى عاوز يدخل الأنتخابات والا انت ؟ ... شوفت توقيعك " مصري من أجل مصر " مش عارف ان قريت الجملة دي على انهي يافطة انتخابات .... بتفكرني بالشعارات أياها " عبدو الحمش منكم وأليكم " " برعي سن الفيل إبن الدايرة "

لأ يا باشا التحابيش دي الرشوة بعيد عنك ودي طبعاً مسألة تقديرية وكلك نظر وكل سنة وأنت طيب .. فين الشاي بتاعنا يا باشا .. صباحو عسل وخالي من البكش والأونطة

[Guest Mohd Gramoun]

[quotehfgngfhnyfg

تم تعديل 12 يونيو 2005 بواسطة Mohd Gramoun

[kokowawa1979]

ياريت حد من الإخوة الأفاضل يقول لنا سعر سيارات البيجو : 206 و 307 العادية والأوتوماتيك ( السعر النقدى ) داخل مصر

وكذلك سعر الهاف أوبشن والفل أوبشن

وجزاكم الله كل خير

[se_ Elsyed]

عيش مع جمارك السيارات ..... ومش عايز ضحك لو سمحتوا ... انا كنت ناوي بجد أكتب الموضوع ده فى باب الإبتسامات ..... ده جاء في جريدة أخبار السيارات العدد الاخير .. واخدلي بالك يا شيخ جرمن ... يعني شكلها كده هاترسي على بسكلته فى مصر

أنت تسأل والمأمور يجيب

280 ألف جنيه للسيارة شيروكي 2500 سي.سي

70 ألف جنيه جمارك رينو 1400 سي. سي

من خلال هذا الباب. سيكون بمقدورك الحصول علي الاجابة عن أي استفسار لديك حول جمارك السيارات. كما سيكون بمقدورك ايضا احتساب جمارك سيارتك بنفسك ، بعد ان نوفر لك البيانات المطلوبة.. فاتورة الشراء التي تحملها هي اساس تحديد وعاء القيمة أو القيمة 'سيف' التي تحسب الجمارك علي اساسها وتشمل القيمة سيف.. سعر المصنع إضافة الي نولون الشحن والتأمين. ارسل استفسارك وستجد منا كل استجابة.

شيروكي

أعمل طبيبا وأقيم في السعودية.. واريد أن استفسر عن جمارك السيارة شيروكي 4 اسطوانات 2500 سم3 موديل 2003 حيث انوي شراءها هذا العام.

د.سامح زغلول / السعودية

ہہ تصل جملة الضرائب الجمركية وضريبة المبيعات علي هذه السيارة إلي 280 ألف جنيه وتخضع لفئات الضريبة 135 % من القيمة سيف رسم وارد و 4 % رسم خدمات و 45 % من جملة القيمة سيف ورسمي الوارد والخدمات ضريبة مبيعات.. علما بأن القيمة سيف تشمل سعر المصنع مضافا اليه نولون الشحن والتأمين.

رينو كليو

أرجو افادتي عن جمارك السيارة رينو كليو كلاسيك 1400 سي. سي حيث انني اقيم في الكويت وانوي احضارها معي الي مصر.

م. وائل بركات / الكويت

­ تصل جملة الضرائب والرسوم وضريبة المبيعات علي سيارتك 70 ألف جنيه وفقا لأسعار الجنيه الجمركي حاليا وتخضع السيارة لفئات التعريفة 100 % رسم وارد و 4 % رسم خدمات من القيمة سيف و 15 % ضريبة مبيعات من جملة القيمة سيف ورسمي الوارد والخدمات.

ستروين اكسارا

امتلك سيارة ستروين اكسار سعة المحرك 1600 سي. سي موديل 2002 وأنا المالك الاول لها فما هي الجمارك المستحقة عليها؟.

هشام سالم

­ تصل جملة الرسوم الجمركية وضريبة المبيعات علي هذه السيارة 115 ألف جنيه وتخضع لفئات التعريفة 100 % رسم وارد من القيمة سيف 'سعر المصنع « نولون الشحن « التأمين' و 4 % رسم خدمات من القيمة سيف أيضا و 15 % من اجمالي القيمة سيف ورسمي الوارد والخدمات ضريبة مبيعات.

تويوتا تيرسل

امتلك سيارة تويوتا تيرسل م 1998 وأنا المالك الاول لها فما هي الجمارك المستحقة عليها اذا قمت بإنزالها الي مصر حاليا؟

ghoba shy1915 @ homail. com

­ تبلغ الرسوم والضرائب المستحقة علي السيارة تويوتا تيرسل م 1998 حوالي 40 ألف جنيه وتخضع لفئات التعريفة 55 % رسم وارد و 4 % رسم خدمات و 15 % ضريبة مبيعات.

تويوتا كامري

أود الاستفسار عن جمارك السيارة تويوتا كامري 2400 سي . سي

علي الجندي

­ تصل جملة الرسوم والضرائب الجمركية وضريبة المبيعات إلي 280 ألف جنيه وتخضع هذه السيارة لأعلي فئات التعريفة 135 % من القيمة سيف رسم وارد و 4 % رسم خدمات و 45 % من جملة القيمة سيف ورسم الوارد والخدمات ضريبة مبيعات.

محرك تويوتا كرولا

لدي سيارة تويوتا كامري وقمت باستبدال محركها بمحرك تويوتا كرولا 1300 سي. سي

فما هي الجمارك المستحقة عليها بعد هذا التعديل؟

محروس مطاوع الدخاخني / الرياض ­ السعودية

­ تصل جملة الرسوم إلي 280 ألف جنيه فتغيير المحرك الي محرك أصغر لا يغير من طراز السيارة أو الفئات الجمركية التي تطبق عليها.

بيجو 307

أود الاستفسار عن جمارك السيارة بيجو 307 م 2003 سعة المحرك 1590 سي. سي

أكرم ابراهيم

Mamada @ link. net

­ تصل جملة الرسوم وضريبة المبيعات علي هذه السيارة إلي 115 ألف جنيه وتخضع لفئات التعريفة 100 % رسم وارد و 4 % رسم خدمات و 15 % ضريبة مبيعات.

كرولا 2003

لدي سيارة تويوتا كرولا 2003 اريد أن اعرف الجمارك المستحقة عليها عند انزالها الي مصر

كريم محمود

­ تبلغ جملة الرسوم والضرائب الجمركية وضريبة المبيعات علي هذه السيارة 50 الف جنيه وتخضع لفئات التعريفة 55 % رسم وارد و 4 % رسم خدمات و 15 % ضريبة مبيعات.

أمل حياتي ... ولاد الذين فى مصر حسبنها بالورقة والقلم بحيث لو جبت سيارة زي دي عالبال ما توصل بيها تكون دفعت قيمتها وكأنك شاريها داخل مصر بالإضافة إلى أن هاتخسر الضمان اللي عليها .... حسبنا الله ونعم الوكيل ..... المعذب س س

بيجو 505

امتلك سيارة بيجو 505 م 1990 وانا المالك الثالث لها فهل يجوز انزالها الي مصر

محمود سند

­

العبرة يا أخ محمود بوقت تملك السيارة حيث يجوز لك انزالها اذا كنت قد تملكتها خلال سنة من سنة الموديل أي عام 1990 أو عام .1991  

دي بقى جديدة لانج ... انا كنت باحسب 3 سنين من السنة اللي نازل فيها ... بس نقطة غاية في الأهمية

[Guest Mohd Gramoun]

[gfdbfgbfg

تم تعديل 12 يونيو 2005 بواسطة Mohd Gramoun

[elbana]

يا خبر منيل بنيلة ، 280 ألف جنيه علشان الشيروكي اللي بنعتبرها عربية عادية جداً هنا في الإمارات؟ 280 ألف جنيه ، يعني فوق الربع مليون جنيه ، وما حصلناش السدوان ولا تونس ، يا جدعان حرام والله ده ظلم كبير ، يعني الواحد يصر كل اللي عمله علشان يجيب بيه عربية مثلاً؟

طب ممكن ولو فيها (رخامة) بفتح الراء ، أعرف خمسة وعشرين ألف جنيه ممكن يجيبوا لي عربية مستعملة موديل سنة كام في مصر؟ أو بعبارة أدق ، هل المبلغ ده ممكن من الأصل يكمل سعر عربية من أي موديل في مصر؟ وعلى فكرة المبلغ ده (ما يعادله بالدرهم) ممكن يجيب جراند شيروكي موديل 1992 (نمرة واحد يعني فل أوبشن) في الإمارات ، والله بدون مبالغة .

أصل زوجتي عايزة عربية لوحدها في مصر بعد ما ننزل نهائي قريباً إن شاء الله ، مع إن عندنا عربية ساترانا ، بس تعملوا إيه في المخ الستاتي ، وأنا طبعاً عايز أسعدها بس مش للدرجة دي ، وأعتقد إني ح أخليها تطلع على الموضوع ده علشان تدرك حجم الورطة اللي إحنا فيها .

[White heart]

elbana كتب:

طب ممكن ولو فيها (رخامة) بفتح الراء ، أعرف خمسة وعشرين ألف جنيه ممكن يجيبوا لي عربية مستعملة موديل سنة كام في مصر؟

بصراحه يا عزيزى ممكن تلاقى كتير ... بس مين يضمن دى بقى المشكه!!!!

يعنى عندك مثلا الموقع المصرى دة (بتاع كله) هاتلاقى فيه 268 أعلان عن بيع سيارات مستعمله ممكن تطل طلة.... حتى هاتلاقى فى صفحه 9 عربيه فيات 128 ب 6.000 جنيه!!!!!

[عادل أبوزيد]

6000 جنيه.... دي الفسبة المستعملة عدت الرقم ده...

اتوقع ان الفارق = 19000 هيروح للميكانيكي في 19 شهر!!!!!

نصيحة يا أخ البنا..... بلاش عربية للمدام خالص...

و اليوم اللي عايزة تخرج فيه ...تعالي علي نفسك شوية ووصلها و اهو بالمرة تستمتعوا بالمشوار مع بعض و متكونش قلقان عليها في ظل الفوضي المرورية في القاهرة ...

ضبط 2127 مخالفة مرورية ...مدير الأمن: الحملات مستمرة.. لإعادة الانضباط

الفاضل البنا

الدولار الجمركى سيجعل من إستقدام سيارة من الإمارات إلى القاهرة و دفع الجمارك صفقة خاسرة.

إذا كان لى أن أنصح فأنا شخصيا مع شراء سيارة مستعملة من مصر بل أنا أعتبرالسيارة المستعملة صفقة لأن السيارة الجديدة لا تبقى جديدة سوى عامين على الأكثر و لكن هناك مسألة نفسية تدفع البعض للإسراف فى الذهاب للميكانيكى السيارة لا يمكن تعود إلى حالة الأجانس فيجب أن تتعايش معها.

فقط عليك أن تعرف سيارتك و حبذا لو إقتنيت كتاب الصيانة الخاص بها حتى تستطيع أن تستنتج سبب المشكلة و تقدم النصيحة أو التوجيه للميكانيكى.

و بالنسبة لنوع السيارة فقد تعلمت أن السيارة المستخدمة كتاكسى تقريبا تكون سيارة جيدة و عند شراء سيارة لزوجتى نظرت فوجدت أغلب سيارات التاكسى هى هونداى إكسيل و قد كان.

و بالنسبة لك يمكن سيارة مرسيدس او بيجو مستعملة تمثل قيمة جيدة للنقود.

أطيب تحياتى

[elbana]

شكراً يا جماعة على الاهتمام ، ح أزور الموقع يا وايت وأقلب فيه ، لعل وعسى ..

ويا مجرامون ، أنا أفضل ألبي لها طلبها أحسن ما ألاقي نفسي ضمن محور الشر واتحطيت في البلاك لست ، وإنت عارف الباقي ..

كلامك صحيح يا أستاذ عادل ، فعلاً العربية المعمولة تاكسي بتكون هي الأقرب للتفكير العملي ، وأنا شخصياً بأفكر في الهونداي وعلى الله ألاقي حاجة بسعر مناسب ..

[se_ Elsyed]

خبر طازة وواقعي لسه جايلي من مصر عن جمارك السيارات

زوج أخت واحد صديقي نزل بعربية كرولا 2003 .. 1300 سي سي من الكويت وجمركها الشهر اللي فات بمبلغ 46.000 ج وفي نفس الأجازة قام اخوه بشراء نفس نوع وموديل السيارة من مصر بمبلغ 109.000 ج نقداً ..

لكن صاحبنا بتاع الكويت بيتعالج الأن فى مصحة نفسية وشغالين معاه بأسلوب صدمات الكهربا 220 ميجا وات وذلك نتيجة اللي حصل له وهو بيخلص أوراق العربية فببساطة هو اتعذب بأضعاف المبلغ بتاع الجمارك... وفعلاً يا جماعة الناس بتوع الجمارك عندهم حق .. إذ كيف يجرؤ شخص ما على النزول بعربية ويجمركها ولماذا لا يشجع الصناعة الوطنية ويأكل المهلبية ...

وفي النهاية وجد صاحبنا انه وفر فقط مبلغ 4000 ج أقل من سعر مصر لكنه خسر الضمان على السيارة ......

أنا بأخاف من الكهربا قوي .... وبعدين أنا كبيري  12 امبير من بتاع الحجارة القلم وتلاقيني أنور لواحدي ..... لا يا عم خلينا فى البسكلتة أم 4 عجلات وبلاها سوسو

وعاشت مصر حلو مستقرة

[إبن مصر]

مضى عام كامل على مداخلتك يا سى السيد .....ايييييييييييه دنيا دوام الحال من المحال

[se_ Elsyed]

مضى عام كامل على مداخلتك يا سى السيد .....ايييييييييييه دنيا دوام الحال من المحال

فعلاً سبحان الله .. أيام العمر معضوضه ...

لكن تعرف انا فرحان جداً للي بيحصل ده .. خلي الغلابة تاكل ... وخلي التجار يتوبوا بقى عن مص دم الناس .. لكن انا باتباع الاخبار أول بأول مع مصر وبيوافوني بأخبار كويسه عن عالم السيارات ....

على فكرة بمناسبة السيارات والدولارات .. فسعر الدولار بالأمس وصل 6.30 ج وذلك نتيجة للأقبال عليهم من المستوردين ... مش عارف الدنيا ماشية بالمشقلب في البلد دي ولا إيه بالظبط ؟