ابتسم مع جواز المسيار

[haboob]

كان فيه واحد صاحبنا متجوز وسعيد في بيته ومستقر مع مراته و أسرته لكن نزوة دفعته إلى جواز المسيار

عمل فيها أبو الرجالة عشان يشبع رغبته بدون تكاليف، وطبعا مراته الاولى لا تعلم أي شيء و ده عشان يحتفظ بالاستقرار مع أسرته.

صاحبنا اتجوز جواز مسيار ، و كانت مراته الثانية عندها رغبة قوية لإعلام مراته الأولى ولكن بطريقه لاتوحي بأن لديها يدا في الموضوع، فكانت عندما تذهب معه في مشوار تحاول ان تترك منديلا فيه اثر احمر شفاه او ترمي بقلم كحل في ارضيه العربيه او غطاء اوعطر نسائي او .. او

لكن على مين، صاحبنا مفنجل عنيه كويس أوي و منتبه تماما للحركات ودايما يقلب سيارته كويس أوي أول بأول.

قوم إيه، ييجي يوم كان مع مراته الثانية في مشوار، و طلبته مراته الأولى لتوصيلها مشوار مهم جدا، أخونا ماقدرش يفلفص، وصل مراته الثانية البيت بسرعة و ذهب لمراته الأولى وأخدها يوصلها ، و هو في الطريق افتكر إنه ما فتش ورا مراته الثانية لربما تكون نسيت حاجة في العربية أو تركتها عمدا.

ضرب عينه في أرضية العربية وجد جوز جزمة،،،،، يا نهار أسود، عملتها بنت اللئيمة،،،، بس مراته اللي معاه في العربية ما شفتش حاجة،،، قال في سره طب الحمدلله،،، طبعا عايز يلهيها قال لها يااااااه إيه اللي فوق في السما بعيد ده، بصت ناحية اليمين على المكان اللي بيشاور عليه جوزها و قالت له فين، قال لها اللي هناك، مش شايفه؟؟؟ و مد إيده بسرعة وسحب جوز الجزمة و حطهم ناحية الباب اللي جنبه، و بعدين في إشارة من الإشارات فتح الباب و عمل نفسه بيبص على عجلة العربية، و قال كنت فاكر العجلة نايمة، بعدها تنفس الصعداء و حمد ربنا إنها ما خدتش بالها من حاجة أبدا.

أول ما وصلها المكان اللي حتنزل فيه لقاها عماله تفتش يمين و شمال، قال لها إيه؟ فيه إيه؟ بتدوري على إيه؟ قالت له أصل لما ركبت العربية قلعت الجزمة لأنها ضيقة علي شويه وقلت ألبسها و أنا نازله، قالها بصي أنا لا شفت حاجة و لا خت حاجة و لا رميت حاجة.............

[الرافعي]

أستاذ حبوب

أنا باحاول أضحك مش عارف ... تفتكر إيه الحكاية ؟؟

أنا لست من مؤيدي هذا الموضوع وأميل إلى رأي العلماء الذين لم يجيزوه، لكن بالرغم من ذلك، لا أحب التنكيت في هذه الأمور ..

أرجو أن تقبل نصيحتي ورأيي بصدر رحب ، وأن تعرف أني أكتب لك محباً وموقراً، ولست مهاجماً ولا منتقداً ...

صدقني

واقبل تحياتي :angry:

[se_ Elsyed]

على ما يبدو إن كتر أكل اللحمه كبس على مراوح العنتابلي وما خلاش عنده سينس آوف هيومر .. :angry:

---

طب والله قصة ظريفة جداً وتدل على إن الرجل مقتنع إن اللي عمله ده غلط أساساً ... لإن لو هو إنسان مسئول ومحترم كان قدر يواجه الموقف بشجاعة وماكانش يبقى زي اللي عامل عمله وعمال يقول يا حيطه داريني .

[ايهاب سالم]

حلوه يا حبوب

عجبتني و ضحكت عليها كتير

[الرافعي]

على ما يبدو إن كتر أكل اللحمه كبس على مراوح العنتابلي وما خلاش عنده سينس آوف هيومر .. :o

---

طب والله قصة ظريفة جداً وتدل على إن الرجل مقتنع إن اللي عمله ده غلط أساساً ... لإن لو هو إنسان مسئول ومحترم كان قدر يواجه الموقف بشجاعة وماكانش يبقى زي اللي عامل عمله وعمال يقول يا حيطه داريني .

<{POST_SNAPBACK}>

عمنا س.س

محسوبك مقل جداً في أكل اللحوم (تصور بقى)، وطبعاً إحنا مقاطعين الدياي (على رأي أهل الإمارات) علشان الأنفلونزا ، مش فاضل إلا السمك، والأولاد ما لهم تقل عليه ؟؟؟

إيه رأيك .. :angry:

أما عن موضوع المسيار ، فعلى الرغم من كوني لا أراه صواباً (لا مؤاخذة الموضوع هزار) لكني أجد نفسي مضطراً لكتابة سطرين بجد ..

على الرغم من أني لا أراه صواباً ويخالف بعض الصفات والخصائص الأساسية في الزواج، إلا أن هناك مشكلة حقيقية وجدت في المملكة وفي بلدان أخرى كثيرة، لكنها كانت أوضح في المملكة، وبشكل خاص في المنطقة الغربية حيث كنت أقيم .. يعني في مكة وجدة والمدينة ...

هناك نسبة عالية من العنوسة .. ومشاكل عائلية كثيرة تتعلق بمواريث ورغبة في عدم تقطيع الثروات ... أضف إلى ذلك قلة سيطرة فكرة القبلية لأن التركيبة السكانية في المنطقة الغربية بها خليط كبير من أجناس متعددة بحكم وجود الحرمين، وبالتالي فالقبلية أخف بكثير ..

طيب كيف يحلوا هذه المعضلة، ولتجنب الحرام فقد اجتهد بعض شيوخهم في إيجاد هذا النوع من الزواج الذي ينقصه بعض الأشياء -ليس مجالها الآن- إلا أنه زواج موثق ومشهر (رسمياً) لكن طبعاً لا يخبرون به الزوجة، ويحلون عدة مشاكل لعدة أطراف بصيغة زوجية واحدة ...

طبعاً نحن نقول لماذا الإخفاء، ولماذا الزواج مع عدم نية الاستمرار -إن وجدت- وعدم الإنفاق ... وأشياء أخرى، لكن أنا فقط أريد عندما نتناول شيئاً نخطئه أو نراه غريباً ، أن ننظر لزواياه الأخرى من وجهة نظر من يؤيدوه ...

لقد شاهدت أسر كثيرة في مكة وجدة تقبل بزوج عربي وافد له عادات وتقاليد العرب، وفي نفس الوقت لا يخافون من تطلعات كبيرة أو (نمردته عليهم) وفي نفس الوقت يطمئنوا على بناتهم بزواجها قبل فوات أوان الزواج وقلة المقبلين على الزواج من السعوديين، وهناك كثير من الوافدين (يعيشون عزاباً) سواءً كانت لهم أسر في بلدانهم أو لم يكونوا على تكاليف الزواج أصلاً لا في بلدانهم ولا في المملكة ... وفي هذا الموضوع أراد الجميع أن يحلوا مشاكلهم معاً ...

هذا واقع وهذه وجهة نظر ..

طيب البديل الصحيح ... وحتى نتجنب الأمور التي يشوبها شك شرعي أو نقائص شرعية مع وجود مشكلة أو معضلة اجتماعية تحتاج إلى الحل وحرصاً على استقرار الأخلاق في المجتمع، يجب أن نعيد النظر جميعاً رجالاً ونساءً وأولياء أمور في قبول قضية تعدد الزوجات بشكل رسمي ومعلن وتعرف الزوجة وتوافق عليه أيضاً برضاها حتى ولو كان شيئاً صعباً على النفس ، لكن به تحل مشاكل كثير ... (والله ما حد يقول الكلام ده لأم يوسف أحسن تكون وقعتنا مطينة بطين :wub: )

المهم في مشكلة اجتماعية كبيرة ، وتحتاج إلى حل مش نكت .. يا س.س (واستنى مني مداخلة نارية في حفلة الجدد ويمكن قهوة المحاورات ونصيبك فيها هيكون مشفي ) :wub:

[MZohairy]

يا حلاوه ياخويا

الراجل حاطط القصه في باب دعوه للابتسام و هي قصه ظريفه ودمها خفيف :angry:

وبعدين مضمون الموضوع فيه نقد للمسيار

بدليل خسارته للجزمه في آخر كعب القصة

فمفيش داعي ان احنا نحول الموضوع ل نعل سلسفين القضيه

و كمان ما ورنيش حاجه اعترض عليها

وانت لو تابعت القصه فرده فرده حتستوعبها كويس

بس انصحك دايما برباط الجأش

ودايما لمع افكارك

انت دايما كده بوتـــــــــــــظلم الناس؟

خلاص ياسيدي حمسي عليك قبل مامشي

بنص وار عليكم جميعا

تحياتي يا حبوب

و دعنا نحتسي الشراب سويا :wub:

[الرافعي]

يا حلاوه ياخويا

تحياتي يا حبوب

و دعنا نحتسي الشراب سويا :wub:

<{POST_SNAPBACK}>

يا زهيري يا خويا ... ما تضحك هو حد واخد منها حاجة ، وبعدين أنا بس حبيت أشرح مشكلة بالمناسبة علشان الناس تستوعب إيه حكاية المسيار (للي مش عارفين، أو ما عندهمش صورة كاملة عنه)

وبعيد ما تحتسي الشراب معاه يا خويا، وعندك واحد كعب كوباية كمان عشان تحتسي

(معلش القافية تحكم) :angry:

باقول لك إيه يا زهيري .. انت ما بتجيش ليه .. مش تبقى تيجي ؟؟ أنا بابقى هناك :wub:

[tarek_almeghallawy]

الراجل الحبوب

فعلا قصة ظريفة

ولا جاب سيرة شيوخ ولا فتاوي

ولحد علمي السرية في المسيار ليس شرط

ومعلوماتي السطحية بتقول إن فكرة المسيار تشجيع الزواج

والتقليل من أعباؤه المادية وعدم الزام الرجل بنفقة ولا سكن

وده ممكن يناسب كثير من الرجال والنساء أيضاً

ليس عندي رأي لا بقبول ولا رفض

عايز أسأل العنتبلي باشا

بصفتك قانوني

إيه بنود عقد المسيار

معلش ها نحول الموضوع استشارات

مع العلم.... أقسم بالله العظيم... ما عندي نية

وده مش خوف ..ده رعب

[Scorpion]

يا حلاوه ياخويا

الراجل حاطط القصه في باب دعوه للابتسام و هي قصه ظريفه ودمها خفيف 

وبعدين مضمون الموضوع فيه نقد للمسيار

بدليل خسارته للجزمه في آخر كعب القصة

فمفيش داعي ان احنا نحول الموضوع ل نعل سلسفين القضيه

و كمان ما ورنيش حاجه اعترض عليها

وانت لو تابعت القصه فرده فرده حتستوعبها كويس

بس انصحك دايما برباط الجأش

ودايما لمع افكارك

انت دايما كده بوتـــــــــــــظلم الناس؟

خلاص ياسيدي حمسي عليك قبل مامشي

بنص وار عليكم جميعا

:angry: :wub: :wub: :o :D :D :D

و عهد الله انت باين عليك حكاية يا زهيري... الواحد ياخد باله منك من هنا و رايح و بلاش يخش معاك قافية ....

عالعموم القصة في حد ذاتها باسمة .. و فكرتني بنكتة سمعتها هنا في ايطاليا من فترة حول نفس الفكرة و نفس الجزمة ... بس القافية بتاعت زهيري هي بقي اللي فيها الخلاصة...

[MZohairy]

الحمد لله يا سكوربيون ياخويا ان في حد خد باله وفهم القافيه!!! :angry:

[Scorpion]

لأ ما تخافش .. هما لو مشيوا شوية بيه ... حيوسع منهم و حيفهموها... :angry:

اشمعني ....

[MZohairy]

اصلي حسيت اني اتظلمت في موضوع الجزمه ده ومحدش فهمني

على أي حال....

ما أسعد من باتا مظلوما ولا باتش ظالم :)

تحياتي

[tarek_almeghallawy]

اصلي حسيت اني اتظلمت في موضوع الجزمه ده ومحدش فهمني

على أي حال....

ما أسعد من باتا مظلوما ولا باتش ظالم :)

تحياتي

<{POST_SNAPBACK}>

الحمدلله

الحاج زهيري انشغل بقافية الجزمة

وبطل يغني

ربنا يكرمك يا حبوب

[MZohairy]

طارق!!! :)

هااا

يامعلي راية الحريـــــ....

أكمل؟

محدش يا جماعه يستفزني الله يخليكوا

ولو محدش استفزني أنا أجزم ...بأني مش ححطلكم أغاني تاني B)

[shazly]

حلوة :)

[مصرية الهوى]

طيب البديل الصحيح ... وحتى نتجنب الأمور التي يشوبها شك شرعي أو نقائص شرعية مع وجود مشكلة أو معضلة اجتماعية تحتاج إلى الحل وحرصاً على استقرار الأخلاق في المجتمع،  يجب أن نعيد النظر جميعاً رجالاً ونساءً وأولياء أمور في قبول قضية تعدد الزوجات بشكل رسمي ومعلن وتعرف الزوجة وتوافق عليه أيضاً برضاها حتى ولو كان شيئاً صعباً على النفس ، لكن به تحل مشاكل كثير ... (والله ما حد يقول الكلام ده لأم يوسف أحسن تكون وقعتنا مطينة بطين B) )

<{POST_SNAPBACK}>

تفضلي يا أم يوسف .. تفضلي غطا الحلة ياختشي ..

والا عايزه المغرفة أحسن ..

mfb: :angry:

ناس متجيش الا بغطيان الحلل

:)

[الرافعي]

طيب البديل الصحيح ... وحتى نتجنب الأمور التي يشوبها شك شرعي أو نقائص شرعية مع وجود مشكلة أو معضلة اجتماعية تحتاج إلى الحل وحرصاً على استقرار الأخلاق في المجتمع،  يجب أن نعيد النظر جميعاً رجالاً ونساءً وأولياء أمور في قبول قضية تعدد الزوجات بشكل رسمي ومعلن وتعرف الزوجة وتوافق عليه أيضاً برضاها حتى ولو كان شيئاً صعباً على النفس ، لكن به تحل مشاكل كثير ... (والله ما حد يقول الكلام ده لأم يوسف أحسن تكون وقعتنا مطينة بطين mfb: )

<{POST_SNAPBACK}>

تفضلي يا أم يوسف .. تفضلي غطا الحلة ياختشي ..

والا عايزه المغرفة أحسن ..

mfb: mfb:

ناس متجيش الا بغطيان الحلل

:blink:

<{POST_SNAPBACK}>

هما كده الرجالة يا جيجي يا اختشي ، ما بناخدش منهم غير حلاقة الدقن :P

ولما الواحد يشم نفسه، ويروح الخليج ويحوش له قرشين ، يبتدي يتكلم عن امراض المجتمع، وإنه هايضحي عشان يفتح بيوت للمسلمين ...

آه منكم يا رجالة آه mfb:

[نوران]

للرفع

موضوع ظريف

قلت بلاش اضحك لوحدي