اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
عادل أبوزيد

أيوة عندنا مشاكل

Recommended Posts

عندنا أزمة كبيرة فى العملة الصعبة ؟ 
= أيوة عندنا 
- عندنا مشاكل اقتصادية حادة ؟ 
= أيوة عندنا ؟ 
- عندنا مشاكل مزمنة فى التعليم والصحة ؟ 
= يوووووه - بالهبل .
- عندنا أزمة فساد فى الذمم والنفوس ؟
= بالعبيط ،، إلا من رحم ربى 
- عندنا غلاء فى الأسعار وتجار جشعين بتتلاعب بقوت الناس ؟
= حدث ولا حرج .
- ولادك بيروحوا النادى كل يوم ؟ 
= أيوة 
- صيفت السنة دى ؟
= أيوة ،،
- بتنزل تسهر للفجر مع صحابك عادى ؟
= أيوة
- طب عندك لا قدر الله جيش منقسم ومنشق ؟
= الحمد لله لأ .
- جزء من بلادك محتل ؟
= الحمد لله برضو لأ 
- عندك قواعد عسكرية بتنتهك سيادتك على أرضك ؟
= الحمد لله رب العالمين ، مفيش .
- سبت بيتك ووطنك وقاعد فى مخيم على حدود أى بلد مستنى طبارة ترمى لك رغيف ؟
= الحمد لله محصلش .
- حد من معارفك اتدبح والدواعش لعبوا الكورة براسه قدام الكاميرات ؟
= اللهم احفظنا لأ محصلش 
- جه شهر عليك مقبضتش ؟
= لأ 
- ولادك ، مدارسهم وجامعاتهم إتعطلت والسنة الدراسية اتلغت ؟ 
= لأ
- عندك فتنة طائفية بتحصد كل يوم مئات من دول ودول ؟
= لله الحمد والشكر لأ .
- عندك أزمة كهربا فى صيف خانق الحرارة فيه وصلت لأرقام قياسية ؟
= لأ
- نمت يوم من غير عشا ؟
= الحمد لله مستورة 
** يبئا الخلاصة : 
- أيوا  بلدك بتعانى ، وبتمر بظروف صعبة ، ودى مش أول ولا آخر مرة فى تاريخ الدول 
- لكنها بفضل الله متماسكة كهيكل عام للدولة وغير منهارة  
- يعنى بالبلدى مش أشلاء دولة 
- وده كافى بإذن الله إنها تقوم وتتعافى 
- وإوعى تنسى أبدا إن ربنا دايما فى المعادلة مهما أعيتنا السبل 
لو الدولاد بقي ب100 جنيه برضه بنحبها وهنعيش فيها...وزي ماتكون هنحبها
إدعوا لمصر

شارك هذه المشاركه


رابط المشاركه
شارك

مستحيل أن يغير السيسي أو غيره طبيعة الحياة ومعيشة الإنسان طالما شاء الله أن تكون حقيقة خلق الإنسان  في تعب ومشقة 

"  لقد خلقنا الْإِنْسَانَ فِي كبد  " 

وقديما قال الشاعر 

إذا أنت لم تشرب مرارا على القذى ... ظمئت وأي الناس تصفو مشاربه 

 فإذا كانوا يريدون من الرئيس أو الحكومة أن يغيرا لهم طبيعة الحياة أو عاملينها مسمار جحا فخليهم يتسلوا بحق وحقيقي

شارك هذه المشاركه


رابط المشاركه
شارك

العالم كله فيه مشاكل 

بس الطبيعي ان الناس تفكر في حل مشاكلها ، سواء الحلول ده تيجي من الحكومة او المواطنين او الجن الازرق ، المهم نطرح المشاكل ونوجد لها حلول

انما الاستمرار على مبدأ ليس بالامكان افضل مما كان ، يبقى ده شئ ثاني 

ويبقى كل معترض لاسلوب العمل يعتبر خائن وعميل 

ومطلوب من المواطن القضاء ع الاحتكار ومعاقبة المحتكرين والجشعين والمواطن هو اللي يتصرف ف انفلات الاسعار والمواطن هو اللي مسئول عن حل هذه الازمات بالتكافل الاجتماعي او بالحب 

يبقى ع بركة الله كل المشاكل هتتحل 

تم تعديل بواسطة herohero

شارك هذه المشاركه


رابط المشاركه
شارك

‎الأمر لا يعني بأي حال أن نترك الأمور في أعنتها سواء بدعوى إنها قدر الله أو أن المشاكل ستحل وحدها بالحب  .. إلخ
‎ما سبق كان إستهلالا لابد منه
‎أذكر عبارة لأحد رؤسائي  من ٤٠ سنة  don't say problems it is in reality opprtunities تتميز مصر و أقول عامدا تتميز بأن في كل ركن منها إمكانية عمل ما و إنجاز ما
‎مثل قديم و نعرفه جميعا من زمان  "اللي ما بيشتغلش ما بيغلطش" و أظنها بديهية ، هناك على الساحة علامات إيجابية  مثل مواجهة مسألة التوريد الوهمي للقمح - رغم أني قرأت الآن  في جريدة المصري اليوم أنه لم يحدث تغيير في آلية توريد القمح.
‎محتمل جدا أن ما تقوم به الدولة الآن  من إنجازات - أو إفتكاسات في رأي البعض - ممكن يتم عملها بطريقة أحسن أو أن هناك بدائل أحسن.
‎لكن الواقع  أننا نتحرك

 

شارك هذه المشاركه


رابط المشاركه
شارك
7 ساعات مضت, عادل أبوزيد said:

‎الأمر لا يعني بأي حال أن نترك الأمور في أعنتها سواء بدعوى إنها قدر الله أو أن المشاكل ستحل وحدها بالحب  .. إلخ
‎ما سبق كان إستهلالا لابد منه
‎أذكر عبارة لأحد رؤسائي  من ٤٠ سنة  don't say problems it is in reality opprtunities تتميز مصر و أقول عامدا تتميز بأن في كل ركن منها إمكانية عمل ما و إنجاز ما
‎مثل قديم و نعرفه جميعا من زمان  "اللي ما بيشتغلش ما بيغلطش" و أظنها بديهية ، هناك على الساحة علامات إيجابية  مثل مواجهة مسألة التوريد الوهمي للقمح - رغم أني قرأت الآن  في جريدة المصري اليوم أنه لم يحدث تغيير في آلية توريد القمح.
‎محتمل جدا أن ما تقوم به الدولة الآن  من إنجازات - أو إفتكاسات في رأي البعض - ممكن يتم عملها بطريقة أحسن أو أن هناك بدائل أحسن.
‎لكن الواقع  أننا نتحرك

 

المشكلة يا أستاذ عادل إن فيه ناس مش قادرة أو مش عاوزة تفهم 
أو يمكن عاملين نفسهم مش فاهمين 
ده غير ان فيه ناس تكتكاوية بطبعها .. يادوب هو ده مقاسهم 
ما ينفعش تتكلم معاه عن أن ما يحدث الآن هو اقتحام (شغل عسكر بقى)
نعم اقتحام لمشاكل جَبُن كل الرؤساء السابقون عن الاقتراب منها 
إما رئاء ومصانعة وسعى إلى شعبية زائفة .. أو خوفا على الكرسى
حاول السادات - بروح اكتوبر - عبور الحاجز فى يناير 1977
لكن طلع عليه الحنجوريون فى 18 و 19 يناير وفشلت محاولة الاقتحام 
فتحول إلى حل آخر فى آخر العام بمبادرة زيارة القدس
Image result for ‫صورة مانشيتات انتفاضة الحرامية 18 و 19 يناير‬‎
لا تلم رجل الشارع البسيط عندما يقول إن الأسعار ارتفعت 
ولكن اللوم كل اللوم على من يدَّعون الفهم
الذين لا يريدون فهم أن ما يجرى هو محاولة للاقتراب من الأسعار الحقيقية
السعر الحقيقى للعملة (العائق الأكبر أمام تدفق الاستثمارات) 
السعر الحقيقى لرغيف الخبز
(اللى معاه آلة حاسبة يشوف 5 قروش يعنى كام سنت)
وبعدين يسأل نفسه فين ده فى جميع أنحاء العالم 
السعر الحقيقى للتر البنزين
بدون الأسعار الحقيقية هتفضل تسأل عن حلول مشاكل الصحة والتعليم
وكل المشاكل التى نعانى منها
إذا كان هناك من يريد أن يفهم .. فما عليه سوى البحث عما يساعده على الفهم
بدلا من اللجوء إلى أساليب رخيصة عفى عليها الزمن للجدل و "المناقرة"
مثلا مثلا يعنى .. كلام هذا الرجل .. فى مقابل كلام سائق التوك توك
والخيار لكل ذى عقل .. وعلى رأى ابويا الله يرحمه "صاحب العقل يميز"

https://www.youtube.com/watch?v=3ovbPlpFK14

شارك هذه المشاركه


رابط المشاركه
شارك

وصلتنى هذه الرسالة أمس من البنك

اقتباس

عميلنا العزيز ..
لإتاحة استخدام بطاقتكم خارج مصر يرجى التوجه لأقرب فرع قبل السفر بيومين عمل على الاقللتقديم مستندات السفردات السفر

إيه بقى الحكاية ؟ .. أنا أقولك إيه الحكاية 
إقرا الأول الخبر ده 

 

 

اقتباس

مسئول بـ”المركزى”: 8 مليارات دولار حجم التلاعبات عبر البطاقات البنكية فى الخارج

كشف مسئول بالبنك المركزى أن قيمة التلاعبات المرصودة باستخدامات البطاقات البنكية بأنواعها خارج مصر 8 مليارات دولار حاليا.
وأضاف أن البنك المركزى اكتشف تلك التجاوزات من خلال أرصدة السحوبات المبالغ فى قيمتها عبر بطاقات البطاقات خارج مصر، وأبرزها سحب 1.2 مليار دولار من 100 بطاقة فى دولة الامارات خلال 6 شهور فقط وهو ما أثار انتباه مسئولى البنوك.
وأشار إلى أن أحد البنوك رصد قيام احد تجار المجوهرات بشراء مشغولات ذهبية بقيمة تتراوح بين 35 و50 مليون دولار وهو ما تكرر بشكل دورى كل ثلاثة شهور، اضافة الى سحوبات دولارية كبيرة خارج مصر لتجار جملة فى قطاعات وشركات كبرى وفى اوقات قصيرة.
وأوضح المسئول انه يتم تسوية المعاملات بالأسعار الرسمية للدولار بين البنك المصدر للبطاقة والحساب البنكى للتاجر، وهو ما يمثل ضغطًا على الموارد الدولارية للبنوك فى ظل تراجع التدفقات النقدية بالعملات الأجنبية لمصر مؤخرًا.
وشهدت الشهور الماضية موجة من التخفيضات للبنوك على حدود استخدام بطاقاتها فى الخارج أو إيقاف استخدام بعض انواع بطاقاتها، وهو ما تكرر فى البنك الواحد عدة مرات، بهدف مواجهة تلك التلاعبات وتضييق الخناق على عمليات تهريب العملة للخارج.
واشار المسئول الى ان حدود استخدام البطاقات فى الخارج باتت مراقبة ومتابعة بشكل دورى الشهور الماضية، من قبل البنوك وفى حالة إساءة الاستخدام، يتم مراجعة العميل أو إيقاف البطاقات نهائيا وهو ما خاطب المركزى به البنوك منذ شهرين.
ووفقا لنشرة البنك المركزى انخفض عدد بطاقات الخصم بالجهاز المصرفى المصرى فى عدد 38 بنكًا إلى 15.8 مليون بطاقة بنهاية ديسمبر 2015، مقارنة بـ16.2 مليون بطاقة بنهاية يونيو 2015، بانخفاض قدره نحو 400 ألف بطاقة، خلال 6 أشهر، كما ارتفع عدد بطاقات الائتمان إلى 2.814 مليون بطاقة بنهاية ديسمبر 2015، مقارنة بـ2.575 مليون بطاقة بنهاية يونيو 2015، بزيادة قدرها أكثر من 239 ألف بطاقة، خلال 6 أشهر

 

 

شارك هذه المشاركه


رابط المشاركه
شارك

قريت الخبر ؟ 
إقرا بقى التعقيب ده اللى نقلته من صفحة أحد الأصدقاء على الفيس بوك

 

اقتباس

انتشر فى الأيام الماضية خبر سحب (مليار و200 مليون دولار) من حوالى (100 بطاقة ائتمان) مصرية من خارج مصر (من داخل دولة الإمارات فقط) وبإجمالى (8 مليار دولار) من جميع دول العالم .. ومكتوب إن الكلام ده حصل فى خلال الست شهور اللى فاتوا بس 

وعشان نفسر يعنى إيه أول 3 سطور فى البوست ده .. لازم الأول نعرف حاجة مهمة جدا .. إن طول ما فيه فرق بين بين سعر الدولار فى البنوك المصرية (8.8) وسعر الدولار فى السوق السودة (15 جنيه) .. طول ما الحرامى الصغير اللى عايش جوه قلب وروح كل انسان مصرى فينا ما هيطلع ويبدأ يسترزق

طب هو إيه اللى حصل بالظبط ... وهل الموضوع ده صحيح ولا إشاعة ؟ 

بالعقل كده وقبل ما نستنى تكذيب البنك المركزى .. موضوع الـ 100 كريدت كارت ده إشاعة لسبب بسيط وهو إن فيه حاجة كلنا عارفينها اسمها حد السحب الائتمانى .. ولو قسمنا المبلغ ده على الـ 100 كريدت كارت هيطلعلنا إن كل كارت سحب كل شهر مبلغ (2 مليون دولار) كاش من ماكينة السحب اللى فى الشارع فى أى دولة أوروبية ... وده برضه معناه إن الشخص هيقف عالمكنة ويطلع الكريدت كارد ويسحب كل يوم (70 ألف دولار) .. وده مستحيل ... فبالفطرة كده خبر الـ 100 كارت غلط 

نيجى بقى للأرقام :
أولا .. عدد الكريدت كارد فى مصر 4 مليون كارت .. عدد كروت الخصم 13 مليون كارت  .. والنوعين دول من الكروت هما اللى تقدر تسحب بيهم من أى دولة فى العالم 
سنة 2015 المبالغ اللى تم سحبها بالكريدت كارد (المصرى) من جميع دول العالم (مليار و800 مليون دولار) ..
لكن فى أول 6 شهور من 2016  المبالغ اللى تم سحبها بالكريدت كارد (المصرى) من جميع دول العالم (2 مليار ونص) .. يعنى تقريبا كده السنة دى هتقفل سحوبات على (5 مليار دولار) بدل ما ما كانت (1 مليار و800 مليون دولار)

يبقى تصحيح الخبر إن الرقم (2 مليار ونص) فى الست شهور اللى فاتوا مش (8 مليار دولار) زى الخبر ما بيقول .. طيب هل ده خبر كويس ؟ .. أكيد طبعا خبر زى الزفت لأن الخبر ده معناه ان فى حاجه حصلت ولسه بتحصل من ورا البنك المركزى وهو اتفاجئ بيها طب الفلوس دى تبقى اتسحبت ازاى ؟؟؟؟؟
هقولك ازاى بس محدش يعمل كده
روح بكره الصبح اى (بنك مصرى) .. حط اى مبلغ بالجنيه المصرى (وديعه) .. ولنفرض مثلا حط (88 الف جنيه) ... وطبعا لما هتحط المبلغ هيدولك (كريدت كارد) عشان تسحب بيها (كاش) من اى مكنه او تشترى بيها اى مشتريات .. تمام ؟؟؟ حطتهم ؟؟
ادخل عالفيسبوك وكلم اى حد من اصحابك اللى عايشين بره مصر (يُفضل اوروبا) ... حد تثق فيه ... زى (اخوك)مثلا .. خليه يبعتلك (عنوانه) .. خد (الكريدت كارد بتاعك) .. وانزل على DHL وابعتله (الكريدت كارد) على عنوانه ... اول لما توصله الماستر كارد بتاعتك ... كلمه و ابعتله (الباسورد) بتاعها عشان يقدر يستخدمها ... وخليه ينزل يقف على اى مكنه ... و قوله يسحبلك (10 الاف دولار) ... يسحبهوملك بقه فى يوم او يومين او تلاته او شهر على حسب حد السحب بتاعه ... و على حسب الدوله اللى هو فيها بتسمح بكام فاليوم

كده يبقى هو سحبلك الـ (88 الف جنيه) اللى انت حاططهم وديعه فى مصر

ولان البنوك بتتعامل طبعا بالسعر الرسمى فى اى حته فالعالم ... فهتتحاسب بالدولاربـ 8.8 جنيه

كده اخوك معاه (10 الاف دولار) ... خليه بقه يبعتهوملك مع اى حد نازل مصر ... ويدخل المطار عادى خالص ويقول للامن (ديكلراشن) وهو داخل ويثبتهم كمان عالباسور انه داخل بـ 10 الاف دولار ... قابله فى مطار القاهره ... وخد منه الـ 10 الاف دولار ... واطلع على اقرب مكتب صرافه حول الدولار بـ  15 جنيه

مبروك ... كده انت معاك 150 الف جنيه مصرى 

ادى لصاحب اخوك 5 تلاف جنيه قهوته

وروح لمراة اخوك ادلها 5 تلاف جنيه واوعى تقولها ان ده نصيب جوزك من عمليه التهريب

وخد ال 140 الف جنيه واطلع عالبنك ... روح اتنطط عليهم و سدد ال 88 الف جنيه (كاش) للفيزا بتاعتك ... وادفع حوالى الفين جنيه فوايد ... ومبروك عليك ال (50 الف جنيه) المكسب اللى كسبتهم من الهوا 

طبعا لو انت انسان غبى وساذج هتفرح بالفلوس دى و هتجرى على البيت

لكن الانسان الذكى بقه هو اللى هياخد الكريدت كارد بتاعته ٠٠٠ ويطلع تانى على مكتب ال (DHL) و يبعتها لاخوه تانى عالدوله الاوروبيه ... و بعد يومين يروح مطار القاهره ويستقبل صاحب اخوه الجديد اللى نازل مصر اجازه 

طب بذمتكم ...  هو ده ينفع يحصل فى دوله بتحاول تقف على رجلها ؟؟؟

زى لما كنا ديماً بنقول ان :

الفراغ التشريعى فى القوانين بيخلق انواع كتيره من الجرايم المقننه 

برضه بنقول ان :

الفجوه اللى بين (السعر الرسمى للدولار) و بين (سعر السوق السودا)

الفجوه ده لازم هتخلينا نسرق 

الشيطان شاطر 

والمال السايب يعلم السرقه 

عشان كده (اتخلق) الفتره اللى فاتت وظيفه جديده غير رسميه ... وظيفه اسمها (سماسره الكريدت كارد) ... وده طبعا لان فى ناس (مبسوطين ماديا) شويتين ... ومعاهم شويه (رجال اعمال) مليونيرات ... بقوا يدوا الكريدت كارد بتاعتهم لسماسره الكريدت كارد ... والسماسره دول بيسفروا ناس مخصوص لدول عربيه و اوروبيه مختلفه ... ويسحبوا الفلوس من كذا مكنه فى خلال عده ايام ... ويدخلوا الدولارات مصر عادى خالص بصوره رسميه ... والسمسار ياخد نسبته ويوزع جزء منها على )الموصلاتيه) اللى شغالين معاه ... ويدى للراجل فلوسه بالمكسب مخصوم منها تمن تذكره السفر ذهاب وعوده

طبعا فى ناس هتقول طب ما كده مصر خسرت ايه ؟ ماهو الدولارات طلعت من مكنه سحب فى دوله اوروبيه

الجواب :

ماهو البنك الاوروبى ده بييجى كل اخر شهر يبعت للبنك المصرى اللى عامل الكريدت كارد للمواطن الحرامى ده ... ولنفرض انه مثلا (بنك مصر) ... ويقوله : عندك مواطن اسمه كذا كذا سحب من عندنا كاش (10 الاف دولار) ومواطن كذا كذا اشترى ب 20 الف دولار مشتريات من محلات كذا وكذا او اقام فى فندق كذا لمده اسبوع ... وكله بالفواتير ... يروح بنك مصر زى الشاطر باعت للبنك الاوروبى ال 10 الاف دولار من (رصيد الدولارات) اللى عنده ... ولو مش معاه دولارات ... بيبعت يشتريهم من البنك المركزى المصرى ب (8.8 جنيه) ... ولو البنك المركزى مش معاه (سيوله دولاريه) من رصيد الشهر اللى بيجيله من (قناه السويس) ومن (السياحه) ومن (التصدير) ... يبقى لازم هيمد ايده على (الاحتياطى النقدى) ... لانه لازم يدفعهم فى ميعادهم لان دى من ضمن بند الالتزامات الواجبه على الدوله متنفعش تفاصل فيها او حتى تتاخر فى مواعيدها زيها زى فوائد القروض وسندات الخرانه العامه 

المهم

يقوم بنك مصر واخد الدولارات دى من البنك المركزى و محولهم للدوله الاوروبيه ... وطبعا مش بيحول 10 الاف دولار بس .... لاء ده بيحولهم 10 الاف وكسور لان دى خدمه بنكيه وبيدفعلها مقابل بنكى بياخده (البنك الاوروبى) و (شركه الماستر كارد) او (الفيزا كارد) ... يعنى من الاخر الدولارات دى بتطلع من (مصر) ومن (الموازنه العامه للدوله) الموازنه العامه للدوله اللى هى اصلا (بنلم ايرادتها) مننا احنا كشعب :

من الضرايب ومن فواتير الكهربا والغاز والمياه ..............

يعنى اللى عمل كده مسرقش الدوله بس ...

لاء ده سرق (92 مليون مواطن مصرى) ... 

طب عشان نتغلب ع (الثغره) دى نعمل ايه ؟؟؟؟

اولا :

لازم نوضح ان تقريبا كده البنك المركزى المصرى اتفاجئ باللى حصل ده ... واتفاجئ كمان بالمبلغ اللى مطلوب منه من الدول الاوربيه فالشهور السته الاخيره ... ويكفى ان احنا نقول ان (الارقام الرسميه) لـ (بنك مصر) بتقول الاتى :

اولا: سنه 2015 كامله :

اتسحب من الكريدت كارد بتاع بنك مصر مبلغ : (52 مليون دولار) :

وده رقم كويس جدا و طبيعى ومفهوش لعب ... وده طبعاً لان ف 2015 الدولار كان فالبنك ب (7.7 جنيه) وفالسوق السودا ب (9) جنيه ... فباب السرقه كان مقفول او متوارب 

ثانيا : سنه (2016

اول (ست شهور) بس :

اتسحب بالكريدت كارد من بنك مصر بس (300مليون دولار)

ولان الفجوه بين السعر الرسمى وسعر السوق السودا بتزيد ... ولان فُجر الحراميه بيزيد فالموضوع بيزيد مش بيقل

والارقام الرسميه لبنك مصر بتقول ان (اخر كام يوم فاتوا) بس اتسحب فيهم من حساب بنك مصر فالدول الاوروبيه مبلغ (10مليون دولار)

يعنى لو استمرينا على كده ... هنقفل السنه على مسحوبات قيمتها تتخطى ال (نص مليار دولار) من بنك مصر بس ... وده عشر اضعاف مسحوبات السنه اللى فاتت ... ود برضه قيمه (قرض بنك التنميه الافريقى) اللى مصر مضت عليه وهتستلمه فى خلال ايام

يعنى كان ممكن مناخدش القرض ده ؟؟؟ ... اه طبعا ... لو كنا قدرنا نوقف التعامل بالكريدت كارد من خارج مصر ...

او عالاقل نحط قيود تمنع السحب العشوائى والمتكرر 

جايز البنك المركزى كان بيتعامل مع الشعب بحسن نيه 

او جايز تفكيره مقدرش يسبق تفكير السماسره دول وخصوصا ان الفجوه الدولاريه بين السعر الرسمى والسوق السودا دى اول مره تحصل فى تاريخ مصر فالخبره لمواجهتها (صفر) ... وعشان كده الحراميه دول استغلوا الثغرات دى احسن استغلال ... وواضح ان الدوله للاسف اتفاجئت بالفواتير العاليه اللى جتلها 

الحل دلوقتى حاجه من تلات حلول :

(اولا) :

تعويم الجنيه (وده هيقضى على 100%‏ من الظاهره دى) ... لان السعر فالبنك هيبقى زى السوق السودا 

فلو سحبت 10 الاف دولار من المانيا ب 150 الف جنيه (سعر الدولار 15 جنيه فالبنك مثلا) ... هتنزل مصر وتروح السوق السودا هتلاقيه برضه بـ (15 جنيه) وممكن تلاقيه بـ 14 ونص كمان فهتستنى لحد ميبقى باكتر من 15 جنيه ... وكل يوم بيعدى عليك (الفوايد) فالبنك عليك هتزيد ... فغالبا هتطلع خسران ... او عالاقل هتاخد فلوسك بالعافيه وتبقى تعبت نفسك وعرضت ناس للخطر بدون اى مقابل ٠٠٠

الحل التانى :

ثانيا :

خفض (قيمه الجنيه) لمستوى قريب من سعر السوق السودا (15 جنيه) ... وده هيقضى على اكتر من(80%) من الظاهره دى ... لان الراجل اللى (معاه الكريدت كارد) هيلاقى ان الموضوع مش مربح للدرجه اللى تخليه يجازف بـ (باسوورده) لحد غريب (زى سنه 2015 كده بالظبط) ... و(اخو) اللى معاه الكريدت كارد هيخاف يجازف بـ (اقامته فالدوله الاوروبيه) لان طبعا تواريخ السحب بتبقى مثبته ... وطبعا برضه الطرد بتاع الـ DHL مثبت فيه ان المقيم ده جاله من اخوه فى مصر يوم كذا الساعه كذا الكريدت كارد ... فلو الموضوع كبر ... واتفتح تحقيق رسمى الراجل ده هيتنفخ وهيترحل ... فهيخاف يجازف ... 

(ثالت حل) :

وده اللى تم اتخاذه (انهارده) من جانب (البنك المركزى المصرى) ... عشان نقضى على سماسره الماستر كارد ... 

القرارين اللى تم اتخاذهم انهارده من جانب (البنك المركزى المصرى) هم :

اولا:

خفض حد السحب الائتمانى (خارج مصر) للبنوك التاليه :

البنك الاهلى ... بنك مصر ... العربى الافريقى ... QNB ... HSBC ... بنك الاسكندريه ... ABC ... القاهره ... الاسكندريه ... CIB ... باركليز 

مثال : اللى معاه كريدت كارت بنك مصر وكان بيشترى بـ 10 الاف دولار ... بقوا 4 الاف دولار بس ... واللى بطاقتها كانت بتشترى بـ 4 الاف دولار ... بقوا الفين دولار بس 

ثانيا :

وقف سحب الدولارات من اى دوله فالعالم خارج مصر :

الا بعد تقديم (تأشيره السفر) لبنك مصر 

يعنى على حسب كلام البنك المركزى ان انهارده كل الكريدت كارد اتعمل عليها بلوك كاش خارج مصر ...

ولو حضرتك نويت انك هتسافر بره مصر اسبوع ... يبقى لازم تجيب (التاشيره) وتيجى الاول لـ (بنك مصر)

وتقوله انا مسافر تركيا لمده اسبوع وادى التاشيره ... فطبعا موظف البنك هيراجع العمليات البنكيه بتاعتك عالشاشه قدامه ... ولو لقاك فعلا راجل محترم ... هيفك البلوك عن الماستر كارد بتاعك انت بس ... وتقدر تستخدمها اول لما تسافر عادى خالص ... لكن لو لقى الماستر كارد بتاعك ساحب مثلا يوم (10 مايو) اللى فات مبلغ (10 الاف دولار) من المانيا ... هيبص عالباسبور ... لو ملقاش التاشيره لالمانيا فالفتره دى ... يبقى حضرتك مكنتش اليوم ده فالمانيا ...  وطبعا كنت مديها لحد تعرفه يسحبلك منها عشان تتاجر فالعمله ... فهيعتبر انك كده بتسئ استخدام الماستر كارد ... واكيد الماستر كارد بتاعتك هتتوقف ..... 

والله اعلم هل القانون يسمح بمحاسبه واحد زى ده ولا لاء ؟؟؟ 

متهيئلى عندنا فراغ تشريعى فالنقطه دى ... والراجل هيتعاقب بوقف الماستر كارد بس ... انما هيروح على بيته عادى خالص وهيستمتع بحياته ... لان العقد شريعه المتعاقدين ... وهو شغل مخه و استغل ثغره فالعقد ..... 

وثغره اكبر فالقوانين ..... 

شارك هذه المشاركه


رابط المشاركه
شارك
6 hours ago, أبو محمد said:

وصلتنى هذه الرسالة أمس من البنك

إيه بقى الحكاية ؟ .. أنا أقولك إيه الحكاية 
إقرا الأول الخبر ده 

 

 

 

استاذ أبو محمد ده لعبه اتلعبت وناس كثير كسبوا منها مئات الالوف 

وع فكرة معظمهم ان لم يكن جميعهم من عباد نظام السيسي بس وقت الفلوس بتعمى النفوس 

استاذي كلنا بنبوس الايادي عشان يبقى سعر الصرف الرسمي طبيعي ووواقعي عشان نقضى ع السوق السوداء ولكن هناك اصرار ع عدم فعل ذلك ؟؟

وده شئ من ضمن اشياء كثيرة لو تم علاجها بحكمة وبسرعه هتخلي اقتصادنا يقف ع رجليه 

وماتجيش ف الاخر تقول ليا هتيجي استثمارات وان اللي ف الخارج يحولوا فلوسهم في البنوك وان روح الوطنية لازم تبقى هي الفيصل

لان بصراحه حاولت وتألمت 

لان بكل بساطة عن تجربة شخصية اشتريت سلعة بالبطاقة الائتمانية السعودية في مصر بقيمة 1300 جنيه حسب الريال السعودي ب2,30 !!!!

يعني كم = 565 ريال

مع ان ال565 = 1865 جنيه 

ياترى انا لو مستثمر بملايين ينفع الكلام ده ؟؟

ارجوك بلاش تتبع اسلوب عمرو اديب ابو مرتب 12 مليون وعمولة اعلانانت 15% ويجي يقول ليا الوطنية تقتضي

لان الوطنية تقتضي ان الدولة تضع حل لهذه المهزلة 

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...