الصلاة فى الصفوف الخلفيه.؟؟؟؟؟؟؟؟؟؟؟

[المسروق]

أولا كل عام والجميع بخير بمناسبه العيد اعاده الله علينا باليمن والبركات

جرت العاده على ان يحجز الصف الاول للسيد ريئس الجمهوريه والحاشيه فى اى صلاة وحتى بالصلاه على النبى

لكن اللى حصل فى شرم الشيخ اليوم شئ غريب انا شفت الريس وكل البشر اللى جنبه اللى ليهم لازمه واللى ملهومش لازمه لابدين ورا

هو ايه العبارة؟؟؟؟؟؟؟؟؟؟؟؟؟؟؟؟؟؟؟

تم تعديل 10 يناير 2006 بواسطة المسروق

[khedr]

هم ورا من زمااااااااااااااااااااااااااااان

[se_ Elsyed]

ده يمكن سادس عيد الريس والبلاط السلطاني يصلوه في شرم الشيخ ... على اساس يبقوا هناك بعيد عن زحمة القاهرة ودوشتها , فهوا الشرم يرد الروح وبيقولك كمان البمب والمراجيح بيبقى لهم طعم تاني هناك ... بس اللي نفسي اعرفه بقى : خرفان شرم الشيخ زي خرفاننا كده ؟ ولا خرفانهم بتلبس بكيني وتوبليس على اساس يعني مجاراة الاجواء اللي هناك ؟ :unsure:

اما لماذا يجلس الرئيس في الصفوف الخلفية في صلاة العيد ؟ فالاجابة بسيطة : ( لكي يحمي المؤخرة )

اوعدنا يارب وتتكتب لنا صلاة فى الشرم مع الاكابر

ولبيك اللهم لبيك

[se_ Elsyed]

بس بجد بقى

بيصعب عليه منظر الوزراء وهم متشحططين ورا الراجل الكبير وسايبين بيوتهم وبدل كل واحد ما يعيد مع عياله ومراته ويشتري لهم اللحمه الملوكي .. يروح واخد بعضه تنفيذاً للاوامر ورايح يعيد في اخر بلاد المسلمين

بس كله يهون لاجل الكرسي

وعلى رأي المثل اللي بيقول ( لاجل الكرسي ... فرط في كرامتك واستحمل يا مرسي )

[Proud Muslim]

يا جماعة بلاش تشدد الله يكرمكم .. لطالما كان الرجل من رواد الصف الأول و من السابقين السابقين ..

الراجل كان عايز يسند ظهره علشان يركز في الخطبة بتاعت مولانا الامام الأكبر شيخ الاسلام لا فض فوه ..

يعني مش مشكلة .. بلاش تشدد و تبقوا حنابلة :unsure:

[khedr]

هو الكبير مش كان عامل عمليه في ظهره في المانيا

طيب ..ليه سوء الظن يا جماعه. ..الدكتور قال له ادي ضهرك للترعه..sorry

ادي ضهرك للحيطه( الحيطه والحذر)....

واهوكله حيطه