تغيير عناوين الموضوعات

[عصام]

حد عاوز أيس كريم ؟ 

معايا 3 زيادة

<{POST_SNAPBACK}>

واحدة لو سمحت .. :unsure:

[وليد صفوت]

لا حول و لا قوة إلا بالله !

أقول صلوا على النبى يقولوى مش مصليين !

أقول هدوا نفسكوا... مافيش فايدة برضو .

طيب يا استاذ مفروس ( مش عارف مفروس من المحاورات و لا مفروس من المشرفين ... ماعلينا ) شوف :

أولا الوقت و الجهد المبذول فى تعديل عنوان موضوع لا يقارن أبداً بالتعب و الجهد ( ووجع الدماغ ) المبذولين فى إرسال رسالة خاصة للعضو ( كاتب ) الموضوع ( و ليس صاحبه ) , بأنه يعدل العنوان بنفسه .

فلما أضغط انا كمشرف على إختيار ( تحرير ) و أحرر العنوان بنفسى , سيكون اقل وقتاً و جهداً ( طبعاً مع العلم بأن هذا من حقى كمشرف ) من أن أضيع وقتى ووقت العضو فى مناقشات سفسطائية عبر الرسائل الخاصة من عينة :

المشرف :- من فضلك غير العنوان لأنه لا يتناسب مع الموضوع .

العضو :- ليه ؟ انا شايف انه يتناسب !

المشرف :- يا استاذى لا يتناسب عشان ...................... ( ملحوظة : راجع أول الموضوع ! )

العضو :- بس انا صاحب الموضوع و انا شايف ان العنوان بتاعى يعبر أكتر عن المحتوى !

المشرف :- يا استاذى لا يعبر لأنك لم تكتب أى كلمة فى العنوان تعبر عن الموضوع !

العضو :- و لماذا تريدنى انا فقط ان اغير العنوان ؟ عندك العضو فلان كتب عنوان لا يتوافق مع موضوعه ! و العضوة علانة فعلت نفس الشيئ ! لماذا انا ؟ انتوا مستنصدنى و لا اييييييه ؟؟؟

و لكم ان تتخيلوا الوقت الذى يضيع فى مثل هذة الرسائل ( على فكرة ما قلته ليس إلا واقعاً و حدث بالفعل ! )

الوقت الذى يضيع من العضو و منى أفضل لنا نحن الإثنين ان نبذله فى الإستفادة من الموضوعات ... و ترك تلك الأمور الإدارية للإدارة فهى منتقاه جيداً و تعرف كيف تدير الموقع ....

و سبق و ان كتبت شروط الكتابة , و مع ذلك لا يعترف بها و كأن العضو لم يقرأها قبل ذلك !

ما علينا .....

[وليد صفوت]

معلهش  واحنا هنا بالمره وفي الزيطه....

انا فيه علامه لونها ازرق من ساعه ما دخلت المحاورات وهية جنب اسمي ايه هي دي ...

بصراحه تخوف .......

.لكن اهل الدرايه قالوا ليه لا دي يعني متوصي عليك

واللي قالي دي وحمه...

واللي قاللي ان دي علامه الكابتن زي حازم امام

واللي قالي..دي قدامك سكه سفر بس مش خضره لا  زرقه

واللي فاللي ده يومك...(يومك ازرق)

واللي مقالش وسابني ومشي..

والنبي ايه هي واشمعني انا من المنتدي كله

اروح للدكتور اكشف والا تعدي علي خير ....

دكتوره صفاء والا بلاش انت  لحسن...السونار يطلع اللي انا خايف منه

معلم حلاوه لأ وانت كمان بلاش  برضه لحسن....

اروح لمين قولولي...يحل المشكله

فينك ياكيموووووووووووووووو(انكل كمال الشاذلي) ...تحل

<{POST_SNAPBACK}>

يا ميدو بيه الوحمة اللى عندك مايتسكتش عليها و لازم تلحق نفسك و تروح لأقرب حكيم عشان يشوفلك حل قبل ما الفاس تجع فى الراس و مايبقاش غير الندم على ما فات :unsure:

شوية جد : الوحمة دى هى مستوى الإنذار لكل عضو و على فكرة هى موجودة عند كل الأعضاء ( حتى المشرفين ) و لكنها غير مرئية لأى شخص غير العضو نفسه ( يعنى بالبلدى محدش يشوف مستوى انذار عضو تانى ) .... و لهذا انت لا ترى غير مستوى الإنذار الخاص بك فقط ..

شوفت بقى ان الوحمة عند الناس كلها بس محدش بيقول ( شوفت فيلم النوم فى العسل ؟ mfb: )