مش معقول .. السرقة بالمحمول

[مصر عشقى]

يبدو ان السرقة .. تحولت الى مصدر من مصادر الرزق فى بلد قضى عليه النهب الحكومى .. اصبحنا كقطيع من الغنم نام رعاته .. او انشغلوا بجز صوفه ونهب خيراته .. فهجم عليه الضباع ينهشوا ما تبقى من رفاته ..

ضحكوا على بتوع التلفزيون .. واعلانات المرتشون .. واشتريت خط من شركة موبينيل .. اسمه " الو الساحر " دفعت فيه خمسين جنيه .. والبائع قال لى لك رصيد .. والدقيقة بنص جنيه .. نفس سعر المكالمه على الرصيف .. انا قلت الجو اصبح برد .. أشترى خط الساحر واشترى كمان كارت اشحن بيه رصيد واتكلم على راحتى من البيت ..

سألت المحل عاوز كارت بخمسين جنيه .. فقال عليه مصاريف 8 جنيه .. يبقى الكارت اللى بخمسين بتبيعه موبى نيل بثمانية وخمسين .. قلت لنفسى زى بعضه .. آخد راحتى فى المحمول .. وخدشت المستطيل الاسمر وانا فرحان .. وظهر الرقم وادخلته لزيادة الرصيد .. وتم المراد .. وحبيت اعرف رصيدى بقى كام .. وهنا اصابنى الغم .. والقيت بالمحمول فى درج المطبخ وانا اصرخ .. مش حا اتكلم .. الكارت المكتوب عليه خمسين جنيه اعطانى رصيد مالى ب 22،5 جنيه .. سرقوا منى بالنصب اكتر من نص المبلغ ؟؟ بالاضافة الى ال 8 جنيه .. يعنى الشركة دى تبيع لى كارت المكتوب عليه ان قيمته 50 جنيه سرقوه او سرقوا اكثر من نصفه ..

وانا بأسأل اصحاب الخبرة .. معانا فة المنتدى .. أعمل ايه عشان استرد فلوسى .. مش عاول محمول .. ولا مكالمات محمول .. ولا اريد أن اكون ضحية لنصابين .. وطظ فى المحول وشبكات النصب العالمى اللى حكومتنا الخايبة سايباهم ينهشوا لحم الشعب .. لأ .. عضم الشعب بعد أن سرقت هى لحمه .. افيدونا أفادكم الله ..

[وائل ثابت عبد الرحمن]

ربنا يعوض عليك , كلنا فى الهوى سوى

[وليد صفوت]

عزيزى مصر عشقى ...

خط الساحر هو عملية ( شبه نصب ) لأنه لا يعطيك أى معلومات عن الكارت إلا بعد أن تقع الفاس فى الرأس ....

انا معى الأن كارت فودافون الساحر و هو نفس الأسعار و نفس النظام تماماً .... بص يا سيدى :

كارت العشرة جنيهات يعطيك 2 جنية رصيـــد

كارت الخمس و عشرون جنيهاً يعطيك 12 جنيه رصيـــد

كارت الخمسين جنيهاً يعطيك 22.5 جنيهاً رصيـــد

كارت المئة جنيه يعطيك 90 جنيه رصيـــد

كروت المئتين و الثلاثمائة لهم نفس الرصيد و القيمة فى ألو الأصلى .

و لعلك لاحظت اللعبة التى يلعبها جهابزة المحمول , فهم يجبرونك على شراء كارت المئة جنيه إجباراً , بحيث لا يكون لك اى إختيار إلا شرائه لكى تستفيد من سعر الدقيقة المُخفّض !

هذا غير طبعاً كارت شحن بعشرة جنيهات كل شهر لكى لا تنفطع الخدمة

و لكنى إنصافاً للحق أقول أنه نظام الساحر يعتبر من أكثر الأنظمة إنصافاً ( رغم الظلم اللى باين عليه ) لأنك لو حسبتها صح ستجد انك فى نظام الأصلى كنت بتدفع 100 كل ثلاثة شهور و سعر الـ 20 ثانية بـ 50 قرشاً ... و مجبر على شراء كارت بمئة جنيه لكى تستمر الخدمة , بينما فى الساحر انت تدفع عشرة جنيهات أول الشهر من مرتبك لتحصل على الخدمة و معها رصيد 2 جنيه ( كافية جداً لمن يستقبل إتصالات ولا يرسل ) فإذا نفسك هفتك على الكلام فى المحمول فلك مطلق الحرية فى شراء كارت المئة جنيه ( مش أقل من مئه ) لكى تكون انت الفائز بكل مزايا الخدمة .

هذا ما اعرفه ( و برضو بعد لما شربت المقلب ) و لنا الله جميعاً , وربنا على بتوع المحمول !!

[khedr]

الاساتذه الاعزاء ...

من واقع خبراتنا والتحايل.... والتحايل المضاد ....الذي نعيش به في هذه( لأ )المحروسه وان شاء الله محروسه غصب عنهم

بنشتري كارت ب100 ونرميه في الموبايل وبعد كده كل شهر نشحن بعشره شهريا وبنحاول نظبط الامور..ما رأيكم دام فضلكم واللي عنده معلومه او حيله مع الناس دي يقول لنا عليها.....

ونمشي ونقول......والله وكبرت يا بهلول.... ومسكت المحمول