يوم من حياة عبد الفتاح وعنايات

[ام البنات]

ههههههههههههههههه :)  :D  :D

يااااه من زمان مضحكتش من قلبى

بجد اسلوبك رائع .............  :D

<{POST_SNAPBACK}>

اخجلتم تواضعى

اسلوب مين

دا حضرتك بتكتب رباعيات رائعه معلهش لسه متجولتيش براحتى فى المحاورات

هابقى الف لفه واتمتع

استاذ هشام جزاك الله خيرا"

[ام البنات]

من زمان ماضحكتش كده.....الواحد نسي الضحك في الثانوية........

بس الصراحة .... سبحان مين لم عبد الفتاح و عنايات........ولا ولادهم.......؟؟؟؟؟؟؟؟؟؟؟

بس اسلوب سلس رائع....و طريقة حضرتك في سرد يومياتهم تهلك من الضحك...

و اخيرا ربنا يخليلك ويبارك في البنات.....يا ام البنات......

الطيار المصري........ثانوية عامة ( الله يجحمها )  :huh:

<{POST_SNAPBACK}>

ابنى الطيار المصرى

جزاك الله خيرا للدعاء للبنات

وبالنسبه للثانويه العامه ربنا يقضى عليها وعلى كل قرايبها

شد انت بس حيلك وبعدين هتلاقى ان الموضوع هايف

لما تدخل الجامه ولا لما تخلص

ويبقى امامك المستقبل ****** ان شاء الله ينفتح بطلعه من طلعاتك الجويه

امك (ام البنات) سابقا"

والآن ام الطيار المصرى والبنات

[ام البنات]

هتوديها الحضانه فى طريقها للمدرسه

ورضا هياخد زيزو

معاه المدرسه فى السكه

ونزلت عنايات وهى نازله قابلها البواب وقال لها نفس الكلام

ردت عليه روح قوله يتفلق

البواب ايه السكان المرعبين دول

مالهم محدش قادر عليهم

انا مالى

وبعد ما توصل بسماح الحضانه وقبل ما تمشى تقول لها المدرسه

فى الحضانه يا استاذه عنايات

حاجه من اتنين يا تزودى الأكل لبنتك يا تشتركى فى الاكل فى الحضانه

عنايات ليه ان شاء الله

المدرسه بصراحه بنتك مش بتخلى عيل الا لما تخطف منه الأكل

عنايات اما انك ست مش محترمه

المدرسه ايه ده ايه ده

ازاى تقولى كده على بنتى

المدرسه بنتك فجعانه وسعرانه واذا حبيتى ااقولك أكتر بتعض فى العيال

وبتاكل أكل المدرسين

أخرسى وليه متختشيش

سماح ايوه يا ماما انا تده علسان التدب حلام

اخرسى كده ايه وكدب ايه

عنايات هو انتى بتبصى على أكلة عيله صغيره هتاكل قد ايه

المدرسه انا مش هتكلم معاك انا استويت من بنتك

والأهالى بيشتكوا من وجود قطه

بتخطف السندويتشات فى الحضانه

ومهما احلف ميصدقوش عارفه ليه قبل

ما تشتمى شوفى بنتك الهاديه الناديه

تخلى العيال فى الجاردن وتدخل على الشنط بتاعتهم

وهاتك يا يأكل

عنايات جاردن ايه

هو انتى بتسمى حوض الزرع الى عاملينه ده جاردن

ولا شويه المراجيح الى جايبينها من المولد بعد ما انفض دى العاب

المدرسه والله شوفى انت بتدفعى قد ايه وغيرك علشان تطلبى احسن من كده

عنايات هادفع اكتر من 25 جنيه ايه يا عالم يا ظلمه

المدرسه طيب والله ما بنتك قاعده فى الحضانه بعد كده وكفايه بهدله

احنا مش هنستقبلها تانى

وانت انا عرفت البنت كده ليه

عنايات

انت بتشتمينى يا معصعصه يا ناشفه يا بخيله ياشحاتين

المدرسه

يعم احمد تعالى بسرعه خرج الست دى بره

وأوعى تدخلها من باب الحضانه تانى

عنايات اتلهى هو انتم لاقين

المدرسه مش عاوزين نلاقى منك لله انت وبنتك وعائلتك

دا الوالد ابنك لما بيجى بيعفرت الحضانه

ويدور على العيال يكسر حاجاتهم

وينكش فى شنطهم انتم ايه عصابه ياساتر

ربنا يتوب على من دى شغلانه

تخرج عنايات وهى تشتم وتسب وتلعنهم

هتعمل ايه متقدرش تاخد أجازه اليوم

وقررت تاخدها معاها

سماح سوفتى يا ماما مس انا اولت لت انها مس حلوة وبتضلب

يجى ضربه فى وشك هو انت يا بنتى صندوق مشاكل

سماح يعنى ايه صندوؤ مساتل يا ماما حاته حلوه

عنايات اه حلو زيك وزيكم

سماح الحمد لله

عنايات تفكر هتعمل ايه

وهى حاطه ايديها على قلبها

قالت اخدها معى الى المدرسه ؟ ولا ارجعها البيت؟

محدش موجود فى البيت وقررت

[ام البنات]

وقررت تاخدها معاها

وهى داخله من باب المدرسه قالت لها نقعد حلوين علشان الناظره

متدبحكيش بالسكيه وتعلقك وتاخد منك لحمه

سماح تقول لها طيب ياماما مس هاعمل حاته وحسه

بس بلاس تتولنى (تاكلنى ) او تتبحنى

عنايات اقعدى مؤدبه ومتخليهاش

تشوفك وهى مش هتعمل لك حاجه لغاية ما اروح النهارده علشان يعدى على خير

تدخل عنايات الحجره الخاصه بالمدرسين تلاقى الاستاذ حمدى والاستاذه فوزيه

تدخل عنايات وتسألهم ابله الناظره جت

فوزيه لاء على وصول

عنايات ربنا يستر ومتخرجش من اوضيتها النهارده معى

سماح مش عارفه اعمل فيها ايه

استاذ حمدى بصى احنا نشوف اوقات الى مش بندخل فيها

حصص وراء بعض ونخليها معانا

فوزيه ربنا يستر يا عنايات انت عارفه الناظره

اه ما انا قلت لسماح

سماح حاتل يا ماما مس ححمل حاته

يرن الجرس واول حصه تكون لعنايات مدرسه عربى ابتدائى

تترك عنايات مع حمدى وفوزيه

تدخل عليهم مس سعديه

يا استاذ حمدى عندك الحصه دى فاضيه بس معلهش استاذ فؤاد غايب النهارده

استاذ حمدى يقول لفوزيه انت فاضيه صح

فوزيه اه

طيب خلى بالك من سماح

فوزيه ربنا يستر

سماح يا طنط حاوسه الوح الحمام

فوزيه حاضر استنى لحظه يا حبيبتى

سماح حاوسه الوح الحمام

فوزيه حاضر يا حبيبتى لحظه

سماح مليس دحوه حواسه الوح الحمام بئه

فوزيه ايه اليوم الابيض ده

حاضر يلا

بلاش تعملى دوشه علشان محدش يشوفك

سماح حاتل

وأول ما يخرجوا من حجرة المدرسين تصرخ بأعلى حس هيه هيه

هنلوح الحمام يلا يهيه

فوزيه تحط ايديها على وشه البنت بس الله يكرمك

سماح بصوت واطى خالص حاتل حاتل

وتوديها الحمام وهى راجعه تلمح الناظره تاخدها وتدخل بيها جرى

ولما توصل الحجره تقول لها اقعدى تحت الترابيزه لغايه لما الناظره تعدى

سماح تقول لها الجساله

فوزيه اه ماشى اهو اى كلام المهم تسكت وتقعد تحت الترابيزه

تعدى الناظره

وتقول لفوزيه اخبار الحصص ايه قالت انا فاضيه دى وباقى اليوم مشغوله

الناظره طيب تعالى عاوزاك

فوزيه حاضر هاجى وراك

الناظره لاء تعالى الآن

وتيجى تقوم تشدها سماح من رجلها

بلاس بلاس احسن الجساله تتبحك

فوزيه تقول للناظره اسفه رجلى منمله هاجى وراك

الناظره متتأخريش

فوزيه حاضر

فوزيه تقول لسماح

اقعدى كلى السندويتشات بتاعتك ومتعمليش دوشه لغاية ما أرجع

سماح حاتل يا مس فوسيه

فوزيه تبوسها وتخرج اصل فوزيه معندهاش اطفال وبتحبهم جدا"

[مى محمد]

عزيزتى أم البنات...

أوعى يكونوا بناتك من عينة سماح ..... دى كرهتنى فى العيال الصغيرة كلهم

ربنا يبارك لك فى البنات..وتفرحى بيهم ... و باولادهم :wub:

اسلوبك فى القص رائع...سلس...ممتع للغاية

وانا مستنية اشوف الناظرة هاتعمل ايه؟ :)

[الآسر]

انتشرت الغيوم في السماء وامتلأت بسحاب عنايات وعبد الفتاح .. فأمطرت أفكارا علي عقل أم البنات .. نسجت منها حكايات وحكايات

سوف تنقلب هذه الحدوتة ان شاء الله الي مسلسل اذاعي

مثل " عيلة مرزوق " ولتكن هذه المرة " عيلة عنايات "

سؤال

هل انت يا أم البنات علي احتكاك مباشر بهذه العيلة

أم مجرد خيال؟

[ام البنات]

عزيزتى أم البنات...

أوعى يكونوا بناتك من عينة سماح ..... دى كرهتنى فى العيال الصغيرة كلهم

ربنا يبارك لك فى البنات..وتفرحى بيهم ... و باولادهم :rolleyes:

اسلوبك فى القص رائع...سلس...ممتع للغاية

وانا مستنية اشوف الناظرة هاتعمل ايه؟ :rolleyes:

<{POST_SNAPBACK}>

العزيزه مى :rolleyes:

ابدا" والله بناتى بنات عاديه وشقاوة طبيعيه اما سماح دى من نسج خيالى وزيزو برضو

والحمد لله ان اليوميه عاجبتك

وان شاء الله نكل معاكم

وربنا يتقبل منا صالح العمل ويسعدنى ان ادخل البسمه على وجوهكم

ام البنات

[ahmed sliman]

السلام عليكم ورحمة الله وبركاته

الحقيقه حكايات رائعه جداً و أسلوبك في الكتابة العامية ممتاز

نريد المزيد دائماً

[ام البنات]

انتشرت الغيوم في السماء وامتلأت بسحاب عنايات وعبد الفتاح .. فأمطرت أفكارا علي عقل أم البنات .. نسجت منها حكايات وحكايات

  سوف تنقلب هذه الحدوتة ان شاء الله الي مسلسل اذاعي

مثل " عيلة مرزوق " ولتكن هذه المرة " عيلة عنايات "

سؤال

هل انت يا أم البنات علي احتكاك مباشر بهذه العيلة

أم مجرد خيال؟

<{POST_SNAPBACK}>

الحقيقه هى انى عمرى ما اتعاملت مع شخصيات مثلهم ولكن

من خيالى

والحقيقه كل ما اقعد اكتب اتفاجئ بإنى عندى افكار تتدفق

وأبدا فى الكتابه

يعنى مش من الواقع بس الاسماء ممكن بذات زيزو ابن واحده صحبتى بس ملوش حل فى الشقاوه بس مش نفس الشخصيه نفس الاسم

واشكرك على الكلام المشجع ده

ويارب ااقدر اكمل معاكم

[ام البنات]

السلام عليكم ورحمة الله وبركاته

الحقيقه حكايات رائعه جداً و أسلوبك في الكتابة العامية ممتاز

نريد المزيد دائماً

<{POST_SNAPBACK}>

شكرا" على التشجيع

وان شاء الله اكمل

[ام البنات]

تخرج فوزيه علشان تشوف الناظره

وهى قلقانه من شقاوة سماح وتدعى ربنا يستر

وتقوم سماح تقعد تاكل السندويتشات وبعدين تشعر انها عاوزه تروح الحمام تانى

تخرج من الاوضه بتاعة المدرسين تدور على الحمام

هى نسيت مكانه

فتلاقى اأوضه تفتحها يكون فصل

تقول للمدرس لوسمحت يا عم حاوسه الوح الحمام

كل الفصل يضحك

يقول لها انت مين

تقوله انا سماح وحاوسه الوح الحمام

يقول لها روحى للداده

تقوله مليس دحوه

المدرس يخرج من الفصل يشوف داده ويقول لها شوفى مين دى وعاوزه ايه

يرجع الفصل

وبعد شويه تجرى من الداده وتقوله يا عم تعالى حاوسه الوح الحمام

المدرس يخرج غضبان وينده على الداده يقول لها خلى بالك منها ودى مين

دى يا هنيه

تقول له مش عارفه يا استاذ

البنت تقوله انا سماح

يسالها سمح بنت مين

بنت ماما وبابا وعندى اخويا لضا وسيسو

يقولها طيب روحى مع الداده

لاء انا حاوساك انت يا عم

يابنتى روحى فى رجوع فوزيه من عند الناظره وتلاقى سماح

تقول لها ايه الى خرجك يا بنتى

الاستاذ مش كده يا استاذه فوزيه دى معطلانى

فوزيه معلهش دى بنت الاستاذه عنايات وجابتها معاها النهارده

وربنا يستر والناظره متحسيش بيهاالداده يا حبيبتى دى جميله قوى

بجد بنت استاذه عنايات

فوزيه امال هنهزر فى الموضوع ده

تروح الداده ماشيه ورايح فين هنعرف

وشويه وجرس الحصه الأولى يضرب

وتيجى عنايات جرى على اوضة المدرسين مرعوبه من بنتها

وتسأل فوزيه خير

تقول لها عدت على خير مسكت الاستاذ جاد

عنايات يادى اليوم ملقيتيش غير الاستاد جاد الاليط

فوزيه ابدا" يا عنايات معملش حاجه ولحقنا الموضوع

كانت عاوزاه هو الى يدخلها الحمام

تضحك عنايات وتقول لها تخيلى اساذ انف لما يدخل سماح الحمام وهى

بتضحك وبترجع لوراء عينيها تضرب فى ايه

تلاقى الاستاذ جاد واقف يسمع تعليقها عليه

يقول لها صحيح اخرتها تتريقى على والبنت

كانت محتاجه اى حد يهتم بيها

عنايات وانا قلت حاجه ربنا يكرمك يا استاذ جاد متجيبش سيرة للناظره

الاستاذ جاد يضحك يقل لها بصى وراايا مين موجود

تقول لها عنايات ايه الكلام الى سمعته ده

عنايات سمعتى ايه يا حضرة الناظره

انك جبتى بنتك الصغيره معال انا مش قلت مفيش خروج عن النظام

عنايات مين قالك كده

الناظره عرفت وخلاص

تنط سماح وتمسك فى ايد مامتها وهى كانت قاعده تحت الترابيزه اول ما

عرفت

ان الناظره موجوده مسكت فى امها

ماما مش دى الست الى بتتبح العيال بالسيتنه

الناظره تقول لعنايات هى البنت بتقول ايه ومالها خايفه ليه

وبتعمل ايه هنا

وبعدين تبدأ الناظره حسها يعلى

ايه يا عنايات صحيح ايه الى جابها معاك

هو انت مش عارفه القانون وبعدين مينفعش

تبقى فى كل مكان فى المدرسه ايه الاستهتار

وبدأت تزعق وتزعق فى وش عنايات

راحت سماح شدت ايدها من ايد أمها وجريت على الناظره

عضيتها فى قصبة رجلها

ونزلة عض فى جنبها والناظره تنط

وتعضها فى كف ايديها اى شئ تطوله

والناظره تصرخ والبنت تعض ايديها

وتضربها وتقول لها يا جساله عاوزه تتبحى ماما

ومعاتى الستينه

راحت الناظره قالت البنت دى بتقول ايه

وقامت الداده وقفت تفسر للناظره كلام البنت

الناظره ايه الى بتقوله بنتك ده يا عنايات

عنايات مش بتقول حاجه

الناظره للبنت انت يا مفعوصه بتقولى على جزارة

البنت لاء مش انا دى ماما قالت انت جساله وهتتبحينى بالستينه

وانت بتموتى الناس

الناظره انا كده يا عنايات انا كده

عنايات ابدا" يا حضرة الناظره البنت بتكدب

البنت حلام عليت يا ماما انت مس قولتى الى يتدب يلوح النال

وانت دلوئت حتلوحى النال

عنايات بس يا مقصوفة الرقبه

سماح حاتل يا ماما بس بلاس تتدبى

[شاعرالرومانسية]

هههههههههههههههههههههههههههههههههههههه

والله تسلم ايدك يا ست الكل ..

اسلوب جميل وسلس ويخلى القارئ يتخيل الاحداث كأنها بتحصل قدامة

انا شخصيا رسمت صورة فى خيالى للبيت والمدرسة وللشخصيات واوصافهم كمان :lol:

وعجبنى قوى .. اسلوب كلام سماح ... فاكرنى بسارة ( حنان ترك فى مسلسل رمضانى ) :wub:

لو دى اول تجربة ادبية ليكى ... يبقى اكيد اللى جاى اكثر ابداعا... :blink:

مش قلتللك قبل كدة ..

احنا نلم اوراقنا واقلامنا ونتكل على الله احسن :o

تقبلى منى خالص الامتنان .. ولقلمك كل التقدير :blush:

[shahd]

اسلوب جميل ولطيف اضحك الله سنك :blush:

[ام البنات]

هههههههههههههههههههههههههههههههههههههه

والله تسلم ايدك يا ست الكل ..

اسلوب جميل وسلس ويخلى  القارئ يتخيل الاحداث كأنها بتحصل قدامة

انا شخصيا رسمت صورة فى خيالى للبيت والمدرسة وللشخصيات واوصافهم كمان B)

وعجبنى قوى .. اسلوب كلام سماح ... فاكرنى بسارة ( حنان ترك فى مسلسل رمضانى )  :D

لو دى اول تجربة ادبية ليكى ... يبقى اكيد اللى جاى اكثر ابداعا... :D

مش قلتللك قبل كدة ..

احنا نلم اوراقنا واقلامنا ونتكل على الله احسن ;)

تقبلى منى خالص الامتنان .. ولقلمك كل التقدير :D

<{POST_SNAPBACK}>

:unsure:

:D

اخجلتم تواضعنا

وجزاكم الله خيرا

على التشجيع

صينية الرقاق وصلت هناك فى المطبخ وانا نفذت الطريقه

مروركم شرف كبير

[ام البنات]

<div align="center">اسلوب جميل  ولطيف  اضحك الله سنك :unsure: </div>

<{POST_SNAPBACK}>

اشكرك على المرور

انت ايضا" اسلوبك رائع وكلما أمر لعبر عن روعة كتاباتك

اخرج من غير ما اعبر لك البنات الله يهديهم

تحياتى لك يا عسل مكرر

[ام البنات]

الناظره

عنايات انت متحوله لتحقيق

عنايات ليه انا عملت ايه

علشان جبت بنتك معاك المدرسه وده ممنوع والى قلتيه على

عنايات هتصدقى كلام عيله صغيره دى بتكدب من خوفها

سماح انا مس ثوغيله انا تبيله

ومس بتدب يا ماما الى بيتدب بيلوح النال

عنايات الهى تروحى فى نار جهنم

الناظره من بكره انت محوله لتحقيق

وتترك الناظرة خلفها تسب وتلعن

وتيجى الداده جنبها

ليه كده يا استاذه عنايات تقولى كده على حضرة الناظره

عنايات امشى يا عصفوره انت بتفتنى على ماشى

ابقى شوفى منى أحمر ولا اصفر

الداده دا شغلى الناظره بتقولى لو شوفت حد غريب اقول لها

عنايات حد غريب اه علشان التفتيش الى بيجى من الوزاره

لكن بنتى الصغيره دى هتعمل ايه

الداده والله انا عبد المأمور

عنايات طيب ياختى بلاش عبد المامور علشان حرام

هى مش ناقصه كمان شرك

شرك ايه ( الداده) هو اتكلمت يا دى النهار

فوزيه خلاص امشى يا هنيه روحى شوفى شغلك

فوزيه لعنايات خلاص يا حبيبتى ان شاء الله هتعدى على خير

عنايات مأظنيش الست اصلا" مش طيقانى

وجت الهبابه الصغيره عكت الدنيا يلا الأمر لله

هو اليوم بدأ ب عبد الفتاح

تاخد سماح جر من ايديها

كده يا مقصوفة الرقبه تتسببى لماما فى مشكله

سماح انا يا ماما حملت ايه انا تنت خايفه عليتى من الجساله

عنايات اتلهى هو انت خليتى فيه جزارة

دانت أكلتى الست لما كانت بيخر دم من كل مكان زى

الحنفيه الى جلدتها خسرانه

سماح يعنى التلام ده يا ماما

عنايات ولا حاجه اسكتى بقى

وتقف على محط الأتوبيس

[graceful]

السلام عليكم

والله من اجمل ما قرات

تسلم اناملك عزيزتي ام البنات

والله يخلي لك عائلتك ويوفق بنتك الكبيره يارب

ذكرتيني بامي بشي انتي اكيد اصغر منها

لكن لما كانت صغيره كانت تحب تكتب

وكتابتها جميله لدرجه كبيره

وكان ودي انها تعرف للانترنت عشان تسلي نفسها بشي تحبه

لكنها ترفض وبشده

فانت اكيد بناتك فخورين فيكي

واحتفظي بهذه الكتابات لبنتك واعطيها اياها يوما ما

اسفه للاطاله

تشااااااااااااوووو

[ام البنات]

السلام عليكم

والله من اجمل ما قرات

تسلم اناملك عزيزتي ام البنات

والله يخلي لك عائلتك ويوفق بنتك الكبيره يارب

ذكرتيني بامي بشي  انتي اكيد اصغر منها

لكن لما كانت صغيره كانت تحب تكتب

وكتابتها جميله لدرجه كبيره

وكان ودي انها تعرف للانترنت عشان تسلي نفسها بشي تحبه

لكنها ترفض وبشده

فانت اكيد بناتك فخورين فيكي

واحتفظي بهذه الكتابات لبنتك واعطيها اياها يوما ما

اسفه للاطاله

تشااااااااااااوووو

<{POST_SNAPBACK}>

ابنتى الصغيره

هل تعرفى كيف عرفت عمرك

لانك كنت صغيره عندما كنتى تستمعين الى اغنية كاظم انا وليلى

ووقتها انا كنت انتظر ابنتى الثانيه

فطبعا انا اعتبر امك يا صغيرتى

اشكرك على كلماتك الرقيقه المهذبه

وان شاء الله احتفظ بما أكتب وسأجعل صغيرتى تقرأوه فى يوم من الايام

وبالنسبه لوالدتك خليها تقرأ ما اكتب وتتشجع فانا اول مرة اعرض ما اكتب على المنتديات

وهى وسيله لتعرف هل ما تكتب جميل

وتمتع الاخرين وتستمتع ايضا"

تحياتى لك يا صغيرتى ولامك

[ام البنات]

وتقف على محط الأتوبيس

ربع ساعة

نص ساعه الاتوبيس اتأخر وسماح عماله تعيط مس ادله يا ماما

تقول لها أمرى لله اركب تاكسى

وتشارو لتاكسى يسالها رايحه فين تقوله المنيره يقول لها

مش طريقى فضلت كده لغايه ما وقف تاكسى كحيان ومدشدش

اول ماركبت السوست نزلت ومطلعيتش تانى

السواق

يا حاجه اقعدى فى النص

عنايات ليه ان شاء الله

السواق علشان العجل بيحك فى جسم العربيه

طيب وانا مالى متصلح عربيتك دى

السواق حاضر بس ياريت تقعدى فى النص

عنايات مش هاقوم من مكانى

السواق مينفعش العربيه مش هتمشى كويس وبعدين الكاويتش عما يتحك فى الرفرف

عنايات طيب خلاص

وتتحرك عنايات وتقعد فى النص

فجأة يسمع السواق صوت شديد

نجد ان عنايات عندما بدأت تنتقل ضغط بكامل جسمها فتسبب فى انفجار العجله

السواق انا قلبى كان حاسس ان اليوم ده مش هيعدى على خير

انت يا ست الله يسامحك

عنايات هو فى ايه هو انت مش شايف عربيتك خربانه وبتلوم على

السواق عربتى خربانه اه بس ماشيه

ولولا الناس الى بتاكل مع ناس عميا مكنتش العربيه خسرت

عنايات انت يارجل انت بتتريق على

السواق غلبان وخايف من حجمها هو قد الضيف أحمد كده او علاء مرسى

وهى من الحجم السوبر

سماح

حلاص يا ماما بلاس تضلبى عمو

السواق تضرب مين يا مقروضه انت يلى أمك عامله زى

الاندر تيكر

وهو بيرتعش من الخوف

عنايات مين الاندر تيكر ده

اه انا سمعت عبد الفتاح بيتكلم عليه كان شافه فى القهوه

ا ده راجل مصارع فى المصارعه الحره

اسمه الحنوتى بالمصرى

عنايات وانت يا يارجل يا ناقص يا قليل الأدب تقول على حنوتى

وتمسك فى هدومه

وتصرخ سماح وتقوله ليه تده يا عم ما قلت لها متضلبكش

انت ُحل

وهنا

كل الحروف الابجديه التى تشكلت بيها كلمات السباب خرجت فى منظومه قويه

واديها

مين الى حنوتى

ياناقص يلى

عربيتك تنفع عربية كشرى ولا بلكتير

عربية فول يجرها حمار

وهنا اتلم الناس

وكلمه من هنا وكلمه من هنا والمساله هديت بس الامر مسلمش

السواق خارج بخبطه فى وشه

وتسحب عنايات بنتها وتاخدها على الميكروباص وتقول لها مسمعش صوتك

سماح حاتل يا ماما

عنايات انت يا بت النهارده مخليى يومى منحوس

يعنى ايه ملحوس يا ماما

ميعنيش خليك فى حالك

طيب يا ماما

[Reham]

الله أكبر عليكي ...ماشاء الله تبارك الله علي أسلوبك

جميل جدا

انا حاسة انني عايشه مع الشخصيات والاماكن

شكلك كده سخنتي ولعلعتي...

ياله ربنا يزيد أفكارك..وتمتعينا ياست