سيارة جيدة في حدود 45 ألف جنيه

[shawshank]

أنا عارف إن عصام - ما شاء الله - خبير في السيارات ...

محتاج أشتري عربية كويسة في حدود 45 ألف جنيه ...

تقترحوا أجيب ايه؟

[Doofy]

=====================================================================

وانا كمااااااااااااااااااااااااااان

انا عربيتي خلاص اتشائمت منها

بس بالنسبالي معلش استاذ shawshank انتا راجل غني انا هنزل 5

فيبقو 40000

:)

[shawshank]

طب فيه ناس قالولي على:

- لانوس

- اكسنت

- كيا سيفيا

- سيفيك موديل 2000 على الأقل.

هل من مقارن ؟

[عصام]

ياااا فكرتنى بزمان .. :blink:

شوف يا سيدى منك له له لها ..

عربية جديدة فى حدود الرقم دا .. مفيش :blush:

اللهم إلا الشيرى QQ(صينى) والملقبة بالفروتة .. ودى الحقيقة كتير عليها وصف عربية (سامحونى لو حد بيملكها هنا يعنى :wub: )

لو هاتتكلم فى المستعمل يبقى بلاش سيفيا .. خفيفة جدا .. قطع غيار غالية وغير متوفرة ..

أكسنت عربية فى منتهى السوء .. وإن كان فيها ميزة ان قطع غيارها رخيصة وكتير ..

اللانوس أفضلهم الحقيقة .. لكن مش بــ 40 .. يعنى ممكن تلاقى حاجة كويسة من 45 وانت طالع

[shawshank]

لانوس بـ 45 موديل كام ؟

و السيفيك ايه وضعها ؟

[عصام]

لانوس بـ 45 موديل كام ؟

و السيفيك ايه وضعها ؟

<{POST_SNAPBACK}>

اللانوس هاتبقى موديل 97-98

موديل أعلى من كدا 2000 مثلا بتتكلم من 50 لــ 57

السيفيك طبعا عريبة نا اقدرش اقول عليها تعليق واحد .. غير إنها زى الفل ..

إنما لما أقولك إن موديل 1990 بيتكلم فى 46 أو 47 ..؟ تقول إيه؟

موديل 2000 بيعمل حوالى من 70 لــ 75

[shawshank]

طب ايه رأيك في:

- لانسر 99

- هيونداي الانترا 97

- فيات برافا 98

و هل السيفيك قطع غيارها غالية بشكل يقلل من قيمتها ؟

تم تعديل 21 ديسمبر 2005 بواسطة shawshank

[عصام]

طب ايه رأيك في:

- لانسر 99

- هيونداي الانترا 97

- فيات برافا 98

و هل السيفيك قطع غيارها غالية بشكل يقلل من قيمتها ؟

<{POST_SNAPBACK}>

لانسر 99 عريية كويسة جدا .. سعرها حوالى 58 ألف ج وقطع غيارها كتير .. الصينى والتايوانى واليابانى ودا بيساهم فى تنوع مستوى سعر قطع الغيار لكن فى النهاية قطع الغيار موجودة وكتير ..

الهيوندااى إلانترا عموما من أحسن ما أنتجت هيونداى .. وتخيل ان موديل 95 منها حصل فى أمريكا على جايزة اسمها النجمة الذهبية لأفضل سيارة فى فئتها .. لكن لو هاتشتريها يشترط الحالة .. يعنى لازم تكون كويسة جدا .. قطع غيارها غالية .. وصعبة لكن موجودة بعد شوية بحث .. وهارد عليك فى سعرها

فيات برافا .. إبعد عنها وغنى لها .. مالهاش قطع غيار .. خااااااااااااااااااااااااالص

أما بخصوص السيفيك فهى فعلا قطع غيارها غالية جدا .. لكن بتركب الحاجة مرة واحدة .. زى العربيات الألمانى كدا .. على عكس العربيات الكورى .. فيه حاجات معينة بتهلك وتتغير كل سنة تقريبا ..

[وائل ثابت عبد الرحمن]

السلام عليكم

و الله يا دكتور شاوشانك يا خويا , انا رأيى توفرلك بتاع 15 او 20 الف و تجيبلك حتة 128 حالتها جيدة ( إستعمال طبيب يعنى ) , و تركبلها طقم جنوط و مش عارف ايه ( تروأها يعنى ) , و دى بئا قطع غيارها ممكن تشتريها من عند البقال .

و دمتم

:wub:

[shawshank]

أخي وائل

أنا عايز عربية فيها المواصفات دي ، مرتبة تنازليا حسب الأولوية :

- أقل سعر لا يزيد عن 50 ألف يحقق الشروط التالية .

- تعيش معايا 10-15 سنة بدون إي اصلاحات غير الصيانة العادية . يعني مش عايز أصرف عليها . مع العلم أني سأستخدمها داخل المدينة فقط في معظم الأحوال . و عملي يبعد عن بيتي بحوالي 1-2 كم . و لا أعيش في القاهرة .

- 4 أبواب .

- يفضل auto transmission

- يفضل تكييف .

- ميهمنيش مستعملة أو جديدة لو تحقق فيها الشروط السابقة .

فلو كانت الفيات 128 تحقق الغرض ، يبقى هشتريها إن شاء الله . هي بكام على الزيرو ؟ و بكام لو مستعملة ؟

تم تعديل 22 ديسمبر 2005 بواسطة shawshank

[وائل ثابت عبد الرحمن]

السلام عليكم

اعتقد انه بينزل منها زيرو , و لو مستعملة و حالتها جيدة ممكن تعملها من 20 الف ل 25 الف و ممكن اكتر كمان , و فى منها مكيفة , لكن موضوع الأوتوماتيك ده معتقدش , و على اى حال و حتى لو زيرو برضو مش هتوصل ل 50 الف .

و موضوع انها تعيش معاك فهذا دأبها ( حمالة اسيا ) , و يا سلام لو كانت موديل 90 و انت طالع .

و كمان اعتقد ان شكلها مقبول يعنى مش وحشه .

و الأخ عصام اعتقد انه يقدر يفيدك فى الموضوع اكتر منى , و القرار ليك و امامك فرص كتير

[وائل ثابت عبد الرحمن]

فى حاجة كمان , العربية كيا برايد او كيا برايد سيدان , عربية جميلة و اقتصادية جدا زى الفيات 128 , و برضو قطع غيارها عند البقال , و يوم ما تقف على راسها مش هتوصل بتمنها زى الأكسنت العفشة دى , يعنى ارخص منها و احسن كمان .

و الله اعلم

[shawshank]

انت فين يا عصااااااااااااام

[عصام]

أنا جيت اهوه يا عم .. :rolleyes:

بص يا شاو يا اخويا ..

العربية الــ 128 .. عربية كويسة .. لكننها تلبى متطلبات معينة دون الأخرى ..

يعنى لا تتمتع بأى نوع من أنواع الرفاهية .. مش ناعمة .. مافيهاش (وما ينفعش فيها) تكييف .. صوتها على .. بتطلع كمية دوشة غير عادية (حتى وهى جديدة) .. بتستهلك من وقت فراغك كمية كبيرة كل شهر (عند الميكانيكية يعنى) ..

فى المقابل .. هى رخيصة .. بتوفى الغرض .. قطع غيارها موجودة (ولو انك ممكن تغير نفس القطعة كام مرة فى السنة)

بيتراوح سعرها من 15 إلى 21 ألف حسب الموديل والحالة ..

والأمر لك فى النهاية ..

أما الكيا برايد ..

فتقدر تقول بشكل عام إنها عربية كويسة .. مكيفة وأوتوماتيك .. وقطع غيارها موجودة ورخيصة نسبيا .. لكن يشترط فيها الحالة .. لأنها لما بتنهار ما بتتلمش تانى ..

يعنى تشترى واحدة حالتها تمام وتحاول تحافظ عليها كذلك من خلال الصيانة الدورية ..

سعرها بيتراوح من 35 إلى 40 الف حسب الموديل والحالة ..

بس خلاص .. :lol:

[kokowawa1979]

خد الموقع ده هايديلك فكرة عن اللي عندهم عربيات للبيع وكمان هايديلك فكرة عن أسعار السيارات الحديثة داخل وخارج مصر

http:// www.contactcars.com

وقولوا إيه رأيكم

[Diab]

بص يا أستاذي الفاضل أقترح عليك تشتري

عربية فورد escort بجد دي عربية محترمة جدا بس المبلغ الي معاك يجيب مستعمل

ويفضل تشتري عربية بناقل سرعة يدوي عشان تكاليف الصيانة وقطع الغيار تحياتي

تم تعديل 19 يناير 2006 بواسطة Diab

[bodi]

أنا جيت اهوه يا عم ..  :lol:

بص يا شاو يا اخويا ..

العربية الــ 128 .. عربية كويسة .. لكننها تلبى متطلبات معينة دون الأخرى ..

يعنى لا تتمتع بأى نوع من أنواع الرفاهية .. مش ناعمة .. مافيهاش (وما ينفعش فيها) تكييف .. صوتها على .. بتطلع كمية دوشة غير عادية (حتى وهى جديدة) .. بتستهلك من وقت فراغك كمية كبيرة كل شهر (عند الميكانيكية يعنى) ..

فى المقابل .. هى رخيصة .. بتوفى الغرض .. قطع غيارها موجودة (ولو انك ممكن تغير نفس القطعة كام مرة فى السنة)

بيتراوح سعرها من 15 إلى 21 ألف حسب الموديل والحالة ..

والأمر لك فى النهاية ..

أما الكيا برايد ..

فتقدر تقول بشكل عام إنها عربية كويسة .. مكيفة وأوتوماتيك .. وقطع غيارها موجودة ورخيصة نسبيا .. لكن يشترط فيها الحالة .. لأنها لما بتنهار ما بتتلمش تانى ..

يعنى تشترى واحدة حالتها تمام وتحاول تحافظ عليها كذلك من خلال الصيانة الدورية ..

سعرها بيتراوح من 35 إلى 40 الف حسب الموديل والحالة ..

بس خلاص ..  :D

<{POST_SNAPBACK}>

استاذ عصام

حضرتك ما شاء الله عليك خبره في عالم السيارات

وبمناسبه الموضوع ده عايز اسال حضرتك علي اسعار السيارات المستعمله الاتيه من حيث اسعارها و اسعار قطع الغيار و مدي تواجد قطع الغيار في السوق

السيارات هي

الشاهين و الدوجان

التمبرا

لانشيا ديدرا

فيات سيينا

دايو نوبيرا

و ياريت حضرتك ترتب السيارات من حيث درجه جودتها

[payro]

أولا .. عصام ( انت خبرة بطريقة جبارة) ما شاء الله ..

ثانيا .. انا عايز استغلك :D

انا عايز اجيب عربية زيرو تكون مش اكتر من 50 الف جنية !!

تنصحني باية ؟