بص على المصريين فى بلد الغربه

[# الساحر #]

ايه يا جدع انتا و هوا

مالكوا فيه ايه ؟

طايحيين في الراجل كدة ليه سيبووووه

تعالى يا أسكندرني محدش هيدافع عنك غير الأسكندرانية

الراجل بيقول رأيه و مشتمش حد ولا قل في ادبه

و اذا كان مقدرش يستوعب أسلوب الزميل سي السيد دة عشان هوا عضو جديد

مش كدة يا مصريين

يا ساااااتر .

أوعى تسيب المنتدى خش قول رايك بكل صراحة ميهمكش حد .

[الاسكندرنى]

السلام عليكم

شكرا يا ساحر

وتحياتى اسكندريه و رجلتها

المشكله فعلا ان انا فعلا لا شتمت ولا قليت ادب بدليل انى ما فى انذار واحد المهم هو شكلها ان مكتوب علينا تشوف عنصريه داخل و خارج مصر

[# الساحر #]

المنتدى مش وحش و فيه من الاعضاء من لديه أفكارا جميلة و رؤية سليمة و متعدد الأبواب

أنما التشدد المبالغ فيه من قبل الأدارة و اللذي أنعكس بدورة على الكثير من الاعضاء القدامى لا يعجبني ، حيث ان بعض المواضيع تحتاج الى الجراءة في تناولها .

الجراءة اللتي نراها في بعض المنتديات الاخرى و حرية التعبير عن الراي .

ساعات بحس أني في مدرسة .

دة الراجل الاسكندرني بيكتب موضوع بصراحة فيه من الأسلوب ما يجعلك تشعر و تحس به .

أي انه من الاشخاص اللذين يعلمون كيفية توصيل الاحساس بالكتابة و لمن لم يدقق في الموضوع اعادة قرائته .

و مش اي حد يعرف يوصللك الاحساس بالكتابة .

نلاقي برضه عضو بيتريق على اسمه و يقوله الأسكندراني مش الاسكندرني

ساب الموضوع كله و مسك في دي ؟؟!!

أيه يا عالم دة بنى آدم حر مسجل في منتدى مش مسجل في وزارة الخارجية من حقة يسمي نفسه أي أسم

طيب ماهو فيه عضو أسمه (( شاوشنك )) في المنتدى ؟

و اللا انتا عايز تعرفة مثلا انه ليس قادرا حتى على الكتابة .

شكلك مدرس عربي .

أيه ؟؟؟؟؟

لازم نربط الكرافتة و نلبس البدل و نقعد على الكمبيوتر عشان ندخل المنتدى ؟؟؟؟؟؟؟؟؟؟؟؟؟

يا اخي دة انا أتفقعت مرارتي من زمان و مصدقت مداخلتك دي عشان أنفجر

أيووووووووووووووووووووه .

[shawshank]

طيب ماهو فيه عضو أسمه (( شاوشنك )) في المنتدى ؟

<{POST_SNAPBACK}>

طب ماله بقه شاوشانك ؟ :angry:

ده حتى اسم سجن :sad:

[الرافعي]

المنتدى مش وحش و فيه من الاعضاء من لديه أفكارا جميلة و رؤية سليمة و متعدد الأبواب

أنما التشدد المبالغ فيه من قبل الأدارة و اللذي أنعكس بدورة على الكثير من الاعضاء القدامى لا يعجبني ، حيث ان بعض المواضيع تحتاج الى الجراءة في تناولها .

الجراءة اللتي نراها في بعض المنتديات الاخرى و حرية التعبير عن الراي .

ساعات بحس أني في مدرسة .

<{POST_SNAPBACK}>

أخي الكريم الساحر

أوافقك في أن حق الكلام مكفول للجميع، كما أوافقك في قضية تشدد الإدارة وتأثر بعض الأعضاء القدامى وقد كتبت في هذا أكثر من مرة وكدت أن أنسحب أنا أيضاً وبقيت بطلب أصدقاء أعزاء وأكثر من أخوة منهم القدامى والجدد، لكن ما لا أوافقك فيه هو أن يكون أساس دفاعك عن الأخ الاسكندراني هو العصبية لمن ينتمي لنفس بلده ، فكلنا مصريون ، إلا إذا كنت بتضحك بحكاية تعالى هنا يا بو اسكندر

ثانياً أنا أتفق في ما قاله الأخ س.س وبصفة أكثر وأشد الأخ العزيز محمد والعزيز سقراط في نقد أسلوب الزميل الكريم والذي لا يرضاه أحد ..

أما عن منهجية ما كتب، فقد كتب فعلاً كلاماً يشبه سرد ذاتي على نسق أدب " التغريبة " وإن كان احتوى كثير من الملاحظات كما كتب الزملاء إلا أننا جميعاً لا نلومه فهو لم يدع أن ما كتبه نص أدبي يحكمه الترابط وتسلسل الأفكار ووضوح الأهداف، إلا أن ما أثار عجبي هو النقلة المفاجئة من سيرته الطويلة إلى أن يختم بعدة سطور يقيم فيها الحالة السياسية والتيار الإسلامي وفصائل المعارضة بكلام غير مترابط وغير واضح.

أرجو أن يتقبل (وتتقبل كلامي) بصدر رحب ، ولكم جميعاً تحياتي

تم تعديل 6 ديسمبر 2005 بواسطة حلاوة العنتبلي

[Abofady]

عزيزى/الاسكندرانى

انا فلاح (ولى الشرف) من قرى المنصورة. حاصل على بكالوريوس تجارة واعمل حاليا مدير مالى واتكلم الانجليزية والفرنسية. ذهبت بعد تخرجى سنة/1976م الى باريس .والسفر كان متوفر فى هذا الوقت للعمل هناك . زى حالاتك كده . والغريب فى الامر اننى كنت اوفق فى الحصول على العمل وزملائى لا يجدونه (بركة دعا الوالدين) حتى اننى كنت اغير العمل من تلقاء نفسى .وفى يوم من الايام قابلت مصرىكان يعمل فى مخبز وعند نقاشنا وجدتة مثقف جدا وعندما سالته عن عملة فى مصر قال انه معيد فى كلية الفنون وانة يعمل ويدرس من اجل الحصول على الدكتوراه.وكان هذا صديقى الجميل الذى اخذنى معه الى جامعة السوربون 5لتقديم اوراقى للدراسة. وعندما سالونى ماذا ستدرس قلت الاعلان التليفزيونى(اى ترويج السلع بواسطة الاعلان) وكنت غير مهتم بالموضوع . قالوا تعالى بعد يومين . ذهبت قالوا حظك حلو الحكومة الفرنسية مخصصة 3 منح للطلبة المصريين سنعطيك واحدة منهم دراسة وفلوس على حسابهم.عدت للقاهرةلاخذ فيزة دراسة4سنين وجدت امى وابى واخوتى يقولوا احنا فقراء احنا بنعلمك عشان تصرف علينا لسة هنستنا اربع او خمس سنين . قلت اللى انته عاوزه يابه انا هاعملة قال سافر الخليج عشان نعلم اخواتك . وقد كان ولى اخين حاملى الدكتوراه الان . لا لفينا سيجاره ولا جرينا وراء البنات ةلا عملنا حاجه تغضب ربنا . وانت بتقول عندى عربية ومش عارف اية طبعا عندى عربية . بس تدمع عيناى عندما ارى الفقر فى عيون الاخرين واحزن لحالهم . لانهم اهل قريتى الكرام . هموما انا ابن ناس طيبين زى حالاتك . لكن لاتكن قاسيا على اهلك واهلى . اما السياسة فهذا موضوع اخر.

[وليد صفوت]

أيه ؟؟؟؟؟

لازم نربط الكرافتة و نلبس البدل و نقعد على الكمبيوتر عشان ندخل المنتدى ؟؟؟؟؟؟؟؟؟؟؟؟؟

يا اخي دة انا أتفقعت مرارتي من زمان و مصدقت مداخلتك دي عشان أنفجر

أيووووووووووووووووووووه .

<{POST_SNAPBACK}>

و دلوقتى إرتاحت ؟

إن شاء الله تكون بخير :rolleyes:

و ماتنساش : كل لما مرارتك تتفقع ( على حد قولك ) إبقى قول اللى فى نفسك , محدش هيحوشك . :angry2:

تحياتى ,...

[الرافعي]

أخي الحبيب وبلدياتي أبو فادي

كلامك مشرف وردك رصين .. أحييك على ما كتبت

أخي الصغير الحبيب المشاغب فيولينكينج

كل مدى باحبك وباعتز بأخوتك وزمالتك وبانتظر مداخلاتك أكتر.. keep up

[الاسكندرنى]

السلام عليكم

الى الاخ حلاوة العنتبلي

يشرفى بعد تعمق فى هذا المنتدى ان عضو قديم زيك كده يتفضل و يرد على موضوعى و من دواعى حسرتى اننى فقدت العضو س السيد بس والله انا ماغلطان اللى بيقول بلنصات يستحمل البحر لما يهيج عليه ولا ايه و اما اشدنى الى الاخ حلاوة العنتبلي هو اسلوبه فى النقد الغير مباشر اى من المثقفون و اليهم

بس اقول على حاجه لما احنا كلنا كده بنتكلم اللغه العربيه الصحيحه و بنزعل و نتقمص لما يكون فى رد او موضوع باللغه العاميه على فكره يا اخوانى فى من الكتاب الالالاف من اتخذوا اللغه العاميه للتعبير واحساسا منهم انها اقرب للمستمع احسن من كتاب فى من الالفاظ الذوقيه و لا يحمل معنى بس لو سمحت يا اخ حلاوة العنتبلي انت تقريبا ما اخدش باللك قبل التعقيب الاخيرعلى كلا من

1 من كتابة الاخ ابو فادى فى بادى الموضوع لما فى واحد يقولك انى ماخترعتش دواء للسرطان و عيش عيشة اهلك تظن انى حقوله حسن اسلوبك بالنسبه ليه انا برد عليه من غير قلة ادب و احسسه انه غلط و عموما يا اخ ابو فادى لما تقعد فى مصر 6 شهور بس و بتدور فيهم على مشروع تعمله و ماتلقى اى حاجه و تلقى الناس من حولك طعم الطماع سال منهم تعمل ايه

2 من كتابة الاخ Violinking ان رده تقريبا فيه نوع من التريقه على فلكلور اسكندرانى قديم كلمه ايووووووووووه ده تعتبر من المورثات لشعب و اهل اسكندريه و من العيب كما اعتقد التريقه على مثل هذة المورثات صح ولا انا غلطان

3 الاخ محمد العزيز اليك ما انى ماكونتش عاوز اذكر عنه اى حاجه لما هو بدرايه كامله كده عن مناطق بالوصف ده و هو تجميع شامل الى احط المناطق فى حى المنتزة فهو على يقين تام ايضا بهذة المناطق فلا اعجب ان يكون بهذا الاسلوب من كلامه( لكن من ساعة مادخلت المنتدى وانت نازل تلويش فى الاعضاء يمين وشمال ، عامل بالظبط زى ماتكزن ماسك لى سيف وعمال تلوش بيه وتقول " اللى حايقرب من حاشرحه " .)اظن ايضا انه بتعامل و يستخدم نفس الفاظ و تعاملات تلك المناطق

بس ده كل تعقيبى على رساله شكرك اليهم فل يكون الشكر لمن يستحق

اما عن الرسله الاولى لى و الى الاخ الساحر فانا احترم اسلوبك و حسن الفاطك و ذكائك فى هذة الرساله

[عصام]

طيب .. طالما بقى المسألة بقت هات وخد .. دردشة يعنى ..

أنا قريت كلام عن المشرفين والإدارة .. اللى أنا أحد أعضائها ..

خير يا عم الساحر ..؟

تشدد إيه؟ وفى إيه؟ اللى وصل حضرتك لدرجة ان مرارتك اتفقعت وانطلقت كدا تشكى همومك؟ .. وهذا التشدد (إن كان موجود) مس حضرتك ازاى؟

ياريت مثال .. من حضرتك أو من أى من الأخوة الذين وافقوك الرأى ..

[الاسكندرنى]

السلام عليكم

ياخبر ياجماعه مشرف عام عندى فى موضوعى

اشكر الاخ عصام شوقى على توقفه فى موضوعى و اشكرة برده على الموضوع الذى اثاره

لانى بجد مش حاسس بتشدد فعلى مقصود من الاداره و ردك على موضوعى خير برهان على سلسة الادارة و تعاونها على طرح فرص لابداء الاراء ولكن لتوضيح و جهع نظر الاخ الساحر انه بردود الاخوة الاعضاء يتبين ان الاخوة الاعضاء يتعارضون معنا فى تقبل اسلوبى و رودودهم حتى الان تناقش ارئهم فى و ليس فى ما كتبت

[عصام]

هيص يا عم ..

إنت لازم تدبح عجل .. :blush:

يا عمنا .. ماعرفش لو كنت قريت تعليقى على كلام للزميل د. صقر واللى بيطالب فيه "بطرد" زميل آخر كونهم لم يتلاقيا فكريا ..

- لكن باختصار ... الاختلاف سنة الحياة وبدون إسهاب أعتقد إنها مش محتاجة تفسير

- لن تحصل أى إدارة فى أى مكان على تأييد الجميع نظرا للاختلاف اللى هو سنة الحياة برضه بالتالى لازم يكون هناك مؤيد ومعارض لقراراتها

- مسألة التشدد دى أعتقد انها نسبية .. يعنى فيه حد شايف كدا .. وحد مش شايف

عموما يا عم أهلا بك وسهلا وقل ما شئت ولا يهمك .. إنت طالمت قولت "ياخبر ياجماعه مشرف عام عندى فى موضوعى" يبقى قول ولا يهمك واللى هايكلمك .. هارزعه إنذار من نفس النوع اللى شكلى كدا هاديهولك ... :blink:

[الاسكندرنى]

السلام عليكم

ههههههههههههههههههههههههههههههههههه

ضحكتنى يا اخ عصام كفى المومنين شر القتال

بس لو الحكومه الفرنسية تقبل بدبح العجول فى الشوارع والله لعملها

وفعلا كلامك صحيح لختلاف و جهات النظر و التعليم يختلف بذلك الحكم على الافكار و الاشخاص وهذا دليل على الخبرة و الثقافه على فكرة يا جماعه ديه نظريه لدكتور علم نفس اسم النظريه ( الفروق الفرديه )

وفعلا لو شايف انى استحق انذار ادهونى بقه وريح ناس وريحنى

[الرافعي]

السلام عليكم

الى الاخ  حلاوة العنتبلي

يشرفى  بعد تعمق فى هذا المنتدى ان  عضو قديم  زيك كده  يتفضل و يرد على موضوعى  و من دواعى حسرتى اننى فقدت  العضو س السيد  بس والله انا  ماغلطان    اللى بيقول بلنصات  يستحمل البحر لما يهيج عليه ولا ايه   و اما اشدنى الى الاخ حلاوة العنتبلي  هو اسلوبه فى النقد  الغير مباشر   اى  من المثقفون و اليهم 

بس  اقول على حاجه   لما احنا كلنا كده بنتكلم اللغه العربيه  الصحيحه  و بنزعل و نتقمص لما يكون فى رد او موضوع   باللغه العاميه   على فكره يا اخوانى  فى من الكتاب الالالاف  من اتخذوا اللغه العاميه للتعبير واحساسا منهم انها اقرب للمستمع   احسن من كتاب  فى من الالفاظ الذوقيه و لا يحمل معنى   بس لو سمحت  يا اخ حلاوة العنتبلي انت تقريبا  ما اخدش باللك قبل التعقيب الاخيرعلى كلا من

1 من كتابة الاخ ابو فادى فى بادى الموضوع  لما فى واحد يقولك انى ماخترعتش  دواء للسرطان    و عيش عيشة اهلك      تظن انى حقوله حسن اسلوبك  بالنسبه ليه انا برد عليه من غير قلة ادب و احسسه انه  غلط و عموما يا اخ ابو فادى  لما تقعد فى مصر 6 شهور بس و بتدور فيهم على مشروع تعمله  و ماتلقى اى حاجه و تلقى  الناس من حولك طعم الطماع سال منهم  تعمل ايه 

2 من كتابة الاخ Violinking ان رده تقريبا فيه نوع من التريقه على  فلكلور اسكندرانى  قديم  كلمه  ايووووووووووه  ده تعتبر من المورثات  لشعب و اهل اسكندريه و من العيب كما اعتقد التريقه على مثل هذة المورثات    صح ولا انا غلطان

3 الاخ محمد  العزيز اليك   ما انى ماكونتش عاوز اذكر عنه اى حاجه لما هو بدرايه كامله كده عن مناطق  بالوصف ده   و هو تجميع  شامل الى  احط المناطق فى  حى المنتزة  فهو على يقين تام ايضا  بهذة المناطق     فلا اعجب ان يكون بهذا الاسلوب من كلامه(  لكن من ساعة مادخلت المنتدى وانت نازل تلويش فى الاعضاء يمين وشمال ، عامل بالظبط زى ماتكزن ماسك لى سيف وعمال تلوش بيه وتقول " اللى حايقرب من حاشرحه " .)اظن ايضا انه بتعامل و يستخدم نفس الفاظ و تعاملات تلك المناطق    

  بس ده كل تعقيبى  على رساله شكرك اليهم                  فل يكون الشكر لمن يستحق

اما عن الرسله الاولى لى و الى الاخ الساحر فانا احترم اسلوبك و حسن الفاطك   و ذكائك فى هذة الرساله

<{POST_SNAPBACK}>

أخي الإسكندراني

والله ما أردت أن أرميك بكلام غير مباشر كما ظننت أو أضربك بذكاء -حاشا لله-، ثم أنا أعتز الإسكندرية وأهلها وتراثها وأيووووووه وهي من أخف الكلمات المصرية ظلاً.

أنا فقط أردت أن أنصح بتخفيف بعض غلوك في الردود على الناس، وإن كنت فعلاً تضايقت من بعض الألفاظ التي وجهت لك، فمهما اختلفنا لا يجب أن نرمي بعض بألفاظ أو أوصاف جارحة، مع تقديري لأهل الإسكندرية كلها فقيرها وغنيها، كبيرها وصغيرها، مثقفها وغيره،،

كما أود ملاحظة أن نصيحتي للساحر -وأنا أحبه جداً- أن لا يكون الأصل الذي ننطلق منه لمناصرة البعض هو المكان الذي ننتسب إليه، فقط لنبذ العصبيات، وقد قلت له أن نصيحتي مقيدة بأن تكون هذه نيته، أما إن كان أراد تخفيف حدة الحوار بخفة ظل إسكندرانية حبيبة، فلا بأس ولينس كلامي.

وأخيراً، يا عمي والله ما قصدت سفسطة أو فلسفة لفظية أو انتقاد الكلامي بالعامية، وأنا لي مداخلات عامية كثيرة، وبعضها ساخر ضاحك بعضها بلهجة المعلمين (الجزارين)، وبعضها متقمصاً شخصية فلاح كفر الهنادوة ، وغيره..

تحياتي لك وللساحر ولكل الأخوة في هذا الموضوع (تمّاً) حلوة تمّاً دي ؟؟؟؟ :blush:

ملاحظة : أنا لست عضواً قديماً أنا سجلت في أكتوبر 2005 ، يعني أقل من شهرين

تم تعديل 8 ديسمبر 2005 بواسطة حلاوة العنتبلي

[الاسكندرنى]

السلام عليكم

والله يااخى حلاوة العنتبلي

انا ما قصدت شيى اخر غير اعجابى باسلوبك

[# الساحر #]

الاخ عصام شوقي صباح الخير .

أنتا عايز مثال على التشدد

ok

مرة كتبت موضوع مضمونة مناقشة قضية عدم وجود اعضاء من فئة الفتيات من سن 16 الى 24 سنة في المنتدى

و تساآلت لماذا يعني في محاولة لبحث الظاهرة و كان في الموضوعات الخفيفة أعتقد

أنهال عليا الأعضاء ساعتها و واحد قاللي روح دور عليهم مش عارف فين و أخذت أنذارات و اتبهدلت

مع أن غرضي كا البحث العلمي مش أكتر

و دة مثل واحد كفاية .

[Abofady]

الاخ العزيز/الاسكندرانى تقبل تحياتى وسلامى

انا لم اقصد اهانتك او الانقاص من قدرك بكلمتى - فكلمة عيش عيشة اهلك عادى عندنا فى الفلاحين . حتى ان ابنى الذى يدرس الهندسة فى جامعة المنصورة بيقولى شفت يابابا ابن بهانه بيقولى عيش عيشة اهلك عشان شافنى عامل شعرى نيو لوك . قلتلة اه ماتعيش يااخى يعنى شفت ابوك عامل نيو لوك-وقبل ذهابه يوميا للكلية يقف امام المراية يعمل شعره وبرضه اقول له............انا بطلت اقول لكن اخته الصغيرة هى التى تقول له الان ...

عموما اسف اذا كنت زعلت منى ...وتحياتى لعمنا حلاوه العنتبلى اللى قربنا نت بعض

[الاسكندرنى]

اشكرك يا اخى والله ما عارف ارد ازى انا كمان اسف لو لسانى كان سليط معك و من حب غير بعد عدوه

[عصام]

الاخ عصام شوقي صباح الخير .

أنتا عايز مثال على التشدد

ok

مرة كتبت موضوع مضمونة مناقشة قضية عدم وجود اعضاء من فئة الفتيات من سن 16 الى 24 سنة في المنتدى

و تساآلت لماذا يعني في محاولة لبحث الظاهرة و كان في الموضوعات الخفيفة أعتقد

أنهال عليا الأعضاء ساعتها و واحد قاللي روح دور عليهم مش عارف فين و أخذت أنذارات و اتبهدلت

مع أن غرضي كا البحث العلمي مش أكتر

و دة مثل واحد كفاية .

<{POST_SNAPBACK}>

طيب بالله عليك .. لما الأعضاء يعملوا كدا .. الإدارة تعمل ايه؟ mfb:

وبعدين .. مستوى إنذارات حضرتك أنا شايفه ما شاء الله صفر .. :blink:

[Abofady]

انا اريد ان اقترح موضوعا جديدا. باعتبار ان معظمنا من العاملين فى الخارج

نحن نسافر فى الاجازات وقلوبنا مفعمة بكل الشوق والحب لاهلنا واقاربنا .وعندما تحط بنا الطائرة اوالباخرة على ارض مصر نقابل بكل السلبيات من تعسف الجمارك . الشيالين . رشاوى مامورى الجمارك العلنيه .سائقى التاكسى .الشرطة وضباط الامن - لماذا لا نكتب عن هذه السلبيات ربما يقراها احد المسئولين ويحاول اصلاحها . حتى نعود الى اعمالنا بكل الحب مثلما سافرنا

هذا مجرد اقتراح لمن يود المشاركة.