عيب يا كورة مصر

[se_ Elsyed]

انتهى اليوم العُرس الافريقي وظهرت النتيجة النهائية ، او زي ما بنقول " العروسة للعريس والجري للمتاعيس "

وكان من بين متاعيس الفرح ( مصر - نيجيريا - السنغال - الكاميرون - ج افريقيا )

وهي من الفرق الكبيرة في القارة الافريقية

وشوفوا بقى العرسان مين .. آه على فكره 4 من 5 عرسان بيدخلوا دنيا لأول مره وهم ( ساحل العاج - انجولا - توجو - غانا ) ولسه في عريس ما طلعتش نتيجته وهايكون تونس او المغرب

وفعلاً شيئ يجب ان يجعلنا نشعر بالخجل حيث وصلت دول اعتقد ان ميزانية الكرة عندها تساوي ميزانية نادي محلي من بتوعنا

وبالرغم من اننا عكننا على الكاميرون النهاردة وضربنا لهم كرسي في الكلوب في ياوندي وامام جمهور يتجاوز الـ 100 الف وكانوا اشبه بالأسود الهادرة الا ان منتخبنا نجح في التعادل معهم في حين كان يحتاج الاسود الى الفوز ولا شيئ غيره وعلى الجانب الاخر سحقت ساحل العاج فريق السودان المتواضع في الخرطوم وهزموهم بـ 3 أهداف

على كل حال تحية لمنتخبنا الذي اشفق عليه من الناس اللي بتنخرب وراه وعايزين يجيلونا ورا وبيطلعوا اشاعات بتقول ان الجوهري راجع لقيادة المنتخب في كأس الامم

يتبع

[وليد صفوت]

رغم انى قليل ما بتكلم فى الكورة ,...

إلا إن اللى لفت نظرى هو الأحداث المتلاحقة اللى كانت فى آخر ثلث ساعة من الشوط الثانى ,......

الماتش كان ماشى بهدوء لدرجة الرتابة ,... و كنت هغفل و انا بتابع ( خصوصاً بعد وجبة إفطار دسمة ..... دســــــــــمـــــــــــــة )

إلا أن الدقائق الأخيرة حملت أحداث متلاحقة و فرص بتضيع من الفريقين ,........

يلا حصل خير ,......

ما علينا نرجع لموضوعنا ,....

الله يرحمك يا ياسو

[KWA]

بسم الله الرحمن الرحيم

السلام عليكم ورحمة الله وبركاته

انا نفسي اقول كلمتين لفريق مصر و علي هذا سوف اقتبس من محمود معروف اسم مقاله الأسبوعي ..تلكس الي....

حسن شحاته...مهما تفعل مع فريق مصر ارحم عندي مما يمكن ان يفعله الجوهري..ركز في الفريق و ربنا معاك......

حسام غالي....كان الأفضل لأتحاد الكوره توفير ثمن تذكره السفر لأستدعاء شخص مثلك ....

محمد عبدالوهاب...اين كنت...كان في ماتش مع الكاميرون....انت كنت فين ...

حكم المباراه....منك لله....

الجوهري....ياريت تخليك مع الأردن و تنسي فريق مصر .... ساحل العاج - انجولا - توجو - غانا ....تأهلكم لكاس العالم اكبر دليل علي تخلف مصر في الكوره....

[محمد شلبى]

والله العظيم انا كنت عايز الكاميرون تروح المونديال نكاية فى كوت ديفوار اللى غلبتنا رايح جاى ولكننا تسببنا فى خروجهم نتيجة استهتارهم بنا وتصريحاتهم قبل المباراة اللى تعمدوا فيها ان يقللوا من شأن الفريق المصرى و لأن الله لا يرضى بالظلم فقد اضاعوا ضربة الجزاء الظالمة التى احتسبها الحكم الأفريقى اللى مالوش علاقة بالتحكيم :angry2: والكورة كل شوية تخبط فيه و مستواه زى الزفت وفة الآخر يحسب 5 دقايق وقت بدل ضايع عشان خاطر عيون الكاميرون وحاطط الصفارة فى فمه ومستنى اول واحد يقع عشان يحسبله ضربة جزاء

وكل مونديال وأنتم بخير ونشوفكم فى 2010 :)

[mohamed2102100]

ربنا ينتقم منكم ياظلمة

أبناء حسن شحاتة

[se_ Elsyed]

ربنا ينتقم منكم ياظلمة

أبناء حسن شحاتة

<{POST_SNAPBACK}>

مش عارف إنت بتدعي على حسن شحاته .. ولا على مين بالظبط يا محمد ؟