ادخل واوصف شعورك - شعار الأمم الافريقيه 2006

[KANE]

:wub:

اوصف ماشعيرك على هذا الشعار :D

انا بعد الفطار علشان مش عايز ابوظ صيامي :wub:

[se_ Elsyed]

طب واللي ريقوا ناشف يعمل إيه ؟

بجد حاجة مقرفة أو بمعنى أصح مالهاش معنى ..

وإذا كان عبقرينو اللي إختار الشعار قال إن التمساح يرمز إلى تمساح النيل .. فكام واحد هايعرف كده ؟

الجهبذ أبو الأفكار اللي عمل الشعار ما تعبش نفسه بصراحة وماشغلش مخه اللي ربنا خالقه لنا للتفكير مش لسندوتشات المخ البانيه ..فراح مجمع شوية من عهد مينا ( التاج ) على كوفيه فرعوني في رقبة التمساح .. على صورة تمساح نيلي بيلعب زي القراميط .. على علم مصر وراح لطعه على صدر المحروس التمساح .. على كورة كفر منفوخه نص نفخه - على 35 بس مش 45 - ( لزوم كأس الأمم يعني ) .. على شوية ضوافر للتمساح ( عشان يقولك إن فريقنا هايخربشكوا يا وحشين ) ... على كلمة مصر بالعربي وبالعنجليزي وراح مديها شوية دوكو أخضر على أحمر ... وبعد ما جمع ده كله راح ضربوا في الكشتين ماشين .. وطلع لنا البتاع ده .....

أنا مش مصمم جرافيك ولا ليه في الموضوع من بعيد أو قريب ... وكل اللي أقدر أعمله إني بأجيب برميل بوهيه بلاستيك وممكن أدهن الحيطة بتاعت الحمام .... وأعتقد إني بكده أبقى فنان وله رأي ... فممكن اسأل سؤال كله براءة ...... هو فين الأهرام أو أبو الهول أو مراكب الشمس أو حتى النيل اللي كل ده لو واحد أعمى شافهم هايعرف إن دي مصر ؟

يا راجل دول لو كانوا حطوا صورة مبارك وحواليه جمال بك وعلاء باشا .. كانت برضوا هاتبقى مُعبرة :wub: ...

تعرف كل شيء عندنا بقى قبيح لي ؟

لإن مافيش حد بيشتغل عشان مصر .. أو عشان المصريين ...

لكن تعالى بقى بص على الناحية التانية كده وفي نفس الوقت وفي نفس الزمان .. وشوف أي حاجة متعلقة بالحزب الوطني والعبور الجديد ...

إيه الحلاوة دي .. وإيه المصاريف دي كلها

صناديق قزاز .... وعيال مرصوصين ورا الريس ومستحميين وعلى سنجة عشرة .. والرئيس يعمل نيو لوك .. وكلامه يبقى مختلف ... ومؤتمرات وشعارات يُشرف عليها خلاصة الخلاصة من الإعلاميين ورجال السياسة المتخصصون والذين يدينون بالولاء التام والطاعة العمياء لسيدهم وولي نعمتهم مبارك...

أما أحنا .. فإردم

ييجوا يختاروا شعار لكأس العالم يقوموا حطين عين عامله زي عين البقرة .. ويقولك دي عين حورس ... يا عين أمه ياختشي يا كميلة ..

حتى يوم ما يستبدلوا شعار النسر المعفن على القنوات الفضائية ... يقوموا عصرين ذهنهم وجايبين صورة للفشحاط البوعبولي كرمز لتلك القنوات ...

وبعدين كأس أمم دي إيه إن شاء الله ؟

أيوه أيوه إفتكرتوا .. إفتكرتوا ... مش دي اللي هاتقام عندنا بعد شهرين بس في مخابيء سرية ماحدش يعرف عنها حاجة ...

لدرجة خلت بتوع الإتحاد الإفريقي ومنهم أعضاء عرب من الجزائر وتونس يتتريقوا على سمير زاهر من كام يوم وهما مجتمعين في المغرب ويقولوا إن البطولة المفروض تُقام في مصر بعد عدة شهور قليلة بس يظهر إن مصر لسه ما حدش قال لها أو عارفه بس فاكراها بعد بضعة سنين ..

آه بالمناسبة هو وزير الرياضة عندنا إسمه إيه ؟

أيوه أيوه .... البلتاجي ... بس هو بعافية شويه ومالوش وجود وكإنه هواء وخواء وفضاء ...

يا راجل كمان مره ... بلا قرف

[ahmedbd]

على فكره الشعار جميل جدا :D :D :sad: :sad:

و معبر كمان :angry2: :blink: :P :P

ملحوظة:

سامحنى يارب

[الرافعي]

باضم صوتي لأخي سي السيد

نفسي أرد بس ريقي ناشف :angry2:

[Osha]

هو التاج دا تاج الملك مينا موحد القطرين والا زير مقلوب

وبعدين هم يعني علمنا وصل انه يبقى على كورة يتلعب بيها كمان

طبعا ناهيك ان التمساح اصلا شكله عنده اعاقة عقلية غير اعاقة الاطراف

انما بصراحة توزيع الألوان جميل ومتناسق

سؤال

هو اللي ورا دا هرم فعلا والا دا عمى الوان عندي