أجدع قرار للحكومة من زمان - إخلاء مجمع التحرير

[se_ Elsyed]

بعد 55 عاما من العمل

إخلاء مجمع التحرير .. من جميع الإدارات الحكومية

آخر موظف يغادر المبني العتيق .. بعد 9 أشهر

كتب مجاهد خلف ومحمد موسي :

تقرر إخلاء مجمع التحرير نهائيا من حميع الادارات الحكومية العاملة به وتوزيعها علي الجهات الرسمية التابعة لها في مدة لاتتجاوز تسعة أشهر وذلك بعد 55 عاما من بداية العمل به في وسط العاصمة.

عقد مجلس ادارة المجمع أمس اجتماعا خاصا لبحث تنفيذ توجيهات رئيس الوزراء د.أحمد نظيف وقرار محافظ القاهرة رقم 1455 بإخلاء المجمع.

تم تشكيل لجنة خاصة برئاسة اللواء محمود ياسين نائب المحافظ للمنطقة الغربية لتنفيذ القرار..صرح عبدالاله عبدالحميد المدير التنفيذي للمجمع بأن اللجنة تضم في عضويتها أيضا السكرتير العام المساعد ورئيس حي غرب ومدير المجمع ستقوم بالاشراف والتنسيق بين المصالح والوزارات لتنفيذ خطة الاخلاء.

[الأفوكاتو]

كان مجمع التحرير يجسد جميع صور البروقرطية المكتبية الفاسدة.

لقد كان داخله مفقود, و خارجه مولود, و اصبح أكبرصندوق قمامة فى العالم, و مرتعا للفئران جيدة الصحة، و بقية القوارض التى لا أتذكر أسمائها.

و قد هلكت مصاعده, و تآكلت سلالمه, و تكسر معظم زجاج نوافذه, و أصبحت كل مكاتبه مغطاة بالزيت الذى ينسكب من ساندويتشات الفول و الطعمية, لزوم الفطار فى المكاتب.

و لكن لا أستطيع أن أتحدث عن موضوعى المفضل, اى التواليتات, فقد كنت أفضل الموت, و لا أزورها,

و حتى الآن, لا أدرى إذا كانت هناك مراحيض فى المبنى من عدمه, و الأرجرح أنه كان يوجد مثل هذه الأشياء المنقرضة, و التى ربما حولوها إلى ارشيفات, تحفظ بها دوسيهات و ملفات أصحاب الشكاوى و الإستفهامات.

هنيئا للشعب المصرى التخلص من أحد صروح الببيروقرطية,

و أتمنى أن تخصص المساحة التى كان مقاما عليها لكى تصبح حديقة عامة حديثة, كالحدائق الفارهة التى تتوسط عواصم الدول المتحضرة, و هذا هو من حق شعبنا.

[أسد]

منذ شهور قرأت ورأيت تصميماً لتطوير القاهرة .. وكان من بين التصميمات منطقة ميدان التحرير ..والذي كان في الصور والتصميمات المقترحة غاية في الجمال ..

وكان يظهر مجمع التحرير في الصور على ولكنه مقترح له أن يكون فندق ..

وفي التصميمات كان إسمه كايرو جراند هوتيل

هذا كان أحد المشروعات المقترحة من وزارة الثقافة .. لتطوير وتجميل القاهرة

[White heart]

تقرر إخلاء مجمع التحرير نهائيا من حميع الادارات الحكومية العاملة به وتوزيعها علي الجهات الرسمية التابعة لها في مدة لاتتجاوز تسعة أشهر وذلك بعد 55 عاما من بداية العمل به في وسط العاصمة.

و أين تقع مقار تلك الجهات الرسمية التابعة لها؟؟!!

يعنى الهدف المطلوب هو حفر حفرة، و لكن ستقابلنا مشكلة صغيرة و هى المخلفات الناتجه عن تلك الحفرة .... و الحل المقترح السهل و السريع هو حفر مجموعه حفر لردم مخلفات الحفرة الأولى !!!

[sos]

يعنى الهدف المطلوب هو حفر حفرة، و لكن ستقابلنا مشكلة صغيرة و هى المخلفات الناتجه عن تلك الحفرة .... و الحل المقترح السهل و السريع هو حفر مجموعه حفر لردم مخلفات الحفرة الأولى !!!

وصف مختصر لما يحدث و سيحدث....فالحلول عندنا ...مثل المسكن...فالمعلوم ان الالم هو جرس الانذار ....اذا تم اسكات الجرس....سيظهر بعد فترة جرس لا يمكن اسكاته...يتبعه الوفاة....نسأل الله العافية وحس البصيرة

[achnaton]

بسم الله الرحمن الرحيم

والنبى انتم على نياتكم .. وانا كنت متصور انى سأقرأ تفسيرا مقنعا لإخلاء المبنى .. الذى اخذ شهرة كبيره كما يقول اخونا الافوكاتو أن المبنى يعتبر أكبر مزبله فى عاصمة المحروسة .. وللأسف لم ادخله منذ زمن طويل .. ولكن آخر مره دخلته كنت مضطرا .. لأنى وبعض الاحباء فكرنا أن نكون رابطه للمغتربين الشرفاء تكون لهم عونا فى قضاء الحاجات .. وتكون للوطن عونا فى توحيد حملات التعريف به فى الدول التى نعيش فيها .. وعن هذا الطريق نقدر نمهد الطريق امام كل من يريد مساعدة الوطن كل فى تخصصة .. واخذت محامى قاهرى .. كمندوب وبتوكيل عن المجموعه لنقدم اوراق الرابطه المقترحة لسيدات وزارة الشئون الاجتماعية - لأنى يومها لم اقابل رجل هناك - .. وقابلنا الست المختصه فازاحت ضاحكة صنية بلاستك عليها باذنجان ابيض بتخليه تمهيد لحشوة من امامه على المكتب.. وقالت وهى تضحك .. ولا مؤاخذة يا حضرات .. انا بحضر الغداء للأولاد .. باروح متأخرة قوى وانتم عارفين المواصلات .. خير .. أقدر اعمللكم إيه .. قال لها المحامى عاوزين نسجل رابطه او جمعية .. قالت حاضر .. واديدتنا نماذج فاضية .. وقالت لما تنتهوا من ملئها هاتوها وهاتو معاك باق الآوراق .. ويرد المحامى .. الاوراق جاهزة .. ممكن نملاها الوقت .. وافقت الست الله يسترها وخاصة لما عرفت انى جاي من المانيا وسألتنى .. بتاكلوا برضه فى المانيا محشى برنجان .. ولا أجيب لحضرتك طبق من طبيخ إيدى لما تيجى بكرة .. قلت لها شاكرا لأ .. انا مخصص النهارده فقط للموضوع .. وزى الاستاذ ما قال حنملأ الاستمارات .. وامضى قدام حضرتك .. وخدى بعد كده وقتك وراحتك .. وامى عاملة النهاردة محشى - الله يرحمك يا امى .. كانت ميته من زمن - رحنا الكافتيريا حسب كلام المحامى نملأ هناك الاستمارات ونشرب فنجان قهوه او شاى .. عارفين الكافتيريا دى كانت فين .. كانت فى دورة المياة .. دكه خشبيه .. وترابيزة واكلاها العته .. وحاجة تقرف اللى عنده مناخير يشم بها .. المهم المضطر يركب الصعب .. وخلصنا قوام وجرى على الهانم .. لفت بعينها على الورق .. وسألت فين عقد الايجار .. فقلت عقد إيه يا مدام .. قالت مقر الرابطه .. قلت أن أحد أعضاء لجنة الموسسين اخلى لنا غرفه بشركته .. وكاملة المعدات ومعاها سكرتيره متفرغة .. قالت لأ .. خدوا بقى الأول الورق ده .. ما ينفعش .. لازم تأجروا شقة من بابها وتخصص للرابطة .. ولا يسكن فيها احد غيركم .. وممنوع استخدامها فى آى اغراض أخرى .. وتكتبوا يافطه على بابها وعلى واجهة العمارة .. أنا الحقيقة أسقط فى يدى .. وقلت يا خسارة .. معنديش وقت اروح للسمسار .. ولا أدور ولا أحتار .. بناقص .. نفكر نعملها بالكفر - اصبح الوقت قريه يستحيل التجول فيها - وخرجنا ..

وانا متصور .. أن قرار اخلاء هذا المبنى المجمع قرار امنى بحت .. مفروض على الحكومة الخايبة بتاعتنا فرض .. فمنذ أن أغلق سفير امريكا السابق المنطقة حول السفارة .. بحجة تأمين مبنى السفارة ومبنى الضيافة الامريكى الذى تم بنائه امام مبنى السفارة ليلم فيه الامريكان الموجودين فى مصر .. وقت اللزوم .. ولذلك تلاقى سيارات العاملين بالمجمع والزوار تلف حول حى السفارة على مدار الساعة .. كما أن المنطقة أكتسبت حساسية عاليه .. منذ انتشر كره الامريكان .. ومين عارف كم من الآلاف بيوصلوا المنطقة .. ورايح فين يا مواطن .. رايح المجمع .. جاى منين يا مواطن ..جاى من المجمع .. ولم يفلح إستيلاء السفارة على أرصفة الطريق حولها وزرعها بالكتل الخرسانية فى بعث الطمأنينه فى النفوس .. ورغم انتشار نص جيش من قوات الأمن فى المداخل والمخرج .. يبقى مفيش غير إننا نبطل حجة المواطن .. وندوخه السبع دوخات ونخليه يلف السبع لفات ويمكن يضطر عشان يقضى موضوع بسيط أن يرسلوه الى مدينة 6 أكتوبر ..أو العاشر من رمضان .. وآهو المواصلات سهلة وسريعة والدولة حتمد خط جديد لمترو الأنفاق على سنه الفين ومايه .. واستحملوا يا عالم شويه ..

وانا لا افهم معنى لهذا القرار .. بدلا من الزام كل مصلحة او وزاره تستغل جزءا من هذا المبنى بالصيانة والتجديد .. وعرض قطعة ارض جديدة فى آى مدينه من المدن الجديد .. تعزل اليه سفارات انجلترا وامريكا .. هو مش كفايه ما يعانيه الشعب الآن .. على الآقل موطفى السفارات .. عرباتهم ام ارقام خضرا معفية من الجمارك والغرامات .. وياريتك يا امى كنت عايشه .. لتغطينى وتصوتى ...

ويا خسارة يا مصر .. حبك بيعصر قلبى عصر

تم تعديل 15 سبتمبر 2005 بواسطة achnaton

[bashmohandes]

او يمكن يكون حد حاطت عينه على حتت الارض يبنى عليها فندق 10 نجوم للناس الغلابه

بكرة الارض المبنى يتعرضوا للبيع لمستثمر رئيسى(واخدين بالكم من رئيسي ديه)

[doha]

تصدقوا تفاجأت بالموضوع ومكانش عندي فكرة ان المبنى تم اخلاءه من الزمن البعيد ده ..

ياترى بعد السنين دي كلها رسيت على ايه ؟

[شريف مان]

تصدقوا تفاجأت بالموضوع ومكانش عندي فكرة ان المبنى تم اخلاءه من الزمن البعيد ده ..

ياترى بعد السنين دي كلها رسيت على ايه ؟

أكيد لسه شغالين فى اجراءات الاخلاء

[nightmare]

تصدقوا تفاجأت بالموضوع ومكانش عندي فكرة ان المبنى تم اخلاءه من الزمن البعيد ده ..

ياترى بعد السنين دي كلها رسيت على ايه ؟

انتى عليكي شوية حاجات يا أ. doha , ضحكتينى والله وأنا عمال أقرأ الحاجات الجميلة اللى كاتبنها أساتذتنا سي السيد وأسد والأفوكاتو (رحمة الله عليه ) , وكنت بسأل نفسي هما بيتكلموا عن ميدان التحرير اللى في أى دولة mfb:

ما انا كنت لسه هناك من سنة وكله عال العال ولا فيه إخلاء ولا فيه حاجة.

لو سألتى دلوقتى اى مسئول هيقولك بكل بجاحة هيرد عليكي ويقولك الموضوع اللى من 2005 ده يا استاذة كان فيه خطأ مطبعى , احنا نقصد "9 سنين" مش "9 شهور" , فلسه قدامنا 4 سنين من الآن.

أعطانا الله وإياكى طول العمر.:lol:

مع خالص تحياتى

تم تعديل 29 سبتمبر 2010 بواسطة nightmare

[engmido]

طيب....

[se_ Elsyed]

والله ضحكت على نفسي وعلى تعليقي على الخبر اللي نقلته من 5 سنين ..

وده يوضح قد إيه كنت ساذج وشايف الدنيا بلون المهلبية

أتاري الدنيا فيها ألوان تاني ...

بأختصار عشان ما أطولش عليكو ..

الموضوع كان فعلاً هايتم .. لكن لما دخلت السبوبة وعيون الهوامير اللي هما الحيتان اللي هما حاكمين البلد اللي هما العصابة اللي بتسرقنا - بالقانون - ليل نهار وخربوها ... شكلهم أختلفوا مع بعض على الهبره دي .. فموضوع النقل هايتأخر حبتين

تخيلوا الظلمة - مش عاوز أقول كلمة تُخرجني من المله بصراحة - تصوروا اللي ما يعرفوش ربنا كانوا عاوزين يبيعوا متر الأرض بتاع المجمع بـ 10 الاف جنيه ؟

يعني حاجه تخلي الواحد يلبس حزام ديناميت ويفجر نفسه فيهم وبإذن الله يبقى شهيد لأنه بيدافع عن بلده وارضه اللي بتتنهب وتتباع برخص التراب عيني عيني

ولا دي روخره قاطرة للأستثمار ودفعة للامام - شلوت يعني ؟

[سكر]

اللى ملوش خير عند طلعت ملوش خير فى مصر

[المهندسه]

بلدنا دوله دقيقه جدا و ما بتحبش تكروت اى حاجه علشان كده هما واخدين راحتهم فى عمليه النقل دى ...ما تظلموهمش ..هو العزال اصله ده

غلبه و بياخد وقت وعمال طالعه وعمال نازله واجره الشيالين ... اسألونى انا...ولا يمكن اختلفوا مع صاحب الملك ولا حاجه فقالوا يقعدوا و يبلطوافيه و يطلعوا عين الناس الغلبانه البتيجى المجمع تقضى مصالح...او لسه بيدوروا على حته ايجار جديد بحرى كده لزوم الحر فى الصيف ينقلوا فيها..

ده انا كرهت نفسى لما روحت المجمع ده مرتين.. الاهى لا تعودها دى ايام..تلاقيهم اختلفوا مع الحلو ال كان هيشيل الشيله...السبوبه ماعجبتهمش

فبيدوروا على حرامى تانى يفوت حاجه عدله و الاأونا الاديه الاتريه حلال عليك يا بيه

عجبى