إعلان شخصى

[وليد صفوت]

اُقر أنا المذكور أعلاه ,...

إنى قررت بصفتى عضو عامل فى محاوراتنا , إنى أعمل splitting بين العضو و بين المشرف و ذلك بدخولى بإسمى الحقيقى كعضو مثل الجميع و يُطبق على كل القوانين مثل الجميع ,.....

أما عن المشرف الأخضر violinking فدوره فى الغالب سيقتصر على الإشراف و و بعض المداخلات هنا و هناك ( حلوة دى mfb: ) , و برضو هيُطبق عليه كل القوانين مثل الجميع ,......

أعتقد ان الموضوع بشكل كبير يمثل عامل نفسى ,... و إنشالله أكون إستريحت باللى عملته ,.... :)

يوم سعيد عليكم جميعاً ,... ;)

تحياتى,..... :D

[وليــد صفـــوت]

السلام عليكم و رحمة الله و بركاته ,....

أحب أقول إنى أنا هو الأخ اللى فوق ده ,...

و لو سمحتوا انا عاوز ترحيب جامد جداً , انا عضو جديد و مش عاوز أطلع معقد نفسياً عشان محدش رحب بيا ... ;)

و من الأن فصاعداً سأكون أنا العضو الفعًال فى المحاورات ,...

ألف تحية ,... :)

[se_ Elsyed]

لا حول ولا قوة إلا بالله

أدي اللي أخدناه من إنتخابات الرئاسة وسنينها اللي ما يعمل بها إلأ ربنا ...

طب وإهي الأفتار اللي إنت حطه تحت إسمك ده يابني .. وإيه الواد المذعور اللي أمه سابته في البانيو وشدت عليه السافون وبيستنجد إن حد يسحبه عشان ما يروحش مع اللي راحو ؟

يالله حصل خير ..

بصفتك بقى بقيت عضو عادي من النحل الشغالة .... يبقى إطلع لي من ورا الكنبه وإصحى معايا كويس ... ده أنت هاتشوف أيام يا فيولين صفوت ..

[وليــد صفـــوت]

ميرسى ميرسى على الترحيب الحار ده يا عمدتنا الكبير س س ,....

أما عن الصورة فدى صورة لطفولتى المشردة و اللى بتوصف بدقة قد ايه كنت بعانى من السقوط فى قعر البانيو أثناء الإستحمام فى صغرى ... ;) ... و ده اللى خلانى أعالج المشكلة الفزيعة دى بإنى أبطل حموم أصلاً ... :) ... غير فى نهاية الإسبوع و أكون مربوط بحبل من السقف كمان .... :D ....

[الأفوكاتو]

عزيزى مزدوج الشخصية,( وليد-- فيولينكنج)

نرحب بك كبيرا, و صغيرا( كما تبدو فى الصورة)

و هذه الصورة تذكرنى بقصة السائح الأجنبى الذى زار منطقة الأهرام, و عند إحدى المقابر عند سفح الهرم الأكبر, رأى فى داخلها جمجمتين, أحداهما كبيرة, و الأخرى صغيرة.

سال السائح المرشد عن صاحب الجمجمة الكبيرة,

فرد المرشد بسرعة قائلا:

دى جمجمة " خوفو".

و لكن السائح سأل مرة أخرى,

و من صاحب الجمجمة الصغيرة؟

فرد عليه المرشد بسرعة أسرع من البرق قائلا:

دى جمجمة " خوفو" لما كان صغير.

تمنياتى لك يا أخ وليد بطول العمر, والإستمتاع بلذة الكفاح المزدوج.

محمود الأفوكاتو.

[احمد سعد]

أن دلك الخليط من الأفكار المبدعة لابد أن يدهب بنا جميعا إلى بر الأمان ... إلى ما نصبو إليه نحن جميعا لخير هدا الوطن :)

[وليــد صفـــوت]

عزيزى مزدوج الشخصية,( وليد-- فيولينكنج)

نرحب بك كبيرا, و صغيرا( كما تبدو فى الصورة)

و هذه الصورة تذكرنى بقصة السائح الأجنبى الذى زار منطقة الأهرام, و عند إحدى المقابر عند سفح الهرم الأكبر, رأى فى داخلها جمجمتين, أحداهما كبيرة, و الأخرى صغيرة.

سال السائح المرشد عن صاحب  الجمجمة الكبيرة,

فرد المرشد بسرعة قائلا:

دى جمجمة " خوفو".

و لكن السائح سأل مرة أخرى,

و من صاحب الجمجمة الصغيرة؟

فرد عليه المرشد بسرعة أسرع من البرق قائلا:

دى جمجمة " خوفو" لما كان صغير.

تمنياتى لك يا أخ وليد بطول العمر, والإستمتاع بلذة الكفاح المزدوج.

محمود الأفوكاتو.

<{POST_SNAPBACK}>

أستاذنا الكبير الأفوكاتو ,...

أنا معجب جداً بكل قصص حضرتك ,.. و القصة دى فعلا عجبتنى جداً و بتفكرنى بفهلوة المغاربة أثناء شرح آثارهم , و خصوصاً فى مراكش حيث كانت زيارتى ,...

تلاقيهم مش فاهمين حاجة و معندهومش أى خلفية تاريخية غير الحكايات و الأساطير , و الغريب ان السائحين بيصدقوا :)

ألف شكر على الترحيب :) ......

[وليــد صفـــوت]

أن دلك الخليط من الأفكار المبدعة لابد أن يدهب بنا جميعا إلى بر الأمان ... إلى ما نصبو إليه نحن جميعا لخير هدا الوطن  :)

<{POST_SNAPBACK}>

ميرسى على ترحيبك عزيزى احمد سعد , كلك ذوق :D ...

بس ما قولتليش ,... هتنتخب مين ؟؟ :)

[الأفوكاتو]

عزيزى وليد,

زرت المغرب أثناء أجازتى الأخيرة التى زرت فيها إسبانيا, و البرتغال, و المغرب, و مصر, ثم أخيرا تركيا قبل العودة إلى " لييدز",

و قد توقفت عن سرد رحلاتى إلى ما بعد الإنتخابات, و سوف أفرد جزء كبير للمغرب, و مراكش, و مغامرات المرشدين السياحيين.

تحياتى.

[shahd]

هو اي نعم العيل مزبهل وشكله كده زي ما يكون اتفرم في خلاطه بس جميل برضه

منور ياوليد بكل الأحوال :D

[عصام]

وبتقولى صباح النور ..

؟

وعندك واحد إنذار ... للجدع اللى اسمه فيولين صفوت دا ..

إن ما وريتك ..

(عقلى الباطن: أما فكرة ..)

[مصرى00]

أولاً ارجو من المشرفين تصحيح الخطأ اللغوى بمداخلة سي السيد دى

""أدي اللي أخدناه من إنتخابات الرئاسة وسنينها اللي ما يعمل بها إلأ ربنا ...

ثانيا : هى الانتخابات الى هتحصل بالاسم ولا الصورة

عموما انا ما هاديش صوتى الا لما يكون الى هصوت علية باللجنة

وشكرا

[شاعرالرومانسية]

الاخ الفاضل ،،، وليد صفوت ( فيولين سابقا )

اهلا بيك عضوا ينزل الى عامة شعب المحاورات ويأكل ويعيش ويقاسى مع الشعب

وعقبال ما يعملها كل اللى فوق ،،، وينزلوا يحسوا باللى تحت

لك خالص تحياتى،،،

[Abood]

ماشى ياعم ... كل ده علشان عايز تنفذ وصية عدوية

حبه فوق حبه فوق .... وحبه تحت حبه تحت