Scorpion بتاريخ: 24 مارس 2015 تقديم بلاغ مشاركة بتاريخ: 24 مارس 2015 بعد سنين و سنين من التجارب و من مراقبة اللي بيجري حوالينا وصلت الي ان التفاؤل و التشاؤم شيء نسبي ... ما بقاش فيه معجزات خارقة ممكن تقلب حياتنا زي ما كان بيحصل ايام الأنبيا اللي عملوا اللي عليهم و سابونا بعد كده ندير حياتنا باسلوبنا ... ما بقتش اعتقد مثلآ ان فيه قوة علوية بتتفرج علي عشرة طاولة بين عم نجيب و الأسطي ثابت و في اللحظة الحرجة تخلي واحد منهم يجيب شيش دو يمسك بيها خشب .. ما بقتش اعتقد ان السماء ممكن تنحاز لفريق او مجموعة من الناس علي حساب مجموعة تانية .. مافيش حد ممكن يقنعني ان فيه قوة ممكن تسمح لحد بيزرع أرض قلقاس انها تطرح فول حراتي .. مهما كانت قوتها او قدرتها .. ظاهرة عمر ما الطبيعة عملتها ... القوانين اللي بتحكم الكون طول عمرها هي هي .. الشمس دايمآ بتغيب و تشرق في موعدها و عمرها ما بطلت تعملها .. و القمر طول عمره بيلف حوالين الأرض بنفس السرعة .. و لو ده ما حصلش فالحياة علي الأرض بدون ادني شك حتنتهي ... لو حطيت زيت علي ميه .. حينفصلوا .. و لو كررتها مليون مرة حينفصلوا .. و لما ادي الحرامي مفتاح الكرار فانا اللي بحكم علي نفسي بان الكرار حلاقيه بكره فاضي .. و لما اشحت من حد فمافيش كلام اني لازم اخضع لشروطه .. و لما استلف من بنك فلازم ارجع السلفيه بفوائدها .. و لما ابعزق ورث ابويا عمره ما حيطلع من القبر و يديني ورث جديد .. حستلفها من الأستاذ عادل و اقول جملته المميزة ." هذا استهلالآ لابد منه " كل المثلة السابقة دي دايمآ بتبقي بعيدة عن فكرنا هنا في مصر .. اللي من مئات السنين بتكرر نفس اخطائها .. ناخد منظر ثابت و نشوف اللي حصل فيه علي مر العصور .. تلاقي الناس قاعدين يكرروا ورا امام و يدعوا يا ربنا يا متجلي داهية تاخد العثمانلي .. و المتجلي يسيبهم تولتوميت سنة مع العثمانلي .. و بعد ال 300 سنة تلاقيهم قاعدين في نفس المكان بيدعوا يا ربنا يا عزيز داهية تاخد الفرنسيس... و ربنا ما ياخدش الفرنسيس .. و بعد سنين و سنين برضه تلاقيهم بيكرروا نفس الدعاء بس يشيلوا الفرنسيس و يحطوا مكانها الأنجليز .. و ربنا يسيب الأنجليز يلبدوا في ارابيزنا 70 سنة ... و لما يغوروا .. واخيرآ يجي علي العرش مصريين .. بقدرة قادر تلاقيهم اتجبروا و اتوحشوا و و ابتدوا هما كمان يسجنوا و يعذبوا .. ينهبوا و يسرقوا ... يرشوا و يفسدوا .. برضه هما هما تلاقيهم بيدعوا يا ربنا يا كريم إحفظ رئيسنا ... إهديه لصالح البلده و لصالحنا احنا الناس الغلابة .. يا رب نور بصيرته ... وبالرغم من أن الدعوات دي اتكررت مع كل رئيس مسك البلد .. و سمعناها يوميا في الجوامع و الكنايس .. قريناها علي صفحات الجرايد و دلوقتي عالفيس بوك و مواقع التواصل .. لكن مافيش اي حاجة بتتغير و الوضع بيبقي دايمآ زي ما هو بل بالعكس عمال يتنيل اكتر كل يوم .. بس الدعاة برضه لسه بتكرر دعواتها .. كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
أبو محمد بتاريخ: 24 مارس 2015 تقديم بلاغ مشاركة بتاريخ: 24 مارس 2015 بعد سنين و سنين من التجارب و من مراقبة اللي بيجري حوالينا وصلت الي ان التفاؤل و التشاؤم شيء نسبي ... ما بقاش فيه معجزات خارقة ممكن تقلب حياتنا زي ما كان بيحصل ايام الأنبيا اللي عملوا اللي عليهم و سابونا بعد كده ندير حياتنا باسلوبنا ... ما بقتش اعتقد مثلآ ان فيه قوة علوية بتتفرج علي عشرة طاولة بين عم نجيب و الأسطي ثابت و في اللحظة الحرجة تخلي واحد منهم يجيب شيش دو يمسك بيها خشب .. ما بقتش اعتقد ان السماء ممكن تنحاز لفريق او مجموعة من الناس علي حساب مجموعة تانية .. مافيش حد ممكن يقنعني ان فيه قوة ممكن تسمح لحد بيزرع أرض قلقاس انها تطرح فول حراتي .. مهما كانت قوتها او قدرتها .. ظاهرة عمر ما الطبيعة عملتها ... القوانين اللي بتحكم الكون طول عمرها هي هي .. الشمس دايمآ بتغيب و تشرق في موعدها و عمرها ما بطلت تعملها .. و القمر طول عمره بيلف حوالين الأرض بنفس السرعة .. و لو ده ما حصلش فالحياة علي الأرض بدون ادني شك حتنتهي ... لو حطيت زيت علي ميه .. حينفصلوا .. و لو كررتها مليون مرة حينفصلوا .. و لما ادي الحرامي مفتاح الكرار فانا اللي بحكم علي نفسي بان الكرار حلاقيه بكره فاضي .. و لما اشحت من حد فمافيش كلام اني لازم اخضع لشروطه .. و لما استلف من بنك فلازم ارجع السلفيه بفوائدها .. و لما ابعزق ورث ابويا عمره ما حيطلع من القبر و يديني ورث جديد .. حستلفها من الأستاذ عادل و اقول جملته المميزة ." هذا استهلالآ لابد منه " كل المثلة السابقة دي دايمآ بتبقي بعيدة عن فكرنا هنا في مصر .. اللي من مئات السنين بتكرر نفس اخطائها .. ناخد منظر ثابت و نشوف اللي حصل فيه علي مر العصور .. تلاقي الناس قاعدين يكرروا ورا امام و يدعوا يا ربنا يا متجلي داهية تاخد العثمانلي .. و المتجلي يسيبهم تولتوميت سنة مع العثمانلي .. و بعد ال 300 سنة تلاقيهم قاعدين في نفس المكان بيدعوا يا ربنا يا عزيز داهية تاخد الفرنسيس... و ربنا ما ياخدش الفرنسيس .. و بعد سنين و سنين برضه تلاقيهم بيكرروا نفس الدعاء بس يشيلوا الفرنسيس و يحطوا مكانها الأنجليز .. و ربنا يسيب الأنجليز يلبدوا في ارابيزنا 70 سنة ... و لما يغوروا .. واخيرآ يجي علي العرش مصريين .. بقدرة قادر تلاقيهم اتجبروا و اتوحشوا و و ابتدوا هما كمان يسجنوا و يعذبوا .. ينهبوا و يسرقوا ... يرشوا و يفسدوا .. برضه هما هما تلاقيهم بيدعوا يا ربنا يا كريم إحفظ رئيسنا ... إهديه لصالح البلده و لصالحنا احنا الناس الغلابة .. يا رب نور بصيرته ... وبالرغم من أن الدعوات دي اتكررت مع كل رئيس مسك البلد .. و سمعناها يوميا في الجوامع و الكنايس .. قريناها علي صفحات الجرايد و دلوقتي عالفيس بوك و مواقع التواصل .. لكن مافيش اي حاجة بتتغير و الوضع بيبقي دايمآ زي ما هو بل بالعكس عمال يتنيل اكتر كل يوم .. بس الدعاة برضه لسه بتكرر دعواتها .. يعنى انت مش شايف أى فرق يا سكوب ؟ مش شايف أى فرق بين ابراهيم سعفان قصدى حسنى مبارك اللى قعد عشرين سنة من التلاتين يقول : "أنا مرتاح كده .. أنا مبسوط كده" لما البلد اتجمدت فى عصر اللى واقف فيه بيتخلف ؟ وبين واحد عمال يجرى بالبلد فى كل حتة ؟ يا راااااااجل مش شايف فرق بين اللى عالكرسى دلوقت واللى كان واخد الكرسى من سنة ونص ونازل بيه تحت الأرض ؟ حنقب يا سكوب .. إن شاء الله حنقب برغم أنف القرود اللى بيرموا قشر موز وبِلْى فى سكتنا عشان نقع نتكعور إن شاء الله قشر الموز حيحشوا بيه أفواههم .. أما البِلْى ، فيبقوا يشوفولهم صرفة فيه بقى .. إحنا مالنا نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
باهى الطائر الحزين بتاريخ: 24 مارس 2015 تقديم بلاغ مشاركة بتاريخ: 24 مارس 2015 اذا اردت إنجاز شئ فإن الله سيكون في عونك لكنه لن يعمل نيابة عنك ... عود احمد سكور .. لعلني اسهبت إذا خلفت سؤالا هنا وذهبت - بما اننا كدائما نحمل الحاكم مسؤولية تنبلتنا ... وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 يا ابو محمد يا اخي العزيز الموضوع مش موضوع فرق .. بالنسبة ليا الموضوع موضوع اللي اتقرص من التعبان لازم ياخد باله من الحبل .. عصرنا دلوقتي مش عصر المعجزات .. يببقي البني آدم او الدولة اللي عايزة تبقي حاجة بجد لازم تعتمد علي الدراسة .. علي التحليل .. علي الفهم .. و علي اساس ده كله تشتغل و بعدين تتابع و تصحح .. مابقاش فيه رفاهية زمان اننا نسيبها علي البركة و كام دعوة علي خليك متفائل و كله حيبقي قشطة .... و عليه حتكلم عن مؤتمر شرم الشيخ كمثال .. حيكون خطوة فاصلة فعلآ في مستقبل بلدنا و الا حيحصل فيه اللي حصل في مؤتمرات تاني شبيهة ليه طواها التاريخ .. و علشان ما ننساش في تاريخنا المعاصر كان فيه مؤتمرين مشابهين في عهد كل رئيس بخلاف تمويلات مباشرة لواحد لقي نفسه رئيس مصر لمدة سنة ... يبقي دورنا كلنا و من دلوقتي اننا ندرس اخطاء الماضي علشان ما نقعش في نفس مصايبها من اول وجديد ..المخضرمين منا يفتكروا ان بعد هزيمة 67 .. اجتمع اشقاءنا العرب و كانت لأول مرة يهددوا بقطع البترول .. ولكن ناصر ساعتها اقترح ان الاستفادة من دخل البترول لنجدة الجيش هو احسن بكتير من التهديد بقطعه ..و ده اللي حصل و اتدفقت علي مصر ايامها اموال كتيرة ... مافيش جنس مخلوق لحد دلوقتي يعرف الأموال دي كانت كام و اتصرفت علي ايه و مين اللي كان مسئول عنها و علي مراجعة اوجه انفاقها .. نفس الموقف اتكرر مع رئيسنا المؤمن السابق .... ماتش كرم و جود من الأخوة من اهل الخليج علشان يدعموه و يدعمو اقتصادنا المنهار ايام حرب اكتوبر .... ..ايه حجم الدعم ده..ازاي و فين اتصرف و ايه اللي استفدنا احنا منه اجتماعيآ .. ما حدش يعرف .. بس اللي نعرفه ان بوادر مافيا البيزنيس المصري في القطاع العام و القيادات الحكومية الحيتان السمان زي ما كنا بنسميهم ظهروا في الفترة دي ..قريت مرة لهيكل ( مع بعض التحفظ في التصديق الكامل) ان دول الخليج منحت مصر بعد تحرير الكويت 100 مليار دولار ... مبلغ خرافي لو صح .. كان يمكن أن يغير حياتنا كلنا في مصر .. ايه اللي حصل ..إختفي بواسطة كل جراد الرئيس .. و مع العياط .. فلوس قطر و الخليج حصل فيها ايه و راحت فين .. الباقي يعني من المدافع و الأسلحة و تمويل الأغتيالات و الرهاب اللي شغال لحد دلوقتي .. دلوقتي بعد 3 رؤساء احنا قدام فرصة جديدة .. اللي حصل في شرم ما بين مشاريع و ودائع و منح .. يبقي نبقي ملعونين فعلآ لو ما اتعلمناش من دروس التاريخ .. دورنا ان نصر ان يتم معاملاتنا بشفافية لنعرف فلوسنا حتتصرف فين و ازاي و من مين .. السيسي له قبول في وجدان المصريين .. رئيس ذكي بالفعل و من الأكيد اكتر واحد له تاريخ تدريبي و تعليمي احسن بمراحل من الرؤساء السابقين .. بس رئيس اختار لرئاسة وزرائه انسان متمكن بالفعل و لكن في نفس الوقت قط معروف مش لازم يسيبله مفتاح الكرار ابدآ ... يبقي لما نطالب بمعرفة مين اللي حيمسك مسئولية كل مشروع و المطالبة بالشفافية الكاملة في كيفية التصرف في اموالنا .. و ايه مدي كفاءة و قدرة كل مسئول منهم هو حق اساسي للمصريين ما ينفعش يترد عليه بالأسطمبات اللي ودتنا في داهية .. ما بقاش ينفع نقول يا عم سيبها علي الله .. ما بقاش تنفع دعوات و بركات القديسين و الأولياء.. لأنه فعلآ كفاية بقي .. كفاية ديون و كفاية مشاريع فاسدة .. علي الهامش انا مش بقول ان اللي بيحصل دلوقتي هي مشاريع فاشلة قبل ما ام دجدج ما تصدق و تفتكر ان فيه جنازة ... انا بس برضه زهقت من ام ترتر و مش عايز في وسط زغاريد فرح حقيقي ما نسمعش صوت باب بيتنا بيتكسر من حرامية .. كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 عزيزي باهي .. اشكرك عالترحيب .. و اوافقك ان الله سيقف بجانبنا اذا وقفنا بجانب انفسنا أولآ ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
أبو محمد بتاريخ: 24 مارس 2015 تقديم بلاغ مشاركة بتاريخ: 24 مارس 2015 عندك حق يا سكوب فى موضوع حقنا فى المعرفة على الأقل عشان اللى بيصطاد فى المياه العكرة .. وليطمئن قلبى ما دمت جبت سيرة المخضرمين تبقى استفزتنى .. وانت عارفنى لما حد ينجح فى استفزازى :) بص يا سيدى عبد الناصر أخد الدعم العربى بدلا من قطع البترول صحيح ما عرفناش اتصرف فين لكن شوفنا النتيجة بعد 6 سنين موضوع دعم السادات ده أنا أشك فيه لأنى عارف آخر رحلة للسادات فى دول الخليج واللى قوبل فيها مقابلة جعلته يعود ليعلن زيارته للقدس أما هيكل فمش حاعلق عليه بس انا فاكر إن دعم السادات بعد اكتوبر ولغاية ذهابه للقدس لم يزد عن 2 مليار دولار ولما أرادوا أن يثنوه عن المضى فى طريق معاهدة السلام عملوا اجتماع قمة وأرسلوا وفدا يعرض عليه 5 مليار دولار ثمنا للرجوع ورفض السادات مقابلة الوفد أما اليومين دول .. فالدعم الخليجى رايح معظمه فى التسليح ما بين طيارات وصواريخ مضادة للصواريخ والطائرات وأسلحة أخرى غير معلنة وأما فلوس المؤتمر الاقتصادى ففيه بعض من يسمون أنفسهم نخبة يعتقدون كما يعتقد سواثين التاكسى إنها فلوس بنكنوت نازلة علينا زى المطر ومش عارفين يعنى إيه مشاريع استثمارية فيها شراكة إحنا بالأرض والسوق والمستثمر بالتمويل يعنى فلوس على مدى سنوات .. والطرفين يكسبوا كل هذا الذى قلته ليس تبريرا ولكنه مجرد محاولة لإيجاد نوع من التوازن بين الفكر الأسود المسيطرة عليه فكرة المؤامرة والسرقة والنهب وبين فكر المطبلاتية والمشعلجية اللى تلاقيهم فى ديل أى رئيس وكما قلت لك أنا معك قلبنا وقالبا فى موضوع حقنا فى المعرفة نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
باهى الطائر الحزين بتاريخ: 24 مارس 2015 تقديم بلاغ مشاركة بتاريخ: 24 مارس 2015 يقيدني ان الطرح موضوع في باب موضوعات جاده وكنت اري وان باب الفكاهه هو الأقرب ليس اقلال من صاحبه وفكرته لا سمح الله ولكن لواقع وسلوك هزلي لشعب مرتاح يريد النجاح وزارة القوي العامله تطرح 37000 الف فرصة عمل ولا احد يتقدم لشغلها !! سنة حكم الأخوان المصريين كان بينادوا ياعزيز يارحمن كبه تاخد الخرفان والمعيز لما الهكسوس الرعاع احتلوا مصر وحكمها تصدق ان المصريين بنوا حضاره فيها ! ننط بالتاريخ لمحمد علي للخديوي اسماعيل انتهاء بالملك فاروق .. عبقرية الأشخاص والزمان النابهيين في فروع العلوم والآداب وجمالية وعذوبة الفنان ... واوجو ان لا يكرر التاريخ نفسه بعد 52 فتاريخنا غير مرضي بعد الفجعات التي تسمي مجازا بالثورات ... علي جنب .. تعرفش المصريين كانوا بيدعوا علي الهكسوس يقولوا ايه ؟ وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 لواقع وسلوك هزلي لشعب مرتاح يريد النجاح وزارة القوي العامله تطرح 37000 الف فرصة عمل ولا احد يتقدم لشغلها !! الخبر ده حقيقي يا استاذ باهي .. لأنه لو حقيقي تبقي مصيبة سودا متلتلة .. و نجيب فعلآ السباخ و نحطه علي راسنا .. مش من عدم تقدم حد للوظايف دي .. بالعكس .. المصيبة هو طرحها من اساسه ... لسه كنا جايبين خبر علي الحكومة اللي اعلنت الحرب علي العمالة الزايدة و ازاي حيعملوا معاشات مبكرة و قدام كل عشرة يخرجوا علي المعاش حيعينوا واحد بس .. ايه !! ايه ؟؟ هو فيه 370.000 واحد طلعوا عالمعاش فجآة كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
باهى الطائر الحزين بتاريخ: 24 مارس 2015 تقديم بلاغ مشاركة بتاريخ: 24 مارس 2015 الخبر ده حقيقي يا استاذ باهي .. لأنه لو حقيقي تبقي مصيبة سودا متلتلة .. و نجيب فعلآ السباخ و نحطه علي راسنا .. مش من عدم تقدم حد للوظايف دي .. بالعكس .. المصيبة هو طرحها من اساسه ... لسه كنا جايبين خبر علي الحكومة اللي اعلنت الحرب علي العمالة الزايدة و ازاي حيعملوا معاشات مبكرة و قدام كل عشرة يخرجوا علي المعاش حيعينوا واحد بس .. ايه !! ايه ؟؟ هو فيه 370.000 واحد طلعوا عالمعاش فجآة الخبر حقيقي استاذي والعدد ربما يفوق ما ذكرته فقد قرأته منذ اسبوعان تقريبا كما سمعته من الوزيره شخصيا في احد البرامج ثم إليك مثال حي علي ذلك انا واحد ممن يعانون اشد المعاناة من عزوف العمال عن الأعمال التي تتطلب جهدا بدنيا مع العلم ان هنا مقابل مادي محترم وجدا ثم فرص العمل المتاحه هي في القطاع الخاص وقطاع الأعمال وليس الحكومه بأستثناء طلب وزارة التربيه والتعليم ل ٣٠ الف مدرس للتعيين بعد اجراء بعض الأختبارات لم ينجح احد ... وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
باهى الطائر الحزين بتاريخ: 24 مارس 2015 تقديم بلاغ مشاركة بتاريخ: 24 مارس 2015 طيب اقولك علي فاجعه .. كان فيه قانون للتأمينات الأجتماعيه تقريبا اتعمل بعد الثوره ولا اعلم تحديدا اذا كان في عهد امجلس العسكري او الإخوان للمعاش المبكر .. قبله كان لازم تعمل بالفعل لمدة 20 سنه لكي تحصل علي معاش شهري وقت تفعيل القانون ده الناس ياللي عنده تأمي لأي مده دون العشرين يشتري مده ويساوي ويقبض مكافأة نهاية خدمه كمان ويصبح من الوجهاء اصحاب المعاشات وفيه ناس امنت سنه واشترت 19 وصرفت معاش وبيقبض 500 جنيه في الشهر كمان المهم ان الناس دي من الشباب حو ال 30 طموووح الجوع والراحه مش تقلي رقابه ياراجل ده انا مبقوق وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
أبو محمد بتاريخ: 24 مارس 2015 تقديم بلاغ مشاركة بتاريخ: 24 مارس 2015 معظم شباب مصر معاش مبكر وشغالين دلوقت عالفيس بوك وتويتر نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 لأ .. كده يبقي عندنا مواد نفتح بيها موضوع لوحده نناقش فيها المصايب دي .. دلوقتي نرجع لموضوعنا الحالي و شكوكي المشروعة اللي لسه مجرد هواجس مالهاش حاليآ اي اساس يخليها حقيقة واقعة الا دروس الماضي اللي كانت نتيجتها كلها مش قد كده و الا ما كناش بنتكلم في الموضوع ده من اساسه ... الدرس الأساسي بيقول اننا لما نستلف لازم نرجع للبنك فلوسه و عليه فوائدها اللي ساعات بتبقي اكتر من القرض نفسه .. من فترة مش فاكر كان في جرنان او في الإذاعة كانوا بيتكلموا عن كتاب كتبه واحد اسمه بركنز بيتكلم عن ازاي ممكن يغتالوا الدول اقتصاديآ .. يعملوها ازاي ولاد ال... .. يعملوا دراسات جدوي حوالين مشاريع فرعونية كلها تفاؤل و يقدموا لرؤساء العالم التالت .. تعجبهم طبعآ و علي حسها يتقدملهم قروض .. يبتدوا يعملوا المشروع ده .. و هوبا اسعار تنفيذه تتضاعف طبعآ لأسباب كتيرة اولها فساد اللي ماسك المشروع نفسه و السبوبة اللي طلعتله من وراه .. و لما يخلص مكاسبه حتكون اقل من اللي كان متوقع لها بسبب الفساد و الغش و الجهل ... و تبتدي الدول دي الغطس بل و الغرق التام في ديونها و فوائد الديون دي .. و لما تبقي غرقان في ديونك ... خلاص .. بح .. مالكش حل .. مش حتقدر تتكلم بصفتك سيد قرارك .. لأنه ساعتها مش حيبقي ليك لا قرار و لا ارادة .. و ده مش كلام حصل للتانيين .. ده حصلنا احنا و مش مرة .. لأ حصل مرتين .. .مرة مع إسماعيل باشا و مرة مع السادات .. و لغاية لحظتنا دي بندفع التمن و لسه بنعاني منه لحد دلوقتي و آدينا اهه قدام موضوع مماثل حيتكررللمرة التالتة .. و التالتة تابتة ... يعني مع كل الإحترام و التقدير و التصديق ان دول ناس بيحبونا و عايزين يساعدوا مصر .. لكن لما فيه ممول يقدملي مدينة جديدة مصاريف انشاءها حتوصل "مبدئيآ" 45 مليار دولار و اضرب الرقم ده في 7.6 علشان نعرف بالجنية التكلفة حتكون كام بسعر النهارده .. يبقي بعد ما التعبان قرصني من حقي اشك ان الخواجا بركينز اخدله مطرحين و صالة في جاردن سيتي اليومين دول .. و يخليني اطالب الجميع بانهم يفنجلوا عينييهم 24 ساعة قبل ما يضرب ضربته و يسرق فرحتنا ..الحالة العامة هي نفسي الحالة العامة اللي انا شخصيآ افتكرها ايام السادات و اللي قارنها والدي ربنا يرحمه بايام ناصر و ازاي كانت واحدة .افراح و ليالي ملاح و احلام و امال و كله حيتدفع عالجُطن .. و لما ييجي ميعاد حصاد الجُطن نلاقي الدودة كلته .. مافيش ادني شك .. و باخلاص اقولها .. كلنا بنعتبر الجيش و السيسي كممثل اساسي لدرعنا الحامي كانوا ابطال انقذونا فعلا من براثن الإخوان و السلفيين .. و السيسي باقترابه من الناس و عدم نمطية تحركاته و طموحه بالقفز بينا و معنا لمستوي حقيقي تستاهله مصر .. شيء يجبر الجميع علي السعادة .. انا سعيد بالفعل بتواجده .. و لكني سعيد اكتر بواجبي كمواطن .. بواجبي اللي اهدته ليا المحاورات كمعارض يتمني له و لبلدي كل النجاح .. و دعواتي ليه هي دعوات من اجل بلدي مش لأني مفتون لأنه زاح عني كابوس الأخوان ... كل المطلوب اننا ما نتفائلش قوي و لا نتشائم قوي .. المطلوب اننا نفكر و ما نسيبش لأي حد انه يشتغل بالنيابة عنا و لا ندي كارت ابيض لحد مهما كان .. احنا اصحاب البلد و كلهم شغالين عندنا .. دورنا نراقبهم بعيون صقر ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
أبو محمد بتاريخ: 24 مارس 2015 تقديم بلاغ مشاركة بتاريخ: 24 مارس 2015 يا سكوب .. يابنى يا حبيبى عارض وخذ حذرك وكل حاجة :) بس ما تعملش فى نفسك كده الأرض أرضنا .. عن ابونا وجدنا حتروح فين ؟ .. حايخدها المستثمر ويطير يعنى ؟ هو اللى حيدفع فلوس .. وحيلمها من المصريين اللى شايلين آد كده على قلوبهم حسب قانون العرض والطلب نحن لا نأخذ قروض الخواجة بيركنز .. إحنا داخلين جمعية بالأرض اللى ما حدش يقدر ياخد شبر منها ويفلسع ما تعملش زى الناس التانيين اللى بيحسبوا نصيبهم فى البنكنوت اللى نازل يرف علينا زى ما قعدوا يحسبوا فلوسهم فى الـ 70 مريار بتوع مبارك اللى قال عليهم هيكل (إحسبها انت بالمصرى) أنا مش عايز أبقى متفائل أكتر من اللازم .. بس متهيأ لى إنى باقول حقايق مش ماسك طبلة وطار نحن فى حالة حرب لم يخض جيشنا مثلها من قبل فى الحروب السابقة كانت الجبهة الداخلية مصطفة تساند جيشها الآن الجيش يحارب الإرهاب وهناك من يطعنه فى ظهره فى الحروب لا توجد معارضة .. يوجد خونةتحيا مصر*********************************إقرأ فى غير خضـوعوفكر فى غير غـرورواقتنع فى غير تعصبوحين تكون لك كلمة ، واجه الدنيا بكلمتك رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 دوري هو دور محامي الشيطان يا ابو محمد .. دور ما حبوش لكن لازم حد منا يعمله .. علي الأقل تكون نيته فعلآ سليمة .. مش هجوم علشان طارت من ايده السبوبة .. كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
باهى الطائر الحزين بتاريخ: 24 مارس 2015 تقديم بلاغ مشاركة بتاريخ: 24 مارس 2015 (معدل) طيب نضرب مثل بدول جنبنا للصين سطوه اقتصاديه في القاره الأفريقيه الهند قطر تركيا ومؤخرا روسيا من اوربا فرنسي ايطاليا المانيا بريطانا وحتي امريكا .. يعني من الشيوعيه الي الأشتراكيه وصولا الي الديمقراطيه ) انسي ... الحسنه الوحيده لعبد الناصر تأميم قناة السويس وماظنش ان نقدر نعملها تاني ... تم تعديل 24 مارس 2015 بواسطة باهى الطائر الحزين وكالريح لا يركن إلي جهه إلا وهيأ لأخري راحله ... رابط هذا التعليق شارك المزيد من خيارات المشاركة
Scorpion بتاريخ: 24 مارس 2015 كاتب الموضوع تقديم بلاغ مشاركة بتاريخ: 24 مارس 2015 علي فكرة .. الموضوع ده مش هجوم او تشكيك .. هو دعوة للحذر فقط .. يعني مثلآ اول تجربة حقيقية لمشروع جبار كان مشروع تفريعة قناة السويس بتمويل المصريين نفسهم .. لما تم الاعلان عنه اسعدني جدآ .. لكن مع السعادة اتحفظت علي الفترة الزمنية اللي ربط بيه السيسي نفسه و كنت شايف انه ما كانش ليها اي لازمة ... لكن كان فيه اللي واثقين مليون في الميه منه .. زي الأعزاء أبو محمد و محمد مع حفظ الألقاب .. لغاية دلوقتي من تقدم المشروع اللي واضح تمامآ ان مخاوفي ما كانتش في محلها .. و يا رب دايمآ كده .. المشكلة ان المرة دي اللي بيمول مش هما المصريين .. و آديني اهه بعلنها من دلوقتي .. لن أجدد ... لأ مش دي .. سوف اشك دائمآ ... لكن لن أُخّوِن .. كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان