(صورتها ) قصيدة زى بقية القصايد

[emadiab]

صورتها

ماتقولى ليه اختارتنى

و قولت انك بتحبنى

و فى عز فرحى سبتنى

احلم معاك بطعم بكرة

يمكن عشان اشبهلها

او فيا كتير منها

معقولة لسه بتحبها

و هى بقت مجرد ذكرى

لكن انا غيرها بكل ما فيا

و مش حقدر اكونلك هى

و مش حرضى اعيش جنبك

مجرد صورة وهمية

لسه عايش فى اوهامك مش قادر تفوق

عينيك لسه مليانين حنين ليها وشوق

بتدور عليها فى كلامى و سكونى

و مش قادر تلاقيها حتى فى لون عيونى

خلاص مش قادرة اتحمل عذابى فاق حدودى

صورتها عايشة فى كل مكان بتهدد وجودى

مش حقدر اعيش بينها وبينك نايهة

لأنك محبتنيش و مش عايز تخسرها

[مى محمد]

قصيدة اخرى رائعة يا عماد....و ممكن جدا تبقى اغنية

فيها شبه من اغنية انغام...بتحبها ولا

بتحبها ولا...بتفكرك بيا

هى انا ولا جايز انا هى

بس ده مايمنعش انها فعلا جامدة جدا :angry:

[emadiab]

شكرا يا مى على ردك وعلى رأيك فى قصيدتى وان كنت بدأت اشك انك كنتى قاعدة معايا يوم ما كتبتها

بس مين جاب سيرة انغام

فعلا انغام كانت فى دماغى من اول ما فكرت فى كتابة القصيدة

على العموم هى دايما فى بالى كل ما بكتب حاجة بتتكلم عن مشاعر الإنثى لأن تقريبا مفيش غيرها