عربات الفول تتحول إلى القطاع الرسمي

[herohero]

ياساده عربيات الفول لو بقت نظيفة ومطابقة للمواصفات الصحية للاكل الادمي
محدش هيروح لها ولا هيبقى لها طعم

انا ليا تجربة كان فيه عربية عند مساكن شيراتون ع دخلة طريق المطار ، العربية ده صاحبها اجر محل ف المنطقة ده تخيلوا ان المحل خسر ورجع لعربيته ثاني
انا واحد من الناس لا انكر مدى جاذبية هذه العربية لي ولكثير من الاصدقاء اللي كان بيجي من مكرم والطيران واول عباس عشان ياكل عندها
عربية الفول بنظافة ووفقا للمعايير الصحية مش هيبقى لها طعم

[abaomar]

السلام عليكم

الافاضل الكرام جزيتم خيرا

اولا اشارك اخى الحبيب التونسي فى مشاعره العاليه بخصوص وجبه الفول من على العربه .

ثانيا النظام الفاشل الذى يبحث فى كل إتجاه للجبايه من اى مصدر و بأى طريقه لا تهمه صحه عامه و لا غيره

بدلاله القرارات الفاشله المتلاحقه و ليس آخرها ..فضيحه علاج الكفته الشهيره التى فضحتنا امام الدنيا باسرها

تقنين عربيات الفول ما هو إلا باب فسااااااد رهيب بدايه من الترخيص ثم الشهادات الصحيه

مرورا بتهريب الفول و السلع اللازمه خارج منظومه التموين

و بيعها بأسعار خرافيه وصولا للضرائب على النشاط و التأمينات و.. و. الى اخر منظومه الفساد ..ما يعنى

ان ساندويتش الفول ابو جنيه و جنيه و ربع ....سيكون 2 جنيه على الأقل

و لا عزاء للفقراء و الكييفه امثالى .

.

الفشل له ناسه ...لاشك

تم تعديل 22 فبراير 2015 بواسطة abaomar

[White heart]

في 2/21/2015 at 23:27, أبو محمد said:

طيب ينفع تكون عربيات همبرجر وهوت دوجز وفيش أند تشيبس زى اللى عند لندن بريدج ؟

ينفع طبعاً ... بس ياريت لو كان بعيد عن "الجيش" .. او صندوق "تحيا مصر" ... عموماً فكرتك الحمد لله وصلت للسادة المسئولين والقائمين على "الصندوق" الذين واضح انهم يفكرون خارجه بالفعل ... فنقرأ على الصفحة الرسمية لمحافظة سوهاج:

اقتباس

قريبا ...
الدكتور / ايمن عبد المنعم ... يقوم بتسليم الدفعة الأولي لعدد 15 عربة ذكية في إطار خطة المحافظة لتشغيل الشباب حيث ان العربة الذكية تعمل بالطاقة الشمسية مما يساعد في الحفاظ علي البيئة ويمكنها التنقل من مكان لآخر بسهولة ، وقد تم تجربتها بنجاح بمحافظتي الاسكندرية والبحيرة ، والآن في سوهاج حيث يقوم السيد المحافظ بتسليمها لشباب حي شرق وحي غرب سوهاج ومركز ومدينة اخميم .

 

تم تعديل 3 سبتمبر 2016 بواسطة White heart
إزالة سطور فارغة.

[eslam elmasre]

فيه ناس بتسأل هو ليه الجيش بتاعنا بيتدخل في حل المشاكل المدنية ؟

الاجابة

لانه فاضي وماعندوش شغل والايد البطالة نجسة زي ما بيقول المثل الشعبي 

طب الناس دي يتاخد مرتبات وحوافز واللذي منه يبقى اقل حاجة يصرف على نفسه 

بالنسبة بأه للحدود والخطر الخارجي كل الحكاية ان الخطر الوحيد ممكن يكون من ناحية الشرق وزي مانتم عارفين ان فيه معاهدات وتطمينات كتير من الجهة الشرقية وبالنسبة لشوية العيال بتوع داعش فدول نظام كر وفر وقط وفار ومش هايخلصو فهتفضل الحرب معاهم لمدى طويل على هذه الوتيرة وبالنسبة للخطر من ناحية الغرب فهما في حالهم واحنا في حالنا اما الجنوب فدول ناس طيبين اوي يا خال ومش بتوع عدوانية 

وبكدة الجيش هايبقى فيه عواطلية كتير وبطالة مقنعة يبقى الاحسن يجيبو مصاريفهم وخصوصا وان التجنيد عندنا اجباري يعني تكلفة تقريا صفر 

انا مع ان الجيش يشتغلو بتوع فول وبزازات وينزحو المجاري والشغل عمره ما كان عيب ولا حرام العيب هو انك تسرق او تعمل عمل مش شريف 

[عطر الجنة]

في ٢٢‏/٢‏/٢٠١٥ at 00:36, أبو محمد said:

يمكن يكون دمى تقيل فى التعبير عن وجهة نظرى

إيه رأيكم أسيب واحد دمه خفيف يعبر عنها ؟

 

بكل دول العالم هناك اطعمة الشوارع ..

و قد افردت له قناة ناشونال جيوجرافى برنامج يتحدث عن اطعمة الشوارع ..

و هذه احدى الحلقات ..

 

[White heart]

3 ساعات مضت, عطر الجنة said:

بكل دول العالم هناك اطعمة الشوارع ..

بلا أى جدال هذا صحيح ...

ولكن ليس بكل دول العالم المتحضر هناك جنرالات يقومون بإصدار قرارات جمهورية بقوانين للتوقيع على صفقات تسليح ومشاريع "قومية" مليارية بالآجل والدين ( ســــــــبـــــــوبـــــــــة )  يتحمل تبعاتها الكارثية الجيل المُعاصر والأجيال الصاعدة ... وبعدها ينشئون مؤسسات وهيئات حكومية:

ثم وبينما هم يوقعون على المزيد من القروض يدعون الشعب أن "يُصبحوا" على مصر ويتبرعوا لــ "صندوق" تحيا مصر:

وذلك من أجل التفكير خارج "الصندوق"  -على سبيل المثال - المُساعدة على تشغيل بعض الشباب بتأجيرهم عربات أطعمة تُضاء بالطاقة الشمسية للمُحافظة على البيئة، بينما لا يوجد بها أى نظام صرف أو تصريف وما له علاقة بالصحة العامة!

تم تعديل 4 سبتمبر 2016 بواسطة White heart
إضافة العبارة الاخيرة.

[أبو محمد]

الجنرال جمل سفينة الصحراء

[White heart]

12 دقائق مضت, أبو محمد said:

الجنرال جمل سفينة الصحراء

لا يا عزيزي .. تلك العربات - تحيا مصر -  "الذكية" ... لا تجرها لا جمال ولا حمير ... انما تعتمد على الدفع اليدوي ... الا اذا كنت لا سمح الله تقصد السخرية والإستهزاء برأى ما هنا ورد في سياق الموضوع .. أو تقصد شيئاً آخر لا علاقه له بموضوع الحوار .. اذن فهذا أمر آخر!!!