مصر في كأس العالم لليد

[فولان بن علان]

34 مقابل 20

أداء رجولي

لياقة مدهشة

فنيات ممزية

تركيز في الهجوم

جمهور رائع من الجالية المصرية بقطر

المدرب مروان رجب مع كل كورة على الخط كأنه يلعب

أحمد الأحمر أحسن لاعب في البطولة

كل اللاعبين كانوا أبطال

المباريات القادمة كلها صعبة مع فرنسا والسويد وتشيكيا وايسلندا

كنا رابع العالم في فرنسا 2001 وتدهورنا بعدها

فهل نستعيد أمجادنا في اللعبة

تم تعديل 20 يناير 2015 بواسطة Scorpion

[فولان بن علان]

للأسف انهزمنا من فرنسا 28 مقابل 24

رغم أننا تقدمنا عليهم حتى الدقيقة 20 من الشوط الأول

وكنا ند لهم بقية المباراة ولكن عامل الخبرة كان في صالحهم

الاخطاء الساذجة كانت سبب الخسارة

والحكم الظالم المفتري

استبعاد 9 مرات دقيقتين للفريق المصري

رغم أ ن الأداء في العموم كان بطولي

الأمل في مباراة التشيك لو استطعنا الفوز يمكننا العبور للدور القادم

[التونسى]

على فكره الفريق المصرى كان بيرتكب فاولات عنيفه تستحق فعلا الاستبعاد .. عامة فرق 4 اهداف مع بطله من ابطال العالم نتيجه ليست بسيئه

[فولان بن علان]

على فكره الفريق المصرى كان بيرتكب فاولات عنيفه تستحق فعلا الاستبعاد .. عامة فرق 4 اهداف مع بطله من ابطال العالم نتيجه ليست بسيئه

ايوه بنرتكب أخطاء بغشم

لكن همه كانوا بيضربوا بخبرة من تحت لتحت وبتعدي على الحكم

على ما أتذكر انهم غلبونا في الدور قبل النهائي في فرنسا 2001 بفارق هدف وكنا على أعتاب المباراة النهائية

والحكم وقتها جاملهم على حد كلام خبراء اللعبة

عموما الفريق الحالي من الشباب ومستقبلهم كويس لو وفرت لهم المساندة والاحتكاك الجيد المستمر

كذلك مروان رجب مدرب عنيد مثلما كان لاعب جسور

بالتوفيق إن شاء الله في المباريات القادمة

[Scorpion]

احتجزت قوات تأمين صالة "الدحيل"، مشجعين مصريين من الذين يقومون بمساندة الفراعنة في كأس العالم لكرة اليد المقام بالدوحة.

وتستضيف قطر النسخة رقم 24 من كأس العالم لكرة اليد في الفترة ما بين 15 يناير وحتى الأول من فبراير المقبل.

ولم يعرف حتى الآن سبب احتجاز المشجعين، في الوقت الذي هدد فيه كرام كردي رئيس البعثة المصرية بالرحيل من الدوحة حال عدم الإفراج عنهما.

[فولان بن علان]

احتجزت قوات تأمين صالة "الدحيل"، مشجعين مصريين من الذين يقومون بمساندة الفراعنة في كأس العالم لكرة اليد المقام بالدوحة.

وتستضيف قطر النسخة رقم 24 من كأس العالم لكرة اليد في الفترة ما بين 15 يناير وحتى الأول من فبراير المقبل.

ولم يعرف حتى الآن سبب احتجاز المشجعين، في الوقت الذي هدد فيه كرام كردي رئيس البعثة المصرية بالرحيل من الدوحة حال عدم الإفراج عنهما.

هل كان السبب هو هتافات ضد رسومات شارلي ابدو

لم أطلع على الخبر وأخبرني صديقي بذلك

اليوم مباراة مهمة جدا مع التشيك لن أستطيع مشاهدتها للأسف في مواعيد العمل أمانة عليك يا سكوب تشوفها وتحكيلي

أملنا كبير في الفوز رغم أن نتيجهم مع فرنسا أفضل من مباراتنا اتهزموا بفرق ثلاثة أهداف واحنا اتهزمنا بفرق أربعة

تونس ضيعت الفوز على النمسا وتعادلت وكانت متقدمة طوال المباراة

فريق قطر اللي مش عربي هزم سلوفينيا وصعد لدور الستة عشر

والجزائر اتهزم من ايسلندا رغم انه اتقدم في بداية المباراة 6/0

مشكلة الفرق العربية عموما انها لا تستطيع التماسك إلى نهاية المباراة

[فولان بن علان]

مبروك يا رجالة

انتهت مباراة مصر والتشيك بفوز مصر بس مش عارف كام كام

ممكن السادة المشرفين يغيروا اسم الموضوع إلى

مصر في كأس العالم لليد

ويشيلوا تسحق الجزائر عشان الأمة العربية وحاجات كده ونتابع مشوار مصر في البطولة

احساسي إننا هانعمل مركز كويس في البطولة دي إن شاء الله

[فولان بن علان]

نشرت الشروق اليوم خبر

عن دعوة الأمير القطري للرئيس السيسي لنهائي بطولة العالم لليد عن طريق رئيس الاتحاد العالمي للعبة المصري حسن مصطفى

هل يستجيب الرئيس السيسي

[فولان بن علان]

كريم هنداوي أفضل لاعب في المباراة

النتيجة 27 مقابل 24

[فولان بن علان]

يارب كملها على خير

مصر متقدمة على السويد 17/13

أداء أكثر من رائع للمنتخب المصري

المهم هو الدقائق الأخيرة التي ينخفض فيها مستوانا

[فولان بن علان]

للأسف ضيعنا الفوز في آخر اربع دقائق

التعادل 25/25

نتيجة جيدة مع حامل لقب البطولة أربع مرات

لكن كانت فرصتنا كبيرة

تقدمنا 20/15

مش عراف ايه حكاية آخر دقايق ايه اللي بيجرالنا

محتاجين طبيب نفسي يرسخ فيهم انهم يقدروا يكسبوا أي فريق وينظموا مجهودهم

الثبات الانفعالي والنفسي مهم جدا للوصول لترتيب جيد

لكن لأنهم مستواهم هايل كنت أطمع أن نلعب علي البطولة

أحمد الأحمر أحسن لاعب في المباراة

[التونسى]

مدرب السويد كان لسان حاله بيقول يا ارض انشقى وابلعينى لما تقدمنا بفارق خمس اهداف .. كان فاكر الماتش نزهه او رحله .. عامة التعادل مكسب ((معنوى)) واتمنى على الاقل نحقق المركز الثالث .. انا بتابع حاليا ماتش التشيك وايسلندا .. والتشيك اللى غلبناها مقطعه ايسلندا اللى اتعادلت مع فرنسا اللى غلبتنا .. شئ عجيب بصراحه يدل على قوة هذه المجموعه وتقارب المستويات .. الشوط الاول التشيك متقدمه بفارق 10 اهداف على ايسلندا !!! .. بلا شك نتيجه فى صالحنا تدعم اقترابنا من احتلال المركز الثانى او الثالث اذا فزنا على ايسلندا فى الماتش الجاى والسويد هزمت فرنسا بفارق محترم .. بصراحه بطوله ممتعه وقطر ابدعت فى تنظيمها .. والفريق المصرى نهر لا ينضب من اللاعبين الموهوبين على مدار ربع قرن واكثر

تم تعديل 22 يناير 2015 بواسطة التونسى

[الدكتور ياسر]

كما قال الاستاذ فولان , ينفصنا الاعداد النفسي

الفرق المصرية بصفة عامة وفي كل اللعبات ينقصها الاعداد النفسي بجانب الاعداد البدنى والمهارى ..

لأن بصراحة مفيش فريق كبير يبحث عن لقب عالمى , ويكون متقدما بفارق خمس أهداف ثم يهدر هذا التفوق في الدقائق الاخيرة ويكتفي بالتعادل !!

[التونسى]

لما اتهزمنا من ايسلندا النهارده حزنت لانى اولا مش بحب اشوف فريق مصرى يتهزم الى جانب ان الهزيمه نزلتنا للمركز الرابع يعنى حنلعب فى دور ال16 مع اول المجموعه التانيه اللى هي المانيا .. لكن بعد ما دخلت احد المنتديات الرياضيه المهتمه بلعبة كرة اليد روحى المعنويه ارتفعت قليلا بعد ما عرفت ان اللعب مع المانيا افضل من اللعب مع الدنمارك اللى هى مفروض تكون ثانى المجموعه التانيه .. والدنمارك مستواها كما يقولون احسن من المانيا كثيرا التى قل مستواها فى الفتره الاخيره وتلعب فقط على سمعتها وتاريخها .. الى جانب الدنمارك عندها افضل حارس مرمى فى العالم الاخطبوط البرىلاندين جاكوبس

بالتوفيق للمنتخب المصرى يوم الاثنين ان شاء الله واللعب مع المانيا قضا اخف من قضا لان لو كسبناها طريقنا للمربع الذهبى حيكون ايسر

[أبو محمد]

قطر بتلعب بطولة اليد بدون قطريين

حاجة كده زي القهوة السادة

مش بس بدون سكر .. وبدون بن كمان

[التونسى]

قطر بتلعب بطولة اليد بدون قطريين

حاجة كده زي القهوة السادة

مش بس بدون سكر .. وبدون بن كمان

الفلوس يا صديقى تصنع المعجزات احيانا .. فريق قطر اغلبه مجنس وتحس انه اشبه بمنتخب للعالم .. وفيه لاعبين قطريين برده لكن قله واحتياطى .. وعلى فكره فى لاعب مصرى ايضا ضمن التوليفه المتجنسه .. احسن ما فى التوليفه دى هو الحارس بتاعهم العملاق .. هما خسروا المباره النهائيه من شويه .. لكن قدموا ماتش كويس

[أبو محمد]

هما خسروا المباره النهائيه من شويه .. لكن قدموا ماتش كويس

:)

اللى هم مين ؟

[التونسى]

:)

اللى هم مين ؟

الفريق القطرى يا مان .. على فكره موضوع التجنيس ليس بدعه ابتدعتها قطر .. لو تفتكر فى وقت من الاوقات كان فريق الكره الفرنسى اغلبه من المتجنسين ايضا .. واللى يثير تعجبك ان الفريق المنتمى لاوربا كان معظم لاعبيته من ذوى البشره السمراء .. وكتير لاعبيه برازليين لعبو للبرتغال منهم ديكو .. بل ان احسن لاعب على مر التاريخ البرتغالى هو ايزبيو اللى كان موزبيقى الجنسيه .. ومننساش اعظم لاعبى فرنسا والعالم زين الدين زيدان اللى ينحدر من اصول ((امازيجيه)) جزائريه حيث امه وابيه من المهاجرين لفرنسا .. بس طبعا هو اتولد وترعرع بفرنسا ويعتبر فرنسى اكثر منه جزائرى .. وموضوع التجنيس بتلاقيه منتشر جدا فى العاب القوى .. تلاقى عداء سويدى او انجليزى ولكنه ذو اصول صوماليه او اثيوبيه او كينيه .. واشهرهم محمد فرح الصومالى المولد والبريطانى الجنسيه اللى جاب لانجلترا ميداليتين دهب فى اولمبياد لندن 2012 فى 5000 وال10000

[أبو محمد]

:)

برضه قهوة سادة

[التونسى]

:)

برضه قهوة سادة

انا بالنسبه ليا كانت قهوه ماسخه مكمكمه.. لان فيه ناس كيفها القهوه الساده