الموبيل

[Akrum]

طبقا لما نشر بالقاهر يوم الأربعاء (23/5/2001م) أكد بحث علمي حديث أن الإشعاعات الصادرة عن الهاتف الجوال تضرب خلايا المخ 217 مرة كل ثانية واحدة ، وتزيد معدل تحول الخلايا الطبيعية في جسم الإنسان إلى خلايا سرطانية بنسبة تصل إلى 59 بالمائة . وتبين مجموعة من العلماء المصريين بالهيئة القومية للوقاية من الإشعاع برئاسة       الدكتور "محمد إسماعيل الجوهري" ، أن إشعاعات الجوال تسبب الضرر خلايا جهاز المناعة لدى الإنسان مشيرين إلى أن الترددات الإشعاعية (الأعلى من مائة كيلو هيرتز) ، أدت لحدوث بعض الأورام لدى الحيوانات التي تعرضت لها، وزادت من معدل انقسام الخلايا عند ترددات إشعاعية، بلغت 300 هيرتز فأعلى . وأوضحوا أن الهاتف الجوال ومحطاته يزيد معدل الترددات الإشعاعية التي تخرج منه عن 800 ميجا هيرتز ، ملاحظين على مستخدمي الهاتف الجوال بعض ظواهر الأمراض  الناتجة عن استخدامه، مثل الصداع، والألم ، وطرفة العين ، وطنين الأذن ليلاً ، وضعف الذاكرة والنسيان . وأوصوا بالتقليل من استخدام الجوال وإبعاده عن الرأس ، لمسافة (20 سنتيمترا على الأقل) ، وضرورة أن يكون "الهوائي" الخاص بالجهاز قصيراً، لتقليل كمية  إصدار الإشعاعات، إضافة إلى عدم زيادة مدة المكالمة عن ثلاث دقائق ، ومنع  الأطفال قبل سن البلوغ من استخدامه ، وعدم حمل الجهاز بمنطقة قرب القلب ، والكلى ، والكبد للإقلال من أثر الإشعاعات التي يمتصها الجسم ، وإبعاد الجهاز  من غرف النوم ، (إذا كان مفتوحاً) ، وذلك لتقليل وقت المكوث مع الجوال في مكان مغلق ، لأن تأثيرات الإشعاع تزداد على الشخص النائم ، خاصة على العيون والنشاط  الكهرومغناطيسي للمخ .

.

.

[NonSuperior]

شوف يا اكرم :) مكتوب على علب السجاير كلمه لطيفه جدا "التدخين ضار جدا بالصحه" ده غير اللى بيلمسه المدخن فور الشروع فى التدخين من كحه و شرقه والحاجات اللى بيجيبوها فى الافلام دى :) ورغم كده عدد المدخنين فى ازدياد :) يبقى فيه سبب بيخليهم يضحو بصحتهم فى سبيل الهباب ده وده على الرغم من ان اضرار التدخين لم يختلف عليها احد كما هو الحال بالنسبه للموبيل

يبقى ايه هو السبب اللى بيخلى الناس تشبط فى الموبيل عشان نمحوه تقوم الناس تقتنع بنفسها وتبطل تلعب بالحاجات الضاره دى؟ هل هو افتقاد الاحساس بالهميه والاحساس بيها مع وجود اللعبه دى فى الايد؟ يعنى لا اظن ان كل من يحمل الموبيل على هذه الاهميه بدليل ان كثيرين يفقدون هواتفهم النقاله و بعد فتره تعود حياتهم لما كانت عليه بدون قلق لان احتياجهم اليه ليس حقيقى

اذن الاقتراب من الموضوع لن يكون من خلال اقناع الناس بمضار الهاتف النقال لان هناك سبب او اسباب تجعله اهم بالنسبة لهم من صحتهم :(

[ragab2]

يعنى هاتلقيها منين ولا منين

كفاية تلوث الهوا والضوضاء والزبالة اللى مالية الشوارع

زائد اشعاعات التليفزيون وشاشة الكمبيوتر

طب حاجة خليها فى سرك

فى مرة  فى بلد عربي  لقيت جهاز صغير

اشتريته ورجعته للمحل فى اليوم التالى

اسم الجهاز  ألارم عبارة عن قطعتين

واحدة تحطها فى الشنطة والتانية فى جيبك

وينبهك ويعطى جرس لو نسيت الشنطة أو ابتعد القطعتين أكثر من خمسة أمتار

المهم المقصود من ده ايه .. لما قريت التعليمات

قالوا ممنوع  حرق أو رمى هذا الجهاز حتى لو خرب

ويجب دفننه فى الأرض على عمق متر

فى حالة الاستغناء عنه وتنبأت بما يحتويه

بعدها وفعلا وجدت أن مكتوب عليه يحتوى على مادة مشعة

المهم الجهاز ثمنه مش أكثر مما يعادل سبعين جنيه

وخد عندك أجهزة انذار الحريق .. وطنين تطفيش الفئران

وكلها تعمل بالاشعاع على ما أعتقد ومتوفرة فى مصر

خاليها يا أكرم على الله

ماهى مخروبة مخروبة

تحياتى

لك ولأخى المتواضع نن سوبريور

[NonSuperior]

أخى العزيز رجب :) سلامه عليكم قبل ما ترد السلام اللى مش باقوله :) شفت المره دى لحقتك ازاى؟ :) تفتكر يا رجب ما تقابلناش قبل كده؟ :) انا اختك اللى مش متواضعه اوى :) سوبر نايتى :) كفايه كده عشان مش موضع هزار هنا :) انت عندك محمول يا رجب؟ :) يعنى كنت عاوزه اسالك تفتكر ليه الناس بتتمسك بالمحمول رغم انه مش ضرورى لحياتها و عيالهم اولى بفلوسه؟ :)؟

[OmMohamed]

[b:post_uid0]سالخير عليكو ... حكاية المحمول دي بقى حكاية ليها العجب ... كل الناس ماسكاه وزي ماتكون من غيره مش ح تعرف السكة ... مع اننا طول عمرنا كنا عايشين من قبل مايطلع اللى مايتسمي واللى فواتيره نازله ترف على دماغنا ومش ملاحقين ... تصدقوا الواد المزغود محمد ابني جالي مرة  كدة عايز واحد ال ايه كل صحابه معاهم ... طب يابني واحنا مالنا ... يقوم المضروب يقوللى يعني عايزاهم يتريقوا على ويقولوا اننا فقرا ومش قادرين نجيب محمول ... وحياتكم اديته في جنابه خليته هو اللى بقى محمول ... ياسلام ... خلاص عملنا كل حاجة وناقصنا المحمول ... لما ابوه مامعاهوش هو نجيبهوله يعمل بيه ايه !!!! انما الاكادة انه كتير بشكل وحش ... تصدقوا ان واحدة جارتنا ابنها في الابتدائي جبتهوله لانه بيعيط ليل ونهار عشان زمايله معاهم وهو لأ ... يعني خيبة امل مالهاش حل ... لا واللى يفرس ان الواحد يمشي ف اي شارع يسمع زن وصفافير تلخبط من كترها ... وياريت بيتكلموا كلام له لازمه ولا له معني ... دول بيحكوا لبعض نكت في المحمول ... نعمل ايه بقى الله يجازي اللى كان السبب ... مش حرام ناس بتدبر الاكل بالعافية تستلف ولا تعمل جمعية عشان تجيب السخام ده !!!! وكل شهر يحتاسوا ف الفواتير ... كان عليهم بايه الهم ده كله ... اهي منظرة فارغة مالهاش لازمة واشي محمول الوان واشي شفاف والعبرة باللى شايله ... الغرض فتكوا بعافيه [/b:post_uid0]

[solimano]

[english]

In economics and Social science there is something called signalling.

This is an activity observed on animals and birds at the reproduction season. Male and Female start the process by signalling to each others how powerful, they are - male- and how beatiful they are - female.

In humans, signalling is an activity that is done to show other memebers of the herd that you belong to the high class as opposed to the low class, rich rather than poor, educated rather ummy, smart not dumm. Signalling is costly and not efficient and bad for the economy.

The relevant theory here is that If the society is divided into three classes, high and middle and poor, the signalling is only carried by the middle class.

why is that, because:

The rich is already behaving acording to his endowments. He buys a cell phone and a cope, " befloosoh" it is his money and he can afford all that.

The poor knows he is poor, and " feen teroo7 ya sa3look".

The problem is the middle class. he is not rich but he is a wanna be. he imitates the rich in everything, even if he does not eat, he just wants to look cool. " bla neelah".

This is what economics, the theory of social choice, has to say on the cell phone issue.  

[زائر]

اظن ان مسالة المحمول تندرج تحت بند التقليد الاعمى

لكن ليه التركيز على المحمول بس؟؟؟

ماهى مصيبة التقليد ملازمه الشعب ده من زمان فى حاجات كتيره

ليس اهونها اللبس والتقليعات الغريبه فيه وطريقة الاغانى بتاعة اليومين

دول وتقليد لاعبى الكره ونجوم السينما

والله هم يبكى صحيح يبقى الواحد مش مكفى عياله اكل ويجرى

يستلف علشان يجيب الزفت المحمول