لقاء جديد للمتحاورين

[ابو خليل]

السلام عليكم

أنا اساسي

ارجو ابلاغي بالموعد الذي تتفقون عليه في أقرب وقت

وسوف أغادر مصر إن شاء الله يوم 17/8

وإن شاء الله يكون الموعد قبل هذا اليوم ..

وطبعا لاني اعتبر ضيف في مصر ..

فلن أدفع ولا مليم ..

ده شرطي الوحيد ..

:blink:

وسلامي للجميع

[se_ Elsyed]

قشطه قوي ..

لأ كده بقى طالما فيها مدام سلوى والبيج بوس عادل أبو زيد والحبايب كلهم جايين يبقى الواحد يروح يتقوقع قدام الجنينة من الصبح ...

اللي حازز في نفسي إن سكوربيون اللئيم مش هايكون معانا لإن كنا مربطين سوا نتقابل الشهر ده ، لكن قدر الله وما شاء فعل ، بعد ما الواد علي تعب شويه وإتحجز في المستشفى إضطريت أأجل نزولي اللي كان مُقرر له يوم 29/6 .. وبالتالي فقعت سكوربيون بومبه لإنه تقريباً هايمشي قبل ما أنا أنزل في نص الشهر ده ..

سكوب حبيبي .. معلش هاعوضهالك مرة ثانية وربنا يديم المعروف ...

س س مطلوب منك لغاية دلوقتى :

1- عدد واحد عجل مطبوخ وجاهز .

2- عدد واحد جيلى كولا عشان خاطر عيون مادا

.

يا إم 14 يا مبدساتي أنا رقبتي سداده .. وحديقة الأزهر تكدب الغطاس .

أنا أول نقطة هاتبقى في أجندتي هي " تسخين الأعضاء " بمعني تحفيزهم على المشاركة والتفاعل أكثر مما هو موجود لكي يعلو صوتنا أكثر وأكثر خصوصاً بعد ما بقينا معروفين للصحف وأصبح لنا وجود حقيقي غير النت .

[عادل أبوزيد]

سعر التذكرة 15 جنيه وهى تشمل الدخول فقط طبعا وبالداخل مجموعة جلسات يمكن لوليد ان يختار لنا اكثرها هدوءا والمكان بشكل عام هادىء ومفتوح وله طابع جيد

<{POST_SNAPBACK}>

وصلتنى معلومات اليوم أن سعر التذكرة أيام الخميس و الجمعة و السبت و الأحد خمسة جنيهات و باقى الأيام ثلاثة جنيهات.

و تم إفتتاح مكان جديد بجوار البحيرة الصناعية إسمه واحة النخيل و ليس عندى معلومات بعد عن أسعاره.

سأحاول يوم السبت الحصول على معلومات أكثر.

رجاء التفضل بصياغة خطاب الدعوة حتى يمكن إرساله فى موعد مناسب.

لم أتلقى أى تعليق أو إقتراح لبرنامج اللقاء

الفاضلة سلوى

سعدت للغاية بإمكانية لقائك .... حقيقة معنى جميل

[mohamed]

لما تتفقوا خااااااالص ممكن ام محمد او وليد يبلغوني

انا موافق على اي حاجة بس خلصونا :)

[زعلان]

لقاءات لقاءات لقاءات لقاءات بيقولوا في لقاءات في كل المنتديات لقاءات لقاءات :D :P :D

...عموما أنا لسه بتعرف عليكم :wub:

هوفي حد هنا من شؤن مصرية أوهايد بارك :huh: .. زعلان يحيكم :D :P :wub:

[وليد صفوت]

صباح شريف :D

إقتراح فردى برسالة موحدة للدعوة لحضور اللقاء ,... أرجو الإدلاء برأيكم فيها حتى يتم تعميمها و إرسالها لكل الأعضاء فى قارات العالم السبعة :wub:

صباح شريف

يسر موقع محاورات المصريين أن يعلن عن لقاء جديد للمتحاورين فى مصر بالقاهرة , و يحوى اللقاء مناقشات عديدة جادة و مفيدة , و قد تم الإتفاق بين أغلبية الأعضاء فى هذة الوصلــــــــــــــة على أنسب موعد للقاء ,... و قد تم الإتفاق على :

يوم الإثنين الموافق 18\7\2005  , فى تمام الساعة ( ؟؟؟؟؟ : ؟؟؟؟؟ )

و قد تم الإتفاق على حديقة الأزهر كأنسب مكان للقاء المُقرر ,.....

و هذة دعوة مفتوحة لكل أعضاء المحاورات للمشاركة فى هذا اللقاء لمّا يحويه من مناقشات مفيدة و مُمتعة فى جو من الحب و التفائُل , آملين من الله أن يوفقنا لتقديم شيئ و لو بسيط لوطننا و لمواطنينا ( حلوة الحتة اللى فاتت دى  :huh: ) ,.... و بالتوفيق .

أجمل تحية ,...

محاورات المصريين ,...

[وليد صفوت]

باقى 5 ايام على اللقاء ,....

لم أسمع رأى أحد فى نموذج الرسالة الموحدة ؟؟

هى وحشة أوى كده ؟؟ :D

أفيدونا أفادكم الله ,..... الوقت بيجرى

[bentmasria]

وليد انا سرقت واضفت تعديلات

اعضائنا الكرام

يسر موقع محاورات المصريين أن يعلن عن لقاء جديد للمتحاورين بالقاهرة , و يحوىبرنامج اللقاء على موضوعات عدة مطروحة للتحاور الجاد والمثمراهمها

1- محاورات المصريين نحو دور فعال فى المجتمع

2- كيف نجعل موقعنا نموذجا مصغرا لمصر كما نتمنى ان تكون:

ارض الديمقراطية

اللسان الحر لسان عاقل ومحترم

احترام الحريات على الا تمارس على حساب حريات الآخرين

تحسين احوال عامة الشعب مهمة من

السياسة فن وحكمة وكياسة .....اين نحن من عالم السياسة والمتشدقين بها

اعلامنا .........ودوره فى افساد اذواق الاجيال القادمة

كيف ننقذ الشباب من البضاعة الرائجة هذه الايام الاسفاف

ضرورة ايجاد القدوة لجيل القادم

تعليم افضل مافرصة ابناءنا فيه

فكر راق ثقافة واعية ..........هل نأمل فى جيل متعلم يعى هذا الى جانب الارقام

والكثير من الموضوعات الدسمة الساخنة والتى تنتظر آرآئكم

ولقد تم مبدئيا تحديد يوم الإثنين الموافق 18\7\2005 , فى تمام الساعة ( 8.30 مساء)

واخترنا حديقة الازهر كمكان للقاء

و هذة دعوة مفتوحة لكل أعضاء المحاورات للمشاركة فى هذا اللقاء لمّا يحويه من مناقشات مفيدة و مُمتعة فى جو من الحب و التفائُل , آملين من الله أن يوفقنا لان نطرح فكرا جديدا وخطوات فعالة فى خدمة الوطن والمواطنين ,.... و بالتوفيق .

أجمل تحية ,...

محاورات المصريين

عادل ابوزيد

يمكنكم الاتصال بهيئة الاشراف على الارقام التاليه فى حالة لم تعثروا على مكان اجتماعنا

استاذ عادل

بنت مصرية

فيولين كنج

اللى عاوز يحط موبايله

يللى بقى قرروا عاوزين نبعت

ام محمد

[ابو خليل]

أرسلت رقمي في رسالة خاصة للأخت أم محمد .. وبرجاء ارسال رسالة خاصة علي جوالي قبل اللقاء بيومين .. والله الموفق

[محمد شلبى]

يا جماعة هل معاد 8:30 بالليل ده ضرورى؟ يعنى ما ينفعش اللقاء يكون بالنهار ;) ؟

[وليد صفوت]

يا جماعة هل معاد 8:30 بالليل ده ضرورى؟ يعنى ما ينفعش اللقاء يكون بالنهار :P ؟

<{POST_SNAPBACK}>

لأ ممكن طبعاً يا عم محمد ,.....

احنا لسا بنتفق على الساعة

احنا حددنا المعاد باليوم و التاريخ و المكان

و لكن مازلنا نتفق على الساعة و على المكان تحديداً و على كيفية المقابلة ,....

وأستاذ عادل أخذ فى الإعتبار القادمين من مدن أخرى غير القاهرة ,......و أكيد هنحدد المعاد اللى يناسب الجميع

بس أنت قول يا رب ;)

:blush:

[محمد شلبى]

يااااااااااااااااااااااااااااااااااااااااااارب

[bentmasria]

اقترح لوجود من سيسافر فى نفس اليوم ان يكون الموعد مبكرا عن هذا مثلا فى السادسة وبلاش قبل كده عشان الحر او زى ماتحبوا طبعا واتمنى من الادارة عمل اعلان او ارسال الخطاب كما صاغه وليد او كما عدلته حسب اختيارهم المهم باقى من الزمن 5 ايام

والساعه تك تك تك تك

يللى بقى قرروا

ممكن

ياوليييييييييد

رحت الجونينة ولا لسه ;)

نشوفكم على خير

مادا ومامى

[وليد صفوت]

المقابلة يا جمااااااااعة بقت فى جراند كافيه فرع الجيزة ( عادت ريمة لعادتها القديمة :huh: )

لأن مواصلات الى حديقة الأزهر شبه مستحيلة ( إسأل مجرب )

و لأن الميريلاند بعيييييييييييييييييد

و لأن جروبى عدلى مافيهوش مكان لنملة ........

فقد تقرر( بعد إذنكم يعنى أنا اللى قررت :blink: ) انه يكون جراند كافيه ,..

و من خرج من داره إتقل مقداره ( وش خالتى بمبة )

يوم الأثنين 18 \ 7

الساعة السابعة

جراند كافيه فرع الجيزة

تحييييياتى ,..

[bentmasria]

اتمنى نشوفكم جميعا فى المقابلة واللى زى ماقال وليد تقرر لها نفس المكان السابق الجراند كافيه الساعه السابعه مساء وطبعا جراند كافيه الجيزة وعلشان ما نتوهش من بعض وخاصة اللى ما قابلناهمش قبل كده

تليفون وليد

0107279230

وتليفون الاستاذ عادل

0101082855

ربنا يسهل عاوزين كل المحاورات معانا

نشوفكم على خير

[وليد صفوت]

يااااااا جمااااااااااعة الخير :D

اللى متوقع انهم يحضروا معانا يوم الإثنين بإذن الله :( عدوا معايا )

بنت شعنونة

إيمان ( بنت مصرية )

مدام سلوى

س س

أنا :D

محمد شلبى

شريف عبد الوهاب ( إن شاء الله :D )

ابو خليل ( معزوم يا سيد ماتخافش :blink: )

عصام شوقى

أحمد محمود ( إحتمال )

mb 14

محمد محرز

طبعاً البيج بوص ( أستاذ عادل أبو زيد :D )

عموماً مسموح بالشمعدان و المعمول ( فينك يا كليووووو ) و أى هدية تانية :huh:

حد بيشاور عقله لسا ؟؟؟

[وليد صفوت]

لهواة التوهان :huh: ( اللى بيحبوا يتوهوا الأول قبل ما يوصلوا على المكان )

جراند كافيه فرع الجيزة هى باخرة ( حلوة باخرة دى ) على النيل ,... بجوار كوبرى الجامعة ( من ناحية الجامعة مش ناحية المنيل ) على شمال الكوبرى بإتجاه فندق الـفور سيزونز ,......

المكان محجوز لنا بإذن الله ,..و هناك مُتسع للـ parking للى ربنا كارمهم و معاهم عربيات ( اوعدنا يااااااارب :blink: )

و كل واحد يعمل حسابه على شندوشت لانشون عشان مانجوعش هناك ( وش أبلة حكمت )

سلاماتى ,....

[محمد شلبى]

ماشى يا عم وليد (و لو ان معاد 7 ده هيخلينى امشى بعد ساعة واحدة بس مش مشكلة) بس عايزين وصف تفصيلى لمكان الدراند كافيه ده عشان احنا جايين من الكفر :blink:

[محمد شلبى]

لهواة التوهان  :D  ( اللى بيحبوا يتوهوا الأول قبل ما يوصلوا على المكان )

جراند كافيه فرع الجيزة هى باخرة ( حلوة باخرة دى ) على النيل ,... بجوار كوبرى الجامعة ( من ناحية الجامعة مش ناحية المنيل  ) على شمال الكوبرى بإتجاه فندق الـفور سيزونز ,......

المكان محجوز لنا بإذن الله ,..و هناك مُتسع للـ parking للى ربنا كارمهم و معاهم عربيات ( اوعدنا يااااااارب  :blink:  )

و كل واحد يعمل حسابه على شندوشت لانشون عشان مانجوعش هناك ( وش أبلة حكمت )

سلاماتى ,....

<{POST_SNAPBACK}>

لا يا حبيبى ما ينفعش كده , عايزين وصف تفصيييييييييييلى , يعنى من الآخر اركب ايه من محطة الاوتوبيس :huh:

[mb14]

يا وليد يا ابنى

انتى بتعلن جميع الخطط على الملأ كدى

مش كنت تخلى مكان الاجتماع النهائى TOP Secret لغاية ما نعرف اللى حايحضروا

تقوم تبعت خطابات التكليف على البريد الخاص وفيه كل التعليمات لساعة س والمكان

وكمان بتكتب لهم وصفة المكان لو كانوا مش واخدين بالهم منه نهارك ابيض :blink:

انتى مش خايف من الجماعه اللى بيحطوا صقور ونسور على كتافهم احسن ييجوا ويحضروا معانا واحنا عندنا عيال عايزين نربيهم وبسم الله ما شاء كل واحد فينا كتب له كام موضوع يودوه ورا الشمس . :huh:

راجع نفسك يا وليد وغير الخطط يا ولدى ويا ريت تخلى الميعاد اى يوم غير الاتنين او الثلاثاء عشان اقدر اجى واحضر وانا شرحت ل س س الاسباب ( ممكن السبت اللى بعد الاتنين دى ) او اى يوم تانى وانا نفسى احضر واشوفكم بس الاتنين او الثلاثاء صعب جدا جدا .

حول

mb14