كل ما تريد معرفته عن (كندا)

[rasha ahmed]

السلام عليكم جميعا وكل عام وانتم بخير عيد مبارك عليكم استاذ إيهاب لو سمحت احنا مقدمين على هجره ووصلنا رقم الملف 27-7-2007ولم يطلبوا مقابلة فهل هيطلبو ايلتس ام لا ؟ وما هى الخطوة التالية الميدكال؟ معليش انا سالت اسئلة كتير يارت ترد عليها وشكرا على المعلومات المفيدة التى تقدمها لنا بارك اللة فيك

[أختكم المصرية]

السلام عليكم و رحمة الله

كل سنة وكل اهالى المنتدى طيبين عيد مبارك ان شاء الله على الجميع

استاذ مزاميزوا شكرا لحضرتك على اهتمامك و سرعة الرد

ربنا يوفقك و يكمل لك الهجرة على خير انت فعلا زودتنا بمعلومات كتير

معلشى انا حاسة انى بتقل عليك شوية انا عندى طلب

هو بعد اذنك تبعت لى الورق الى بيساعد فى المقابلة الى يخص كيبك و هذا ايميلى

.................

استاذ ايهاب و الله احنا منتظرين حضرتك بفارغ الصبر احنا عارفين ان حضرتك مشغول

بس ايه الصور الجميلة دى تسلم ايدك فعلا يد محترف تصوير

احنا مستنين بقيت الحكاية

تم تعديل 16 مارس 2010 بواسطة Salwa

[دعاء]

السلام عليكم جميعا وكل عام وانتم بخير عيد مبارك عليكم استاذ إيهاب لو سمحت احنا مقدمين على هجره ووصلنا رقم الملف 27-7-2007ولم يطلبوا مقابلة فهل هيطلبو ايلتس ام لا ؟ وما هى الخطوة التالية الميدكال؟ معليش انا سالت اسئلة كتير يارت ترد عليها وشكرا على المعلومات المفيدة التى تقدمها لنا بارك اللة فيك

الاخت رشا احمد :

ممكن اعرف اولا انت مقدمة على هجرة لكيبيك ولا لكندا الفيدرال ؟

كيبيك : يبقى لازم تعدى مقابلة باللغة الفرنسية فى السفارة وبيكون ميعادها بعد سنة على الاقل من استلام رقم الملف وبعد المقابلة ب مش اقل من 6 شهور يوصل جواب الكشف الطبى وبعد الكشف بحوالى شهرين او تلاتة تستلموا الفيزا

اما الفيدرال : ده لازم تعدى امتحان IELTS بدرجات تبدا من 6 فى كل مهارة من المهارات

اتمنى ان يكون ردى على اسئلتك افادك ولو قليلا وربنا يوفقك ان شاء الله

[rasha ahmed]

السلام عليكم و رحمة اللة

[rasha ahmed]

السلام عليكم و رحمة اللة الاخت دعاء شكرا على اهتمامك والرد على احنا مقدمين على الهجرة الفدرالية و قد تم ا عفائنا من المقابلة فهل سيطلب بعد ذلك الايلتس ام المديكال انا مصرية ومقيمة فى ابوظبى وقدمنا الاوراق من ابوظبى

[دعاء]

:blush2:

اختى الفاضلة رشا :

اسفة جدا لانى مش هاقدر افيدك فيما يخص الهجرة الفيدرالية لانى ماعنديش خلفية عنها واتمنى ان يكون عند اى احد من اعضاء المنتدى الكرام ردا على استفسارك

وكل عام وانت بخير بمناسبة عيد الاضحى المبارك

:ninja:

[suzanne]

السلام عليكم

كل عام و انتم جميعا بخير و صحة و سعادة

رشا، احنا مقدمين تبع النظام الفدرالي، احنا برضة تم اعفائنا من المقابلة و بعد ذلك بسنة تقريبا سيتم ارسال الميديكال ثم الفيزا. موضوع الوقت بين كل مرحلة و الاخرى يختلف من حالة الى اخرى. ساعات العملية بتاخد وقت لما يكون في مستندات مطلوبة او مطلوب تجديدها مثل Criminal records and Medical records. اما موضوع الايلتس لم يطلب منا.

[ibra]

السلام عليكم ورحمة الله وبركاته

الأخ العزيز مزاميزو...... الأخت دعاء.... يا أحلى وأطيب ناس كل عام وانتم بألف خير..لكم خاصة..ولكل

الإخوة في المنتدى وأيضا" القائمين و العاملين في هذا المنتدى(الموسوعة) الكريم...

لقد تسلمت ردك أخي العزيز مزاميزو مع الفايل...واف شكر ..وأيضا" الرد من الأخت الفاضلة دعاء....

ألف ألف شكر....ومازلت انتظر بقية الأسئلة من الأخت دعاء؟؟؟؟

وعلى فكرة تسلمت جواب من السفارة يحدد لي موعد المقابلة في 10\2\2008

أرجو منكم الدعاء لي بالتوفيق......

وكل عام وانتم بألف خير......

أخوكم إبراهيم.

[yasmin]

السلام عليكم

الى كل اعضاء المنتدى كل عام وانتم بالف خير بمناسبه عيد الاضحى .... من العايدين...

الى الاخت الفاضله رشا احب ان اضيف لها بعض المعلومات لانى مقدمه فيدارلى ايضا حسب معلوماتى ان الحصول على رقم الملف ليس معناه ان مفيش مقابله لانه حسب نظام الهجره الجديد الذى تم وضعه فى سبتمبر 2006 ان مقدم الهجره بيرسل ال بليكشن مع الفيز المطلوبه حسب اعداد الاسره وبعد ذلك بياخذ رقم ملف ثم بعد وقت كافى يتم دراسه الملف والايلتس لابد منه ولكن الدرجه المطلوبه تختلف من حاله الى اخرى الا الذين درسوا فى الخارج فى امريكا مثلا .... ولكن لابد من الايلتس لانه هو الدليل الوحيد لمعرفه كفاءه اللغه .... ولكن بيطلب فى مرحله متقدمه عندما يرسلوا لك خطاب من high commision يطلبوا فيه update your file ثم بعد ذلك من 90 الى 120 يوم بياتى الرد اما مقابله شخصيه او ارسال الميدكال وفى حاله ارسال الميدكال يعنى هذه موافقه على الطلب وتبداء مرحله الفيزا ... الخ

وهذه حسب معلوماتى من الموقع الخاص بالهجره ..... هذا حسب النظام الفيدارلى ولكن ارجع واقول لكل منا حالته الخاصه

وكل عام وانتم بخير............................

[مزاميزو]

السلام عليكم ورحمة الله وبركاته

كل سنة وكل اللي في المنتدى بخير وكل سنة وأنتم طيبين ونكون بندبح السنة الجاية في بلاد الفرنجة مع أهل كندا المسلمين وسلام خاص للأستاذ إبراهيم والأخت دعاء وبنوتتها و الأخت مصرية ....... خايف أكون ناسي حد بس السلام الخاص لكل من تواصل معي

مزاميزو أبو دماغ طراقيعو

[دعاء]

:blush2:

الاخوة والاخوات الافاضل والكرام

كل سنة والجميع بخير وسلام وسعادة وراحة بال

استاذ ابراهيم :

نتمنى لك كل التوفيق ان شاء الله فى المقابلة ونصيحتى لك اذا كنت فى مصر ان تبحث عن الاشخاص اللذين لديهم خبرة فى التحضير للمقابلة وهذا ما فعلناه انا وزوجى ذهبنا لسيدة هى فى الاصل مدرسة للغة الفرنسية فى احدى المدارس ولكنها لها خبرة طويلة فى التحضير للمقابلات فهى تمدك بالاسئلة المطلوبة وكيفية الاجابة عليها والاهم انها تمدك بمعلومات جيدة ووفيرة عن كيبيك من جميع الجوانب التى ذكرتها لك سابقا

وعلى العموم سوف اذكر لك مجددا الاسئلة الوارد طرحها فى المقابلة :

- لماذا تريد الهجرة وترك بلدك ؟

وطبعا تذكر اسبابك الخاصة وتضيف عليها ( التلوث - الزحمة - التعليم المتدنى واى سلبيات تجدها من وجهة نظرك فى بلدك )

- لماذا اخترت كيبيك بالتحديد ؟

وسوف تذكر المزايا التى تعلمها مثل التعليم الجيد ونظام التامين الصحى الممتاز والبيئة الصالحة من حيث عدم وجود نسبة عالية من التلوث بالاضافة الى قلة الكثافة السكانية 0000

- ماهو عملك ؟

مع ذكر تفاصيل لهذا العمل وكيفية القيام به

- ما هى خططك للمرحلة الاولى من وصولك كيبيك ؟ من حيث السكن - اللغة - ايجاد عمل

وماهى الجهات التى سوف تقصدها للمساعدة والحصول على الاوراق الهامة المطلوبة للحياه مثل كارت تحقيق الشخصية 0000

- فى نظرك ما هى المشاكل التى من المتوقع ان تقابلها هناك وما هى الحلول المحتملة لحلها ؟

- بالاضافة الى وجود معك كل الشهادات الاصلية لك وللزوجة والاولاد ( الميلاد - الدراسة الثانوية والجامعة - الخبرة للعمل - وتحاول ان تقدم ورقة لعرض عمل مناسب لتخصصك فى كيبيك وذلك ممكن ان تحصل عليه من النت من موقع job banck

ومرة اخرى حاول الحصول على معلومات كافية عن كيبيك من حيث ( السياسة - الجغرافيا - الاقتصاد - الصناعات الهامة - نظام التعليم - نظام التامين الصحى 00000 )

وبالتوفيق ان شاء الله

:unsure:

[دعاء]

:blush2:

الاخ الفاضل M.ESSAM

بالنسبة لتجربتى الشخصية انا كنت بتعامل مع محامى هجرة وبصراحة معرفش ايه الاجراءات من خلال السفارة مباشرة

لكن موضوع السفارة ده انت ممكن تتعامل معاه من هنا فى مصر من السفارة الكندية مش لازم بتاعة سوريا انت هاتروح السفارة اللى هنا وتسال عن الاوراق المطلوبة وتجهزها وتقدمها هنا مباشرة وهما هيقولولك على الخطوة التالية وهكذا

واتمنى لك التوفيق واذا عملت اى خطوة ممكن تقولنا برضه للاطمئنان

:unsure:

[دعاء]

:wub:

الاخ الفاضل M.ESSAM

انا اسفة جدا على الخطأ الذى ورد فى مداخلتى للرد على استفسارك بخصوص السفارة , الحقيقة بعد ما سالت عرفت انك فعلا لازم تتعامل مع سفارة كندا اللى فى سوريا طالما حضرتك عايز تهاجر كيبيك بالتحديد وبالتالى ممكن تراسلهم من خلال البريد الالكترونى لمعرفة ايه الاوراق المطلوبة وكيفية تقديمها

باعتذر مرة اخرى على عدم تاكدى من المعلومة واتمنى لحضرتك كل توفيق

:wub:

[عبدالخالق عباس]

السلام عليكم ورحمة الله وبركاته ارجو من الاخوة الموجودين التفضل بالجواب على سؤالي لاني سابقا سالت نفس السؤال ولم اجد مجيب ورجائي من الاخت دعاء اولاخ ايهاب اجابتي وهذا رجاء واكون شاكر

انا قدمت على الهجرة شهر 12 سنة 2005 وبعدها اخذت رقم الملف وبعدها المقابلة وبعدها اخذت اوراق الكشف الطبي وعملت الكشف الطبي وعدت الان 5 اشهر ولم اجد جواب لحد الان ان كانت لديكم اي معلومة بهذا الموضوع اجابئي مع العلم ان والدي ووالدتي يسكنون في تورنتو منذ حوالي 15 سنة ولدي سكن هناك فارجو افادتي بهذا الموضوع لاني قلق جدا وشكر لكم مقدما

[مصرية والنعم]

السلام عليكم ورحمة الله وبركاته ارجو من الاخوة الموجودين التفضل بالجواب على سؤالي لاني سابقا سالت نفس السؤال ولم اجد مجيب ورجائي من الاخت دعاء اولاخ ايهاب اجابتي وهذا رجاء واكون شاكر

انا قدمت على الهجرة شهر 12 سنة 2005 وبعدها اخذت رقم الملف وبعدها المقابلة وبعدها اخذت اوراق الكشف الطبي وعملت الكشف الطبي وعدت الان 5 اشهر ولم اجد جواب لحد الان ان كانت لديكم اي معلومة بهذا الموضوع اجابئي مع العلم ان والدي ووالدتي يسكنون في تورنتو منذ حوالي 15 سنة ولدي سكن هناك فارجو افادتي بهذا الموضوع لاني قلق جدا وشكر لكم مقدما

وعليكم السلام ورحمة اللة وبركاتة

الاخ الكريم عبدالخالق

بالنسبة لسؤالك انا سالت المحامى بتاعى عن المدة بعد ارسال الفحص الطبى وكان ردة حوالى 6 شهور لانهم خلال الفترة دة بيتأكدوا من الصحيفة الجنائية لمقدمين الملف

ان شاء اللة خير ربنا يطمنك ويسهل امورك

كل عام وانتم بخير

[عبدالخالق عباس]

جزاك الله كل خير والله ايسهل امورك طمنتي قلبي وكل عام وانت بالف خير يااختي مصرية والنعم

[مزاميزو]

السلام عليكم ورحمة الله وبركاته

كل سنة وخرفانكم مستريحة الراحة الأبدية المهم في لنك كويس قوي لمتوسط الوقت عشان إجراءات الفيزا للمقدمين في كيبيك ومستنين المديكال وهو يتراوح من 5 إلى 9 شهور بالنسبة لمكتب القاهرة حتى استلام الفيزاودا مش لكل الحالات ودا في الفترة من أكتوبر 2006 إلى سبتمبر 2007

http://www.cic.gc.ca/english/information/t...skilled-que.asp

واللنك التاني للمقدمين فيدرال

http://www.cic.gc.ca/english/information/t...skilled-fed.asp

وللأخ عبد الخالق عباس

http://www.cic.gc.ca/english/information/t...-fc-parents.asp

[مصرية و مغتربة]

السلام عليكم ورحمة الله وبركاته

انا وصلت في مرحلة الهجرة لكندا الي مرحلة الكشف الطبي أرسلوا لي من كندا ورقة تفيد بأرسال الكشف الطبي ومصاريف الفيزا

هل بعد ارسال الكشف الطبي بعد انتهائه وان شاء الله يكون كويس(دعواتكم) ومصاريف الفيزا كده خلا يكون ضمان لقبول الطلب وطلب الباسبور لطبع الفيزا.

او كما هو مكتوب في الورق انه ليس بشرط ان كان الكشف الطبي سليم ان يضمن لنا الموافقة عالفيزا وان لا قدر الله تم رفض طلب الهجرة بعد النتيجة الطبية السليمة هل يعيدوا ارسال مصاريف الفيزا التي ارسلناها .

أو اطمئن انه بمجرد طلبهم لهذه الاشياء وكلها سليمة معناها مجرد وقت لطبع الفيزا.

أرجو الافادة ممن لديهم خبرة او معرفة..

[yasmin]

الى اختى المصريه والمغتربه

وصولك الى مرحله الكشف الطبى وطلبهم للفيز لاندج هذا يعن انه موافقه نهائيه انشاء الله وبعد ارسالك لكشف الطبى بشهرين الى ثلاثه يتم طلب الجوزات للحصول على التاشيره ولك كل توفيق انشاء الله

[totti]

:) السلام عليكم انا دى اول مرة اخش فيها المنتدى دة وانا لقيتة بالصدفة كنت بدور على الهجرة الى كندا على موقع جوجل والموقع دة فتح معايا المهم انا ابدا عارفكم بنفسى انا اسمى كريم 18 سنة من طنطا وانا فى كلية الاداب الفرقة التانية قسم اجتماع الحقيقة انا عندى مشكلة وكنت عاوز اخد رايكم انا من زمان بحلم بالسفر والهجرة قبل كدة كنت عاوز اروح امريكا بس دلوقتى غير ت رايى لما عرفت معلومات اكتر عن كندا ولقيت انها متفرقش عن امريكا كتر الا فى الطقس البارد جدا وكمان انخفاض الاجور بنسبة بسيطة عن امريكا انا عموما بحب اللغة الانجليزية وانا بعرف اتكلم بيها كويس جدا وعلى فكرة اهلى كانوا مقدمين هجرة لامريكا من 20 سنة فاتوا ايام ما كانت امريكا فى عزها بس الورق اترفض المهم عشان مطولش عليكوا انا فى واحد قريبى مهاجر من زمان للنمسا بقالة 12 سنة ومتجوز قالى انة ممكن يسافرنة معاة للنمسا ويشغلنى هناك بعد ما اخلص وهو جد فى كلامة هو اصلا شغال فى شركة اعلانات كبيرة هناك المشكلة الحقيقة اللى بتواجهنى ان انا بقيت مشتت مش عارف اهاجر لكندا اللى حعرف اتعامل مع شعبها واللى انا متعلم لغتها وبتقنها كويس واللى حسس انى مبسوط لو رحتها بس فى نفس الوقت انا معرفش حد هناك وهقابل مشكل كتير فى الاقامة والشغل وكدة ولا اروح النمسا واتعلم اللغة الالمانية (الخنقة) واحاول اندمج مع المجتمع واستحمل شعبها الخنيق هناك واة قرايبى حيبقوا مهمونين الوضع عليا شوية واكيد انشاء اللة حلاقى شغل هناك وهما حيسعدونى واشتغل اى شغلانة مش مهم الصراحة انا محتار ومش عارف اعمل اية انا ناقصلى سنتين واخلص دراسة ومش عاوز اقعد حاطط ايدى على خدى واستنى الشغل او اشتغل فى سنترال ولا فى كافتريا واخد فى الاخر فلوس قليلة جدا متعملش حاجة فى الزمن دة زى ما كل الشباب بيعمل انا بردة كنت عاوز اسال على لعيبة كورة القدم فى كندا بياخدوا مرتب كويس ولا لا انا عارف ان اللعبة ملهاش شعبية هناك كبيرة زى هنا بس انا عاوز اعرف اية الاوضاع فى كندا بخصوص اللعبة دى انا لاجت ليكوا انتوا بالذات عشان انتوا قاعدين فى كندا وتقدروا تساعدوينى وبجد اتمنى ان انتوا تساعدونى وتردوا عليا انا اسف لو كنت طولت فى رسالتى دة اميلى لو فى حد فيكوا حب يكلمنى ويفهمنى الوضع TOTTI_K2000@YAHOO.COMوانا بردة ان شاء اللة حتابع المنتدى يوميا واتمنى انى الاقى ردود منكم شكرا