ادعوا لـ على ابن سى السيد بالشفاء

[shawshank]

اللهم اشفه شفاء لا يغادر سقما ، آمين يا رب

[G.G]

يا رب اشفيه ..و قوى أهله.

و اخرجه و اخرجهم من هذه المحنة

[se_ Elsyed]

ألف شكر يا جماعة على سؤالكم ودعائكم ومشاعركم الجميلة ...

وألف شكر مرة أخرى لكل من سأل عني سواء بالكلمات أو الدعاء أو بالإتصال التليفوني .

الحمد لله رب العالمين الولد حالته إتحسنت إلى حد ما اليوم ولو إن ما أقلقنا في اليومين الماضيين إن ماكنش في إي إستجابة للمضادات الحيوية والورم اللي في دراعه كان بيزيد .. مما جعلني أطلب من المستشفي اللي الولد بيتعالج فيها تقرير وقولت هاخرجه وأنقله مستشفى تاني مع إنها مستشفى ممتازة ، وبالفعل أخدت التقرير ودورت به على المستشفيات اللي هنا ومنها السعودي الألماني ومستشفى دله ( عشان إيمي ما تزعلش ) والحمد لله أكدوا لي إن ما تفعله المستشفى هو أقصى شيء يمكن فعله في مثل تلك الحالات لكن الموضوع عايز على الأقل 3 أيام حتى نرى نتائج طيبة .. وبرضوا ما سكتتش وأخدت التقرير لصاحب شركتنا وهو طبيب بشري وبروفيسور وأكد لي نفس الكلام والحمد لله ..

وما زلنا ندعو الله أن يسترد الولد عافيته في أسرع وقت .

[bentmasria]

ربنا يتم شفائه ويطمنكم عليه يارب

ما تقلقش احيانا النتائج ما بتكونش سريعه بس العلاج بيكون الافضل

ربنا يكتب له تمام الشفاء والسلامة يارب

[Scorpion]

حيقوم بالسلامة انشاءالله .....

بس امانه عليك يا سي السيد.... المرة الجاية بلاش تحلقله انت ....

[بنت شعنونة]

الف سلامة يا س س

ويقوم بالسلامة يارب

وان شاء الله ما علية شر..

الف الف سلامة عليك يا علي..

[حشيش]

أخى العزيز سى السيد

الحمد لله أن طمأنكم على صحة على ... أسأل الله العلى القدير أن يتم شفاءه عليه وأن يجعله وأخوته قرة عين لكما وأن يشفى مرضانا ومرضى المسلمين إنه جواد كريم.

( ياأخى توب بقى وارجع لربنا :D )

[se_ Elsyed]

ألف شكر لكم جميعاً

الحمد لله الولد عمل العملية يوم الخميس بعد ما تزايد الورم في ذراعه مما أستدعى ضرورة التدخل الجراحي وهو أحسن دلوقت ومن المنتظر أن يظل كمان إسبوع في المستشفى حتى يلتئم الجرح .

[محمد شلبى]

الف سلامة لعلى , انا فعلا كنت قلقان عليه لان حضرتك غبت الفترة اللى فاتت , على العموم الف سلامة ليه :D

[peacefulofmind]

الف سلامه لعلي يا ابو السيد

شفاه الله وعافاه

اللهم اشفي شفاء لا يغادر سقما ابدا

[عوف]

ادعو الله سبحانه وتعالى ان يتمم الشفاء للابن علي

والا يري احدا مكروها في عزيز لديه