البنات عايزه ايه؟ :)

[NonSuperior]

استجابة لاقتراح اميره ممكن نتكلم هنا بصراحه عن اللى كل طرف من اطراف الزواج يتمناه فى الطرف الآخر :) بصراحه تامه ووضوح شديد :) يعنى ممكن نقلد البرنامج الغلس اللى اسمه ماسبيرو و نجيب شوية بنات هاى فاى :) واولاد جيلى كولا ونسألهم عن مشاكلهم فى لقاء شريك الحياه :) هل فعلا زى ما ناس كتير بتقول الفلوس هى العائق الاكبر؟ انا شخصيا لا ارى هذا وان كنت ارى انه فيه ازمة ثقه و ازمة اتصالات :) رغم وجود المحمول ;)

ازمة ثقه لان الماديات طغت على قيم كتير فى الحياه واصبح البديل للاحساس بالامان المعنوى مع شريك الحياه هو تامين الحياه المقبله بمزيد من الفلوس .. البنت ممكن تفكر انه لو شريك حياتها اخلاقه مش فوق مستوى الشبهات المهر الكبير و المؤخر الاكبر هيأمنوا حياتها معاه .. والشاب جايز يدور على بنت غنيه من عيله تسنده ... يعنى المهم مواصفات ماديه واللى تنطبق عليها الشروط تتفضل :)

اما ازمة الاتصال فهى غنيه عن الكلام :) كل واحد فى حاله ومش عاوز حتى يكلم نفسه عشان مايدوشش دماغه :) منتهى الروقان :) واصبح من الصعب على اى شخص يريد الزواج وحل معضلة الشقه انه يتعرف على شريك الحياه المنتظر فى بيئه محترمه و صادقه تديله فرصه كامله فى التعرف على الآخر من غير ما اى من الطرفين يجرح كرامة الآخر او يؤذى شعوره

ليه الناس زمان رغم التحفظات فى العلاقات كانوا يقدروا يرتبطوا بالزواج بدون معرفه وثيقه بين الطرفين من غير ما يكون عندهم هواجس تجاه الآخر ودلوقتى فيه ازمة الثقه دى رغم الانفتاح فى العلاقات؟ ويا ترى هل ممكن ان جمعيات توفيق راسين فى الحلال تنجح فى مصر؟ هل نحتاجها

اصلا؟ وهل هى الصوره المثلى للتعارف بين الناس؟ ولو مش هى طيب ايه هى الطريقه الاحسن؟

الشباب و البنات و الآباء و الامهات فى رايهم ان زواج الصالونات افضل ام زواج يسبقه تعارف افضل؟ يا ترى ممكن اب يطبق المثل اللى بيقول اخطب لبنتك ولا تخطبش لابنك؟ ويا ترى الشاب فى الحاله دى هيكون رايه ايه؟ :)

معلش صدعتكم و الرساله طويله موت :) فوتكو بعافيه :)

[alassad]

أولاً : عايز أعرف مين هما الأولاد الجيلى كولا 0 ومين هما الهاى فاى 0

ثانياً : تفتكرى أزمة الثقة تعالجها كثره الماديات ؟؟؟

ثالثاً : أنا معاكى معظم البنات تدور على الفلوس الكثير والراحة المادية ولكن إرتباطاً بموضوعك  فيمن يتعلق البنات عايزه إيه ؟ فيمكننا القول بأن هذا يتوقف على تربية البنت والبيت وثقافتها فمن وجهة نظرى البنات عايزه كل حاجة ولكن فى حاجة تغلب على حاجة ثانية يعنى فى بنت الغلبة عندها للمال واخرى للرومانسية والحب واخرى عايزه بن العيلة او صاحب المركز المرموق 0

رابعاً : وبعدين مش عارف ايه موضوع المحمول ودخله فى الكلام كل ما نيجى نتكلم فى موضوع نجيب سيرة المحمول كما لو كان يتعبره كل شخص هو جزء من سيرته الزاتيه 00 انا بمزح وبهرج علشان ما تزعليش 0

خامساً : الناس زمان حاجة واحنا حاجة تانية لسبب ان الحياه اصبحت ايقاعها سريع ويعصب فالناس كانت كل حياتها هادئة مش فى موضوع الزواج بس يعنى كل ما ترجعى بالزمن اكيد تلاقى هدوء اكثر وكانت الحياه بسيطة لو رجعنامثلا للعصر اليونانى تجدى المسئوليات والطموحات كانت بسيطة كانت الزوجة موجوده فى الكوخ بتاعها وكان الزوج يخرج للصيد ويرجع لها وكانت قنوعة ما تقول انا محتاجة حتى فستان مش التليفون المحمول 0 ولكن كل عصر له سماته ولكن الثقة عموما تأتى بالعشره وفى المعظم مش على وجه الإطلاق الطيبون للطيبات 0

سادساً : صدقينى اللى ينجح هو النصيب اما عن جمعية توفيق راسين فى الحلال موجود فى مصر على فكره ولكن اتخذوها ولاد الحلال وسيلة للنصب والغش والخداع واعرف بعض مكاتب قال ايه !!!! الزواج عن طريق الكمبيوتر والانترنيت والرسوم كام ؟ 25 جنيه وفى بنات من الهاى فاى دول اللى بتقولى عليهم وكل واحد يكتب طلب ويعطى المواصفات بتاعته والمواصفات اللى عايزها طبعا أزمة الثقة التىتتحدثين عنها موجوده فى الشخص المعروف فما بالك عن طريق مثل هذه الجمعيات اما البنات فىالغالب تقول لون العدسات بتاعة عينها وما أدراكى فهى جمعية لتوفيق الخداع فى زمن الخداع  والغش 0

سابعاً : اما زواج الصالونات ناجح لحد بعيد ولكن بعد السؤال الجيد وصدقينى الزواج ده مثل البطيخة زى ما بيقولوا عندنا فى مصر 0

ثامناً : ممكن الواحد يخطب لبنته طبعا ولكن الطريقة كيف ؟ علشان لا تكون سلعة رخيصة لازم الطريقة تتناسب والحفاظ  على كيانها وكرامتها وهذا كله يعتمد على الطرف الثانى 0

نعمل ايه الحياه كلها مشاكل وصدقينى كل المشاكل حلها فىالدين لو رجعنا للدين بصدق لحلت جميع مشاكلنا  ولا تعبنا 0

واسف لطول الرسالة وبالطبع عامل الوقت بس هو اللى جعلنى اتاخر فى الرد ولكن الموضوع شيق بالرغم من عدم كتابة الاصدقاء فيه 0

[bansia]

انا واحد من الناس لو وجدت الانسان المناسب لابنتى  مستعد اخطبة واول الاشياء ان يكون مصلى ويعرف ربة وثانيا ان يكون لة دخل كويس حتى لا يشحتوا فى نص الشهر وثالثا ان يكون من بيئة جيدة يعنى راجل متربى فالرسول علية الصلاة والسلام قال تخيروا نطفكم فان العرق دساس  واخيرا انا مستعد اساعدة ليبدا حياتهم اذا توافرت فية الشروط واخيرا واهم الشروط التى تهمنى ان تقبل بة ابنتى بعد ان يجلسوا ويتحاوروا فى وجود العائلتين

[NonSuperior]

والله يا سيد بانسيا حضرتك اب جميل جدا ما شاء الله :) ربنا يخليك لاسرتك :)

نيجى بأه لاسئلة اسامه :)

جيلى كولا يعنى مدللين :) وهاى فاى بدل هاى كلاس لانى لا اؤمن بموضوع هاى كلاس و لو كلاس :)

هو انا قلت ازمة الثقه تعالجها الماديات؟ انا قلت الناس تظن ان الماده هتخليها مطمئنه اكتر و فى رايي ده مش صح :)

موضوع المحمول كان مزحه مش اكتر :) واتفق معك فى باقى رسالتك الجميله :)