قرنفل رجعت

[Scorpion]

ساعات ظهور اسم معين بعد غياب في قائمة المتواجدين .. يخليك تبتسم من قلبك و تسرح لفترة كان فيها الجو العام في المحاورات بيغلب عليه جو اهدا و اروق و عائلي ..

جو الإختلاف فيه كان موجود لكن مغلف بالأحترام ..

النهارده الشعور ده حصل لي لما شفت اسم مدام ايزيس ..( قرنفل سابقآ )

حبيت بس ارحب بيكي في بيت العيلة ..

حابب اقول وحشتينا كلنا ..

حابب اقول يا ريت ما تعمليش زي اسامي كتيرة اتعلقنا بكتاباتها و بروحها الجميلة و بعدين مشيوا ..

بقيت اخاف افرح لما اشوف اسم عزيز بيرجع علشان بعد ما بيرجعوا مافيش فترة و يختفوا تاني ..

عالعموم لو قاعدة شوية معانا ليكي في ذمتي جرانيطة لمون تلاقيها في فريزر تلاجة موضوع رجالة في المطبخ

و انا ليا في ذمتك جزمة الوالدة كانت بعتتها معاكي في نفس الموضوع

ويلكام باك قرنفل :flr1:

[إيزيس]

يااااااااااااااااااااااااااه بجد مش عارفة أقول

سكوربيون انت فعلا إنسان ذوق و الله

وحشتني اللمة و الحوارات الحلوة

ميرسي ع الجرانيطة تجنن

بالنسبة للجزمة ..................إنسى

يمكن احتاج أعمل عمل :danger:

[أبو محمد]

ويلكام باك "كارنيشن"

(معلش اصل ثقافتى فيومى)

يامرحب يا "قرنفل"

(بس باتكلم بالبلدى)

مالكيش حق فى الغيبة يا مدام "إيزيس"

ده حتى "إيزيس الأم" كان عندها "واى فاى"

:)

[عطر الجنة]

ما اجمل العودة