اذهب إلى المحتوى
محاورات المصريين

اطلب اى وصفه على بالك .. تلاقيها قدامك

bodda

بواسطة bodda
في المطبخ

 مشاركة

Recommended Posts

Folana عضو جديد

Folana

بتاريخ:
بتاريخ:

السلام عليكم ورحمة .....

النسر المصرى ...صباح شريف افنظم ....هى جاية متأخرة بس انا لسه يومى مبتدى دلوقت...تسلم ايديك طبعا باين عليها طعم جديد خالص ...انا حاكون زبونة مستديمة عندك ..اصلنا بنحب نجرب اى اكل طعمه غريب ..ونفضل ندور على المطاعم التركى واليمنى والايرانى والصينى ..اى حاجة ونروح نقول احنا عايزين اكل طعمه غريب :)بس انت وفرت علينا المشوار ....

بس معلش لو فيها رزالة منى ...انا قريت الوصفة يمكن خماشر مرة لحد دلوقت وفيه حاجة مش فاهماها لسه ...ممكن؟...

دلوقت بالنسبة للمنسف ده ...احنا بنحط الرقاق نى ؟...وان كان ...مش بنسويه تانى ؟ ..بناكله مرققش كده يعنى ولا ايه فكرته ...حتقولى اننا ضيفنا اللبن عليه ...حاقولك طب ماكده حيبقى معجن ...ايه بقى هه ..ايه .. mfb:

لو رديت على النهاردة حاعمل الوصفة دى بكره ...ويالا منتظرين باقى افتكاساتك.........

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الردود 1.3k
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

اهاهاهها:) :D :D :D :D :D :D هاهاهاههيهيههيييييي

انا الصراحة سخسخت على روحي من الضحك يا فولانة هانم والله من اسلوبك الظريف

وخصوصا (ها بقى هه mfb: )

وشهادتك لي وسام احطة على صدري طالماا حييت

عموما انا طبعا هيكون لي الشرف انك تعملي اكلة من اكلاتي

(بس كلام في سرك دوريلي على عروسة من عندك مقطقطة كدة وانا هاشوفك وارشيكي بكام وصفة سرية)

بالنسبة للرقاق هو بتحط زي ماهو ناشف كامل بدون مايتكسر في الصينية

وطبعاً بعد مانسقيس بشوية لبن قليل

ثم نحط الرز ونفرشة من فوقية وبعدين نسقي الرز شوية لبن تانيين

اكيد النتيجة الرقاق هيكون طري من تحت

لكن طعمه رهيب جدا جدا وجميل اوي اوي

وهو قريب للفتة المصرية بس بدل العيش رقاق ناشف

والرقاق الناشف دة زي ماقلت هو بدل الخبز الأردني اللي اسمه شيراك

شيراك دة مش رئيس الخبز الفرنسي ولا حاجة بس هو اسمه كدة

وانصحك تجربي اللبن اللي وصفه الامبراطور بودا الرهيب بدل ماتضيعي وقت وتدوري على اللبن الخاثر

وهو فعلاً مش هتعب حالي واجيب جميد من الاردن وهاستخدم فكرة بودا الرهيبة

ويجعله عامر

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله ....

النسر الفضى......المصرى المتحدة...

انا عايزة ارد عليك فى موضوع العروسة المقطقطة دى ...يابنى البلد مليانة قطط ...انت مش عايش هنا ولا ايه ..؟..ده انت كده متسبب فى عنوسة مئات القطط...ينوبك ثواب خد واحدة منهم علشان تحل الازمة ..وبعدين ماانت نسر ..حلق فى الجو كده وحملق ..وانزل على اى عروسة اخطفها وعاود التحليق تانى ..عايزين نفرح بك قريب ..وبوفيه الفرح على بودا ولا يهمك.....

اوشا العزيزة ...انت طولتى الغيبة جدا ماتجى تشوفى المطبخ بقى مش كفاية كده اجازة ؟..وحشتينا ............

شاعر الرومانسية ...كده احنا بدأنا نقلق ...ياريت تطمنا عليك....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ: (معدل)

الست فولانة الرائعة

طبعاً حضرتك انا بشتغل في الكويت

وباجي مصر شهر واحد في السنة

وبعدين كل فين وفين لما الاقي واحدة تكون مش مخطوبة وعلى مزاجي

ولما اتكلم معها الاقي الفكرة الغالبة عندهم انهم مش عايزين يبعدوا عن اهلهم ويتغربوا

مع انها هتبقى مع جوزها يعني اسرة جديدة وعيال جديدة وهي دي سمة الحياة

وعموما الموضوع كبير ومالهوش علاقة بمنتدانا الجميل ابو ريحة حلوة دة

خلينا نبعد عن الهم والغم

وخلينا في الهم والمم

اما انا بقى هقولكم المرة الجاية عن الصيادية العرايشية الأصلية بالسمك البوري الأصلي

هتاكلوا رجيليكم وراها

ويجعله عامر

تم تعديل بواسطة النسر المصري
رابط هذا التعليق
شارك
Folana عضو جديد

Folana

بتاريخ:
بتاريخ: (معدل)

السلام عليكم ورحمة الله .....

النسر الطيار ...ربنا يرزقك ببنت الحلال ...على العموم مش عايزين نطول فى الموضوع ده هنا علشان السادة المشرفين مايزعلوش ..لكن والله ده موضوع جاد وهام ..ازاى يعنى فيه نسبة عنوسة مرتفعة ..وازاى الشباب بيقولوا مش لاقين واحدة نخطبها ..متهيالى ممكن نتناوله كموضوع منفصل فى احد الابواب الاخرى .....ويمكن نجد حل للمشكلة دى ..

المهم ....بالنسبة لصيادية السمك العريشية ..ممكن تعملها بسمك تانى غير البورى ؟...ولا لازم بورى ؟...اصل انا البورى ده فيه بينى وبينه شوية مشاكل كده ..مااحبوهش خالص ..على اى حال نشوف الطريقة الاول وبعدين نتكلم فى التفاصيل ...

الاخوة الاعزاء شواشانك ..وجدى ...وكل الاخوة المغتربين وبيطبخوا لنفسهم ..ماتخافوش خالص من الوصفات دى ..انتم حقكم محفوظ ....اى اكلة عايزينها قولوا لنا عليها ..مازال العرض مستمر ...

تم تعديل بواسطة folana

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
wagdi عضو جديد

wagdi

بتاريخ:
بتاريخ:

أنا قلت إنتو نسيتونا خلاص وغركم البهرج الخداع من السمان والمنسف ونسيتوا أخوانكم الجعانين...

ياللا الهم لا حسد...إحنا مش بنقر ولا حاجة...(وش واحد حقود وسماوي)

وعلى فكرة بقى الأكل ده كله كوروسترول وحاجات من إياها ولازم نرجع للطبيعة وعيشة الفلاحة...

ومافيش أحسن من البساطة والتجرد في الطبيخ...

طب حد يأكلني معاه...

طب المكرونة البشاميل إلى بيبقى جواها لحمة مفرومة بتتعمل إزاي؟؟؟

طب جوز جنيهات وأنا أمشي خالص...

طب زي بعضه...

فكأننا والماء من حولنا... قوم جلوس وحولهم ماء...

رابط هذا التعليق
شارك
shahd عضو جديد

shahd

بتاريخ:
بتاريخ:

يااهل المطبخ الكرام دلوني على وصفة الcinabon

السينابون تنالو الأجر والثواب mfb: هيا كده سمعتها كده داهية لا تطلع مفرقعاااااات :) ؟؟؟

 

طـــــــفولــــة شــــــهـــد

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

اسف يا جماعه الوقت مزنوق معايا اليومين دول

لكن الجاهز معايا السينابون للعزيزه شهد لانى نزلتها قبل كده

السينابون

دى حلوى محبوبه جدا وأساس الطعم فيها للقرفه

مقادير العجينه

5 كوبايات دقيق أبيض ومنور

ربع كوباية سكر بس يكون حلو

تلت كوباية سمن بلدى ( مش نباتى ) بلاش توفير

معلقتين صغيرين خميره جافه فى ربع كوباية ميه دافيه ومعلقة سكر

معلقة ملح صغيره

وحوالى كوبايتين ونص ميه ( المهم ضبط ليونة العجينة )

:D

الحشو

نلخبط نص كيلو سكر على ربع كوباية قرفه ناعمه اوى

:D

عسل السقية

اللى يفضل من الحشو ومعاه كوباية عسل سكر ( زى بتاع الكنافه )

ومعلقة زبده كبيره

:D

الطريقة

نعجن مقادير العجينة ونسيبها ساعه فى حته دافيه للتخمر

بعد كده نقسمها جزئين ونفرد كل حته منهم بالنشابه

وندهنها زبده ونرشها بخلطة الحشوه ( السكر والقرفه)

ونلفها زى السويس رول وبعدين نقطعها بسكين حامى شرايح سمك 2-3 سم

ونرص الشرايح دى فى صاج وعالفرن حوالى 20-25 دقيقه ( حرارة 200)

وهيه فى الفرن نعمل الشربات بوضع مقاديره عالنار لما يبقى خفيف

ونقابل الصاج وهوه طالع من الفرن بصب الشربات على السينابون

ونسيبه يبرد أو يؤكل دافئ

وبالف هنا وشفا

وسلمولى عالرجيم

مساء الفل

:wub:

عاشق البحر والسما

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

سلامو عليكو

سلام مطبخي للكبير الامبراطور بودا الرهيب على وصفة السينابون

وربنا يزيدك من علمك المأكلي المعملي المطبخي

الست فولانة الفاضلة الرائعة

طبعا اكيد في نسبة عنوسة بس المشكلة مش في اني مش لاقي هي عدة مشاكل

عموما انا اضفت موضوع جديد عنه في باب اسرتي من شويتين وكاتب راس المشكلة تحت عنوان

يالههويي يانااس الحقوني ...انا عديت التلاتيني ...وعالجواز عزوووني

وعموما ينفع عمل الصيادية باسماك اخرى بس شريطة ان تكون من النوع الضخم

اوع اكون غلست عليك انا بالوصفات اللي كتبتها انا

وعموما انا كمان جاهز لشرح اي وصفة انت عايزها

وهقولك بقى على شوية وصفات سرية خاصة ليك انت

واستنوني

ويجعله عامر

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله ...

الاخ الفاضل النسر ...ياسيدى ربنا يجازيك خير انشاء الله على ذوقك وكلامك الجميل ....انا قريت استغاثتك ..بس حأرد عليك على رواقة وامبارح الموقع ماكانش عايز يشتغل خالص مش عارفة المشكلة كانت عندى ولا دى مشكلة عامة ...بس الحمد لله ...

منتظرة كل وصفاتك السرية يالا ..عايزين نشتغل ...

الاخ العزيز وجدى ..المكرونة اللى فيها لحمة مفرومة اظن اسمها قلقاس ....لا طبعا اسمها مكرونة بالبشاميل ..تلاقيك كنت عارف ...واعتقد بودا كاتب وصفتها هنا ..لو مش لاقيتها قل لنا واحنا نعيد الكتابة مرة اخرى واحنا مسرورين ...

الاخت الحبيبة شهد...اعملى السينابون بطريقة بودا وانت مغمضة ..انا جربتها وطلعت هايلة ..لولا بس انها اتلسعت منى فى الفرن حبتين ...يعنى اعمليها بنفس الطريقة اللى قال عليها بودا ..وبالهنا والشفا....

شيفنا الاعظم بودا ....كنت عايزة اطلب طلب كده ومحرجة من جنابك خالص خالص ....وانا عارفة انك مش فاضى بس ممكن تبقى بعد ماتفضى يعنى تكتب لى وصفة الشُريك ؟؟؟ممكن ولا ايه ؟؟؟

يعنى تكون طريقة جميلة كده بالزبيب واللبن والافتكاسات اياها ...مافيش مناسبة طبعا وربنا مايجيب مناسبات من هذا النوع ..لكن انا بأحبه وعايزة اجرب اعمله ..ولك خالص الشكر والتقدير والاحترام .... :sad:

صباحكم جميل ...

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
wagdi عضو جديد

wagdi

بتاريخ:
بتاريخ:

سؤال فني...

أنا عملت اللفت زي مانتو قلتوا... وبقاله تلات ايام في البرطمان... جيت انهاردة أفتحة أغير المية لقيت رغاوي على الوش...وريحته قلبت ريحة بيض مسلوق... ده عادي كده والا إيه؟؟؟

أفيدونا يرحمكم الله...

فكأننا والماء من حولنا... قوم جلوس وحولهم ماء...

رابط هذا التعليق
شارك
Osha عضو جديد

Osha

بتاريخ:
بتاريخ:

السلام عليكم ورحمة الله وبركاته

وصلت أخيرا بعد انا ما انقطع نفسي

وحشتوني جدا للغاية بشكل فظيع ومالوش حل

وشايفة ناس تانية ابتدت رجلها تاخد على المطبخ

هو فيه ايه هو انا اللي كنت مطفشة الناس والا ايه

شكلي كده ايوه

عامة اتمنى ان محدش يطفش لاني غالبا حاختفي مرة ثانية عشان احنا داخلين على عزال ونقل لولاية تانية

وياريت بدل الكلام اللي لا بيودي والا يجيب الاقي الناس جاية في ميكروباص وايدها معانا احسن كل ما ابص للبيت قلبي يدق واحسن بأعراض ارهاق مفاجئ - طبعا دا نوع من الكسل المصرح بيه قانونا

بس انا قلت احط طريقة المكرونة بشاميل للعزيز وجدي وكمان فيه طريقة تانية بشاميل بالخضار بتبقى خفيفة ومن غير لحمة

المكرونة بشاميل هي اسهل طريقة لانها 3 حلل على النار يخلصوا وبعدين تقلبهم سوا في صينية وتحدفها على الفرن على رأي عمنا وتاج راسنا بودا

الحلة الأولى لسلق المكرونة اللي هي طويلة - اظن دي سهلة

الحلة التانية لحمة عصاج

تقدح سمن او زيت - يعني تسخنهم اوي - وبعدين تطش فيهم البصل المفروم ومعاه رشة فلفل اسود

بعد تقلبتين تلاثة تحط اللحمة المفرومة وتفضل تقلب لغاية لما كل اللحمة لونها يتغير وبعدين توطي النار وتسيبها بقى تعيش حياتها وممكن تحط ملعقة صلصة او فلفل رومي مبشور وياريت ماتنساش الملح

الحلة الثالثة وهي البشاميل ودا مافيش اسهل منه ومش عارفة الناس عاملاه أزمة ليه مع انه طيب وابن حلال

المقدار مقدار السمن هو نفس مقدار الدقيق

يعني لو ملعقتين سمن يبقى زيهم دقيق

تسخن السمن كويس وبعدين تحط الدقيق وتقلب لغاية لما تحس انهم بقوا زي السمنة على العسل

تبتدي تحط اللبن ولازم يكون باااااااااااارد من التلاجة عشان الدقيق ما يكلكعش وتقلب

اللبن يتحط شوية شوية وكل ما يدوب في الخليط نزود المقدار لغاية لما نحصل على قوام زي متوسط التخانة يعني مش مية اوي والا تخين اوي زي العجين

نسيبه يبرد خالص وبعدين ممكن نضيف بيضة او اثنين وملح وفلفل

المرحلة الاكثر امتاعا في الطبخة هي لحظة لما تحط ال3 حاجات دول مع بعض

عامة معظم البشرية بتحط رصة مكرونة وفوقها طبقة لحمة مفرومة وبعدين طبقة مكرونة اخرى ثم البشاميل

واعرف ناس بيرصوا المكرونة بالواحدة ودا اسمه فراغ بعيد عنكم

انا بقى باحطهم على بعض وكمان معاهم ربع مقدار البشاميل والخبطهم كويس وبعدين اساوي الوش كويس واصب باقي المقدار على الوش واحدفهم على الفرن غير مأسوفا عليهم لغاية لما الوش يحمر

أي خدمة يا باشاوات بس ياريت محدش يطفش بسبب اني جيت

فولانة

انا تحت امرك اي وقت نشوف بعض فيه وانت النهارده اختفيت فجأة من علىالخريطة

النسر المصري

ماتستعجلش على الجواز - نصيحة مخلصة

----------------------------------------

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

نورتى المطبخ يا اوشا وعودا حميدا

:D

وطبعا انتى من اسباب صحيان المطبخ وليس نومه وبلاش تلكيك

mfb:

معلش يا جماعه يمكن تكون دى اخر رساله من مصر

لانى مسافر باكر الى بلاد الشمس المشرقة

مع ان مصر مشرقة والحمد لله برضه ...

:D

لكن رايح مؤتمر فى اليابان حوالى 12 يوم

وطبعا هارجعلكوا باذن الله ومعايا شوية وصفات سوزوكى عجب

:lol: :blush: :lol:

واكيد هافتح الميل كل مالاقى فرصه هناك

لان المؤتمر من 9 صباحا لـ 8 مساء بلا هواده ولا رحمه

لكن اكيد مش هاقدر استغنى عن فتح النت والاطمئنان عليكم

هاتوحشونى .... نفر ...نفر ...على رأى ريه وسكينه

:lol:

واشوفكم بخير انشاء الله :wub:

احلى صباح لاحلى ناس :wub:

:wub:

عاشق البحر والسما

رابط هذا التعليق
شارك
Folana عضو جديد

Folana

بتاريخ:
بتاريخ: (معدل)
سؤال فني...

أنا عملت اللفت زي مانتو قلتوا... وبقاله تلات ايام في البرطمان... جيت انهاردة أفتحة أغير المية لقيت رغاوي على الوش...وريحته قلبت ريحة بيض مسلوق... ده عادي كده والا إيه؟؟؟

أفيدونا يرحمكم الله...

السلام عليكم ورحمة الله .....

لا طبعا يأخ وجدى مش عادى ولا حاجة ..الغلط عندنا احنا لاننا نسينا نقول ان لازم البرطمان يتقفل كويس جدا ومايدخلهوش ولا نقطة هوا ...وده يتم عن طريق انك تجيب كيس بلاستيك من بتاع البقالة ده وتلفه على بق البرطمان كويس وتربطه من الجنب وبعدين تجيب فوطة نضيفة صغيرة من بتوع المطبخ دول او اى قطعة قماش نضيفة وتلفها برضه على الكيس البلاستيك وبعدين تقفل غطا البرطمان احكام ...ارمى بقى اللى عملته واعمل غيره لان ريحة البيض دى معناها انه فسد ..والله اعلم ....

حاجة كمان نسيت اقولها ....المية اللى بتعمل فيها المحلول الملحى ابقى اغليها على النار الاول وبعدين سيبها لحد ماتبقى دافية ...علشان ماتعملش ريم او رغاوى يعنى على الوش ....

يعنى انت بتجيب كيلو لفت مثلا ..وتنقعه فى الميه يجى ساعة او ساعتين

وتغلى خمس اكواب مية تقريبا او ستة ...وبعد ماتبرد يعنى تكون فاترة كده تضيف الملح تقريبا نص كوباية وممكن تضيف ملعقتين عسل اسود (زى ماتحب والعسل فايدته انه بيمنع زبول اللفت بنسبة كبيرة انا مجربة كده )

حتقطع اللفت زى بودا اليابانى ماقال ..وتقطع عدد عدد ثمرة بنجر

وبعدين تحط كل المحتويات فى البرطمان واللى حتقفل عليه بالضبة والمفتاح ( انا اعرف المفتاح بس الضبة اسمعها وعمرى مااعرف هى ايه فمتسالنيش عنها )mfb:

وتسيب بقى الموضوع ده لمدة تلات ايام وتبدأ تاكل ...بس انا لما باعمله كده مش باضطر انى اغير المية او المحلول الملحى ده لانى بانقعه فى المية شوية ..يمكن علشان كده بقى مش باحس بمرارته ......وابقى طمنا على الاخبار ...

تم تعديل بواسطة folana

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Folana عضو جديد

Folana

بتاريخ:
بتاريخ: (معدل)

[quote name=bodda' date='Nov 24

معلش يا جماعه يمكن تكون دى اخر رساله من مصر

لكن رايح مؤتمر فى اليابان حوالى 12 يوم

وطبعا هارجعلكوا باذن الله ومعايا شوية وصفات سوزوكى عجب

العزيز بودا ..

انشاء الله ماتكونش اخر رسالة يابودا وربنا يرجعلك لاسرتك الكريمة ولمطبخك وصبيانك بالف سلامة ...

اهم حاجة انك تكون واخد معاك شوية شاندوتشات لزوم الرحلة وخلى بالك على عينيك ياولدى احسن يشدوها منك وترجع بها زيهم كده .....وماتنساش طبعا تجيب وصفات للسمك معاك ..كمان عندهم صوص كده غريب ياخى وطعمه اغرب ولونه اخضر ...لا لا لا مش العجل فى بطن امه ..ده حاجة تانية ...

بجد ..مرة اكلت فى مطعم يابانى ..وجابوا لنا سمك نىء ومعاه الصوص ده مش عارفة اسمه ايه تارتار يمكن او ايه مش عارفه ...هو سميك القوام جدا ولونه اخضر وحامى جدا ومر جدا ..انا طبعا اتبرعت بنصيبى لجوزى بس هو نفسه يعرف ايه ده علشان نعمله ..فلو صادفته فى طريقك ابقى قولنا عليه ...

وهات لنا معاك شوية سوزوكى كده فى قرطاس ...( هو بيتاكل ده ولا بيتلبس ولا بيتشرب؟؟؟؟؟)

رحلة موفقة انشاء الله ...ولا تنسانا فى الدعوات ..والفاتحة امانة ....

اوشا ....طريقة المكرونة بتاعتك حلوة والله ...انا احب الاكلات عندى هى اللى بنقلب مكوناتها كده على بعض ...بلا وجع قلب احنا لسه حنرص ....ربنا يقويك فى موضوع العزال ده ياساتر انا مجربة ....بس انا بقى مانقلتش حاجة خالص ...هنا زى ماهو وهناك زى ماهو برضه mfb:

نشوفك على خير ...........

النسر المصرى انا مستنية وصفة السمك ..بورى بورى زى بعضه انا راضيه بس اكتبها ........

نهاركم سعيد ........

تم تعديل بواسطة folana

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

الامبراطور بودا الرهيييب

سااكانوي ششونا اكواتا كوازاكي ليوك

بعنب تروح ونرجع بالسلامه

كابوكا مااماتون شاشا

يعني مانسناش هناك

آآآ شاشوني لا لو ,,خد بالك من نفسك

كيتو كيتو

يعني( يعني منتظرينك على احر من عين البوتجاز)؟؟!!!

كاتاركتا شاشاشني ياليل ياعين اسابونا اهي لامونا وخيارة وزتونة شاكا باكا الالاوني يااونا

لادي ولا حاجة كنت بكح بس

تيتو لولي mfb:

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

الصيادية العرايشية

سميت بهذا الاسم لان جدو الصياد الاكبر كان في زنقة وكان جعان وعمل اكله غريبة وسماها صيادية..اي حاجة...اي كلام..المهم

اولا انواع افضل السمك العرايشي

القاروص وهو افضلهم جميعا واغلاهم ثمنا

الدنيس سمك مبطط اسود الظهر ولما يتخلله لون اصفر اذن فهي سمكة سمينة

البوري وكلما كبر النوع دة يبقى افضل وحبذا لو كان مبطرخ

جميعهم بلا استثناء يجب ان يكونوا طازجين وفقط من بحيرة البردوبل التي يصطادون منها افخر واغلى انواع السمك المصري بشهادة المجلس العالمي للشروة السمكية لما يتميز به من نقاء وصفاء تلك البحيرة حيث انها لم يمسها التلوث لانها تبعد عن كل المدن العممرانية وهي على طبيعتها

المقادير

واحد سمكة قاروص كبيرة حوالي تلاتة كيلو (دي لوحدها باربعمائة جنية..شوفتوا الفترا)

اذا مفيش يبقى واحد سمكة بوري كبيرة تلاتة كيلو وهي ارخص بكتير (تمانين جنية )

اذا مفيش يبقى انصحكم ماتعملوش الاكلة لان اي سمك غير البحر فهو لا يرقى لهذه الاكلة(واوعوا تفتكروا ان البوري المزارع دة لية لازمه..دة لاريحة ولاطعم ولا اي كلام حتى)

واتقد اني كدة ارضيت سيدتي فولانة الرائعة...وتحت امرك يا سعادة الباشااا mfb:

ما اللي حابب يجربها ومعاه كام دولار حابب يبعترهم يجيب سمكة تونة اوروبي متوسطة الحجم ويدعيلي

--تلاتة بصلة كبيرة حمراء بشدة

--بهارات سمك وفلفل اسود وكاري وورق لورا وجوزة طيب مطحون وجنزبيل منطحون وسماق فاخر

--فطر او عيش غراب مقطع

--فصين ثوم

--ارز بسمتي فاخر

--حبيتين طماطم شديدة الاحمرار

--مرقة ماجي

--قطع بحرية مشكلة(كلالماري ومحار بحر واخطبوط وقبقب وروبيان)

---بروكلي وجرجير

طريقة العمل

نظفي السمكة من القشر واقطعي الخياشيم

قطعي السمكة بالعرض لقطع حجم الواحدة تماثل كبشة اليد وخلي الراس لوحدها وقطعة من الديل لوحدها

تبلي السمك بالليمون والخل وبصلة مبشورة وزيت الزيتون وشوية صغيرة من كل نوع بهارت انا قلته وملح كمان

جهزي حلة كبيرة عالنار وضعي فيها ربع كوباية زيت زيتون اخضر الاصلي المعصور عاليد

ضعي حتة مستكة

ضعي البصل الكبير المبشور وقلبي لحد لما لونة يبقى ذهبي ثم اضيفي الفطر والتوم وقلبي حتى يصبح لونة بني غامق شوية

ضعي البهارت والورق اللورا ومعلقة كاري مع الفلف الاسود ثم ضعي مرقة الماجي وقلبيهم بسرعة وبسرعة حطي السمك وقلبيهم في بعض لحد لما ياخدوا على بعض

اضيفي الماء واتركية يسلق نصف ساعه او اكتر حسب نوع السمك مع اضافة الملح حسب الرغبة

اخرجي السمك لوحدة وصفيه

اتركي الشوربة زي ماهي في الحلة

اضيف لهيا مباشرة الرز حسب الكمية المرغوبة وقلبية كويس واتركيه يستوي

في حلة اخرى ضغيرة خدي الراس والديل وحمرية شوية مع حبة توم في شوية زت زتون وضيفي القطع البحرية المشكلة وخدعيهم مع قطعة مرقة الماجي واليمون ثم اضيفي الماء وارتكيه يغلي وهي دي الشوربة

اخرجي الرز وضعيه في صينية مدورة كبيرة وافرشية والملاحظ طبعا ان لونه هيكون بني

رشي من فوقيه بصل اخضر مفروم باليد مع بقدونس وحرجير

وضعي في النصف تلات طماطمات مقطعين على شكل مركب

الاكله دي مش طبيعية ياجماعة تاكلوا منها ماتشبعوش والغريب انها الاكله الوحية التي لاتسبب العطش

باهنا والشفا ويجعله عامر

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله .............

السيد النسر المصرى الفاخر ...

تسلم ايديك على الوصفة ...بس ليه كل المقادير من النوع الفاخر كده ....انت عارف هنا فى مصر المنحوسة يعنى ..مااعرفش فيه سمك تونة ولا لأ..بس ده بيكون زفر جدا متهيالى ...ممكن نجيب بداله السيمون ..هو بيتباع جزل فى السوبر ماركت ينفع ولا ايه ..بس طبعا حيكون من غير راس ولا ديل ...

حاجة كمان لو سمحت ..القبقب ده اللى هو ايه سعادتك ؟؟...طبعا الروبيان اللى هو الجمبرى ..والاخطبوط مش بيتباع فى مصر برضه الا معلبات بالصلصة كده ..زى علب السردين يعنى والذى منه بس طبعا مستورد ..وسمك القاروص متوفر ...بس مش لازم الكبيرة ام تلاتمية دى ...والسماق ممكن يكون اختيارى لانه مش هنا برضه ...انا بس باسهل على الناس اللى عايشة فى مصر بعد اذنك يانسرنا الطيار ....

وتسلم ايدك ..عايزين بقى الهمة معانا لحد ما اخونا الغالى بودا يرجع لنا بالسلامة .....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
  • الزوار
Guest النسر المصري

Guest النسر المصري

بتاريخ:
  • الزوار
بتاريخ:

ست الستات فولانة هانم

طبعا انت عارفة حضرتك اني كنت ذكرت مسبقا اني هذكر الوصفات الغير تقليدية والتاريخية في بداية دخولي للمطبخ

وعشان كدة هتلاقي الاكل المذكور دة كله من اجل الولائم والتميز فقط

يعني يوم لما تحبي تعملي اكله ماحصلتش قبل كدة يبقى عليكي بواحدة من دول

وخصوصا انها اكلات عربية اصيلة

مش اكلات غربية غريبة

...وعموما انا بحاول فعلا اني احط بدائل للوصفات

زي المنسف مثلا بدل الجبن الجميد ممكن يبقى لبن مملح وهكذا...

همال هتعملي اية لما تعرفي الأكلة الخطيرة الجديدة والقديمة التاريخية للعريش واسمها

الجــــــــــــــــــدرة

وربنا يستر

الامبراطور بودا الرهيب

ساكا سوكي

يعني ازاي جنابك يافندم

رابط هذا التعليق
شارك
زائر
هذا الموضوع مغلق.
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...