اطلب اى وصفه على بالك .. تلاقيها قدامك

[Folana]

[Folana]

تمام كده ...متشكرين افضالك ياشيفنا الاعظم.......

[شاعرالرومانسية]

تمام كده ...متشكرين افضالك ياشيفنا الاعظم.......

<{POST_SNAPBACK}>

ياجماعة ماكنتوا تشرحولنا كيفية ارفاق الصور بالشكل دة عشان نستفيد كلنا :D

على فكرة يا فولانة هانم .. البفتيك طلع جميل ..انا جربته فى صنية بالبصل واليمون... شكرا يا ست الكل :unsure:

بصوا بقى انا حقولوكوا طريقة لاكلة اسيوية عرفتها انما جميلة قوى

نجيب طاسة كبيرة ونحط فيها معلقتين زيت ولما يسخن نحط معلقة كمون حصى وقرنين فلفل احمر ناشف صحاح ونقلب ونحط مبشور جنزبيل طازة ونقوم جايبين قد نصف كيلو بطاطس نسلقها ونقطعها مكعبات ونضيفها ونضيف بعدها التوابل ( ملح وفلفل وكسبرة وكارى) ونقلب بالراحة ونضيف كوب بسلة نصف مسلوقة وبعد كدة طمطماية كبيرة مبشورة ونقلب ونضيف كوبيتين مياة واخر حاجة نصف كوب كسبرة خضرا مفرومة ونسيبها شوية على النار وناخد جزء من الصوص بتاعها دة على جنب ...

نجيب كوب زبادى ونخلطة مع الصوص اللى على جنب دة ونقلبة كويس حيبقى زى الكريمة كدة ..نضيفة بالراحة لطاسة البطاطس ونقلبة لحد ما تكمل سواها ونقدمها مع رشة كسبرة خضرا على الوش..

على فكرة ممكن ناخد من الخليط دة ونحشى بيه سمبوسك بدل اللحم المفروم المعصج .. برضة بيبقى حلو جدا وطعمة جديد..

وبالهنا والشفا mfb:

[Osha]

ممممممممممممممممم

أناأصلا باموت في الجبنه الريكفور حتى لو فيها ايه

المهم اناغالبا حاجرب لاني لقيت جدول فيه وصف أطعمة الجبن المختلفة وكمان المكونات اللي فيها

معلش صيام بقى وتسلية الواحد انه يلف في السوبرماركت ويشتري ويقول حاكل كل دا بعد الفطار وبعد كوباية القمر الدين ما تتشرب ووراها مشمشتين وأراصيا الواحد بيشبع وينتهي الأمر بالمشتروات الى التلاجة

طبعا سيادتك بتعزم بالجبنة الاسطمبولي وفاكرني حاسكت ...ابدا

تقول وصفتها في التو واللحظة

أختنا فولانة من ساعة الوزارة ما كلمتها عشان تعمل التشكيل الجديد وهي مختفية شكلهم حيدوها وزارة التموين مثلا

حسن

الأكلة دي شكلها جميلة طحن ولازم تتجرب حتتجرب ان شاء الله

[bodda]

العزيزه اوشا

عمل الجبن الاستانبولى سهل لكن المشكله فى عثورك على المنفحة

وهى اساسية لصناعة الجبن

لكن مادام جبتى كتاب الجبن يبقى هاتجيبى اسمها وتشتريها

وهيه غالبا هاتلاقيها فى صورة سائل او بودرة

المهم بندفى اللبن وملح خفيف( أو يتغلى ونسيبه يبرد على 37 مئوى)

على درجة حرارة الايد (زى لبن الرضاعه) وتضاف له المنفحة

هايحصل عملية التجبن .. نكون موضبين صندوق خشبى

او سبت بلاستيك مربع او مستطيل الشكل وتحطى جواه شاشه كبيره

وتدلقى اللبن المتجبن على الشاشه فيتصفى الشرش ويبقى الجبن

نساويه علشان ياخد الشكل المربع للسبت

ويتغطى بالشاش ونسيبه يوم كامل علشان ياخد الشكل والتصفيه النهائية

بعد كده نقلب القالب ده على رخامه ونقطعه بالسكين للمكعبات المطلوبة

ونضبط ملح الشرش المتصفى على 10% ( حدوقية مية الطرشى )

ونحط الجبن المتقطع فى وعاء غير شفاف ومعاه قرون الفلفل الاخضر

ويتغطى بالشرش ويحكم الغلق تماما ولمدة لا تقل عن شهر

وبالف هنا وشفا

:blush:

[se_ Elsyed]

بسم الله الرحمن الرحيم

الشيف العزيز الغالي بودا

بعد التحية والسلام ...

أنا شاب متزوج وعدي أولاد زي ما كل الناس متجوزة وعندها أولاد ( عادي يعني مافيش جديد )

فحبيت أُدخل السرور على قلب عائلتي وأشارك في شغل المطبخ ...

ما طولش عليك ( قول طول )

يوم الجمعة اللي فاتت كنا عاملين فضلة خيرك سمأ أو سمك يعني بالمصري ...

المهم قولتلهم أنا محضر لكم مفاجأة يا ولاد .. وهاعملكم أبوكم غنوج ... خصوصاً إن نسيبي كان عندنا هو وعائلته ...

المهم برضوا أنا كنت طابع شوية وصفات إفتكاسية من بتوعك ... ولقيت فيها سلطة بابا غنوم :blush: وبعد ما شويت البتنجان وكله تماما التمام .. لقيت سيادتك كاتب إننا لازم نضرب البتنجان مع الطحينة والتوابل والحركات ضرباً مبرحاً في الخلاط حتى يستغيث ...

ربع ساعة يا مبارك وأنا واقف جنب الخلاط والبتنجان مش عايز ينعم ولا ينحرك ... يمين شمال ما فيش ...

روحت مصرخ بعلو حسي على حرمنا المصون وقولت لها ( إنتي يا ستي .. تعالي شوفي المخروب ده مش راضي يضرب بابا غنوج ليه )

فجت في النهاية وإكتشفت إني ما حطتش سكينة التقطيع في الوعاء الخاص بالكيشتن ماشين ... وطبعاً كما هو متوقع أخدت تريقه للصبح طبعاً ...

فلو سمحت لما توصف حاجة بعد كده إبقى أوصفها بكل حذافيرها .. وما تجيبولناش الكلام ...

أخوك الشيف سين سين

والسلام عليكم ورحمة الله وبركاته،،

[Folana]

السلام عليكم ورحمة الله ....

بالنسبة للمنفحة دى احب اضيف ..ان اسمها منفحة العجل وهى فى زجاجة عليها ورقة مرسوم عليها العجل صاحب المنفحة ..وريحتها اعوذ بالله من غضب الله ...اصل جوزى كان هارينى الجبنة دى ...بس يابودا دى بتطلع جبنة كده لها طعم تانى غير الاستنبولى ...هى مش بطالة وطبعا كاملة الدسم ..بس غير الاستنبولى دى ..واحنا بناكلها حتاتك باتاتك من غير مانشيلها شهر ولا حاجة ..يمكن ده السبب بقى .

اخونا سيدى السيد ...:blush:ابقى ضيف على اى وصفة تعملها فى الخلاط ..سكينة الخلاط ..دى مكون اساسى فى الوصفات ماتنساش ..وربنا معاك

[bodda]

أخونا العزيز سى السيد

انا فعلا اسف اسف شديد للسهو فى الوصفه

ومعلش حقك عليه والمره الجايه مش هانسى خالص

:angry2:

اما موضوع المنفحة يا ستنا فلانه هانم

فهى فعلا ريحتها الخام كده :blink:

لكن نسبة الاضافة هيه الاساس

ومفروض نعمل منها خميره الاول على نص لتر لبن ( معلقتين كبار)

واللبن يكون دافى ونسيبه ساعه فى مكان دافى

بعد كده نستعمل منه فنجان قهوه لكل لتر لبن

والملح والفلفل الاخضر هوه بيقوم بالباقى للطعم الشهير

ومساء الفل

:P

[se_ Elsyed]

أسفك مقبول يا سي بودا ... وهي دي فعلاً أخلاق الشيفات المحترمين ...

سؤال حلوياتي بقى : هو الواحد لما يحب يعمل صينية جُلاش في الفرن ... لازم يقطع الجلاش قبل ما يدخله الفرن ؟ لإن التقيطع بعد السوا بيبهلد الصينية .

[Folana]

السلام عليكم ورحمة الله ....

شيفنا المستتر سى السيد..اسمحى ارد بالنيابة عن بودا لحين مايدخل هو ويتطلع على اوراق القضية ويضيف افتكاساته ......أى نعم ..حتما لزمن ولابد من تقطيع الجلاش قبل وضعه فى الفرن ....

مش عارفة انت عايز الوصفة على بعضها ولا بتكتفى بالسؤال ده بس ...

[se_ Elsyed]

السلام عليكم ورحمة الله ....

شيفنا المستتر سى السيد..اسمحى ارد بالنيابة عن بودا لحين مايدخل هو ويتطلع على اوراق القضية ويضيف افتكاساته ......أى نعم ..حتما لزمن ولابد من تقطيع الجلاش قبل وضعه فى الفرن ....

مش عارفة انت عايز الوصفة على بعضها ولا بتكتفى بالسؤال ده بس ...

<{POST_SNAPBACK}>

شكراً يا فندم ...

أنا كنت بأسأل بس لإني أدليت بدلوي في الموضوع ده وعملت صينية جلاش نوويه مالهاش حل ولكن نسيت أقطعها قبل ما أدخلها الفُرن .. فكانت النتيجة إني بعد ما سقتها شربات وحركات .. إتهرت طبعاً وكان شكلي بايخ ... بس برضوا كان طعمها حكاية .

[bodda]

الف شكر للعزيزه فلانه للرد السريع

ودايما يارب منورين بيتكم المغذى المفيد

ياعم سى السيد الوصفه على بعضها اهى اسهل

صينية الجلاش ( او الرقاق )

يمكن استعمال الرقاق الناشف أو المجمد الطرى

والاسهل طبعا المجمد الطرى ( مثل ماركة الزهار )مش دعاية والله

:angry2:

نحضر سلطانيه بها سمن سايح ودافى

ندهن صينية الفرن بالسمن بحنية

نفرش رقاقة لنهاية اطراف الصينية وندهنها بالسمن

ونكرر برقاقه تانيه وندهنها ...وهكذا ...

وكل رقاقتين نرش لحم مفروم ومعصج ومتبل ثم رقاقة ... وهكذا لغاية سمك 3 سم تقريبا

(ودى هيه التكه الاولى بدل من وضع الحشو فى وسط الصينيه فتفصل بعد السوا )

لما نخلص الرقاق للسمك المطلوب مع الدهان بين الطبقات زى ما قلنا

نقطع الصينية بسكين حاد لاى شكل تفضله مربعات مستطيلات شبه منحرفات

:P :D :D

نصب نص كوباية شوربه بهريز

نصب على الوش ملعقتين سمن تانى

تدخل الفرن نص ساعه

ونيجى للتكه التانيه وهى ضرب خليط من كوب لبن كبير ومعاه بيضتين وملح وفلفل

:blink:

ونطلع الصينية ونصب الخليط ده عليها فتشربه بسرعه لسخونتها

وندخلها الفرن تانى للسوا والتحمير النهائى

وطبعا ممكن بدل الحشو باللحم يكون بالمكسرات

وبدل ما نسقى بالشوربه و الملح والفلفل ..نسقيها بالشربات

يعنى تبقى جلاش حلو

وبالف هنا وشفا

رمضان كريم

:P

تم تعديل 24 أكتوبر 2005 بواسطة bodda

[bodda]

الشتا بدأ وظهر فى السوق البروكلى والقرنبيط

ودى وصفه ممكن تتعمل بأيهم وحلوه وسهله ومقطقطه

صدور الفراخ بالبروكلى( او القرنبيط )

نجيب طاجن ...او صينيه بايركس تكون أفضل للشكل

تقطع الصدور شرائح رقيقه وتتبل بالملح والفلفل

وتسوى فى زبد أو زيت حسب الرغبه

نيجى للبروكلى يسقط فى ماء مغلى 5 دقائق وينشل

ثم يقطع شرائح بقدر الامكان

نحط فى قاع البايركس طبقه من البروكلى 3-5 سم

ثم نرص شرائح الصدور بحنيه ;)

ثم طبقه أخرى من البروكلى برضه بحنيه

ثم نصب بواقى تسوية الصدور عليه :D

مع كوب شوربه أو ميه مضاف لها التوابل والملح المطلوب

ويدخل الفرن 20 دقيقه

ثم نخرجه ونغطى الوش بالجبن ويدخل الفرن تانى

ونكمل تسويه لغاية ما الوش يتلون ذهبى جميل

وبالف هنا وشفا

صباح الفل

:D

تم تعديل 24 أكتوبر 2005 بواسطة bodda

[Folana]

السلام عليكم ورحمة الله .....

بودا ..ايه الاكلة الجميلة دى ..طب تصدق انا لسه جايبة بروكلى حالا ..بس عندى مشكلتين الاولى انى حافطر على مائدة الرحمن النهاردة بتاعة ناس جرايبنا ...والتانية بقى ودى المهمة ...ان جوزى افندى اصدر فرمان بعدم دخول اى ريشة البيت ..بمعنى اخر مافيش فراخ ممكن نعملها ..تخوفا على صحة معاليه ..وصحة الرعية اللى هم انا واولادى ..وبالتالى برضه خوفا عليه علشان مايتعديش مننا(وده الاصل فى خوفه على صحتنا) ..بانفلونزا الطيور ..صدقنى انا خايفة اكح ولا اعطس عادى يعنى ..احسن اتحجز فى عشة الانعاش اللى فوق السطح .....

وعموما احنا كده ولا كده مش بناكل الا الفراخ البلدى ..ودى طبعا ماتنفعش فى الوصفة ولا ايه؟....

السؤال بقى هل ممكن استبدال الفراخ (لحد ماربنا ياخد بايدها ونعرف وضعها ايه بالظبط)..بلحمة فلتو مثلا ؟.....

وبمناسبة الفلتو ...ياريت الاخت سلوى لو عندها وقت ومرت علي مطبخنا تبقى تكتب لنا وصفة الستيك اللى بتعمله بصلصة الجبنة الزرقا .....لانى عايزة اسالها من ساعتها بس سهى على .....

أوشا حبيبتى ..كلام فى سرك الوزارة كانت ناوية تدينى التموين فعلا ..بس مسكتنى وانا بأكل الشغل ...وراحت علًى الوزارة وراح على التموين (صورة عبده مشتاق)

صباحكم جميل جميعا ..... :D

[bodda]

العزيزه فلانه

طبعا ممكن استبدال صدور الفراخ باللحم

بس البتللو هايكون اقرب من الفللتو

وان كان ينفع برضه... بس يحتاج سوا اكتر

:D

مشكلة الاستيك ان مافيش استيك لحم صح الا فى المستورد

وتطلبى الــ T-bone stick

دى احسن قطعه طبعا وتملا عين اى واحد جعان ومستنى المدفع

زى حالاتى دلوقت وفاضل نص ساعه

;)

رمضان كريم

:D

[Osha]

العزيزه فلانه

طبعا ممكن استبدال صدور الفراخ باللحم

بس البتللو هايكون اقرب من الفللتو

وان كان ينفع برضه... بس يحتاج سوا اكتر

:D

مشكلة الاستيك ان مافيش استيك لحم صح الا فى المستورد

وتطلبى الــ T-bone stick

دى احسن قطعه طبعا وتملا عين اى واحد جعان ومستنى المدفع

زى حالاتى دلوقت وفاضل نص ساعه

;)

رمضان كريم

:wub:

<{POST_SNAPBACK}>

يا سلام يا بودا لو تاخد ال Rip-eye بس من ال T-boneتبقى احلى و احلى :D

[Folana]

كل سنة وانت طيبة ياريهام................

مش عارفة انت تقلانة علينا ليه وحرمانا من وصفاتك الشهية ومتابعتك لنا ..يارب تكونى بخير ...انا على العموم حاعملك تورتة الجيلى بعد الفطار واكلها بالنيابة عنك .................

[se_ Elsyed]

يا سلام يا بودا لو تاخد ال Rip-eye بس من ال T-boneتبقى احلى و احلى  :

خمر !!!

خمور في رمضان .. أعوذذذذذذذ بالله أعوذ بالله

إقطع لي حته وحياة والدك بس تكون من بيت الكلاوي لو سمحت ... اي حتة غير كده أنا هازعل ..

[bodda]

خمور ايه يا عم سى السيد ؟؟؟

دى أسماء شامبوهات جديده

:D :D :wub:

مساء الفل

;)

[شاعرالرومانسية]

خمور ايه يا عم سى السيد ؟؟؟

دى أسماء شامبوهات جديده

:lol:  :lol:  :lol:

مساء الفل

:wub:

<{POST_SNAPBACK}>

:wub:

;)

:D

اسماء شمبوهات .. :D

انا كنت بقول كدة برضة :D