شهادة زور

[Cleo]

﴿وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ

﴾البقرة (11-12)

********************************************

- قولى يا حاج حسين.. إلا اسم النبى حارسها بنتك الكبيرة، ربنا كرمها ولا لسة؟؟

- لا ولله لسة يا حاج عوضين... ماجاش النصيب..

- يعنى محدش متكلم عليها...

- لسه..

- عندى ليها عريس. حسونةابن جوز أخت مرات عم مراتى... راجل كسيب و أخلاقه كويسة... ده أنا لو كان عندى بنت ماكنتش ألاقيلها أحسن منه... نقول نتقابل يوم الخميس

- ربنا يجيب اللى فيه الخير......

--------------------------------------------------------------------------------

(الحاج عوضين فى بيته)

- بقولك ايه يا أم شحاته النهاردة أخدت ميعاد من الحاج حسين، عشان يقابل حسونة عشان بنته..

- أيو يا حاج بس انت عارف إن حسونة ده واد فلاتى و صرماح و بخيل بخل الدنيا و الأخرة..!!! والبت بنت الحاج حسين يعنى غلبانة و منكسرة مش هتسلك معاه..

- أيوة يا ستى... واحنا مالنا.. احنا نعمل الخير و نرميه فى البحر و يا بخت من وفق راسين فى الحلال..

- أيوة يا حاج.. بس ده واد بطال خالص..

- أهو بكره ربنا يهديه على إيديها... و هى وشطارتها..!!!

--------------------------------------------------------------------------------

(تتم الخطبة و يكتشف الحاج حسين سوء أخلاق خطيب بنته بعد أن تكبدواتكاليف باهظة للخطبة و الجهاز و الذى منه، غير معاناة بنت الحاج حسين النفسية...

- كدة برضه يا حاج عوضين..!!! هو ده قريبكم اللى أخلاقه كويسه و تعرفه زى ولادك ولو كان لك بنت ماكنتش نعزها عليه..!!!

- ياخويا و أنا كان إيش عرفنى... أنا أعرفه معرفة قرايب... انت اللى ناسبتوه و قعدتوا و اتكلمتوا معاه... معرفتوش ليه تحققوا معاه كويس و تعرفوا حقيقته و انتم لسة عالبر..!!

- حسبنا الله و نعم الوكيل...

--------------------------------------------------------------------------------

شهادة الزور قد نرتكبها كثيرا فى حياتنا بعيدا عن ساحات المحاكم... ولكننا لا نشعر بذلك..!!!

[مصرى]

صحيح .. وأظلم الناس أظلمهم الناس للناس

[bentmasria]

:angry: :D :D

موضوع جميل يا كليو

وحشتينا

على فكرة انا برضه عندى نموذج فذ للشهادة الزور

من فترة كده قام البعض ممن كنت اعتبرهم اصدقائى بالشهادة زورا وكذبا فى موضع ما بحقى وحكى لى من شهدوا امامهم كل ما حدث وما تسبب فى ايذائى واتهامى زورا بما ليس بى

لم اعاتبهم او احاسبهم رغم معرفتى بهم

احتسبت عند الله الذى اظهر الحق

وانتظر رأيك كمن عانى من نتائج الشهادة الزور مثلى

هل انتظر اعتذارهم واذهب اليهم مادة يد الود والتسامح

ام فقط اقاطعهم ويادار مادخلك شر

وكما قال ربنا العلى العظيم سبحانه وتعالى

يأيها الذين آمنوا اذا جاءكم فاسق بنبأ ......حتى آخر الآية

ام محمد