يوميات مواطن محبَط ..

[عصام]

- ألو السلام عليكم ..

-- وعليكم السلام

- جهاز المدينة؟

-- أيوه يا مدام .. نعم

- عايزة أبلغ من فضلك عن حاجة حصلت

-- خير؟

- عربية نص نقل .. وهى بتركن قدام العمارة .. خبطت عامود النور وقعته

-- وبعدين؟

- وبعدين إيه؟ :D العامود وقع فى الجنينة بتاعة العمارة .. تحت البالكونة بتاعتى .. ولما العواميد دى تنور بالليل وتمشى فيها الكهربا هاتحصل كارثة .. :D لأن اللمبة بتاعته فى قلب الميه

-- أيوه أيوه فاهم .. ومسكتوا السواق؟ :ph34r:

- سواق؟ :sad: ..العمارة كلها أطفال .. وكتير بيلعبوا فى الجنينة دى .. أرجوك افهم؟

-- طيب إدينى بياناتك وتليفونك

- إسمى ................................

-- شكرا .. إحنا هانتصرف B) إطمنى

بعد ساعتين

- ألو ..

-- أيوه

- انا كنت عملت بلاغ عن كذا وكذا

-- والمطلوب؟

(تبدأ مشادة كلامية سببها سلبية الموظف تنتهى بــ "أعلى ما فى خيلك اركبيه :) "

بعد قليل

- ألو .. قسم الشرطة؟

-- أيوا يا مدام خير؟

- من فضلك حصل كذا وكذا وكذا

-- حضرتك عملتى البلاغ فعلا؟

- أيوا

-- وبياناتك عندهم؟

- أيوا

-- :) طيب إحنا متشكرين جدا .. دقيقتين ونبقى عندك .. إطمنى :D

- أرجوك الدنيا قربت تليل والموضوع خطير

-- لا لا إطمنى خالص :D

مر على تلك المكالمة حتى هذه اللحظة .. 3 ساعات .. والمسافة بين مكان الواقعة والقسم ..... 5 دقايق :D

[kotoz9]

لأ اطمن وحط فى بطنك بطيخة صيفى ولا بعد عشر سنين........

عارف كنت قلت لهم ان العمارة فيها سياح اجانب ........كانوا قبل ما تقفل السكة خلصوا كل حاجة... اصل البلد ديه المصريين فيها مواطنون درجة تانية

[سقراط المصري]

:D :D :D

شوف انت تبعد العيال عن الجنينه دلوقت وده الاهم.

الموضوع ده لو خلص في كام يوم يبقى ربنا بيحبكم.

مثال مضحك ، اصله مصري صميم ولاتيواني ولا صيني.

:angry:

سقراط

[عصام]

[

مر على تلك المكالمة حتى هذه اللحظة .. 3 ساعات .. والمسافة بين مكان الواقعة والقسم ..... 5 دقايق  :D

كنت متفائل :D

إتصلنا المغرب تانى .. وبصرف النظر طبعا عن نتيجة الاتصال :D لكن سمعت إفيه يموت م الضحك ..

المدام (مراتى يعنى) منفعلة جدا وهى بتكلمه .. وأرجوك .. وأتوسل إليك .. خلاص الدنيا هاتنور .. (قصدها طبعا على أعمدة النور)

رد عليها الموظف .. يامدام الدنيا بتنور بالنهار :D ها ها ها :D

المهم ان الست يا عينى فضلت متذنبة فى البلكونة .. "خللى بالك يا إبنى .. حاسب يا ولد :angry: " لحد الدنيا ما ضلمت :D

[New]

ايه الاخبار... فيه حاجة اتصلحت؟؟؟

[عصام]

ايه الاخبار... فيه حاجة اتصلحت؟؟؟

<{POST_SNAPBACK}>

لأ ليه؟

:angry:

[Salwa]

اخى الفاضل عصام ..

انقل الموضوع لباب الابتسام ....

احتمال عواميد النور هى كمان مش شغالة وعلشان كدة هم مطمئنين ..

مفروض حالا تلحق تضع حواجز على حسابك ...ويفط مكتوب عليها حذار من الاقتراب والتصوير ...(( حذار من التصوير منعا للفضيحة.....لهم طبعا ))...

بس انت صور كل شئ .....

ارجو ان ترفق الصور هنا ....

ونحن مسئولون عن بقية الاجراءات ..

[New]

لأ ليه؟

بصراحة انا كنت باحسب ان الناس دول حاييجوا بس مكسلين شوية... والا قالوا نروح بكرة والصباح رباح... بس الموضوع كده شكله طول وبقوا بصراحة معندهمش دم لان احتمالات اصابة واحد من الاطفال اللى فى منطقتك بيزيد... ربنا يستر.

:angry:

[عصام]

جاءنا الآن البيان التالى:

بينما أنا باركن عربيتى امبارح لدى عودتى سالما من العمل .. وجدت خير اللهم اجعله خير .. حفرة جنب العامود ..

وواضح إن المقصود منها محاولة لإعادة تثبيته ..

فرحت وسألت المدام: الله؟ أهم جم أهم بس اتأخروا شويتين

المدام: أيوا اتأخروا لدرجة ان الجزء الكبير اللى بيتحط جواه اللمبة واللمبة نفسها ... إتسرقوا

أنا: طب الحمد لله أهو كان أحسن ما حد يتكهرب منها .. وما كملوش تركيبه ليه؟

المدام: سألتهم قالوا لى إنهم بتوع الحفر بس .. كام يوم وبتوع التركيب يشرفوا

سرت فى جسدى قشعريرة سببتها السعادة التى غمرتنى بعد سماع الخبر .. واندفعت إلى البلكونة المطلة على العامود مغنيا بأعلى صوت "يا اصحابى يا أهلى يا جيرانى .. الظاهر العامود هايشتغل تانى" :blink:

هنا القاهرة

[mnman]

سؤال يطرح نفسة :

" مين الي سرق العمود" :wub: :wub:

والله العظيم حرام!! اهمال وتسيب وعدم احساس بالمسؤلية!!! ورقابة منعدمة!! وقلة ضمير و قلة ذمة وبلطجة!!!

الحمد لله ان مصر مش ام الدنيا بجد والا كان اقلب القدرة علي فمها تطلع الدنيا لامها!!!

صعبان عليا بلدي والي بيحصل فيها!!! الله يكون في عون ساكني المحروسة!!!

[عصام]

شوف يا منمان يا اخويا ..

أولا إنت واحشنى جدا جدا .. وما تسوقش الدلال أوى كدا .. خليك حلو :wub:

ثانيا لو لاحظت من إسم الموضوع هاتلاقى كلمة "يوميات" .. دى بقى كانت حتة يومية .. أصل انا يومياتى - مش عارف ليه - كتير جدا ..

ثالثا عايزك توفر أعصابك ... علشان اعرف أكملها .. :D

أخيرا بقى مش عايز الناس تعتقد إن دى يومياتى أنا لوحدى .. لأ .. يا ريت نخليها يومياتنا كلنا .. نخليه كدا موضوع ينضح بالإحباط والسوداوية .. :D .. واللى عنده شكوى يحطها هنا .. عشان المسألة تبقى جرعة مكثفة بدل ما ابو خليل يعمل موضوع يشتكى فيه من الجمارك وانا اشتكى من البوليس وغيرى يشتكى من المجارى .. خلونا نعمل "كبسولة" كدا اللى يقراها .. يفطس فجأة لوحده :wub:

عصام شوقى

مقاول تفطيس :wub:

[باهى الطائر الحزين]

( الله ) يرحمه

طق من جنابه مات مسكين