انا انقلابي....و أسوتي محمد رسول الله

[MZohairy]

اللي يقولك انت انقلابي دي مش شتيمه اطلاقا

فمحمد ابن عبد الله كان انقلابيا و انقلب على نظام قريش

مش مهم انك تنقلب

المهم انت انقلبت على ايه

ربنا يجعلهالهم اول الاحزان

[pink rose]

معلش يعني ايه دخل النبي عليه الصلاة و السلام في مهاترات السياسة دي

النبي اكبر من ان احنا نتكلم عليه بالشكل دا

محمد صلى الله عليه و سلم رسول من الله هداية للعالمين

معلش يا مايسترو الموضوع دا فلت منك اوي

اتكلم على الاخوان براحتك

اتكلم على السلفيين براحتك

لكن النبي عليه الصلاة و السلام ابعده عن الحوارات دي ربنا يباركلك

[MZohairy]

ابعده ليه؟

هو مش رسول الله و اسوتنا اللي بنقتدي بيها في كل مناحي حياتنا؟

[pink rose]

الرسول مش انقلابي يا استاذ محمد

الرسول عليه الصلاة و السلام مأمور يبلغ رسالة رب العالمين باخراج الناس من الكفر للايمان

انقلاب ايه بقى ان شاء الله دا

الانقلابات و الاحزاب و الفرق و الحاجات الخايبة دي من مش مقام الانبياء يا استاذي الفاضل

ابعدوا النبي عن سياستكم دي و غيظ كل فريق في التاني

[MZohairy]

عايزه تضحكي على نفسك انتي حره

قريش كان ليها نظام

و رسول الله جه انقلب على النظام ده و بقى انقلابي في نظرهم

دي حقيقه لا يمكن انكارها.....و مش عيب نقولها

اذا الانقلاب في حد ذاته مش عيب

[pink rose]

لا باضحك علي نفسي و لا باضحك على حد

انا قولت رأيي في الموضوع بانه مش عاجبني و شايفاه لا يصح

اظن ليا مطلق الحرية في كده

[MZohairy]

طبعا كل واحد حر مفيش ادنى شك

و انا كمان من حقي ارفض رأيك طبعا

[tarek hassan]

( فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ {174} ...)

( وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ (11))

لا أتذكر آيات أخرى تتحدث عن مادة : انقلب ... ولن أعلق على ما يقوله الأستاذ زهيري عن الرسول صلى الله عليه سلم فهو أدرى بمراده أو عبر عنه أو فسره .... لا أدري هل المشكلة فيه أو المشكلة في إطلاق المصطلح وجعله معيبا فقط.....وإن كنت مؤيدا لقوله : المهم إنك بتنقلب على إيه ... فالانقلاب على الخطأ واجب ومؤيده آثم .... والمنقلب على الصح آثم وتأييده واجب ....

ما أعارضه أن الرسول صلى الله عليه وسلم لم ينقلب على دين قريش لأنه لم يدن به أصلا

وتحرزا لا داعي لذكر الرسول صلى الله عليه سلم في هذا المقام

وما أؤيده أو ما أنضم إليه فيه هو أنني انقلابي مثله

أنا انقلابي وأفتخر

تم تعديل 14 يناير 2014 بواسطة tarek hassan

[التونسى]

مقارنه جائره يا مان .. انت بتقارن ما فعله سيد الخلق بما فعله السيسى .. بغض النظر عن المسميات التى لا تغنى ولا تسمن من جوع.. انا فاهم انك بتدافع عن ((الغايه)) وراء ما فعله السيسى .. وانا معاك انه الانقلاب ذات نفسه مش عيب ولا حرام .. لكن هل الانقلاب ده كان بنية الاصلاح ومحاربة الفساد واعلاء كلمة الحق .. والا كان صراع على الحكم بنية تأكيد الهيمنه والسيطره والاستبداد على مقدرات البلاد والعباد ؟؟ .. اظن كل الشواهد والاحداث بتوكد الاجابه .. التركيز كل التركيز كان على دحر وسحق الخصم السياسى الغبى .. وفى نفس الوقت الاستخفاف بالشعب المغيب ((الا قليلا)) .. عامة ربنا قال فى كتابه العزيز ((ان الله لا يصلح عمل المفسدين)) .. وبكره نشوف مين الصح ومين الغلط .. وبكره نشوف مصر .. وبكره ل اللى منتظره قريب اوى

[tarek hassan]

.. عامة ربنا قال فى كتابه العزيز ((ان الله لا يصلح عمل المفسدين)) .. وبكره نشوف مين الصح ومين الغلط .. وبكره نشوف مصر .. وبكره ل اللى منتظره قريب اوى

بكره ليه يا محمود ... ما تشوف النهارده ....أهو أنت جبت الدليل بنفسك ....إن الله لا يصلح عمل المفسدين .... النهاردة هو بكره بتاع مرسي ...... فهل صلح عمل مرسي أو أصلح ؟

[MZohairy]

يا شاعر ولا يهمك

لو اتضحلنا انه فاسد نبقى نثور عليه

ولا يهمك

ههههههههههههههههههههههههههههههههههههه

علشان خاطرك دي

[التونسى]

يا شاعر ولا يهمك

لو اتضحلنا انه فاسد نبقى نثور عليه

ولا يهمك

ههههههههههههههههههههههههههههههههههههه

علشان خاطرك دي

بتضحك عليا وعلى نفسك يا مان .. لا أظنك أبدا من المهوسين بالسيسى .. اتفهم جيدا ما هى دوافعك .. وان كل ما يحركك هو فقط عدائك للاخوان ومن هم على شاكلتهم .. ولست وحدك ..مثلك الكثيرين من المثقفين اللى مش مغيبين .. ولكن فاهمين ومصهينين ههههههههههههههههه

عامة الايام دول فعلا يا استاذ طارق .. التاريخ بيقول كده والقصص القرانى بيقول كده

تم تعديل 14 يناير 2014 بواسطة محمود البصيلى

[tarek hassan]

ههههههههههههههههه

عامة الايام دول فعلا يا استاذ طارق .. التاريخ بيقول كده والقصص القرانى بيقول كده

الضحك بتاعنا كده ( سيسي )

ccccccccccccccccccccccccc

ccccccccccccccccccccccccc

فعلا دول يا حاج محمود

ولو دامت لمرسي ما وصلت ..... لعدلي منصور

دنيا ... يا حودة ... مساءك فل يا فنان

[أبو محمد]

إطمئن يا شاعر

لو السيسى أصبح رئيسى مش ممكن حيتفرعن كما يظن بعض المثقفين

وكما يخاف بعض الشباب

(على فكرة شباب كتير ما راحوش الاستفتاء)

مش حيتفرعن .. ليه بقى ؟

ناس كتير بتقارن السيسى بعبد الناصر .. وانا لا أوافق على هذا

الأيام غير الأيام .. والظروف غير الظروف .. والناس غير الناس

عبد الناصر اتفرعن بسبب حاجتين

أولا .. حب قطاع كبير من الشعب له

ثانيا .. المنتجع اللى كان عامله ورا الشمس

زى ما قلتلك الناس اتغيرت .. الشعب لسان حاله بيقول

"داحنا مدوبينهم اتنين"

أيام عبد الناصر ما كانش فيه دستور بيحدد سلطاته بل بالعكس

فى الدستور الجديد .. الرئيس ما يقدرش يعين رئيس وزرا ووزرا

من غير موافقة مجلس النواب

وما يقدرش يقيل حكومة ولا رئيسها ولا أى وزير فيها

بدون موافقة مجلس النواب

الدستور دلوقت بيعطى المجلس سلطة سحب الثقة

من وزير .. ومن رئيس وزرا .. ومن الحكومة

ومن رئيس الجمهورية كمان

كان فين الكلام ده قبل كده ؟

مش قلت لك إطمئن ؟

الأيام غير الأيام .. والظروف غير الظروف .. والناس غير الناس

[أبو محمد]

الرسول مش انقلابي يا استاذ محمد

الرسول عليه الصلاة و السلام مأمور يبلغ رسالة رب العالمين باخراج الناس من الكفر للايمان

انقلاب ايه بقى ان شاء الله دا

الانقلابات و الاحزاب و الفرق و الحاجات الخايبة دي من مش مقام الانبياء يا استاذي الفاضل

ابعدوا النبي عن سياستكم دي و غيظ كل فريق في التاني

ما تزعليش نفسك يا ريمو

فيها إيه .. إنقلاب النور على الظلام ؟

واسمحى لى أن أكمل فى مداخلتى التالية ما بدأه الأستاذ طارق

[أبو محمد]

( فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ {174} ...)

( وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ (11))

لا أتذكر آيات أخرى تتحدث عن مادة : انقلب ... ولن أعلق على ما يقوله الأستاذ زهيري عن الرسول صلى الله عليه سلم فهو أدرى بمراده أو عبر عنه أو فسره .... لا أدري هل المشكلة فيه أو المشكلة في إطلاق المصطلح وجعله معيبا فقط.....وإن كنت مؤيدا لقوله : المهم إنك بتنقلب على إيه ... فالانقلاب على الخطأ واجب ومؤيده آثم .... والمنقلب على الصح آثم وتأييده واجب ....

ما أعارضه أن الرسول صلى الله عليه وسلم لم ينقلب على دين قريش لأنه لم يدن به أصلا

وتحرزا لا داعي لذكر الرسول صلى الله عليه سلم في هذا المقام

وما أؤيده أو ما أنضم إليه فيه هو أنني انقلابي مثله

أنا انقلابي وأفتخر

بَلْ ظَنَنتُمْ أَن لَّن يَنقَلِبَ الرَّسُولُ وَالْمُؤْمِنُونَ إِلَى أَهْلِيهِمْ أَبَداً

وَزُيِّنَ ذَلِكَ فِي قُلُوبِكُمْ وَظَنَنتُمْ ظَنَّ السَّوْءِ وَكُنتُمْ قَوْماً بُوراً (الفتح:12)

الانقلاب هنا بمعنى العودة سالمين

فَأَمَّا مَنْ أُوتِيَ كِتَابَهُ بِيَمِينِهِ * فَسَوْفَ يُحَاسَبُ حِسَابًا يَسِيرًا * وَيَنقَلِبُ إِلَى أَهْلِهِ مَسْرُورًا (المطففين 7-9)

معناها هنا الانصراف والرجوع للحاق بالفائزين من أهله

اللهم اجعلنا من المنقلبين إليك

وَإِنَّا إِلَى رَبِّنَا لَمُنقَلِبُونَ (الزخرف:14)

[Alshiekh]

قديما قال الشاعر أحمد شوقي في قصيدة ولد الهدى

الإشتراكيون أنت إمامهم *** لولا دعاوي القوم والغلواء

ايه رأيكم نضيف هذا البيت

الإنقلابيون أنت إمامهم *** لولا دعاوي عشيرة الخبثاء