تحويل فلوس من مصر للسعودية

[محمد افندى]

السلام عليكم ورحمة الله وبركاته

برجاء مساعدتى

ارجو معرفة اسهل وارخص طريقة لتحويل الفلوس من مصر ( من الاقاليم ) للسعودية ( جدة )

وينفع تتحول على حسابى لدى البنك (بنك الرياض - الاهلى - الراجحى )

المبلغ مش كبير فى حدود 1500 ريال

تم تعديل 7 يناير 2014 بواسطة محمد افندى

[حسام الغرباوي]

اسهل طريقة لو عندك حساب في مصر في البنك الاهلي او بنك مصر مثلا يعملك ايداع وانتا تسحب من هنا بالفيزا ...مصاريف السحب حوالي 25 ريال

[zemanova]

طب والعكس ينفع ولا مينفعش

بمعني ينفع أحول من السعودية علي نفس رقم الحساب في مصر, بفرض وجدود الحساب في بنك مصر أو الأهلي زي م حضرتك قولت ؟؟

والتحويل هيتم بما يعادل الريال ولا هيتم التحويل بنفس العملة, لأن غالبا الحساب اللي ف مصر هيكون بالجنيه المصري؟

[حسام الغرباوي]

اكيد طبعا ينفع

اصلا معظم الناس بتعمل كدا

التحويل بينزل في حسابك في مصر حسب عملة الحساب (( يعني لو حسابك في مصر بالجنية ...المبلغ هينزل بالجنية ...لو حسابك بالدولار ..المبلغ هينزل بالدولار ))

والتحويل هنا سهل جدا (( من خلال فروع الويسترن يونيون 16 ريال رسوم ...او من خلال تحويل الراجحي 16 ريال رسوم ( كانت 25 ريال معرفش رجعت 25 تاني ولا فضلت 16 )) ...الراجحي لما بتحول اول مرة بعد كدا ممكن تحول من حسابك علي النت وانتا قاعد في البيت

[Monzer Ismael]

بالنسبة لتحويل المبلغ بالريال او بالدولار لحساب بالجنية المصرى هيتم تغير العمله على نسبة الريال فالبنوك الى هى 1.85 ؟؟ والدولار كذلك ؟؟

طيب هل انا محتاج سويفت كود لحسابى المصرى الى هحول عليه من خارج مصر ؟؟

اية اقصى مبلغ اقدر احوله بالدولار او الريال من الراجحى او ويسترن ؟؟

[حسام الغرباوي]

لا مش محتاج سويفت كود ..فقط اسم البنك والفرع ورقم حسابك

لا حد اقصي ..انا حولت قبل كدا حوالي مبلغ كبير بالدولار ...المبالغ فوق ال1000 دولار تقريبا بيخليك تصور الاقامة وتوقع وشوية اجرائات زيادة بس ( دا في الويسترن )

بس معرفش الحد الاقصي كام

تم تعديل 21 يناير 2014 بواسطة حسام الغرباوي

[eltohamy]

السلام عليكم

اخى الغالى

افضل الطرق للتحويل من السعوديه الى مصر

من خلال البنك الاهلى وبيكون فى عمولة 20-25 ريال فى السعودية

وفى الاستلام فى مصر من خلال البنك حوالى 5$

ام العكس لازم تبعت الفلوس من مصر بالدولار

او من خلال وسيط معتمد يقدم لك الخدمه التحويل من والى مصر والسعودية

خلال نفس اليوم عبر الراجحى فى السعوديه والبريد فى مصر او فودافون كاش او ايداع بنكى

بعموله من 5-10%