آخر نكته

[Spider]

الزوجة لزوجها: جيرانا المتجوزين جديد باين عليهم بيحبوا بعض خالص، كل يوم الصبح باشوف العريس يبوس العروسة قبل ما يروح الشغل، أنت ليه ما تعملش زيه؟!

الزوج بأسى: أبوسها أزاى هو أنا أعرفها.

:wink: :wink: :wink:

[mouaten]

أكد صفوت الشريف الأمين العام للحزب الوطني وزير الإعلام أن الرئيس حسني مبارك يقود الديمقراطية في مصر بكل حكمة واقتدار. وأنه لا توجد خطوط حمراء في ممارسة الحرية بمصر. بل هناك إشارات تضيء حول المصلحة العامة الوطنية

:D :D :D :D :D :D :D

[Elham]

اضحكوا وفرفشوا وسيبوا هموم الدنيا

عفريت دخل في واحد صومالي مات من الجوع

:D :D :D

--------------------------------------------------------------------------------

مرة ميكانيكى اشترى سرير نام تحته

:D :D :D

--------------------------------------------------------------------------------

المدرس: يعيش السمك في الماء.

الطلاب: يعيش يعيش يعيش

:lol: :lol: :lol:

--------------------------------------------------------------------------------

مهندس كمبيوتر، حلل دمه، طلعت فصيلته HP

:lol: :lol: :lol:

--------------------------------------------------------------------------------

ماهو اسم وزير الدفاع الصيني؟

شن حرب شن

:lol: :lol: :lol:

--------------------------------------------------------------------------------

مرة واحد بلديتنا كبر دماغه ما عرفش يقلع الجلبية

:lol: :lol: :lol:

--------------------------------------------------------------------------------

اتنين بلديتنا بيلعبوا شطرنج الملك مات مشلول

:lol: :lol: :lol:

--------------------------------------------------------------------------------

واحد أعمى فتح، من الفرحة انشل

:lol: :lol: :lol:

--------------------------------------------------------------------------------

موظف ارصاد جوية عنده بنتين الصغرى 18 والكبرى 23.

:lol: :lol: :lol:

--------------------------------------------------------------------------------

بلديتنا عمل عملية، نجحت. راح عملها مرة تانية

--------------------------------------------------------------------------------

أقرع حب واحده معرفش يعبرلها عن شعوره

:lol: :lol: :lol:

--------------------------------------------------------------------------------

فرخة اتجوزت فيل ...جابوا تـشكـِن فيليه

:lol: :lol: :lol:

--------------------------------------------------------------------------------

كلب شوارع مر من جنب قسم شرطة شاف كلب بوليسي

قال آخ لو كنت كملت تعليمي

:lol: :lol: :lol:

--------------------------------------------------------------------------------

مرة واحد بلديتنا مات

نزل عليه 62 ملاك 2 بيحاسبوه 60 بيفهموه انه مات

:lol: :lol: :lol:

[ragab2]

نكت

خفيفة وسريعة وجميلة :) :) :) :) :) :D

الله ينور يا أخت الهام

[تصحيح]

يحكى أنه فى سالف العصر والأوان حكم مصر فرعون من الاسرة الفرعونية أو هكسوسى (الله أعلم) - حكم الأرض والعباد لزمان وزمان.

حتى اقترب الأجل وأخذ المرض منه كل مأخذ حتى ألزمه الفراش بأمر كبير أطباء القصر.

ولما ذاع مرض الفرعون و قرب موته تجمهر الشعب من حول القصر, فأحس الملك بالضوضاء من الخارج, فسأل وزيره "ما هذا الصوت يا وزير؟"

فرد الوزير "هذا شعبك يا مولاى, أتى ليودعك"

فرد الملك بتلقائيه " يودعنى؟؟؟؟ ليه هو الشعب مسافر؟؟؟"

[تصحيح]

كانت مفاجأة لي الركن الهادي بتاع النكت - قاعدين انتم مع بعضكم و أنا مزروع عند بتوع السياسة -- ملعون أبو السياسة

النكت أحسن

واحد من اللى انتم بتقولوا عليهم حب يكوي الستارة وقع من الشباك

======================

واحد بيقول لحبيبته:

بتفكري في اللي بأفكر فيه -- قالت له أسكت با قليل الادب

..

[تصحيح]

إذا سقطت حشرة في كوب القهوة الخاص بك، فماذا تفعل؟

التحليل:

إذا كنت إنجليزياً فستلقي بكوب القهوة وتغادر المقهى. وإذا كنت أمريكياً فإنك ستخرج الحشرة من القهوة وتشرب القهوة. أما إن كنت صينياً فإنك ستأكل الحشرة وتلقي بالقهوة. أما الفلسطيني المحاصر فإنه سيشرب القهوة ويأكل الحشرة.

أما الإسرائيلي فسيكون رد فعله مختلفاً:

- سيبيع القهوة إلى الأمريكان والحشرة إلى الصينيين.

- سيصيح قائلاً إن أمنه أصبح معرضاً للخطر.

- سيتهم الفلسطينيين بإلقاء الحشرة في قهوته.

- سيدعي أن حزب الله والإيرانيين والسوريين يساعدون هذه الهجمات عن طريق حشرات الدمار الشامل.

- سيعزو هذا الهجوم الشرير إلى الإرهاب الفلسطيني والإخلال بحقوق الإنسان ومعاداة السامية والهولوكوست والشتات والهروب الكبير والتفرقة في التعامل مع سفينة نوح.

- يطلب من عرفات أن يقوم فوراً بمنع الحشرات من الطيران في الهواء أو الهبوط في أكواب القهوة.

- يعيد احتلال الضفة الغربية وقطاع غزة ويهدم البيوت ويقطع إمدادات المياه والكهرباء ويقوم بإذلال وإرهاب المدنيين ويقتل كل من يعترض طريقه.

- يفرض على الولايات المتحدة تقديم المزيد من المعونة العسكرية.

- يطلب قرضاً بقيمة 50 بليون دولار لفترة 100 سنة وبدون فوائد من الولايات المتحدة لشراء كوب آخر من القهوة.

- يطلب من صاحب المقهى أن يسمح له بشرب القهوة مجاناً في مقهاه مدى الحياة على سبيل التعويض.

[Khiber]

نكته منقوله

علياء مبروك تشترى مصنع أولويز فصدر قرار وزارى عبيدى بان تكون الدورة الشهرية كل أسبوع

[mnman]

نكت منقولة:

مسطول بيقول لزميله بوش جاي مصر بكره

رد عليه وايه يعني علياالنعمه الاهلي يغلبه اربعه

----------------

واحد مسطول بيقول لصاحبه شفت مراتك النهارده ماشيه مع سيد الكهربائى رد عليه و لا كهربائى و لا حاجه و لا يفهم فى الكهربا

----------------------------

عيال صعايده بيلعبوا على الطريق السريع اللي تدوسه عربية مرتين يطلع بره

------------------------

واحد سواق عندة عربية نقل بينقل بيها الكتاكيت من السوق الى المزرعة ففيوم معدى على وحدة مرور الظابت وقفة

قالة اية دة

رد كتاكيت

قالة بتعمل بيهوم اية

قالة بربيه وابعهم فراخ

بتاكلهوم اية

قالة باكلهوم قمح

قالة القمح غالى حرام عليك وادالة غرامة 100ج ووقف اسبوع

عدى علية بعديها وسائلة نفس السؤال وقالة بتاكلهوم اية دلوقتى قالة زبالة رد الضابط ياراجل حرام عليك مش الفراخ دي الناس حتكلها و ادالة نفس الغرمة بعد فترة عدي السواق من نفس المكان تانى بالعربية فسائلة الضابط نفس السؤال فرد السائق بدى كل واحد جنية وهو ياكل الي علي مزاجة !!!!!!!!!!!!!

----------------------------

بلدينا مراته ولدت توأم راسه لفت واصر يعرف الثانى ابن مين

----------------------

واحد خبط 50 شخص بعربيته الشرطى قاله طيب ازاى تخبط كل دول؟ قام الراجل قاله وانا ماشى بالعربيه لقيت على يمينى فرح وعلى شمالى ولدين ادخل فى مين؟الشرطىقاله فىالولدين طبعا الراجل قاله مانا عملت كده دخلت فى الولدين فواحد منهم جرى على الفرح فانا مسبتوش ودخلت الفرح وراه

-------------------------

واحد مروح مسطول لمراته خبط على الباب مرضيتش تفتحله وقالت له أمشى من هنا مترجعش إلا وانت فايق قال لهاها تفتحى ولا أكسر الباب قالت ولا يهمنى يا عنتر شاط صفيحة الزبالة برجله خبطت فى الباب وردت فيه عورته قال لها افتحى يا وليه الصفيحة عورتنى مرتضيتش ترض عليه شاط الصفيحة تانى وتالت وردت فيه عورته تانى قال افتحى يا ولية الصفيحة مستفردة بيه وهتموتنى برة.

-----------------------------

اتنين مساطيل راكبين عربية فواحد عمال يقول للتاني حاسب لتخبط في الشجرة حاسب لتخبط في الشجرة قام خبط في الشجرة فقالوا بقالي ساعة عمال بقولك حاسب لتخبط في الشجرة فقالوا وأنا بقالي ساعة بقولك إنت اللي سايق إنت اللي سايق

----------------------------

سواق تاكسى تعب من اللف أول ما روح راح فى النوم دخلت علية مراتة الاوضة ففاق وقالها افتحى الباب واقفلية تانى !!!!!

-----------------------------

مرة واحد صعيدى حب يموت مراته حطلها مسدس فى الشاى

-------------------------

مره واحد بخيل قوي ولعت حريقه في بيته اده المطافي missed call.

--------------------------

مرة بيسألوا اسامة بن لادن برجك ايه؟؟ قالهم برج التجارة العالمي

--------------------

واحد خنفس شاور لتاكسي قام التاكسي وقف بعديه بمترين قال إيه ده إنت وقفت مكان ما كنت عايز أنزل

-------------------------------

مرة واحد راح للدكتور فقاله يا دكتور أنا كل ما أنام أحلم إن الصراصير بتلعب كورة فالدكتور قاله خلاص مش لازم تنام الليلادي قاله مش ممكن يوم تاني غير الليلادي فالدكتور قاله ليه قاله أصل النهاردة النهائي

----------------------------------

مرة واحد مش صعيدي راح عند مخزن أنابيب فقال للراجل عايز أنبوبة , الراجل قاله فين الفاضية , قاله هشربها هنا

-----------------------------------

بعد حرب تحرير الكويت كان فيه أبار مشتعلة فكان فيه هناك مناقصة على مين أسرع جهة ممكن تتطفى الأبار دى فى وقت قياسى

الأمريكان قالوا نطفى البير فى 3 أيام

الأنجليز نطفى البير فى 5 أيام

كان فيه مقاول أنفار صعيدى قال أنا أقدر أطفى البير فى دقيقتين

قالوا خلاص المناقصة ريسيت على المقاول و

طلب المقاول إنه يسافر البلد ويرجع

سافر البلد وجاب معاه عشرة صعايده راح واخدهم حولين البير لفوا بسرعة حول البير وقالوا هابى بيرث دي تو يو فووووووووووو.........

----------------------------------

مرة واحد بيسأل صاحبه معاك فكة عشرة خمستين قاله لأ معاياستة تمانيتين

---------------------------------

رجل وحش قوى تزوج سيدة وحشة قوى ويوم خلفت له ابن سموه صبحى فذهب للمستشفى لرؤيته وعند السؤال اخبرته الممرضة الذهاب الى الحضانة الخاصة بالاطفال ، فوجد حضانة مكتوب عليها الاطفال الحلوين فقام بالبحث فلم يجده ثم ذهب الى حضانة الاطفال المتوسطين فلم يجده فأصابته خيبة أمل وذهب الى حضانة الاطفال الوحشين وقال لابدأنه هنا كان لازم ابحث من الاول هنا والمفاجأة أنه لم يجده فقالت له الممرضة يوجد حضانة أسفل فذهب الى اسفل المستشفى فوجد حضانة أشباه الآدميين فبحث فلم يجده فجن جنونه وذهب الى مدير المستشفى فأخبره أنه يوجد حضانات تحت الانشاء خلف المستشفى فذهب اليها فوجد حضانة تحت الانشاء مكتوب عليها حضانة صبحى

----------------------------------

زرافة وسلحفاة تايهين في الصحراء فوجدوا حاجة ساقعةمثلجة

قالت الزرافة للسلحفاة: روحي لاقرب بلد هاتي فتاحة وتعالي بسرعة

ردت السلحفاة : يا سلام علي انا امشي وانتي تشربيها لوحدك

ردت الزرافة : لا انا مش هشربها غير لما تيجي

وذهبت السلحفاة تبحث عن بلد للفتاحة

ومر يوم واتنين وتلاتة

واسبوع واتنين وتلاتتة

وشهر واتنين وتلاتة

وبعد مرور سنة الزرافة قالت انا لازم اشرب الحاجة الساقعة دي السلحفاة اتاخرت قوي واول ماالزرافة حاولت تفتح الحاجة الساقعة ببقها

خرجت السلحفاة من خلف صخرة وقالت لها شفتي انا قلبي كان حاسس انك هتشربيها لوحدك

:D :D

[kokowawa1979]

مع الاعتذار للإخوة الأطباء بالمنتدى مقدما

واحد حلاق حب يعمل فيها دكتور فأول عملية لزبون كانت عملية بواسير وبعد مافاق الزبون من البنج جاب الحلاق المرايه ووضعها خلف مكان العملية

وقال للزبون إيه رأيك ؟ رد الزبون وقال : حلوه بس ناقصها تدريج!!!!!

[الصاوى]

عندما احتل صدام الكويت ألغى البسكويت

---------------------------

اتنين يابانيين اتجوزوا ، خلفوا عيل اسود سموه

shome shing wrong

[Cleo]

واحد سواق عندة عربية نقل بينقل بيها الكتاكيت من السوق الى المزرعة ففيوم معدى على وحدة مرور الظابت وقفة  

قالة اية دة  

رد كتاكيت  

قالة بتعمل بيهوم اية  

قالة بربيه وابعهم فراخ  

بتاكلهوم اية  

قالة باكلهوم قمح  

قالة القمح غالى حرام عليك وادالة غرامة 100ج ووقف اسبوع  

عدى علية بعديها وسائلة نفس السؤال وقالة بتاكلهوم اية دلوقتى قالة زبالة رد الضابط ياراجل حرام عليك مش الفراخ دي الناس حتكلها و ادالة نفس الغرمة بعد فترة عدي السواق من نفس المكان تانى بالعربية فسائلة الضابط نفس السؤال فرد السائق بدى كل واحد جنية وهو ياكل الي علي مزاجة !!!!!!!!!!!!!

ممكن ننقل النكتة دى لموضوع فساد الشرطة؟؟؟؟ :lol:

[Cleo]

1. سواق لوري محمل فراخ ومعاه بغبغان . شاف بنت حلوة بتشاورله يوصلها ، ركبت معاه وحاول يبوسها فرفضت فقالها أبوسك يا تنزلي فنزلت.. لما وصل السواق مشواره لقي فرخة واحدة هي اللي فاضلة والبغبغان بيقولها أبوسك يا تنزلي.

2. .مرة واحد ماشى بالعربية بتاعتة فلقى يفتة مكتوب عليها خفف 70 كيلو قلك التزم باشارات المرور مشى كمان شوية لقى يفتة مكتوب عليها خفف40 كيلو مشى على سرعة اربعين كيلو وبعد شوية لقى يفتة مكتوب عليها خفف عشرة كيلو مشى على سرعة عشرة كيلو بعد كدة لقى يفتة مكتوب عليها مرحبا بكم فى خفف

3. واحد نذل ابوه طرده من البيت وهو طالع كتب على السور ، مقر حركة طالبان

4. كمسرى ماشى فى جنازة بيقول يا جماعة الجنازة فضيا قدام

5. مرو واحد احول سجل في الجيش...... حطوه في قسم القصف العشوائي!!!!

6. ولد قال لوالدة عاوز ربع جنية قالة اه ريال اجبلك منين 15 قرش معاى بريزة تاخذ شلن.

7. واحد سكران فتح التلاجه وبص للجلي ...وجده بيرتعش :قالوه متخفش

8. سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

9.محشش سأل واحدة اسمك ايه؟ اجابت : أسماء. فقال: يعني ما فيش اسم محدد!!

10. فار محشش قال : كل القطط تحت جزمتى لقى وراه قط اسود قال الا ابو سمره حبيبى

11. واحد فتوة يستعرض عضلاته وبيقول يا حته مفيكيش راجل فى راجل فى الحته دى ينزللى ....فنزله واحد بعضلات فقال الاول بقينا اتنينا اثنان.... فيه راجل ينزل لنا

12. مره الاسد و التعلب و الحمار و الفار ماشيين في الغابه قاموا وقعوا في حفره كلهم ما عدا الحمار ، الاسد قال للحمار روح هات حاجه ناكلهاالحمار غاب 3 أيام و رجع قال لهم مش لاقي حاجه الاسد قال له و ايه العمل الحمار قال لهم مفيش غير انكم تاكلوا اصغر واحد فيكم على ما نلاقيلكم حل ، الاسد والتعلب بصوا قوي للفار راح نافش نفسه و قايلهم بقول لكم ايه لو حد قرب للاسد هقطعه

13. مرة جماعة بلديات سمعوا عن اختراع اسمو سيفون حبوا يعرفوا هوا ايه بعتوا واحد امريكا لما رجع قال لهم اما حتة اختراع تدوس على السيفون من هنا ويا تلحق تشرب يا متلحقش

14. ظابط مرور لقى شقته ديقه عملها إتجاه واحد

15. مره في واحد دايما بيخلف عيال شكلهم وحش ففي مره مراته ولدت في مستشفى باربع ادوار الدور الاول للعيال الحلويين اما التاني للعاديين اما التالت للوحشين والرابع للوحشين اوي فلما مراته ولدت حب ياخد ابنه حمزه من المستشفى قعد يدور عليه في الاربع ادوار ملقهوش فلما طلع السطوح شاف دور صغير كده على الركن مكتوب عليه دور حمزه

16. مرة واحد بلديتنا في الحرب لقي الاعداء داخلين عليه راح فاتح القنبلة ولسة حيرميهة الاعداء راحوم جاريين جره راح حطها في عبه وقال اه يا جبنة

17 مرة واحد بتاع سمك ابنه مات فماشى فى الجنازة يقول :ده كان صاحى وبيلعب

18. مرة واحدة عجوزة راحت تخطب لابنها سالتها العروسة ابنك بيدخن ؟ قالتلها العجوزة احيانا لما بيكون سكران

19. عبيط راح محطة بنزين فشاف شلة بنات جنبه فحب يتفشخر فقال عبي بخمسمائةجنيه

20. واحد بيقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

21. واحد بلدياتىواقف قدامه خمس شياطين ليه ....؟؟؟ واحد يوسوسله و اربعه يفهموه

22. مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت

23. واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى

24. مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة)

[تصحيح]

الاخت Cleo

فعلا مجموعة حلوه

ما رأيكم .. نعمل استفتاء عن أحلي نكتة بالموضوع ..

[فنكوش]

اتصل بوش ب صدام حسين

بوش...يا صدام احنا مش هانضرب العراق مش بس كدة ممكن نسيبك تاخد الكويت وتاكل اكراد الشمال وتحلى بالشيعه في الجنوب بس بشرط

صدام ... انا في عرضك

بوش ...فيه عندنا انتخابات رياسه في امريكا كمان اسبوعين والراجل الديموقراطى شكله هايكسبنى قولى على سر 100% بتاعتك

صدام .....ماكو مشاكل باكر ابعتلك اتنين من عندي يسوا المطلوب

وبعد اسبوعين اتصل بوش ب صدام وقال له الله يخرب بيتك زي ماخربت بيتى شويه واتصل الديموقراطى وقاله الله يخرب بيتك زى ما خربت بيتى صدام قلق واتصل برجالته في امريكا فقالو له

:?: :idea: :) سيدي القائد المهبيب مبروك صرت رئيس امريكا فى الانتخابات :oops:

----------------------------------------------------------------------------

واحد مسافر اسكندريه على الطريق الصحراوي بسيات تعبانهفي 1/2 السكه العربيه عطلت شويه شافه شاب روش راكب BMWوقاله اشدك ورايا واتفقو انه لما بتاع السيات يدي اشاره شمال يبقى فيه مشكله يقف بعد شويه عدت واحدة حلوة قوي راكبه مرسيدس ماشيه على سرعه 160 كم/س بتاع الBMاتجنن وطار وراها بتاع السيت اترعب من السرعه اداله اشاره شمال وردش يمين مردش يقلب بالنور مفيش فايدة المهم الردادر صورهم ضابط الرادر قال لضابط الكمين شوف هايجلك مرسيدس سيقاها واحدة 160 كم/س سيبها وبعدينBMماشى160كم/س سيبه انا عاوز البيه بتاع السيات اللى بيقلب لهم بالنور عاوز يعدي منهم

[Al 7aZeeN]

Harry answers the telephone, and it's an Emergency Room doctor. The

doctor says, "Your wife was in a serious car accident,

and I have bad news and good news.

The bad news is she has lost all use of both arms and both legs, and will need help

eating and going to the bathroom for the rest of her life."

Harry says, "My God. What's the good news?"

The doctor says, "I'm kidding. She's dead."

[kokowawa1979]

تعرضت طيارة لمشكلة فنية تهدد بانفجارها فطلب منهم الطيار قراءة الفاتحة على أرواحهم وكان في الطائرة 3 راكبات واحده خليجية بدأت في لبس كل الدهب الخاص بيها ولما سألوها قالت علشان الدهب يدل المنقذين على جثتي بسرعة

أما اللبنانية فبدأت بالتعطر بأفخم أنواع العطور وقالت علشان العطر النفاذ يدلهم على مكان جثتي

أما السودانية فبدأت ........ وسألوها ليه بتعملي كدة

ردت السودانية وقالت لهم أصل أول حاجة هايدورا عليها هي الصندوق الأسود

[بنت شعنونة]

حمار يجر عربة كارو و بيسأل الحمارة بتاعته و بيقول لها ياترى بتحبينى لشخصى ولا عشان عندى عربية

.

مرة راجل اشتري كتكوت اسود فراح حطه في عشة الفراخ وسابه لتاني يوم .....صحي الصبح لقي كل الفراخ ميتة و الكتكوت الاسود هو الوحيد اللي عايش فراح الراجل مسك الكتكوت وقال انا لازم اعذبك ........ راح حطه مع قطة يوم.. بعد كده جاي يبوص عليه لقي القطة ميتة فالراجل استغرب وقال لا المرة دي لآزم اعذبه بجد راح مدخله مع كلب وسابه يوم و رجعله فبص لقي الكلب بيفيص..............

الراحل اتخن من الكتكوت و قال انا حوديه الغابة علشان يتربي سابه تلاتة ايام والراجل صعب عليه الكتكوت فراح الغابة يشوفه فدخل الغابة لقي الكتكوت مرمي علي الأرض فحزن الراجل اوي ومسك الكتكوت وقاله تستاهل اللي حصلك فنظرالكتكوت بغيظ للراجل وقاله حرام عليك يااخي بوظت عليا كمين علي الصقر اللي طاير بقالوا يومين

.

واحد طويل قوى راح عند فكهانى بيقوله بكام ياعم المشمش -- رد الفكهانى-- وطى شويه ده برتقال

.

واحد عنده مزرعة جزر وطهقان قي عيشته كل مايزرع

محصول، الأرانب تاكله،فراح لم الأرانب كلها وكسر سنانها ، لما زرع جزر المرة اللي بعدها لقاه برده متاكل ،اتخنق قوي وراح جاب الكبير بتاع الأرانب ومسكه من ودنه وسأله انتم ايه حكايتكم معايا عملتم ايه في الجزر المره ده قال له عملناه عثير جثر يا معلمي

.

مره ست عجوزه بتعدى الشارع و فى واحد اصلع ادامها قالتله تعالي يا ابنى يمين ولا شمال علشان عيني زغللت

[mnman]

كان ياما كان فيه بير مسحور ، لو حد دخل راسه فيه و رمى فلوس و اتمنى أى حاجه ، أمنيته تتحقق على طول. الست صممت تاخد جوزها على هماك مع انه مش مقتنع.

الراجل وطى الأول و رمى القرشين صاغ واتمنى أمنيه واحده و طلع راسه بسرعه ، الهانم وطت هى كمان و قعدت ترص فى لسته طويله من الأمانى ، داخت فراحت واقعه فى البير! الراجل قعد يزعق زى المجنون:

- ده بجد ، ده بجد ، البتاع ده بيحقق الأمانى بجد!!

----------------------------------------------------------------------

قرر اتحاد النساء العالمى اتخاذ خطوة إيجابيه لمواجهة تسلط الرجال، فاتخذوا قرارا بأن تضرب العضوات عن الأعمال المنزليه لمدة اسبوع و يتركوا الرجال لمواجهة المسئوليه ، و تحدد لقاء بعد اسبوع لعرض النتائج.

- الزوجه الإنجليزيه: أنا ناديت شارلز و قلت له أنا مش حاعمل حاجه الأسبوع ده فى البيت، لا غسيل و لا طبيخ و لا كنس و لا حاجه اتصرف انت. أول يوم ماشفاش حاجه، تانى يوم مافيش حاجه حصلت، تالت يوم طبخ لنفسه، و بعدين اتعود و عمل كل حاجه.

- الزوجه الفرنسيه: أنا ناديت بيير و قلت له أنا مش حاعمل حاجه فى البيت الأسبوع ده، لا غسيل و لا طبيخ و لا خياطة زرايرو لا حاجه اتصرف ، أول يوم ماشفتش حاجه ، تانى يو م ماشفتش حاجه ، تالت يوم نضف البيت و بعدين جابلى بوكيه ورد و قال لى إنتى بتتعبى كتير و أنا مش واخد بالى ، أنا حاساعدك على طول فى شغل البيت.

بهانه: آنى ناديت هريدى و جلت له آنى مش عاعمل حاده الأسبوع ده فى الدار لآ غسيل و طبيخ و لا كنيس و لا حاده واصل، اتصرف انت عاد..أول يوم ماشفتش حاده واصل.. تانى يوم برضه ماشفتش حاده..و تالت يوم بأت أشوف بعينى الشمال هبابه..!!

--------------------------------------------------------------------------

فى مستشفى الولاده ، الأب شايل بنته اللى لسه مولوده و قاعد يغنى

- يا قمر انت يا صغنن ، يا كتكوت انت يا سكر .... ، فصاحبه قال له:

- انت تاعب نفسك فى ايه ، انت فاكرها فاهمه حاجه؟؟

- يا راجل دى بتبتسم أهه ، و ضحكت كمان !!

- يا جدع انت بنتك نايمه ، تبتسم ازاى؟

- يا أخى انا باتكلم على الممرضه

-------------------------------------------------------

واحد بلديات و هو راكب تاكسى السواق خبط راجل ماشى،

قال لصاحبنا انزل شوف الراجل مات ولا لسه، نزل الصعيدى و قعد يقول للسواق :

تعالى.... تعالى... تعالى..... باسسسسس.. بس، كده مات خلاص

---------------------------------------------------------

س: إزاى نحط 4 أفيال فى عربيه فولكس؟؟؟؟

ج : اتنين قدام و اتنين ورا..!!

س: ازاى نحط 8 أفيال فى عربية مرسيدس؟

ج : نبيع المرسيدس و نشترى 2 فولكس

س: ازاى نحط فيل فى التلاجه على 3 مراحل؟

ج : 1 نفتح التلاجة 2- نحط الفيل 3 – نقفل التلاجه

س: ازاى نحط زرافة فى التلاجه على 4 مراحل؟

ج : 1 – نفتح التلاجه 2 – نخرج الفيل

3 – نحط الزرافه 4 – نقفل التلاجه

س: ازاى نعرف ان الصرصار جوه البلاعه؟

ج : لما نشوف عربيته بره البلاعه..!!

س: ايه اللى بننام عليه و بنقعد فوقه و بنغسل سناننا بيه؟

ج : سرير و كرسى و فرشة سنان!

س: حاجه ليها راسين و 8 رجلين؟؟؟

ج : كلبين..!

س: ازاى نقسم برتقنه واحده على 3 اشخاص بحيث ان كل واحد فيهم ياخد نص برتقانه؟؟؟

ج : نمسك البرتقانه و نقول لها : بقى انتى برتقانه انتى؟؟ ، فترد : مش برتقانه ازاى! دا انا برتقانه و نص! و كده يبقى عندنا 3 انصاص!

س: قطر ماشى بسرعة 90 كيلو متر و بيقف فى 8 محطات و سرعة الرياح134.23 م/ث...

مين الشاطر اللى يقول لى اسم سواق القطر؟؟؟؟؟؟؟؟

-----------------------------------------------------------------------

بالديتنا جاله عقد عمل فى فرنسا و كان مابيعرفش فرنساوى .. فشال الهم و بقى قلقان جدا من السفر.. قابله ابن عمه و سأله..:

- واه ، مالك يا حمدان شايل طاجن ستك؟؟

- اسكت يا حميده, دايلى عجد عمل فى بلاد الفرنساو و مابتحدتش فرنساوى عاد ، دبرنى...

- ليه عاد ؟؟ هو الفرنساوى معضله؟؟ده مافيش اسهل منه!!

- كيييف؟

- انت اى كلمه تحط فى آخرها "اون" تبجى فرنساوى علطول!!!

عمك حمدان ماكدبش خبر و اتك و سافر على فرنسا.. و دخل مطعم فرنساوى و بقلب جامد نده للجارسون و قال له:

- عاوزون رزون و لحمون و ملوخيون!

- Pardon??!!!

- لأ سخنون!!!

--------------------------------------------------------------------

هريدى و هوارى بيدوروا على كنز

هريدى قال لهوارى : أنا عاحفر و أدور على الكنز و انت جوللى لو فيه حد داى!!!

هوارى أول ما هريدى لقى الكنز الشيطان لعب فى دماغه و راح ماسك الفاس و نازل بيه على دماغ هريدى بضربه تفلق حجارة هرم خوفو

هريدى بص له و قال له : إيه فيه حد داى؟؟

-------------------------------------------------------------------

في حاره كلهم كساله قرارو يعملوا دوري كرة قدم لما حطوا الجدول خلو اول اسبوع اجازه

---------------------------------------------------------------------

أية قمة النرفزة؟.....انه واحد يكون يده معلقة على شجرة ويده التانية مقطوعة وعايز يهرش

اية قمة العجب؟.....انه واحد يفتح لك باب التلاجة من جوه

اية قمة الأدب؟.....انك تخبط علي باب التلاجة قبل ما تفتحها

اية قمة الحيرة؟......ان يحطوك في غرفة مدورة ويقولوا لك دور على ركن

------------------------------------------------------

مره واحد بخيل أوي بعت أبنة يشتري له بعشرة صاغ جبنة راح الواد ورجع بعد شوية وقالة يابابا البقال بيقولك تعال الحس السكينة

------------------------------------------------------

[se_ Elsyed]

أنا ساكت لكم من بدري وعمال أقرأ النكت وأضحك زى العربيط ومدير عام الشركة دخل عليه مكتبي أمبارح لقاني واقع على الأرض من الضحك ... فقررت أنزل أرض المعركة بمشاركاتي

-----------------------------------------------------

- واحد بخيل ومراته ابخل منه رجع مره من الشغل بيقولها أسكتي يا أم ابراهيم لقيت كيلو البرتقان بيتباع عند محطة الاتوبيس بعشره صاغ كنت هاشتريلكم 10 كيلو قالتله كتير قوى يابو ابراهيم قالها يالله ياستي خلي العيال يأكلوا ويتبسطوا.

- المذيعة بتسأل أبو العربي وبتقوله أنت معروف عنك الشجاعة فلو كنت فى الحرب ومعاك قنبلتين بس ودخل عليك دباباتين تعمل أيه قالها أرمى عليهم القنبلتين ، قالتله طيب لو كانوا دباباتين وعربية مدرعة وانت برضوا معاك قنبلتين قلها أرمى القنبلتين على الدباباتين وأشتبك مع اللى فى العربية المدرعة بالسلاح الأبيض قالتلوا برافو عليك ، طيب لو دخل عليك دبابتين وعربية مدرعة وطيارة وأنت برضوا معاك القنبلتين بس .قالها جرى أيـــــه يا حجة وهو مافيش غيري أنا فى الحرب دى ولا أيه.

- واحد ماشي فى الصحراء لقى مصباح قديم فضل يحك فيه طلعلوا عفريت لسه الراجل مانطقش ولا كلمة العفريت لطشه قلمين وقاله هات يالا المحفظه بتاعتك الراجل خاف وادهاله ، لطشوا كمان قلمين وقاله أخلع الساعة الراجل سمع الكلام ، قلمين تاني وقاله أقلع البدلة .. الراجل قاله ممكن أسألك سؤال كان زمان مصباح علاء الدين بيحقق للواحد كل اللي يتمناة ودى اول مره أشوف مصباح فيه عفريت بيقلب الناس ..العفريت قاله ده كان مصباح علاء الدين أما ده فمصباح علاء ......... ؟؟؟؟؟ ( كمل أسم الأب وخد خمسين جلده لأ قصدي خمسين جنية )

- واحد عمل حدثة بعربيتة وكتفه اتخلع اتحامل على نفسه وراح أقرب عيادة الممرضة قابلته قالها الحقيني باموت كتفى اتخلع قالتله خد القارورة دى وهات لنا عينة بول قالها يا ست انت مجنونة قالتله لو سمحت التزم بنظام المستشفى الراجل راح فعلاً جاب العينة وقال خلينا ورا ولاد المجنونة دول نص ساعة ونادت عليه يقابل الدكتور أول ما دخل لقى الدكتور قاعد قدام جهاز كبيــــر وبيقرأ تقرير ، قاله انت كتفك مخلوع صح قاله مانا لسه قايل للممرضة قاله لأ يا فالح أنا عرفت من العينة والتقرير، قاله المهم ايه الحل قاله خد البرشام ده وتعالى بعد أسبوع ومعاك عينة تانية ،

الراجل فعلاً مشي على البرشام لمدة أسبوع وفكر يعمل فيهم حركة تكشف انهم نصابين راح نادى إبنه وبنته الصغيرين وقالهم خد يالا انت وهيه كل واحد يجيب عينه فى البتاعة دى وفعلاً جابولوا القارورة راح الراجل بعدها فاتح كبوت العربية وحط شوية زيت من الموتور ورج القارورة وظبطها ، راح للمرضة قالتله انتظر نص ساعة وبعدين دخل للدكتور لقاه لسه قاعد قدام الجهاز العجيب ومعاه تقرير طويــــــل الدكتور سأله قاله انت خفيت صح ، قاله الحمد لله ، الدكتور قاله لكن فيه حاجة عجيبة فى التقرير قال له ايه ، قال له التقرير بيقول ان أبنك مدمن مخدرات وبنتك حامل وعربيتك .. قاله مالها هى روخره قالوا عربيتك عايزه طقم شنبر.