عن ساقية الصاوى و أشياء أخرى

[مهيب]

عن ساقية الصاوى و أشياء أخرى

كانت آخر مكان أرتاده قبل السفر ... وقد تركت جزءا من روحى هناك ...

مازلت أحاول جاهدا نسيان حفلات يحيى غنام التى كانت حفلاته تمثل فترات من الحلم و الفن و النشوى ..

مازلت أحاول جاهدا نسيان أغنية مستمر .. أو تراحيل ... أو حكاية من بلدى ... أو ... أو ....

و مازلت احاول نسيان يحيى غنام ووقفته بالباص جيتار المميز .. و موسيقى روسو التى يبدأ بها كل حفلاته ....

مازلت أحاول جاهدا نسيان عود اسلام و أورج أحمد عاصم ... كما لازلت أحاول جاهدا نسيان صوت سارة و شريف و أميرة ...

ولعل محاولاتى لنسيان تقديمه لليلة الكبيرة أو أغنية مسلسل هو و هى قد باءت حقا بالفشل ....

مازلت أذكر أغنياته عن مصر و بيروت .. عن الحظ و حكايات من بلدنا ... عن التراحيل فى الأراضى الغريبة ... عن الصباح المشبع برائحة القهوة ... و عن ساعة العصارى و ضحكة العواجيز ... عن القلب و الروح و النسيم ... عن الفرح و عن الحزن ... وعن الحب

لكنى لن أنسى لحظات الحلم ... والترقب قبل كل حفلة ... لن أنسى لحظات المتعة و تصفيقنا حتى تؤلمنا أيدينا

عن ساقية الصاوى و أشياء أخرى

ومن لمحات من حفلات فرقة نغم مصرى ... بعالم كلمات أغانى أحمد فؤاد نجم الجريئة ...

أنا رحت القلعة و شفت ياسين ...

حواليه العسكر و الزنازين

والشوم و البوم ... وكلاب الروم

ياخسارة يا أزهار البساتين

عيطى يا بهية على القوانين

و الغناء الشرقى ... و التوزيعات الحديثة ... جيتار أوسو العبقرى و سحره الذى يبثه دائما ...

عن ساقية الصاوى و أشياء أخرى

حاولت كثيرا أن أنسى مذاق عود نصير شمة ... هناك عازفين عود يسعدك أن تستمع اليهم .. و هناك عازفين يمتعك أن تراهم و هم يعزفون ...

حاولت جاهدا أن أنسى ... لكن مقطوعة بغداد ما زالت ترن فى أذنى ... لن أنسى كيف حاكى لعب الأطفال الهادىء ... ولا صوت الطائرات الهيلوكوبتر

حاولت أن أنسى حفلات الأوبرا ... و عمر خيرت ... و مسرح الجمهورية ... حاولت أن أنسى ذلك العالم الا أننى لم أستطع ...

وفى الحفلة الأخيرة ... غنى يحيى غنام أغنية رهيبة عن الغربة ... أغنية كان قد كتبها فتى صغير هو حفيد صلاح جاهين و فؤاد حداد ... كانت تلك ليلة سفرى ...

حقا أفتقد ساقية عبد المنعم الصاوى ... بمسرحها و أضواءها و مكتبتها و كراسيها و معارضها الفنية و حفلاتها و ندواتها ... حقا أفتقد ذلك العالم بعبقه و روحه و رائحته ...

ربما مازالت بضعة تسجيلات لفرقة نغم مصرى على اللاب توب تذكرنى من آن لآخر بهذه الروح ...

أعذرونى فقد أطلت ... لكنه الحنين ...

هل يعلم أحد عن ساقية عبد المنعم الصاوى ,.. أو عن فرقة يحيى غنام أو نغم مصرى ... عن نصير شمة وعوده ... ؟

لماذا تركتينا نرحل يا مصر ..؟؟؟

[bentmasria]

مهيب جئت الى المكان المناسب حقا

انا واخواتك محمد وفيولين كينج كنا بندبر لطلعه مع عمر خيرت او نصير شمه وطبعا بما انى من رواد الموسيقى العربية من ايام عبد الحليم نويره ومسرح الجمهورية وكنت لا افهم الطقطوقة والمصطلحات ويقوم جدى رحمه الله بالشرح والغناء بصوت مرتفع فى المسرح ويصرخ .....اعد ....اعد وانا اتلفت حولى قائلة والنبى ياجدو الناس حتضربنا فيقول باسما لا دول مبسوطين

وتصدق كانوا فعلا مبسوطين وعاوزين كمان

وحفلات منير الا دى والاف البنات والشباب ماسكين ايدين بعض وبيحلموا ويبكوا ويضحكوا نشوة وفرحة

قول للغريب حضنك هنا

دربك قريب من دربنا

بيتك هنا

اهلك هنا

حزن البشر ده حزننا

يووووووووووووووووووه :rolleyes:

والمسرح المكشوف ويحيى خليل ويحيى غنام ووجيه عزيز وكل الشقاوة والتماسل على نغمات العود ورقة البيانو وصدح الجيتار

وندوات الشعر والملتقيات الادبية ويوم قال لى احد كبار الشعراء انى قد اكون يوما اديبه ههههههههههههههه ذكريات يامهيب تشيب

ومعرض الكتاب والمنتدى الثقافى وقهوة البستان والعود والكمنجة وفرقة نغم

وفرقة رحالة وكلام الاغانى وقعدة الهناجر وورش المسرح والمجلس الأعلى

يا مهيب انت فتحت طوفان الذكريات

ربنا يرجعك لينا بالف سلامة وف اول اجازة انا ومادا ومحمد ووليد عازمينك على الساقيه والهناجر وكل اللى نفسك فيه

الحنين والذكريات الروعه هى اللى مخليانا عايشين وبنتنفس

تعلى بقى الواد عاوز اخواله

البنت المصريه

تم تعديل 2 أبريل 2005 بواسطة bentmasria

[عادل أبوزيد]

أبكيتمونى ... سامحكم الله

يا إلهى هل حقا هذا قلبى الذى يضطرب ؟ لا أصدق أننى ذو الثلاث و الستون عاما ما زلت قادرا على الشجن و الحنين رغم كل ما نتنفسه من قبح !

كأننى بنفسى منذ أربعين سنة تقريبا و أقرأ و أهيم مع كلمات منير عامر فى كتابه عناق الأخضر و الأزرق و أسترجع مع نشوة - التى أصبحت زوجتى - عبارات "نواية تسند الزير ... تسند البحر الكبير و إنتى فين نوايتك يا بلدى ؟"

ياااااه كل هذا الرقى فى محاورات المصريين !

[mohamed]

لماذا تريد أن تنسى يا مهيب ؟؟!! حتى لو حاولت فلن تستطيع :rolleyes:

انا سمعت فرقة نغم مصري على الراديو مرة واحدة فقط لكن لم تتح لى فرصة ان اذهب لحفلاتهم ، لو حد عنده اغانى لهم ع الكمبيوتر يا ريت يبعتها او لو يعرف لهم موقع على النت

بالنسبة لساقية الصاوى فأنا و فيولين وبنت مصرية بنرتب نروح يوم الخميس 14 ابريل :rolleyes: وهنروح ان شاء الله وانت لأاااااا :rolleyes: خليك فى مدينة الاشباااااح :blink: :blink:

بالنسبة لمقطوعة نصير شمة التي ذكرتها فهى ( حدث فى العامرية ) وليست ( ليل بغداد )

فعلا مقطوعة ( حدث فى العامرية ) رائعة جدا حيث تبدأ بتصوير المكان والسعادة تملأه وتكاد ترى الاطفال وهم يلعبون حين تسمع هذه الموسيقى الا ان ياتى الهليكوبتر وقصف الطائرات يدمر الملجأ وهو يقصف هؤلاء المساكين الا ان يصل بنا هذا المبدع نصير شمةوهو يصف بعوده صعود هذه الارواح الطاهرة الى بارئها

حقا انه نصير شمة صاحب الاحساس العالي والاداء الراقي

[مهيب]

يوووووووووووووووووووووه ...

بالراحة عليا يا بنت يا مصرية (والله تنفع مطلع غنوة ... فين هشام الجنيدى)

البركان اللى انفجرده أنا مش قده ... أنا فى الرياض ... عارفة يعنى ايه الرياض ... يعنى الكلام ده ممكن يخلينى أسيب الرياض علىأشباحها على IBM على الدنيا اللى هنا و اتشعبط فى أول طيارة رايحة مصر ...

من كلمات عبد الرحيم منصور .. اخترتى اللى كتبتيه .... وأنا اللى كنت فاكر ان عبد الرحيم منصور و كوثر مصطفى و الناس دى بتوعى أنا بس ... آه .. لكنى كنت ساذج جدا ....

وايه رأيك بقى ان دعوتك مقبولة .. أى والله مقبولة ... وحياة محمد مقبولة ... وانتى متعرفيش انى لزقة فى الحاجات دى ... لزقة معامل التصاقها قوى جدا ...

بالمناسبة ... الشاعر الكبير مغلطش فى رأيه ... موهبتك فى الكتابة و ثقافتك الأدبية بتقول كده ... وانتى عارفة ان دى مش مجاملة ..

وعلى الرغم انى معرفش مين مادا ووليد .. بس بلغيهم سلامى .. وقوليلهم يا مرحب بالناس اللى بتفهم و بتحس ... واللى بقوا قليلين قوى اليومين دول ...

شكرا لردك الجارف .. و مرورك العطر ... و منى خدى الكلمات دى

فى الصبح نشرب قهوتنا

فى الضهر نحلم فين بيتنا

فى الليل نكرر قصتنا

زى اصحابنا

زى القعدة مع حواديتنا

زى الحزن السارق منا

هنا غنوتنا

مهو لازم نكرر و نكركر ...

ونموت من الضحك

أنا فعلا بحب الغنوة دى قوىىىىىىىى

السيد المحترم الأستاذ عادل ... أكاد أجزم انى أقدر أتخيل بشىء من الصعوبة احساسك ... خصوصا ان الرقى و التحضر وبالرغم من تواجده بكثرة فى مصر الا انه عامل زى المادة الفعالة المركزة اللى فقدت فعاليتها بسبب انها دايبة فى كمية رهيبة من المية ... ليك منى تحية عطرة ... وكل الاحترام و التقدير

نعم يا سي محمد ... بقى بتغيظنى علشان أنا فى مدينة الأشباح؟؟ طيب ... خاف بقى .. خصوصا انى احتمال أحضر معاكم حفلة ان شاء الله السنة دى ... وأجيبلك معايا شبحين تلاتة من هنا على سبيل الهدية ... هتبقوا تحكولى على الحفلة .. هه؟؟ أنا عارف انكم طيبين و مش هيفرحكم قهرتى فى الوادى غير ذى الزرع ...

[mohamed]

وعلى الرغم انى معرفش مين مادا ووليد .. بس بلغيهم سلامى .. وقوليلهم يا مرحب بالناس اللى بتفهم و بتحس ... واللى بقوا قليلين قوى اليومين دول ...

مادا ده يبقى محمد ابن البنت المصرية حاجة كده صغنططة عندها سنة وكام شهر

وليد يبقى العضو الجامد اوى فى المحاورات violinking

ومحمد فهو العبد لله اللى بيكلمك :P

نعم يا سي محمد ... بقى بتغيظنى علشان أنا فى مدينة الأشباح؟؟ طيب ... خاف بقى .. خصوصا انى احتمال أحضر معاكم حفلة ان شاء الله السنة دى ... وأجيبلك معايا شبحين تلاتة من هنا على سبيل الهدية ... هتبقوا تحكولى على الحفلة .. هه؟؟ أنا عارف انكم طيبين و مش هيفرحكم قهرتى فى الوادى غير ذى الزرع ...

واحنا مستنيينك على احر من الفحم rs: وبجد نفسنا نشوفك cr((:

[bentmasria]

مهييييييييييييييييييييييييييييب

موش من باب الاغاظة لكن عشان ننعنش ذاكرتك ونبسطك معايا

قام المدعو (بقلظ) فيولين كنج

و(زقلط) محمد

و(بطوط الكبير) ميتاليكا باصطحاب النجم الشهير محمد ابن ام محمد هو ووالدته الى ساقية الصاوى امس لحضور حفلة جاز لفرقة جديدة اسمها الدور الأول رااااااااااااااااائعه وطبعا كان محمد نجم الحفلة رقص وغنى وصرخ ونام وصحى بيعاكس الامورة اللى قاعدة ورانا المهم

هبت علينا ريحة الزمن الجميل وطبعا طول القعدة فاكرينك وعمالين نقول حنروح نغيظ مهيب ونقولله ليلة كانت عاوزاك

وكمان اتعشينا نعمة وابنى شبط واكل بطاطس

المكان لسه له رونق خاص والفرقة مجموعه واعدة من الموهوبين والجاز يفتح المجال للارتجال الجميل

عازف الساكس كان يرتجل بشكل راق والتسليم بين العازفين كان اكثر من رائع

عازفة الفلوت تألقت فى ادائها المنفرد اما عازف الكمان فملأ الدنيا شجنا رغم غربية الاداء الا ان اللحن الرئيسى كان فى قلبه طابع شرقى راق جدا كانما يثبت ان الشرقيه الاصليه تكمن فى كل شىء جميل

ليلة كالحلم اعادتنى 20 عاما للخلف واثبتت ان ثقتى فى اصدقائى الصغار وفى طفلى وذوقه الذى يتكون فى محلها

المرة الجايه ان شاء الله تكون معانا يا مهيب وكل مانروح مكتن حنحكى لك وتكون معانا برضه بقلبك

أخ نسيت اقولك

زقلط شربنا عصير قصب يجنن

البنت المصريه

[mohamed]

الله يسامحك يا ام محمد cr((:

يا مهيب اليوم كان جميل جدا وكنا بنقول نفسنا مهيب يبقى معانا

بجد مستنينك ونفسنا نشوفك ، لازم بجد لما تنزل اجازة نروح احنا الاربعة تانى وتيجي معانا ان شاء الله واى حد من حبايبنا يحب يجي اهلا وسهلا

على فكرة الخميس الجاى ان شاء الله فرقة نغم مصري مش عاوزين نفوتها يا ام محمد عشان نبقى نحكي لمهيب :o ان شاء الله :P

[juvara2005]

عن ساقية الصاوى و أشياء أخرى

كانت آخر مكان أرتاده قبل السفر ... وقد تركت جزءا من روحى هناك ...

مازلت أحاول جاهدا نسيان حفلات يحيى غنام التى كانت حفلاته تمثل فترات من الحلم و الفن و النشوى .. 

مازلت أحاول جاهدا نسيان أغنية مستمر .. أو تراحيل ... أو حكاية من بلدى ... أو ... أو ....

و مازلت احاول نسيان يحيى غنام ووقفته  بالباص جيتار المميز .. و موسيقى روسو التى يبدأ بها كل حفلاته ....

مازلت أحاول جاهدا نسيان عود اسلام و أورج أحمد عاصم ... كما لازلت أحاول جاهدا نسيان صوت سارة و شريف و أميرة ...

ولعل محاولاتى لنسيان تقديمه لليلة الكبيرة أو أغنية مسلسل هو و هى قد باءت حقا بالفشل ....

مازلت أذكر أغنياته عن مصر و بيروت .. عن الحظ و حكايات من بلدنا ... عن التراحيل فى الأراضى الغريبة ... عن الصباح المشبع برائحة القهوة ... و عن ساعة العصارى و ضحكة العواجيز ... عن القلب و الروح و النسيم ... عن الفرح و عن الحزن ... وعن الحب

لكنى لن أنسى لحظات الحلم ... والترقب قبل كل حفلة ... لن أنسى لحظات المتعة و تصفيقنا حتى تؤلمنا أيدينا

عن ساقية الصاوى و أشياء أخرى

ومن لمحات من حفلات فرقة نغم مصرى ... بعالم كلمات أغانى أحمد فؤاد نجم الجريئة ...

أنا رحت القلعة و شفت ياسين ...

حواليه العسكر و الزنازين

والشوم و البوم ... وكلاب الروم

ياخسارة يا أزهار البساتين

عيطى يا بهية على القوانين

و الغناء الشرقى ... و التوزيعات الحديثة ... جيتار أوسو العبقرى و سحره الذى يبثه دائما ...

عن ساقية الصاوى و أشياء أخرى

حاولت كثيرا أن أنسى مذاق عود نصير شمة ... هناك عازفين عود يسعدك أن تستمع اليهم .. و هناك عازفين يمتعك أن تراهم و هم يعزفون ...

حاولت جاهدا أن أنسى ... لكن مقطوعة بغداد ما زالت ترن فى أذنى ... لن أنسى كيف حاكى لعب الأطفال الهادىء ... ولا صوت الطائرات الهيلوكوبتر

حاولت أن أنسى حفلات الأوبرا ... و عمر خيرت ... و مسرح الجمهورية ... حاولت أن أنسى ذلك العالم الا أننى لم أستطع ...

وفى الحفلة الأخيرة ... غنى يحيى غنام أغنية رهيبة عن الغربة ... أغنية كان قد كتبها فتى صغير هو حفيد صلاح جاهين و فؤاد حداد ... كانت تلك ليلة سفرى ...

حقا أفتقد ساقية عبد المنعم الصاوى ... بمسرحها و أضواءها و مكتبتها و كراسيها و معارضها الفنية و حفلاتها و ندواتها ... حقا أفتقد ذلك العالم بعبقه و روحه و رائحته ...

ربما مازالت بضعة تسجيلات لفرقة نغم مصرى على اللاب توب تذكرنى من آن لآخر بهذه الروح ...

أعذرونى فقد أطلت ... لكنه الحنين ...

هل يعلم أحد عن ساقية عبد المنعم الصاوى ,.. أو عن فرقة يحيى غنام أو نغم مصرى ... عن نصير شمة وعوده ... ؟

لماذا تركتينا نرحل يا مصر ..؟؟؟

هيه قلبت علينا المواجع انا لسه فاكر عرض مسرحي من عشر سنين فاتوا فيه البطل بيقول : في الغربة مش بتحس بتشوف ...... ايوه بشوفنا طيارات ورق فيه ريح غبيه قطعت خيوطنا وطيارتنا في 100 فضا...... طيارات ورق

من ساعتها وهيه بترن في ودني لغاية دلوقتي

هييه ولا

شوية هموم بتوع كل يوم لوجيه عزيز

بالمناسبه لو ممكن لينك لتحميل البوم وجيه الاول الصادر عن صندوق التنميه لاني دايخ عليه ومش لاقيه ابقي شاكرجدا

[bentmasria]

سورى يا مهيب بس دى لجيفارا

انا كمان بحب وجيه عزيز جداااااااااااااااااا

يارب تكونوا كلكم مبسوطين وبرضه معزوم معانا يا جيفارا

ام محمد

[juvara2005]

الف شكر أختي علي لينك الخاص بوجيه عزيز

وشكر خاص علي الدعوه لساقية الصاوي للاسف اقيم بالخارج

[مهيب]

يااااااااااااااااه على الذكريات ... هى مش بعيدة قوى .. من 6 شهور بس ... لكن زى ماتكون بقالها 6 سنين ... لسه فاكر الساقية .. و جوها .. لسه فاكر لما كنا بنطلع من الحفلة أنا و (...) صاحبى .. و نقعد نتمشى على رجلينا لحد مانوصل للكوبرى ... النيل و الهوا و احنا بندندن بأغانى يحيى غنام أو نغم مصرى ... و نرجع متأخر ... وأروح تانى يوم الشغل ... و تسألنى (...) زميلتى عن الحلفة .. و أحكيلها .. و تقولى بكرة و بعده لما تتجوز هتنسى الحفلات و الفن و تفتكر البامبرز و لمبة الحمام اللى لازم تتغير ... و أقولها لأ .. أنا هاخد مراتى الأوبرا ... و هى تقولى مشكلتك انك متخيل ان البنات فى مصر بيفضلوا بنات بعد الجواز .. و نتخانق ... و أتهمها بالسطحية و ان البرمجة أكلت مخها ... و تتهمنى هى بالبله ... وتوعدنى انى لازم أناقش الموضوع ده مع جوزها لأنه راجل زيى و هيعرف يقنعنى ...

فاكر كمان آخر يوم ليا فى الشركة فى مصر ... و الحفلة و التورتة و الدموع ... فاكر لما نفس الزميلة قالتلى .. هتحضر النهاردة حفلة يحيى غنام ... قولتلها أيوة .. قالتلى يابنى دانت مسافر بكرة ... و هو كل أغانيه عن مصر و الغربة .. قلتلها مش مهم ... يمكن أغير رأيى هناك ... ضحكت من و سط الدموع و ضحكت من وسط الدموع و حضرت الحفلة ...

يااااااه .. بجد أنا فرحتلكم .. مش اتغظت ... وبجد ان شاء الله ضرورى لما أرجع مصر لازم تاخدونى معاكم ... ولما تروحوا المرة الجاية حفلة نغم مصرى ... ابقوا خدوا بالكم من غنوة بحبها قوى .. اسمها حبة مشاعر كده ...

حبة مشاعر كده ..

ملخبطالى كيانى ..

وموجة من الأسئلة ...

فى بحرها وخدانى ...

[FISHOOO]

تم حذف المداخلة لخروجها عن الموضوع الاصلى

واستخدام لغة غير العربية

لغة المحاورات هى العربية

ولايسمح بتبادل الايميلات الخاصة فى العلن

شكرا لتعاونكم معنا

الادارة

فلانة

[se_ Elsyed]

الموضوعات اللي زي دي تُثبت إن الغربة والبُعد عن البلد بتحرمنا من حاجات كثيرة جداً بل دي بتضعنا في ساقية أخرى بس مش ساقية الصاوي .. لأ دي لا مؤخذه الساقية اللي بتسقي الأرض واللي المتغرب فينا بيجرها وهو مغمض ومالوش بداية ولا نهاية .

[مصري مكبر دماغه]

المواضيع الي زي دي هيا الي بتخليني اسجل في الموقع الي كله من مصر ومن ريحة مصر وانا مصري وبحب مصر ومش هسيب مصر تحيا مصر :lol: