إصدار الاقامة للزوجة والاولاد

[KAhamid]

السلام عليكم ورحمة الله وبركاتة

ياريت يا جماعة اللى عنده معلومات عن إصدار الاقامة للزوجة والاولاد لاول مرة هل لازم كشف طبى للزوجة والاولاد ام لا لان فى ناس قالت لازم اعمل الكشف الطبى وفى ناس قالت لا يلزم طالما انهم مرافقون غير مصرح لهم بالعمل ياريت اللى عنده معلومة فى الامرده يفيدنا بها

[مروان]

تجربتنا تفيد بعدم اشتراطه رغم ان فيه ناس كتير قالت لازم نعمله

بس الاقامة طلعت لكل المرافقين بدون كشف طبي

فقط شهادة تطعيمات الاولاد وصورة منها كمان مش اصل

عموما اتكل على الله وروح وجرب

هتطلع ان شاء الله وانت واقف

[ALMOSAFER]

تجربتنا تفيد بعدم اشتراطه رغم ان فيه ناس كتير قالت لازم نعمله

بس الاقامة طلعت لكل المرافقين بدون كشف طبي

فقط شهادة تطعيمات الاولاد وصورة منها كمان مش اصل

عموما اتكل على الله وروح وجرب

هتطلع ان شاء الله وانت واقف

السلام عليكم ؛

هل توجد رسوم لإصدار الإقامة للزوجة والأولاد ... ؟

[مروان]

السلام عليكم ؛

هل توجد رسوم لإصدار الإقامة للزوجة والأولاد ... ؟

مجانا للزوجة

وللاولاد الذكور تحت سن 18

وللبنات الى ان يتم زواجهم

اما لو فيه زوج مرافق لزوجته فاقامته تتكلف 500 ريال فقط

[alitof]

بالنسبه للزوجه بتعمل التحايل الطبيه والكشف الطبى لو طالعه اقامه مع زوجها مش زيارة والاولاد الاقل من 18 سنه لا يحتاجو شىء لا كشف ولا تحاليل

[ALMOSAFER]

السلام عليكم ورحمة الله وبركاته ؛

إصدار الإقامة للزوجة والأولاد ( الرضع ) من واقع التجربة

ذهبت منذ أسبوع لإصدار إقامة لزوجتى وابنتى من المديرية العامة للجوازات بالرياض ، ومن واقع التجربة سأحكى لكم ما يلزم لإصدار الإقامة من أوراق وخلافه حتى لا يعانى أحد من الهرج والمرج هناك ....

أولا : الأوراق المطلوبة :

1 - جوازات سفر الزوجة والأولاد وصورة منهم .

2 - صورة إقامتك .

3 - الكشف الطبى للزوجة ( هام جدا جدا جدا تأخذه معك ) .

4 - صورة شهادة التطعيمات للطفل ( بدون توثيق - لا يهم ) .

5 - تعبئة نموذج الإستقدام ( لابد من التعبئة بالكمبيوتر وليس باليد - هام جدا جدا ) ، حمله من موقع الجوازات نسخة وورد وعبئها .

6 - عمل نموذج للزوجة ملصق عليه صورتين وبالمثل نموذج للطفل ملصق عليه صورتين .

7 - صورة تأشيرة دخولك وتأشيرة دخول الزوجة وتأشيرة دخول الطفل .

..... (( تنبيه : تدبيس ورق الزوجة بمفرده وايضا ورق الطفل )) ......

ثانيا : تنبيهات :

1 - لازم تروح بدرى جدا جدا لجوازات الرياض يعنى على الساعة 5 ونص تكون هناك لانهم بيعطوا أرقام بدرى وبعد كده مفيش تانى ! .

2 - إصدار الإقامات موجود بالدور الثانى فى ممر مكتوب عليه ( الإضافات ) وفى نهايته يمين ويسار ، فى اليسار إضافة الزوجة والأولاد للأجانب وتجلس على شباك القادمين من خارج المملكة ( لو زوجتك وأطفالك معمول لهم إستقدام مع بعض ) ، اما المواليد بداخل المملكة على شباك مجاور .

3 - لازم تكون واخد معاك الكشف الطبى لزوجتك لانهم قالوا لنا بالنص هناك ان وزارة الداخلية لسه ما عملتش ربط مع وزارة الصحة بخصوص موضوع ارسال الكشف الطبى بالنت واللى مش معاه الكشف يروح ( وناس كتير رجعت قدامى فعلا ) .

4 - ورقك ميكونش ناقص أى ورقة إطلاقا لان مفيش مناقشة مع موظف الشباك ، ورقك ناقص تبقى تروح علاطول ، وبيرجع الناس على حاجات تافهة بصراحة ( يعنى مثلا ورقك ميكونش مدبس أو ورق الزوجة والأولاد مش منفصل !!! ) .

5 - كان فى أخ معايا زوجته نازلة خروج وعوده للولادة ، لما جه يصدر إقامة للطفل الموظف طلب منه تسديد 2000 ريال الأول + تسديد 500 ريال غرامة! ( أنا معرفش تفاصيل الخروج والعودة وإضافة الطفل المولود خارج المملكة لكن حبيت أسجل الموقف ده علشان لو حد عنده نفس الموضوع ) .

6 - لو حصل وروحت متأخر وقالولك روح مفيش أرقام تانى ، استنى لحد قبل الظهر بنص ساعة ، لان الموظف بيخرج يعطى أرقام لكل الموجودين ويكمل بعد الصلاة ( وده حصل معايا وقلت الحمد لله لكن بعد انتظارى الساعات الطوال رجعنى علشان الطلب مش معبأ بالكمبيوتر ) .

7 - دوامهم لحد الساعة 2 ونص من الأحد الى الأربعاء وتقريبا الخميس نص يوم ومفيش عمل كتير .

8 - فى الصباح بدرى انت هتلاقى ناس عمالة تسجل فى أرقام علشان الطابور يعنى وده كله مش مهم ولا تسجل ولا توجع دماغك ، هى البوابة بتتفتح وبتلاقى جيش من المراجعين اقتحم الجوازات ( والله قدام عينى سيارت الأمن العام والضباط والعساكر مقدروش يوقفوا طوفان البشر الهاجم على الجوازات لدرجة قفلوا بوابة من البوابتين وفتحوها تانى تحت ضغط الإقتحام ) ، يعنى انت تجرى على فوق علاطول على الإضافات علشان تاخد رقم بدرى .

9 - بالنسبة لتعبئة النموذج ؛ فى مربع معلومات تحقيق الشخصية :

رقم الاقامة : اتركها فارغة الموظف يعبئها عند صدور الاقامة ، تاريخ الانتهاء : ضع تاريخ انتهاء اقامتك ، رقم صاحب العمل : ضع رقم اقامتك

الاسم والمهنة وخلافة خاص بمن ستصدر له الأقامة يعنى اسم الزوجة وخلافه ورقم دخول الحدود

اسم صاحب العمل : اكتب اسمك وعنوانك وحدد مربع ( أفراد ) وقم بالتوقيع بإسمك وختم كفيلك فى مكان الختم وعلى الصورة .

وفى أسفل ؛ اسم صاحب الطلب : اسم من ستصدر له الاقامة ، اسم صاحب العمل : اكتب اسمك ، ... وهكذا ...

شكرا وجزاكم الله خيرا