يا فضيله المفتى كيف لا يكون لك موقف - إرحمونا ياناس

[mmohamed]

دينا سرقت الأضواء في ختام مهرجان الرقص بالقاهرة

القاهرة : على ضفاف النيل اختتمت فعاليات مهرجان الرقص الشرقي وسط حضور أكثر من 1000 سائح وسائحة . بدأ الحفل بعرض تدريبات للراقصة "دينا" شاركت فيه 100 راقصة . ثم بدأت فعاليات الحفل الغنائي الساهر والذي تألق من خلال عرض لفريق "الفراعنة" ، وقدم أحد المطربين أغنية "السلامو عليكم" لحكيم ورقصت عليها الراقصة "مايسة" ، وبعدها قدمت اندريا البرازيلية رقصة على أنغام موسيقي أغنية "يا ليلة ما جاني الغالي".

[مصري كندي]

عفوا لم افهم العلاقه بين المداخله وعنوان الموضوع

هل تم سؤال المفتي عن جواز هذا المهرجان فأجاب ليس لي موقف؟

[molham]

طبعا محمد قصدة ازاى يتنظم مهرجان للرقص فى بلد الازهر

انا  عندى  سؤال بردو

لية بتظهر الرقاصات فى التفليزيون و وبيتعملوا كشخصيات  محترمة

وازى واحدة زى فيفى عبدة تظهر كل يومين على الشاشة

وتحكى عن رحلة العار المسماة تاريخها الفنى

انا للاسف شفتها اامبارح فى التليفزيون على القناة الاولى فى برنامج بتقدمة نجاة العسيلى

وساعتها  قال بتقول  بفخر

انا طبعا رقاصة مصر الاولى

لية

علشان  كبار البلد بيطلبونى

و

انها شقيت  لحد ماعملت اسم فيفى عبدة

المهم يا سادة قالت ان ها مكافحة وانها ابتدت الرقص بجنية   واتنيين وتلاتة جنية

لحد لما وصلت للالوف اللى بتاخدها دلوقتى

ياترى كان فية كام بنت فى مصر بتشاهد البرنامج دة

وكام  واحدة فيهم هاتتأثر بكلام المعلمة فيفى

وهل فيفى هى القدوة والمثل الذى نقدمة لفتياتنا

سؤال  لصفوت الشريف

متى  تمنع الرقاصات من الظهور على  شاشة التليفزيون المصرى

ام هن من رموز المجتمع

حسبنا اللة ونعم الوكيل

[متسائل]

و هو لازم المفتي يكون له رأي في كل شيء؟

على العموم أنا واثق أن الشيخ لم يوجه له السؤال بصيغة مناسبة.

[Mohd Hafez]

انها شقيت  لحد ماعملت اسم فيفى عبدة

[b:post_uid0]بالمناسبة طنط فيفي عبده .. من ميت أبو الكوم .. يعني خذوا بالكم وأنتم بتتكلموا .. و لا يتعمل فيكم زي ما تعمل في سمير صبري وبرنامج النادي الدولي في نهاية السبعينات

طنط فيفي  .. الهرم الرابع لمصر .. شرفتني بمعرفتها عن قرب .. عندما كنت طالب بالثانوية العامة .. وأعمل في فصل الصيف جرسون بكازينوا لاكورتا بمنطقة كليوبترا بالإسكندرية .. كانت أيامها صغيرة في السن .. لكن أكثر ما كان يدهشني عند بدء وصلة الرقص الخاصة بها الساعة الواحدة بعد منتصف الليل .. وجود شخصيات تبدوا أنها محترمة .. يعني أصحاب مركز .. يحضرون فقط خلال الوصلة ..

عايز الحق هي لها رحلة كفاح طويل .. رحلة بدأت من س..ر  فلان إلي س..ر علان

.. وبالطبع عرقت .. عرق غزير .. الله يكون في عونها .. المهم .. أيه علاقة كفاح طنط فيفي بالمفتي

[/b:post_uid0]

[molham]

انا  شفت اسم المفتى فى العنوان بس

انما لقيت المحتوى عن مهرجان الرقص الشرقى

علشان كدة اتكلمت عن فيفى عبدة

لانها استفزتنى جامد   لما شفتها

امبارح فى التلفزيون

عموما ممكن

mmohamed

يوضح عاوز اية بالظبط من المفتى

:D

[Byte]

انا شفتها اول مرة في وانا عمري 15 سنة ، وكانت يومها تقدم كرشوة لمدير هذا البنك عن طريق رجل الاعمال ال..بودي.

وتاني مرة برضع شفتها كان عندي 20 سنة وكنت اتدرب في بنك ويومها عرفت انها مابتعرفشي تمضي !

بعدها مابقاش من مستواها تعمل المشاوير دي، ولم اعد اراها الا في الافراح، آخر مرة من 7 سنوات وسمعت انها اخدت 15 الف بس مجاملة لأم العروسة! ولا تتخيلوا كيف كانت تتعامل مع كبار المدعوين(احدهم كان رئيس وزراء سابق) ، لقد اصبحوا جميعا كمبارس للمعلمة وهي تتهادي وبتشيش وهي بترقص، كان ناقص يغيرولها الولعة

لاهي شكل ولاهي منظر ولا هي علم ولا ادب ، لكن هوه ده ذوق كبار البلد، هما شايفين اللي احنا مش شايفينه!

هي عدت ال60 سنه ولا لسة؟

وبعدين الناس اللي بيستنجدوا بشيخ الأزهر، انتوا عايزين الراجل يتشال، كام واحد اتشالو لغاية دلوقتي بجرة قلم ، آسف، بجرة صباع، من فيفي؟

خلينا نهتف لها احسن الهتاف التقليدي الذي يهتف لها في الافراح:

يافيـــــــفي.......ياعـــــبده

لاحسن تقفل لنا المنتدي!

:0  :D

[متسائل]

بايت..

أنا شايف إنك متحامل أوي على فيفي...

أنا شخصياً تعجبني "مواهبها" جداً.. حتى لو عدت ال 70   :D