أحداث الحرس الجمهوري 8/7/2013

[مروان]

اصحاب المجزرة والمسؤل عنها الاخوان

انا جايبالك اثباتات ليه عملوا كدا الاخوان جيبالك مقالات اثبات ان الاخوان عملوا كدا علشان كذا وكذا

مش هروب ولا بستخبي - لكن علشان انت تربط المواضيع ببعض

وتعرف ليه هما عاوزين يمشو الجيش ويرجعو للحكم

اربط الاخبار ببعض هما الاخوان دلوقتى فى موقف وحش

انت جايبة مقالات وانا جايبلك فيديوهات من قلب الحدث

انت جايبة كلام لزروت الخرباوي الذي يمتلا حنقا وكرها لرفاق الامس

الذي فتحت له كل القنوات ابوابها ليبث سمومه واكاذيبه

طيب ما ممكن اجيب لك مقالات تدين السيسي وتتهمه بالنقلاب على الشرعية

انقلاب عسكري واضح لا لبس فيه

مغطى بثورة مفتعلة معدة سلفا

انحاز لها السيسي واغض الطرف عن باقي الشعب

وغلفوه بشخصيات دينية وسياسية

انقلاب على الشرعية ايا كانت

ولما ثار المؤيدون وغضبوا

ضربوهم بالنار

هب دي الديمقراطية؟

هو ده العدل؟

اخوان ولا غيرهم ناس فازت بنتخابات ليه نغتصب حقهم ثم نلقى عليهم التهم لنلسب حقهم

مسالتيش نفسك ولو لمرة واحدة انهم يكونوا على صواب

وان فعلا الجيش هو اللي بدا بالضرب لارهابهم وجر البلاد لازمة علشان الناس تكرههم اكتر

امتدادا لسيناريو تكريه الناس فيهم ايام حكمهم بفتعال الازمات

[التونسى]

الموقف صعب جدا جدا ومؤلم غاية الالم .. المجزره دى يتحمل جزء كبير منها صفوت حجازى بعد مشاهدتى لفيديو تحريضه .. له من الله ما يستحق .. ولكنى ايضا لا استطيع قبول كل هذا العنف من الجيش او الشرطه .. لانى لو قبلته النهارده .. يبقى حقبله بكره على اى حد ممكن يعترض .. خاصة الثوار ((ثوار 25 يناير)) اللى لدى احساس كبير وطرحته من قبل فى احد موضوعاتى ان الدور الجاى بعد الاخوان ((الاغبياء)) حيكون عليهم .. انا حزين جدا جدا جدا .. واكثر ما يحزننى بعد تلك المجزره هو ان يتورط الجيش المصرى فيها مهما كانت التبريرات .. ربنا يسلم مصر ويحرسها ويحميها من اهليها قبل اعداءها (((الكُثر))) .. لو تعلمون

[herohero]

استاذ مروان حضرتك تاعب نفسك صدقني مش هتوصل لشئ حضرتك بتتكلم ف موضوع ثاني خالص وهنا الافاضل بيكلموا ع اساس ان ضابط الجيش مصري والطرف الاخر مش مصري فالقضية مختلفة خالص

انا ضد ان اي طرف دمه يروح ع يد حد مصري زيه هل ده يعقل ياجماعة ؟؟ لازم الاحتقان ده نخلص منه

والمقارنات مالهاش لازمة لان القصر الجمهوري كان بيتم الاعتداء عليه ومحطوط لوحات ممنوع الاقتراب والتصوير برده لكننا فوجئنا ببلدوزر عاوز يشيل البوابه هل فيه حاجه حصلت له ؟؟ كانت الفوضى عند القصر الجمهوري ومحدش اتكلم

عموما بنفس المنطق بتاع فريد الديب الرئيس مبارك مسئول عن المتظاهرين اللي ماتوا ومرسي مسئول عن من وقع من ضحايا ف الاتحادية وأيضا الان الرئيس المؤقت او الفريق السيسي مسئول

يبقى يتاحكموهم كلهم يطلعوا مبارك براءة

والله العظيم ماهنوصل لحل دلوقت قناة الجزيرة عميلة وضد الثورة وساعه 25 يناير برده عميلة وقناة العربية لكن قناة العربية الان قناة وطنية "الامارات "

يا سادة كده مش هنحل حاجه والله وبالمنظر ده هندخل لمرحلة الجزائر ال90

للاسف كل الاطراف مسئولة

مش عارف انا حاسس اننا اعتدنا ع منظر الدم وبقينا نحب ريحته ولا ايه ؟؟؟

ملعون ابو الكرسي اللي عمل كدة بقى عندنا ثورة 52 وثورة 25 يناير وثورة يونيو

ولسه لم نثر ع انفسنا ونتغير صدقوني لو علمنا 100 ثورة ولا حاجه لاننا مش بنتغير للصح

[اغابي]

ولما انت ضد اى دم وبتعلى الصوت كدا كانه صوت الحق

ما سمعناش صوتك الحقانى ليه فى الدماء اللى كانت مشهد متكرر كل يوم تسفك على ايد الاخوان

ولا دم الثوار حلال ودم اللى فى رابعة العدوية حرام ولا الثوار كفار واللى فى رابعة اولياء الله الصالحين

ما كلنا مصريين بس كنت احب اسمع الصوت الحلو داه فى الكام يوم بتوع رمى الناس من فوق العمارات

على ايد المتشددين والجهادين بتوع طالبان ولا تفجير الظباط فى سيناء

ماكنتش بسمع صوتكم ليه

غريبة

[طارق مصرى]

الموقف صعب جدا جدا ومؤلم غاية الالم .. المجزره دى يتحمل جزء كبير منها صفوت حجازى بعد مشاهدتى لفيديو تحريضه .. له من الله ما يستحق .. ولكنى ايضا لا استطيع قبول كل هذا العنف من الجيش او الشرطه .. لانى لو قبلته النهارده .. يبقى حقبله بكره على اى حد ممكن يعترض .. خاصة الثوار ((ثوار 25 يناير)) اللى لدى احساس كبير وطرحته من قبل فى احد موضوعاتى ان الدور الجاى بعد الاخوان ((الاغبياء)) حيكون عليهم .. انا حزين جدا جدا جدا .. واكثر ما يحزننى بعد تلك المجزره هو ان يتورط الجيش المصرى فيها مهما كانت التبريرات .. ربنا يسلم مصر ويحرسها ويحميها من اهليها قبل اعداءها (((الكُثر))) .. لو تعلمون

قدر الله و ما شاء فعل

يا ريت مرسى و الاخوان كانوا سمعوا كلامك و كلام العقلاء من قبل

[herohero]

ولما انت ضد اى دم وبتعلى الصوت كدا كانه صوت الحق

ما سمعناش صوتك الحقانى ليه فى الدماء اللى كانت مشهد متكرر كل يوم تسفك على ايد الاخوان

ولا دم الثوار حلال ودم اللى فى رابعة العدوية حرام ولا الثوار كفار واللى فى رابعة اولياء الله الصالحين

ما كلنا مصريين بس كنت احب اسمع الصوت الحلو داه فى الكام يوم بتوع رمى الناس من فوق العمارات

على ايد المتشددين والجهادين بتوع طالبان ولا تفجير الظباط فى سيناء

ماكنتش بسمع صوتكم ليه

غريبة

اعصابك ياغابي

ع فكرة محدش كان مقتنع باللي بيحصل ولا كان بيباركه وانا كلامي موجود انا مليون مرة قولت العنف بيولد عنف والدم مرفوض من الطرفين وملعون أبوه اللي يخلي العنف ده لغتنا ولكن للاسف الطرفين كون ان الاخوان لهم السبق ف الخيبة ده فاللي ادامهم هم كمان بقوا زيهم للاسف احنا بندمر بعض باللي بيحصل

مستر محمود البصيلي:

رائع كما انت دائما ،يسلم فمك يابيه هو ده اللي كنت عاوز أقوله النهارده الاخوان والتيارات الاسلامية بكرة التيارات المدنية صدقني الدور جاي خلاص

وبني وبينك احنا نستاهل ضيعنا فرص كثيرة جدااااااااااااا ،كان اخرها فرصة محمد مرسي لو كان بقى رئيس لكل المصريين كانت الامور انتهت

يلا هرجع واقول الأفيال تتصارع والعشب يموت

[اغابي]

طب انت يا مصرى حتعمل ايه دلوقتى فى الورطة الجديدة اللى لابسوهالنا الاخوان لمصر

اوباما عاوز ال8 مليار دولار اما مصر تسلم ارض سيناء لجماعة حماس

مصر تجيب منين 8 مليار دولار واحنا عارفين ان الشاطر مش حيرجع الفلوس وجارى التحقيق معاه

طيب دلوقتى ندخل فى حروب علشان ارض سيناء من تانى ولا ندخل فى ديون جديدة تضاف الى قائمة الديون بتاعتنا

وهو مرسي والشاطر باى حق يبيعو ارض سينا ويقبضو التمن

كل الصحف نهاردة فى كل البلاد بتحكى ان الكونجرس بيطالب اوباما برد ال8 مليار دولار اللى

اخدهم منه الشاطر ومرسي ثمن بيع ارض سيناء ولا طبعا الشعب يعرف اى حاجة عن الفلوس دي

تم تعديل 8 يوليو 2013 بواسطة اغابي

[herohero]

طب انت يا مصرى حتعمل ايه دلوقتى فى الورطة الجديدة اللى لابسوهالنا الاخوان لمصر

اوباما عاوز ال8 مليار دولار اما مصر تسلم ارض سيناء لجماعة حماس

مصر تجيب منين 8 مليار دولار واحنا عارفين ان الشاطر مش حيرجع الفلوس وجارى التحقيق معاه

طيب دلوقتى ندخل فى حروب علشان ارض سيناء من تانى ولا ندخل فى ديون جديدة تضاف الى قائمة الديون بتاعتنا

وهو مرسي والشاطر باى حق يبيعو ارض سينا ويقبضو التمن

كل الصحف نهاردة فى كل البلاد بتحكى ان الكونجرس بيطالب اوباما برد ال8 مليار دولار اللى

اخدهم منه الشاطر ومرسي ثمن بيع ارض سيناء ولا طبعا الشعب يعرف اى حاجة عن الفلوس دي

ولا تقلقي طوال العمر هيسددوها اذا كانت الازمة في الفلوس يعني اللي اعرفه السعودية مطلعة 8 مليار يبقى ده قصاد ده ، ويعني ماهم الفلسطينيين لو هيقعدوا في سيناء ما يقعدوا من قبل كده مادخلوا اقتحموا الحدود ايام مبارك وقت الحصار والانفاق معمولة برضا مبارك

اه امريكا دفعت فلوس للاخوان كدعم سياسي ف الانتخابات عشان ينجحوا وتحقق امريكا هدفها وهو تحطيم اي فكر تيار سياسي اسلامي

بيع سيناء زيه زي بيع قناة السويس وماسبيرو

[Alshiekh]

أشعر بحزن شديد وبقرف اشد مما يحدث فيكي يامصر

دم من ماتوا يتحمله محمد مرسي ومن يحركونه فهم من اعلنوا عن تقديم الدم فداءا للكرسي

القتلى مسئولون ايضا عن ضياع ارواحهم فداء لجماعة فاشية تدعي الدين والدين منهم براء

القتلى مسئولون لانهم ليسوا سفهاء بل بالغين راشدين يعلمون خطورة ماأتوا عليه

الاخوان يخططون لهدم القوات المسلحة وتستخدم المغيبين ومدفوعي الاجر كوقود لتنفيذ مخططهم

اخيرا اقول،

كل المنشئات العسكرية تعلق عليها لافتات مكتوبة بخط واضح وبلغتين العربية والانجليزية

" ممنوع الاقتراب او التصوير"

الجيش غير الشرطة او قوات مكافحة الشغب

افراد الجيش مدربين على التعامل مع المهاجم باحدى طريقتين

التحذير والقبض على المخالف

الضرب في المليان

فرد الجيش مايعرفش الهزار

لو ترك الامر للغوغاء لتخطي الحدود لتم الفتك بافراد الوحدة العسكرية ولتجرأ الاوساخ على باقي وحدات الجيش

الضرب بيد من حديد هو الاجراء الوحيد الباقي للهبل الاخواني

ولتفرض حالة الطوارئ ويتم تقديم المحرضين والمخالفين للمحاكم العسكرية العسكرية طالما كان هناك تحريض على هدم الوطن وذلك للحفاظ على وحدة الوطن

وليتم حل كل الجماعات الارهابية المتسترة تحت عباءة الدين واعتقال قادتهم وكل متنفذ فيهم حتى يتوبوا توبة نصوحا وليست كتوبة عاصم عبدالماجد وآل الزمر وغيرهم من الدمويين.

لعن الله من خلق الفتنة ولعن الله من اثارها ومن ايقظها ومن اشعلها

وعلى المؤيدين للفتنة ان يتوبوا الى الله والا يتمادوا في استعذاب حالة التغييب التي يعيشونها وليعيشوا الواقع فهو الافضل لهم وللوطن.

[أبو محمد]

بالإضافة إلى فيديو صفوت حجازى

هذا فيديو للبلتاجى

أخطر ما فيه فى الدقيقة 1:28

يتحدث عن أعمال العنف فى سيناء وأنها تقف فور أن يعلن السيسى تراجعه

ياريت الأدمغة الممسوحة يرجع لها جزء من عقلها لمدة دقيقة واحدة

يمكن تفهم

http://www.youtube.com/watch?v=G7guPrIog4Y

[herohero]

انا قولتلك يا مروان الاخوان بيخططو لكدا ودى تقريبا اخر ورقة بيلعبو بيها

شوف الفيديو وتخطيط صفوت حجازى وداه اذكى اخواته اهو الغبي داه اذكى اخواته

هما اغبية هما بكدا فعلا ادو الحق للجيش يعمل معاهم اللازم

صدقنى فيديو حجازى اكبر دليل للتحريض والتخطيط وبيوهمو الناس ان مرسي بالداخل لافتعال مشاكل مع الحرس الجمهورى

مع ان مرسي فى مكان تانى خالص هما عاوزين يقتحموه فاكرين ان مرسي جوة

وبعدين جزائر ايه دى اللى نبقى زيها

مصر اعظم من اى بلد فى العالم ولا يمكن تتهزم ولا تضعف

الاخوان عاوزين يخربوها ويهدو المعبد لكن انا بقول مستحيل يقدرو على شعب مصر

بالعقل كدا ليه الجيش يقتلهم وهو موفرلهم حق التظاهر السلمى

لكن الاخوان ملهمش امان

ربنا بيفضح الاخوان يوم ورا يوم

كانو جماعة محظورة بقو جماعة منبوذة

استاذه أغابي هي الامور في السياسة بالعافية حضرتك تجربة الجزائر قريبة جدا من اللي عندك بل اخف هناك يادوب الاسلاميين فازوا ف الانتخابات فاتلغت الانتخابات فهاجت الدنيا ارجعي حضرتك للتاريخ فالأمور ليست عنتريات هناك حوادث ف التاريخ حدثت يجب علينا ان ناخذ حذرنا حتى لا ننساق ونصل لما وصلت اليه

[herohero]

وايام مرسي لما حد كان بيقول محدش يروح عند القصر الجمهوري والناس تروح وتشتم شتيمة وسخه ع حوائط القصر مكنش مكتوب ممنوع التصوير والاقتراب !!!! ياسادة بوابة القصر كانت هتتخلع ببلدوزر ولما اتقلب قلابين رمل ف النفق ولما اتبهدلت مرفقات القصر من الخارج مكنش ممنوع الاقتراب والتصوير

الدم يتحمله مرسي وكافة الفرقاء السياسيين وع فكرة يتحملة الرئيس المؤقت والفريق السيسي ماهو بنفس مبدا فريد الديب محامي مبارك

ياسادة العنف اتخذ وسيلة من الطرفين مش قبل كده شباب تمرد والبلاك بلوك قفلوا دوواين محافظات وبرده ده مكنش قانوني !!!!

ياسادة الدنيا دوارة ماتنتقده اليوم كنت تفعله بالامس وغدا سيفعل بك احنا مش عاوزين نلعب سياسة صح

فلننتظر النتيجة احنا اختارنا العنف للاسف فنستحمل بقى النتيجه الاخوان غلطوا والطرف المقابل غلط للاسف احنا بنموت نفسنا بنفسنا

تم تعديل 8 يوليو 2013 بواسطة herohero

[tarek hassan]

بعد بيان المتحدث الرسمي باسم القوات المسلحة أقول خدعوك فقالوا مذبحة أو مجزرة الحرس الجمهوري وهذا الفيلم الهابط المكرر الذي سئمنا منه ومللنا من تكراره .... وأرجع أقول كما قلت من شهور عديدة : إن من يذهب ليتظاهر أمام أي موقع عسكري أو رمزي للقوات المسلحة سلميا كان أو غير سلمي فهو خائن عميل عديم الشرف لا يستحق منا أي شفقة أو رحمة حتى لو أتي لنا بالصور المكذوبة المستهلكة في سوريا لمقتل الأطفال ( المتظاهرين ) ...

هذه هي أخلاق النساء عديمة الشرف التي ترمي ببلائها أو تقوم بالتبلي على الآخرين وليست أخلاق الرجال

كما أنني أعبر عن استيائي وغضبي وإنكاري لعدم محاكمة المدعو : أحمد دومة المجرم الذي اعترف بإلقاء المولوتوف على الجيش من قبل

تم تعديل 8 يوليو 2013 بواسطة tarek hassan

[أبو محمد]

بعد بيان المتحدث الرسمي باسم القوات المسلحة أقول خدعوك فقالوا مذبحة أو مجزرة الحرس الجمهوري وهذا الفيلم الهابط المكرر الذي سئمنا منه ومللنا من تكراره .... وأرجع أقول كما قلت من شهور عديدة : إن من يذهب ليتظاهر أمام أي موقع عسكري أو رمزي للقوات المسلحة سلميا كان أو غير سلمي فهو خائن عميل عديم الشرف لا يستحق منا أي شفقة أو رحمة حتى لو أتي لنا بالصور المكذوبة المستهلكة في سوريا لمقتل الأطفال ( المتظاهرين ) ...

هذه هي أخلاق النساء عديمة الشرف التي ترمي ببلائها أو تقوم بالتبلي على الآخرين وليست أخلاق الرجال

المثل اللى انت مش عايز تقوله يا أستاذ طارق بيقول

تكلم ال(****) تلهيك .. واللى فيها تجيبه فيك

ملحوظة: عدد النجوم هو عدد حروف الكلمة التى لايمكن كتابتها

[أبو محمد]

ثقوا فى قواتكم المسلحة

ثقوا فى قوتها وو طنيتها وقوميتها

ثقوا فى أنها لا تلجأ إلى القوة بالرغم مما يحيط بها

القوات المسلحة قوية أكثر مما تتخيلون

تستمد قوتها من شعبها ومسؤوليتها أمامه

القوات المسلحة ليست فرقة كشافة

معركة الهجوم على الحرس الجمهورى استمرت ٦٠ دقيقة ووقع فيها ٤٢ ضحية

فإذا أرادت القوات المسلحة إخلاء ميدان رابعة العدوية خلال هذه الساعة

لأخلته عن اقتدار

فقط للعلم وتوضيح الأمور وليس للتفاخر ، تستطيع كتيبة واحدة من المشاه

خلال هذه الساعة وبدون أسلحة معاونة مثل المدرعات

إطلاق ١٢٦٠٠٠٠ طلقة فى الساعة

وهى كمية مفزعة بكافة المقاييس من النيران كافية لتنفيذ المهمة

ولا يستطيع الفرد الخرطوش ولا المولوتوف الوقوف أمامها أبدا ثقوا فى ذلك

وعلى هذا المقياس يمكننا ان نتصور مدى ضبط النفس

الذى تتبعه القوات المسلحة المصرية فى تعاملها مع البعض

وعلمها الأكيد بقدرتها على إنهاء هذه الفوضى فى غضون دقائق

ولكن هذا قدرها الذى حددته مسؤوليتها الوطنية عبر السنين

وحسن تقديرها الدائم للأمور

وستبقى مصر فوق الجميع مرفوعة الرأس بابنائها الشرفاء ولو كره العملاء

[herohero]

ياريت بجد ياجماعة نوصل لحل توافقي كده مش هينفع سبحان الله يعني أيام بارك اللي كنا بنقول مفتري مكنش فيه دم مصري كده معقولة خلاص هنقول ولا يوم من أيامك يامبارك خلاص ملعون ابو الحرية او الديموقراطية

[شرف الدين]

قلنا من قبل أن السماح بوصول هذا الفكر المتطرف للحكم سيكون خطأ كبيرا .. وأنهم لن يتركوا الحكم إلا بالدم .. لا بمظاهرات ولا بانتخابات ..

وها قد حدث ورأينا كمية الدماء التي سالت منذ أن ثار الشعب عليهم ..

على العموم .. يتحدث الإخوان الكذابون كثيرا ويكررون مسألة أن الجيش ضربهم وهم يصلون ( نفس التفكير .. لا يوجد تغيير أو تطوير ) .. هل يتذكر أحد منكم فيديو رش المصلين ( الذين اتضح بعد ذلك أنهم لم يكونوا مصلين ولا شيء وأنهم كانوا يتظاهرون بالصلاة ) .. هل يتذكر أحد منكم فيديو رش المتظاهرين فوق كوبري قصر النيل بالمياه ؟

هذا الفيديو الذي أشعل عاصفة من الغضب أتت أكلها ضد قوات الأمن المركزي وقئتذ ..

الآن يحاولون تكرار نفس التمثيلية مع قوات الجيش ..

يكرر الإخوان كثيرا جملة ( وهما بيصلوا ) .. لاستغلال العاطفة الدينية واللعب على أوتار الدين لدى البسطاء والمغيبين في الشعب المصري القابلين لتصديق كل شيء من جهة ..

ومن جهة أخرى إظهار أن هؤلاء الخونة الذين يرتدون زي الجيش مثلهم مثل الخونة السابقين ( الذين يرتدون زي الشرطة ) .. لا يعيرون الصلاة أية حرمة ولا يتورعون عن إطلاق الرصاص على المسلمين وهم يصلون ( هل يتذكر أحد منكم فيلم وإسلاماه .. ومشهد .. هيضربوهم وهما بيصلوا ) .. هو نفس التفكير .. محاولة إظهار رجال الجيش على أنهم وحوش كفرة لا يعرفون حرمة الصلاة ولا حرمة المصلين ولا يتورعون عن سفك دمائهم .. وبهذا يصبح الجهاد وحمل السلاح وقتل أفراد هذا الجيش الكافر .. واجبا شرعيا ..

الإخوان دون أن يدروا قد اعترفوا بجرمهم .. فهم يقرون أن هناك ضابطا من الجيش قد قتل .. فمن قتله ؟

إما قتله زملاؤه من الحرس الجمهوري وهذا يستحيل .. وإما قتله المهاجمون .. وهذا هو الممكن ..

لكن المؤكد أن من قتله يمتلك سلاحا .. والمؤكد أن هذا السلاح كان بين يدي المهاجمين السلميين العزل الأطفال ..

على العموم .. نقول للإخوان وتابعيهم .. أنتم تحرثون في الماء .. فلن ينبت حرثكم فرعا واحدا .. ولن يعود النظام القديم ( هههههههه .. حلوة النظام القديم دي .. صح ) .. أبدا ..

فتراجعوا عما أنتم فيه من الضلال قبل أن يفنيكم الشعب عن بكرة أبيكم

-----------------------------

وفي النهاية .. ندعو للقتلى بالرحمة والمغفرة ..

تم تعديل 8 يوليو 2013 بواسطة شرف الدين

[أبو محمد]

عقبال حبايبنا اللى معانا

[أبو محمد]

شهادات حفيدة الهلباوي عن أحداث الحرس الجمهوري تشعل "تويتر"

[herohero]

http://www.youtube.com/watch?v=tJxWpcRuD4Y

بمناسبة الاماكن الحيوية والحساسة !!!واللي ممنوع الاقتراب او التصوير

هو المكان ده فين وبيعتبر حساس ولا مش حساس