اخترناه و خلعناه ...

[عبير يونس]

اخترناه و بكل سهولة خلعناه

عادي حضّرنا العفريت وصرفناه

مش عيب لو الشعب احتار وتاه

العيب لو كان فضل ماشي وراه

صندوق جابهولنا يا حليلة يا حليلة

و قالوا خلوا بالكم عليه ده الحيلة

خرّج النهضة الزينة من حبابي عينينا

و على طائر النهضة الغربان ناحوا

قال لنا على مشروع الميت يوم

انا قلت معقول ؟؟ يا عيب الشوم

في ميت يوم حنصحى م النوم ؟!

كلام مصاطب و شلت.. صباحو

قطارات حصدت أرواح عيالنا البريئة

في عهده العربيات بقت صديقة البيئة

مفيهاش بنزين و ع الجري جريئة

و من الجاز و السولار ..ارتاحوا

راجل مصلي و حافظ و كله بركة

حكم مصر كأنه كان بيدير شركة

غلابة ملحقوش يقسموا التركة

ياالله اهم خدوا الشر و راحوا