دبابيس

[Scorpion]

حكمة قالوها زمان .. اليهودي لما يفلس .. يدور في دفاتره القديمة

[Grandma]

بيقولك هيعملوا مساحة مساكن الشباب 35 متر مربع ... ليه ؟!!هما ناويين يسكنوهم وﻻ يدفنوهم ؟!!

بجد دي قلة أدب و استهتار بآدمية المواطن المصري .

[باهى الطائر الحزين]

بيقولك هيعملوا مساحة مساكن الشباب 35 متر مربع ... ليه ؟!!هما ناويين يسكنوهم وﻻ يدفنوهم ؟!!

بجد دي قلة أدب و استهتار بآدمية المواطن المصري .

ده موجود في اوروبا والدول المتقدمه ...

تم تعديل 30 أبريل 2015 بواسطة باهى الطائر الحزين

[باهى الطائر الحزين]

سامح ابو عرايس

الاعلام المصري والانتاج الفني المصري لسنوات طويلة أقنع الشعب بخرافات وأكاذيب . أقنعهم بان مصر غنية جدا وان المشكلة ان الحكومة حرامية وبتسرقهم . أقنعهم بأنهم يستحقوا حياة أحسن بكتير من اللي هم فيها وان المشكلة في نظام الحكم . أقنعهم بأنهم عايشين حياة سيئة وان الناس في كل العالم عايشين أحسن منهم . فأصبح كل شخص ناقم على البلد وعلى الحكومات ومش عايز يطور نفسه . عزيزي المواطن أحب أقولك شوية مفاجآت : أولا مصر مش غنية مصر مواردها محدودة جدا مقارنة بعدد السكان . ثانيا الحكومات مش فاسدين ولا حرامية انت اللي متخيل كده لأنك متخيل ان البلد مليانة موارد وده اعتقاد خاطئ . ثالثا انت حقك مش مهضوم شوف الناجحين حولك من غير واسطة ولا غيره شوف الدكتور اللي تفوق وأصبح على مستوى عالمي ورجل الأعمال اللي بدأ من الصفر وأصبح من الأثرياء شوف حتى الراجل الغلبان اللي جاء من الصعيد وقعد بشوية خضار ودلوقت صاحب محلات ومليونير . أخيرا انت مش عايش حياة سيئة انت عايش أحسن من أغلب الشباب في أوروبا اللي بيطلع عينهم في الشغل ومرتباتهم مش مكفياهم واللي عايش أغلبهم في شقق 20 متر اللي انت زعلت قوي واعتبرتها اهانة لما رئيس بنك الاسكان قالك انك ممكن تعيش في شقة 35 متر !!

[Grandma]

معاك حق دا موجود في الدول اﻻوروبية لكن اﻻوروبيين

حياتهم تختلف عن حياتنا تماما ..

_ الشاب و الفتاة هناك اغلبهم بيعيشوا بمفردهم ( عزاب ) لفترة طويلة . يعني اﻻنسان بيعيش جوه الشقة الصغيرة دي او اﻻستوديو بطوله .

_ حياتهم كلها في الشغل من أول النهار ﻻخره .. البيت بالنسبالهم اوتيل للنوم فقط حتى اكلهم معظمه في المطاعم.

_ مافيش عندهم حب اقتناء اﻻشياء وتكوين كراكيب و الموضوع دا عند المصريين مرض نفسي ناتج عن الخوف من الفقر.. فيظن المواطن انه لو مر بضائقة مالية يمكن يستخدم كراكيبه مرة اخرى .. بالتالي المواطن الاوروبي مش بيشتري وﻻ بيحتفظ اﻻ اللي محتاجه فقط .

_ عادات اﻻوروبيين اﻻجتماعية مختلفة عننا .. ﻻفي حد من اﻻهل او اﻻصحاب بيزورهم وﻻ يتعزم عندهم وﻻ هما بيزوروا حد معظم الحاجات دي بتحصل خارج البيت .

_ اﻻوﻻد بيتركوا اﻻسرة في سن مبكر .. وبيكون لهم حياتهم وشققهم الخاصة .

الشقق الصغيرة دي غالبا بتكون في العواصم و المدن الكبرى وبتكون غالية .. لكن في أطراف العواصم و الريف البيوت بتكون كبيرة وواسعة و بحدائق كمان وسعرها مناسب مش زينا بالملايين .

* يا أستاذ باهي ﻻ مجال للمقارنة بين اسلوب حياة الأجانب و اسلوب حياتنا ... الشقق الصغيرة بالنسبة لنا هتخلق نفس مشاكل العشوائيات ... وبعدين احنا عندنا اراضي ما شاء الله واسعة ... ايه ﻻزمة التضييق على الناس ؟! هما ناقصين خنقة ؟!!

[Scorpion]

طيب مش اسهل ان شبابنا يبتدي يغير هو من عادات ما بقتش تتوافق مع متطلبات عصر مختلف تمامآ عن عصر اتربي فيه والده و جده ...

ايه احسن .. يعيش في اوضة في بيت ابوه و ممكن كمان يتجوز فيها .. و الا يستقل بحياته في اوضتين بمنافعهم بكل الخصوصية اللي ممكن يعيش اخيرآ محفوظة فيها ..

[Grandma]

طيب مش اسهل ان شبابنا يبتدي يغير هو من عادات ما بقتش تتوافق مع متطلبات عصر مختلف تمامآ عن عصر اتربي فيه والده و جده ...

ايه احسن .. يعيش في اوضة في بيت ابوه و ممكن كمان يتجوز فيها .. و الا يستقل بحياته في اوضتين بمنافعهم بكل الخصوصية اللي ممكن يعيش اخيرآ محفوظة فيها ..

يا ريت المجتمع يسمحله يغير

دا الشاب يوصل ﻻربعين سنة واهله شايفين ان من حقهم يتحكموا في حياته

واذا خرج من البيت قبل ما يتجوز يبقى عيب كبير اوي

فما بالك البنت !!

ﻻزملنا شغل كتير اوي على الثقافة دي

[Alshiekh]

بيقولك هيعملوا مساحة مساكن الشباب 35 متر مربع ... ليه ؟!!هما ناويين يسكنوهم وﻻ يدفنوهم ؟!!

بجد دي قلة أدب و استهتار بآدمية المواطن المصري .

على قد لحافك مد رجليك، معظم العمالة القادمة من المحافظات (الوجه البحري والصعيد) مع كثيرين من سكان العشوائيات يسكنون في غرفة واحدة مشتركين مع جيرانهم في الحمام والصالة التي يقسمونها الى اركان كمطبخ لكل منهم، اما الـ 35 متر فهي كافية لغرفة نوم وغرفة معيشة ومطبخ وحمام. اللي يقدر يبني فيلا بلاش يبص على الشقة الـ 35 متر ويحسر الفقراء على حظهم القليل.

وبعدين مين قال ان الدولة مسئولة عن تسكين الشباب؟ أمال الشباب دورهم ايه؟ يتجوزوا ويخلفوا والبلد تربي؟

فليتحمل كل انسان مسئوليته، والمعدمين لهم "مساكن إيواء"، هذا على الأقل مارأيته في أمريكا، عندهم غرف 1.25م * 2.25م للأسر الفقيرة التي لديها أطفال، وكبار السن والعاجزين عن العمل الذين يصرفون مايسمى معاش الضمان الاجتماعي يوفرون لهم غرف بها عدة اسرة وحمام ومطبخ صغير.

35 متر دي حاجة كبيرة بالنسبة للكثيرين.

أتذكر شاب في الثمانينيات من القرن الماضي يؤدي عمله متنقلا على دراجة، كانت أمنية حياته أن يكون لديه سكوتر اللي كان عاملها بنك ناصر، عندما "زن" عيالي علشان نغير العربية اللي في نظرهم بقت قديمة، سألتهم ان يحمدوا الله وذكرت لهم قصة صاحب الدراجة.

[أبو محمد]

طيب والنيش حيتحط فين ؟

والستاير ام برقع تركب ازاى فى الأوض الصغيرة ؟

لآ .. دى جوازة مش نافعة

[Grandma]

وبعدين مين قال ان الدولة مسئولة عن تسكين الشباب؟ أمال الشباب دورهم ايه؟ يتجوزوا ويخلفوا والبلد تربي؟

انا بتكلم يا أستاذ محمد عن المساكن اللي الشباب بيدفعوا تمنها

هي الدولة ناوية توزع شقق ببلاش على الشباب ؟!

[Scorpion]

كورس ادوية شبه جديدة استخدام زملكاوي لأي أخ أهلاوي حيحتاجهم العشر سنين اللي جاية ..

خصم خاص لأعضاء المحاورات ..

[باهى الطائر الحزين]

كورس ادوية شبه جديدة استخدام زملكاوي لأي أخ أهلاوي حيحتاجهم العشر سنين اللي جاية ..

خصم خاص لأعضاء المحاورات ..

عندكم متش مهم

النهار ده هنقعد علي الدكه

:dirol:

خلايا نايمه مندس ...

[abaomar]

[أبو محمد]

كورس ادوية شبه جديدة استخدام زملكاوي لأي أخ أهلاوي حيحتاجهم العشر سنين اللي جاية ..

خصم خاص لأعضاء المحاورات ..

تحذير للأهلاوية

الدواء فيه سم قاتل .. فهو لعلاج محتكرى المركز "التانى"

والأهلاوية السنة دى فى المركز التالت

بإذن الله الزمالك راجع "تانى"

[أبو محمد]

ياترى السبكى ينفع إعلامى ؟

ولا الإعلاميين اللى ينفعوا منتجين ؟

هل هناك فارق بين الدعارة الجسدية والدعارة السياسية ؟

[أبو محمد]

من كان يؤمن بالإسلام السياسى .. فإن الإسلام السياسى قد مات

ومن كان يؤمن بالإسلام .. فإن الإسلام حى لا يموت

[باهى الطائر الحزين]

من كان يؤمن بالإسلام السياسى .. فإن الإسلام السياسى قد مات

ومن كان يؤمن بالإسلام .. فإن الإسلام حى لا يموت

تروي في حكمك

بمعني عيد نظر ...

الإسلام السياسي

ظهير لا يمكن وان تتخلي عنه

مؤسسات الحكم في الدول العربيه بحال ...

احترامي

[Scorpion]

عندكم متش مهم

النهار ده هنقعد علي الدكه

:dirol:

خلايا نايمه مندس ...

مازال العرض ساري .. احنا ناس ما بتستغلش الظروف ...

[باهى الطائر الحزين]

مازال العرض ساري .. احنا ناس ما بتستغلش الظروف ...

طب انت عايز ايه دلوقتي يعني

:cry:

[أبو محمد]

بست .. بست .. سكوربيون