homer بتاريخ: 22 فبراير 2005 تقديم بلاغ مشاركة بتاريخ: 22 فبراير 2005 ليل القاهرة أزيح الحزن عنا يا خفاجا بأنفاس يميل لها المزاجا وأحجار تنير الدرب ليلا وترشدنا اذا ضل السراجا وتمباك بطعم الشيح ينشى مدخنه ويعميه ابتهاجا ودردشة لحد الصبح تسرى اذا ما قام لليل اعوجاجا وصوت الزهر يغلب كل صوت واليك مزنوق ويأبى الانفراجا وشيش الدومينو يعانق كل بيش وشات النت له اليوم الرواجا يبيت الشعب يوما بالمقاهى قبيل الفجر دون الانبلاجا وفى المصانع لا ترى الا كسالى وعند الجد لا تجد النعاجا فهم فى الكليبات اهيموا وهم عن كل جد فى اعوجاجا وكل الناس اضحو فهلوية يرومون الأبيج والدباجا وضاقت بالشريف السبل فيها ودانت للأونطجى الفجاجا وتعجب أن مصرا قد أنيخت وتأسى اذا ما ركب الخواجا لعمرك ان أردت الخير فيها فلتقابلنى فى وادى سفاجا <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 22 فبراير 2005 كاتب الموضوع تقديم بلاغ مشاركة بتاريخ: 22 فبراير 2005 فى عيد ميلاد ريم يا رب خلى يا رب كبر يا رب نور طريق مزهر يا رب خلى حبيبتى ريما عروسة تكبر فى حضن ماما نوارة تطرح بين الزهور بكره المدارس يا رب حارس تنادى ريما وسط الطابور عصفور محندق يقوم يزقزق يقول غناوى بين الطيور ويقول يا ريما يا قلب بابا يا وردة نادية بين الزهور لولاكى انتى لا كان لبابا فى الدنيا فرحة ولا كان لاوريجون فى الفجر نور دى البسمة منك تخلى قلبى يطير يرفرف يعدى ليكى سبع بحور يا رب نور عيون حبيبتى ده انت اللى عالم وانت الشكور انت اللى دايما تزيد ونشكر وللمعاصى ستار غفور ولجلك سترك ولجل عفوك ولجل تبعد عنها الشرور لاقوم اصلى واصوم تملى بالنعمة مرضى واقضى فرضى وعالمداومة اكون صبور لجلن ما تكرم عيون حبيبنى بعيون حورية ومرمرية وضى يملا ايامها نور <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 22 فبراير 2005 كاتب الموضوع تقديم بلاغ مشاركة بتاريخ: 22 فبراير 2005 فى دايفوس سألونى مسحراتى قالولى تعالى على ديفوس تصحينا تداوى جرح الجنيه ومن أزمتنا تحيينا وتسد عجز الموازنة والقمح والتصدير انا قلت ما فى خير الا خير مراعينا لا بنك ولا صندوق عنده دواكى يا مصر ولا ف لجان وحكاوى وفتاوى مالها حصر مشاكلنا سهلة وبسيطة وحلها ميسور لما نشيل الديابة والنهاشين مالقصر طب لما حلك فى ايدك ليه يا مصرى دوخت وحاربت طواحين هوا فشر يا دون كيشوت وقعدت تندب زمانك وتحت رجلك كنز يجرى كما الشريان حتى اسألوا هيرودوت الحل فى الاقتصاد ماهوش محتاج لفتاوى ولا عولمة ولا كويز ولا لف ورا حاوى محتاج لشغل كبير من عند طلعت حرب ده حتى "ماركس" قالها والعهدة عالراوى "ماركس" خواجة واحنا بنصدق الخواجات قال ف اربعين سنه هنشوف حاجات وحاجات فى مصر واليابان غول اقتصاد طالع طب ليه نبوءتك يا "ماركس" عندنا خيالات قالوا صاحبنا ملحد واحنا بلد توحيد شوفوا نظام السوق ده طوق نجاتنا الوحيد فتحوها وخصخصوها وعوموها وكوزوها وايش بعد تلاتين سنةحجتك يابليد نفس الكلام القديم حتلوم على السكان آل ايه بيكتروا أسرع من العمران انسى الكلام القديم ولا تمشى ورا "مالتس" ده زى "دارون" راح وراح عليه الزمان وادينا عالصندوق بنجرى مرة ورا مرة نمضى "استاند باى" ونحلف بسوق حرة وطلاق تلاتة لا فيه لا عجز ولا أزمة ولزمه ايه التعب مادام الخطة من بره شى الله يا شيخ صندوق طوفنا بمقاماتك ويا ما ناس فى البلد عايشة بمقالاتك قاعدين وفى "المركزى" يتفحصوا فى قوتنا صندوق جديد للدين لو القديم فاتك واختم كلامى عن الخصخصة واللى جابوها عبيد وخطاب وكل الناس اللى كالوها ايديال دخيلة سويس بولانك كله اتباع و"ارثر اندرسون" قبض والليلة لموها طول ما الغراب اياه فارد عالبلد ظله لا "كينز" نافع ولا "ماركس" ولا دياولوه اصحى وفوق وانتفض يا شعب يا غلبان اديت للخسيس عيشك قام كله كله <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 22 فبراير 2005 كاتب الموضوع تقديم بلاغ مشاركة بتاريخ: 22 فبراير 2005 سألت الليل سألت النجوم عنك والليل ومواويله ولما هل القمر سهرت أحكيله عن شعر أسود بلون الحزن جوايا عن رمش هز القلب عن لمة وسهراية عن طرحة بيضة تهفهف فوق كتاف أمى عن قلب أبيض شايل مالصبا همى عن دقن جدى ونضاراته والعصايا والقلم عن مدرستنا والطابور واحنا بنحيى العلم عن حياتنا وضحكنا واحنا فى الحارة صغار والنقشبندى ويا رفعت والأدان ساعة الفطار عن صاجات الكحك ليلة العيد شايلينها الولاد عن قلوب صافية توافى ولا تخلف معاد كله ده راح فين يا غربة من سنين والجواب عالخد نازل دمعتين من زمان يا أمى وانا باحلم أجيلك من زمان حلم أصبح مستحيل بعد ما فات الأوان <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 22 فبراير 2005 كاتب الموضوع تقديم بلاغ مشاركة بتاريخ: 22 فبراير 2005 العتيقة تطالعنى المدينة العتيقة كل صباح بألف وجه ووجه أرنو اليك مع أشراقة كل صباح يا زهرة عشقى النيلية وعيناك, هذى البحيرات الحزينة ومرفأى بعد طول السفر وعناء الرحيل وليالى العمر المنسية مالى لا أراها مالى لا أراك وقد احتشدت الوجوه أولست من ساكنى مدينتى العتيقة أوليس الصبح بموعدنا فلماذا رحلت عن مجلسنا السمار وتوارى خلف سكون الليل حنين الأغنية <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
yasovinas بتاريخ: 22 فبراير 2005 تقديم بلاغ مشاركة بتاريخ: 22 فبراير 2005 الله عليك يا هومر ربنا يخللي ريم وتقرح بيها عروسه ولا يحكمش عليها بالغربه زيي وزيك وتعيش في بلادها بعد ما نحل المشاكل بواسطه الكنز تحياتي يا محمد رابط هذا التعليق شارك المزيد من خيارات المشاركة
homer بتاريخ: 22 فبراير 2005 كاتب الموضوع تقديم بلاغ مشاركة بتاريخ: 22 فبراير 2005 الله يخليك يا عم ياسو ويبارك لك فى مالك وبنينك وينور بالخير ايامك تحياتى وعايزين نشوفك قريب ان شاء الله مش عارف انت بتجيب الورد ده منين عموما لك عندى وردة <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
هشام الجنيدى بتاريخ: 22 فبراير 2005 تقديم بلاغ مشاركة بتاريخ: 22 فبراير 2005 من زمان مقراتش شعر قوى وجريىء زى ده بيوصف الاحوال ويحتج على الاوضاع الى احنا عايشينها فكرتنى ببيرم التونسى شكرا جزيلااا والله الموفق انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
daktara بتاريخ: 22 فبراير 2005 تقديم بلاغ مشاركة بتاريخ: 22 فبراير 2005 رائع يا هومر انا ليا زمان ما دخلتش المنتدى وبصراحه فوجئت بالمستوى الهايل ده انت موهوب فعلا إنّ القلوب إذا هوت أوراقها فالمال لا يحيى ربيعاً ذهبا رابط هذا التعليق شارك المزيد من خيارات المشاركة
homer بتاريخ: 25 فبراير 2005 كاتب الموضوع تقديم بلاغ مشاركة بتاريخ: 25 فبراير 2005 ذهب الليل ذهب الليل وطلع الفجر حقا أحلام وردية ترقص فى عين العصفور أن يحيا يوما فى النور أن ينشد يوما أغنية لكن كيف يغنى وغراب محدوب الظهر معروف من زمن القهر قد صادر كل الألحان قد حظر الرقص على الأغصان واغتال الأزهار البرية ويحك أن تحلم يا عصفور ويا أى طيور فى هذى الأيك حرام كل الدوح محظور فيها دوما بين العشاق البوح ولتصمت كل الأصوات ولتصدح فينا نحن الأموات ولتسمعنا آخر مرثية حدثنا عن جور السلطان وجوارى القصر عن الحجاج عن سيف تقطر منه دماء الغدر عن الحلاج حدثنا عن طفل يقتل فى بغداد عن جامعة الدول العربية حدثنا عن "سيزيف" عن عذابات ألمت عن معنى الصبر عن طفل من فمه اللقمة سلبت عن ثمن العهر عن يهوذا عن بروتس وقباب فى القصر العينى عن دفتر أحوال يومية يا من تحبس عنا الفجر من أجلك أنت وسيحمل رايتنا من بعدك من يعلى مجدك أنت من يعرف كيف يحدثنا عن كل خيانات العالم من يقدر أن ينسى هذا العصفور كيف يغنى من ينسينا حلم الحرية <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 26 فبراير 2005 كاتب الموضوع تقديم بلاغ مشاركة بتاريخ: 26 فبراير 2005 وهذه مجموعة من الرباعيات كان الفضل فى قدح قريحتها للأعضاء الأفاضل هشام الجنيدى وطفشان وبنت مصرية فقد "فتحوا نفسى للكتابة" وكانت النتيجة هذه الرباعيات المتفرقة عن الحياة أنا علمتنى الحياة أتعب ولا أكلش وأبقى زى الفجر بيشقشق ولا يملش وان يوم لقيت الجفا والقسوة فى صحابى اضحك واخلى الود يزيد وما يقلش أنا علمتنى الحياة اصرخ بدال ما آخد على قفايا وفى الفرح والاتراح اقول كل اللى جوايا وان فات فى يوم جبارعشان يسكتنى أصرخ فى وشه وأقول حرام كده كفاية أنا علمتنى الحياة دايما أقول يا رب انت العليم والحكيم وانت المعين فى الدرب لا مال ولا جاه بينفع وكل شئ فانى وانت الكريم وبرحمتك تفك عنى الكرب أنا علمتنى الحياة انى أشترى ولا بعش واكسب قلوب الرجال واجرى عالحق لجل يضعش وآجى على نفسى والم شمل الأحبة ماهو بكره كله يزول ومفيش جيوب فى النعش انا علمتنى الحياة اكون حريص ولا أخون واصبر على السوء وكل لئيم بيتلون وكفاية انى بشوف تصاريف القدر والدنيا فيها المر بس الحلو بيهون انا علمتنى الحياة ان حقوق الطبع محفوظة والكل عمال يقول بس الكلمة مفروزة اكتب وقول من قلبك مش من الجرنان و اياك تغش لا تبقى الصورة مهزوزة انا علمتنى الحياة امشى جنب الحيط واسعى على رزقى ولو قالوا عليا عبيط ما دمت فحالى وعيالى صبرى راسمالى هاوصل لشط الامان واعدى أى محيط احفظ صلاتك وصوم السنة قبل الفرض واوفى بعهدك وحابى عالشرف والعرض وارضى بقليلك لجل المولى يباركلك ده عمر الطمع ماطال فى يوم سما ولا أرض خاف مالحساب وحاسب كل يوم نفسك واعمل لبكرة وتوب عن ذنوب امسك واصلح ما بينك وبين رب الخلق وباريهم يكفيك شرورهم ويحفظ مالشرور نفسك شلت الذنوب والمعاصى وجيت أقول لبيك ودموعى تسبق كلامى وقلبى مخلص ليك شايل وحملى تقيل لما انكسر ضهرى يا رب انت الكريم مالى أمل غير فيك الدنيا ليل والنجوم طالعة تنورها ومصر هى العروسة تتعاجب بمنظرها عروسة بس العريس فى الغربة بيعانى امتى حييجى اليوو ونشوفه زان دارها الحب كان والوطن شاهد على جولى والغربة كانت كفن فيه الحنين ملفوف واللى انجضى من عمرى مين يجيبهولى يا ريم وانتى الأمل حيشاه سحابة خوف غاب القمر فى يوجين وغيابه عنى طال والقلب لولا الأمل كان انفطر فى الحال طللى علينا يا ريم أو ابعتى شالك يزول حزن الليالى ويرتاح معاه البال ريم يا فرحة القلب الحزين يا فراشة طايرة بالحنين يا نجمة طالة بالهنا من كام سنة هلى علينا قبل ما تفوت السنين سايس حصانك واوعى تسيب الحبل عالغارب واربط حزامك ياللى للخطر راكب ولا بد يا معتمد عالمولى تعقلها وعشان تخوض البحر لازمك قلع ومراكب يا ليل طال الغياب والعين ما بتنامشى ويا عين عابر سبيل والشوق معاه يمشى والقلب عطشان رجوع والصبر عالآخر والغربة مالها دوا للى ما يعلمشى قالوا بلادك فين قلت اللى فيها امى قالوا بترحل ليه قلت اجرى من همى والقى حبايب واصاحب ناس وافارقهم ولا يصعب عليا غير دمعة فى عين أمى انا علمتنى الحياة أدى العيش لخبازه ده كل كار له ناس شاطرين بيمتازوا اما الحواة والأفاقين وأمثالهم حصان خسران ولو فى القريب فازوا انا علمتنى الحياة ما اتصدرش فى الهايفة وامشى ف طريقى وأسعى والعيون شايفة ده ياما ناس فى الضلال خاضت برجليها وناس عند قول الحق من الظنون خايفة وعلمتنى الحياة أصون الود والعشرة واحفظ عهودى ولو كل الوشوش كشرة والناس معادن مسيرك لو تخالطهم تلاقى منهم دهب وفيهم كتير قشرة انا علمتنى الحياة دايما أكون انسان اعذر واسامح واغفر واطوى بالنسيان وامد ايدى واوصل مهما قطعونى لجلن أسيب ذكرى بعد الزمان بزمان أنا علمتنى الحياة ما افرحشى عالآخر وان يوم جفانى الحظ مازعلشى ولا اتاخر واعمل ليوم الحساب يا دنيا يا فانيا ده كل شئ فيكى وان طال فله آخر <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 11 مارس 2005 كاتب الموضوع تقديم بلاغ مشاركة بتاريخ: 11 مارس 2005 قالوا النجوم فى السما جنب القمر عاليا قلت النجوم عندنا جوه القلوب غاليا تقرا وتكتب لنا من اجمل الاشعار والاسم لو مستعار هى اسمها داليا <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
bentmasria بتاريخ: 11 مارس 2005 تقديم بلاغ مشاركة بتاريخ: 11 مارس 2005 هومر الجميل سامح تأخرى فى المشاركة فى هذا الموضوع الرائع كلما قرأت سطورك طتردتنى الصور والكلمات فاعجز عن الكتابه بموضوعيه واجدنى امدح وامدح وامدح وبصراحة انا معجبة جدااااااااااااااااا بما قصصته فى كلماتك صورة واقعيه تسكن كل منا بشكل خاص برائحة واقعية حميمة تصف ذواتنا ذكرياتنا لحظاتنا الخاصة :::::عن رمش هز القلب عن لمة وسهراية عن طرحة بيضة تهفهف فوق كتاف أمى عن قلب أبيض شايل مالصبا همى عن دقن جدى ونضاراته والعصايا والقلم عن مدرستنا والطابور واحنا بنحيى العلم عن حياتنا وضحكنا واحنا فى الحارة صغار والنقشبندى ويا رفعت والأدان ساعة الفطار عن صاجات الكحك ليلة العيد شايلينها الولاد عن قلوب صافية توافى ولا تخلف معاد كله ده راح فين يا غربة من سنين ::::: اتصدق وانا اقرأ هذا شممت عطر جدتى رحمها الله وعبق عباءة جدى الصوفيه وامسكت بعصاه القديمة اقبلها وفتحت البوم صورنا لاشاهدنا بالمريول الازرق نحيى العلم يااااااااااااااااااه كيف اثرت هذا فينا كيف انبعثت رائحة الورقات القديمة وعطور اجمل الذكريات من عقولنا بحروفك وكما علمتنا الحياة الكثير من خلال حروفك التى اثارتنا فكتبناها فى دواخلنا علمتنا انت الا نسكت على حق الا نكون من الشياطين الخرس ورغم طلاوة ما تكتب يعتصرنا الالم ونحن نقرأه هو يصفنا بلا خجل كل ما نسكت عنه ...نتظاهر بتجاهله ....نحاول الا نمسه نجده يمسنا ويفضح المنا وغيرتنا على قلب الوطن لك منى اجمل تحيه وللحديث بقية البنت المصريه عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 قال يقول والناس حشود تتكلم والقول كثير فى المجمل بالتصريح وبالتلميح عن قلب فى العشق ذبيح اغتيل ولكن لا يعلم بسهام من لحظ فاتن توغل فى القلب وتصرعه وتقض بليل مضجعهه فيغنى اليل ولا يندم والناس تراه وتحسده والكل ينام ويرقبه يا ليت السهم رمى قلبى اترانى كنت مقاومه اترانى قد كنت سأعلم <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 تسكن أحزانى عند الفجر ما ان ترحل عنا العتمة حتى تخبو وتعاودنى فى أول غفوات الليل والناس نيام قد سكنوا كل مساء فى ذات الوقت فى ذات البين والناس نيام ما عرفوا ان الذكرى تأتى مرة (بالضمة) تعصف فينا المرة بعد المرة ويقوم الناس وما سمعوا أنات القلب وحنين خطانا لعذاب الدرب الناس نيام الا من عشقوا الا من ذاقوا والتاعوا بسياط الحب <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 مين اللى قال ان الوطن خارطة وحدود ولا حتى ورقة ميلاد فيها المكان ثابت ولا هدمة دايبة عليها نسر بيرفرف ولا غنوة ساذجة من كتر النفاق دابت أصل الوطن فى العشق يبقى الأم والعيلة وضلة خضرة تساع الأهل والخلان ولا عمره كان كلمة طالعة بالتيلة من تحت ضرسك أيا موجوع ايا شقيان الحب الاخضر للى فى قيد الميلاد أمى وحب مصر اتفرض لما عبوهاب قالها من يومها واللى اغتصب بنقول له يا عمى عشان يدوس بالجزم عالحلوة وعيالها <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 حين أراك أشعر ان الكون يضيق أن فضاء الدنيا مسجون خلف القضبان أن طيور الدوح تخاصم كل الأغصان أن البحر غريق أن البين سحيق أن الليل يطول لتبقى أنفاس الزهر حبيسة أعلى جدران أشعر ان الحلم قصير مهما أسعدنا أن الوصل رهين البين أن البعد قرير العين يجمعنا ثم يفرقنا أشعر أن العمر قصير مهما طالت منا اللفتات أشعر أن الصمت يطل علينا ومن جنبات الليل يشير أن تخفت منا الكلمات أشعر ان القرب يواريه البعد أن لقائك ممزوج بالفقد أن الحب عذاب أن العش الدافئ بعد نعيم اللقيا جد خراب أن الكون يضيق فلا متسع للقانا أن العشق رحيق قد حرم الكأس شفانا أحبك أفتقدك أخشى من فقدك ما أقسى أن تشرق شمسك ثم تغيبى أترانى أقلع عن حبك أم أحيا دوما مع أحساس الفقد أم أبقى دوما بغروب <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 طقطق ودانك وفوق ده الراوى بياع كلام كلام محفلط مظفلط عن ياما كنا وكان ايام ما كان الجنيه الجبس له لمعان وجوز الحمام بالتلاتة والكفتة بالفدان والشقة بيبخروها لجل الزبون ما يبان وبلدنا كان لها شنة وتقل فى الميزان والحرب بالشلاليت والضرب فى المليان والصدق يابنى اننا طول عمرنا فى هوان والمجد من رزقنا للوالى والسلطان عينى علينا يا قبط عايشين فى خدمستان ملوك بتخلف ملوك تورثنا بالمجان وهى دى مصرنا بلا لف بلا دوران وحتبقى دايما كده بعد الزمان بزمان طب قوللى ايه العمل يا شعب يا شقيان اسمع كلام الحكاوى وتنابلة السلطان واحلم بعنتر وأحمس وبقية الفرسان وايدك فى ايدى نسأف للزفة فى البرلمان لما العربس الجديد يورثنا بالمجان <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
homer بتاريخ: 6 فبراير 2006 كاتب الموضوع تقديم بلاغ مشاركة بتاريخ: 6 فبراير 2006 خبر عاجل ها نحن نقلب فى القنوات والورد على كل الشرفات واذا بالخبر العاجل يصفعنى عن مصرع ألف من أهلى سبق وأن قتلوا بالفقر وانتهكوا بالقهر وانا منهم أو هذا ما أزعم لأزين بالوصف الكلمات أتفرس هذا الوجه العائم فوق الماء يملك كل ملامح وجه أبى أعرف تلك القسمات تحمل حزنا يسرى فينا عبر السنوات أعرف تلك السمرة من طمى النيل وهذى الأيدى الممشوقة كجريد نخيل ماتت فى غفلة وانا أبحث فى القنوات عن نصر زائف عن وجه أملح ينسينى قسمات وجه أبى ننتقل الآن الى الشوط الثانى فى كأس الأمم الأفريقية قالت لورا ما هذى الدمعة مدت يدها لتجففها بمناشف ومسوح دانمركية <span style='font-size:14pt;line-height:100%'> مفيش حنفى </span> تأملات خايبة رابط هذا التعليق شارك المزيد من خيارات المشاركة
se_ Elsyed بتاريخ: 6 فبراير 2006 تقديم بلاغ مشاركة بتاريخ: 6 فبراير 2006 مش هاقول أكثر من الله عليك يا هومر الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان