أريد حلا (1)

[ابو خليل]

لم يعد أمامي سوى أن اضع مشكلته بين أيديك ثم يطلب منكم حلا ؟

المشكلة بايجازانه لا يأتيه أي شخص ويطلب منه أي مبلغ من المال كسلفة ..

إلا واعطاه زيادة علي ما طلب !!

لو طلب الف أعطاه ألف ونصف .. لو طلب ألفين أعطاه ثلاثة !!

تقدروا تسموها ( كرم ) ، ( مروءة ) ، ( عبط ) !!

وربما كان يعرف أن المقترض أغني منه! ولكنه يرفض مثلا سحب الدولارات من البنك ويفضل سلف الريالات أرخص !

الخ .. ولكنه يقرض بلا سؤال !

وربما كان يعرف ان المقترض يكذب عليه !

فأحد هواة السلف ظل فترة طويلة يردد أسطوانة من نمط :

ابويا بيولد وأمي في الجيش !!!

المشكلة انه كان يعرف انه كاذب ..

ولكنه دائما ما يمد يده في جيبه ويعطيه أكثر مما يطلب ...

طيب .. كل هذا لوجه الله فما هي المشكلة اذن :

المشكلة أن غالبا - وليس دائما _ لا تعود النقود !!

إلا بعد مماطلات و اتصالات ...

ولقد اكشتف انه في كل مرة يقرض شخص فيها يجده يأتي له مكسور الجناح عينه في الأرض !!

وفي كل مرة يذهب لمطالبه نفس الشخص بنقوده .. يجده متنمراً عبوساً ويجد نفسه -وهو صاحب الحق - منكسرا مكسور الجناح !!

وعموما عاهد أخوه الكبير منذ شهور انه لن اقرض مخلوق أبدأ حتي هو شخصيا!!

ولكن (اللي فيه داء مبيبطلوش ) !!

ومنذ أيام تورط في 4 الاف ريال ..

اقترضها من جاءه يبكي ..

والأن هوالذي يبكي لأسترداد نقوده!!

ونزلت عليه كلمة ( ملاكش حاجة عندي ) كالصاعقة !!

ولم ينم ليلتها ... وتعجب كيف يفرط في حق الله وانعم بالنوم كل يوم ، ثم لا ينام ليلة بسبب مال ضاع عليه في الدنيا ولن يضيع في الاخرة !

المهم .. خجل من أن يحكي لأخيه عن تلك الالاف التي ضاعت ..

ولكنه عرف ..

وجائه منذ يومين ..

وبدأت المحاضرة ...

( مش قلت لك متسلفش أي حد حتي أنا ) !!

ووقف أمامه كالتلميذ الخائب ..

وقال له ( أول وأخر مرة ! )

واستأذنه وذهب..

والله لن تصدقوا أين ذهب !

ذهب ليعطي أحد اصدقائه 500 ريال سلف لانه يخاف من بيع الدولارات حاليا ويفضل ان يحتفظ بها ، فطلب السلف !!

طيب والعمل ! ؟ وأخرتها ؟؟ أري حلاَ ؟؟؟ !!!

بصراحة أنا عايز منكم نصيحة .. لهذا الشخص العزيز علي جدا !!

أريد نصيحة ... واقعية بدون سخرية ... ارجوكم ؟؟

[se_ Elsyed]

تعرف يابو خليل

أقسم بالله .. لسه دلوقت حالاً باعت إي ميل رسمي لأحد موظفينا السابقين والذي كان يشغل مدير عام المبيعات - منصب قد الدُنيا وجاه وعز ومرتب خيالي - وكان قد ترك الشركة من سنيتن وتساهل معه المدير التنفيذي واعطاه تنازل وكان عليه حوالي 35 ألف ريال باقي مبلغ قد أقترضه من الشركة لشراء شقة تمليك في مصر مع إنه مش مصري :rolleyes: ... وكلمنا الراجل وقال هاسدد المبلغ في خلال 5 او 6 شهور كحد أقصى وكثر خيركم يا جماعة حيث إنه راح أشتغل في شركة حكومية بمرتب أكثر من 45 ألف ريال/ شهرياً ...

تصدق بالله .. الراجل مدوخنا دوخة الأرملة اللي بتجري على معاش جوزها ... شهر يدفع و6 لأ ... ومش عايزين نأذيه ونمرمطه في المحاكم.. لإنه يأتي باعذار من قبيل أبويا مات .. وإبني مش عارف جرى له إيه .. وأوقات يقول إعملوا اللي تعملوه ويرجع تاني يجُر ناعم ..

اللي عايز أقوله إن هناك نوعية من الناس تقوى الله ومخافته مش موجوده في أجندتها ولا يعرف إن لو قامت حرب دلوقت وذهب للجهاد في سبيل الله عن طيب خاطر وأستُشهد مش هايشم ريحة الجنة وهايفضل متعلق كده لحد ما لادين يتسدد ..

والمصيبة السودا هي إن تلك النوعية بتبقى ممكن تسدد الدين بصابع رجلها الصغير ... يعني لو كان مُعسر يبقى معذور والواجب نساعده ... .. ولكن أكل حقوق الناس وحقوق الله له مذاق خاص لديهم ويستسيغوه ...

أما مشكلة صديقك ( أبو خليل :rolleyes: ) فهي تتلخص في جملتين ...

" المؤمن كيسٌ فطِن "

" ولا يُلدغ المؤمن من جحر مرتين "

وإذا كنت بتفعل ذلك إبتغاء وجه الله ... فثتق تماماً بأن الله لا يُضيع أجر من احسن عملاً .. وإنما الأعمال بالنيات ولكل أمريء ما نوى ... ومن فرج كربة عن مؤمن فرج الله عنه كربة من كرب يوم القيامة ...

فهمت ولا نقول كمان ..

( معاكش بقى 50 باكو أخضر سلف عشان عايز أشتري شقة ؟ :rolleyes: )

[se_ Elsyed]

وبعدين تعالى هنا يا جدع إنت ..

لما تيجي تعرض مشكلة ماتعملش زي واحده صاحبتنا( إسمها شعنونة )

قصدي إنك تسد في وشنا كل المنافذ وتقول أنا عايز حل ..

يعني لو قولنا لك ما تسلفش .. هاتقول مش قادر ..

لو قلنا لك سلف هاتقول ما هم بياكلوا عليه الفلوس ...

زي واحد راح لدكتور العيون وبيقول له .. انا عندي مشكلة مزمنة يا دوك .. قاله إيه خير إن شاء الله يابني ؟ .. فقال له حضرتك أنا كل ما احط إيدي على عيني ما بشوفش حاجة .. فالراجل قاله طب بسيطة ماتحطش إيدك على عينك وإنت هاتشوف زي الفل .. فقال له مش هاقدر دي عادة عندي وماقدرش أبطلها.. فراح الدكتور جاب الشنيور وعمل له خرم في إيده .... :rolleyes:

إوعى يابو خليل الشنيور جاهز وما شاء الله الدكاترة هنا كتير ...

[mb14]

ابو خليل

حأسألك سؤال صاحبك متجوز ولا لأ؟

لو مش متجوز خلية يتجوز وهو حا يبطل العادة دى فورا بعد الجواز .

لو متجوز وما اظنش

خليه يعرف مراته باللى بيعمله دى

وهى حا تتصرف

:rolleyes:

:rolleyes:

:rolleyes:

[bodi]

الاخ ابو خليل

ما مدي الالتزم الديني لصاحبك

اذا كان ملتزم فا لموضوع سهل

قل له عندما ياتي اي حد لطلب مال عليه ان يعمل بما ذكر في القران في هذه الحاله الا وهو ان يكتبوا ورقة بالمبلغ توضح بها كم المال و ياريخ التسديد و يقوموا بالتوقيع في وجود شهادين من الرجال و يقوم صاحبك بالاحتفاظ بالورقة فان لم يسدد المقترض فيتم اتخاذ الاجراءات القانونية ضده

[ابو خليل]

أشكر كل من حاول مساعدتنا في ايجاد حل لهذه المشكلة !

وسأجيب عن أسئلتكم (نحو حل للمشكلة الصديق .. )

1-هو غير متزوج .. "ربما هذا هوالذي يجعل الناس تتخيل انه ليس لديه التزامات مادية "

2-هو الحمد لله ملتزم ووالله إنه يكتب ورقة عند كل ملبغ كبير ..يقرضه لأحد ما ! ودائما يجعل المقدمة هي أول أيه الدين ومعه الأن ( شنطة ) :blink: أوراق دين ، والمشكلة في المماطلة ... تخيل انه هناك مبلغ منذ أربع سنوات .. وبرغم الوساطات يتحجج الناس بمشاكل الحياة ..

وكيف تطلب منه أن يدخل زميله السجن بسبب فلوس !!!

يا عيب الشوم ..

[أنـفـــال]

العزيز ابوخليل..

ردي هيكون قاسي شوية..

بس هو دة الواقع و طبعاً زي ماقال احد المتقدمين قبلي.. جزاه الله خيراً..

ان لازم يكتب ورقة يضمن بيها حقه هو كدة ضماناً للحقوق مافيهاش كسوف و لا حاجة..

و اعتقد انه ممكن يضطر الى التهديد البسيط..

بأنه سيقدم الورقة الى جهات مختصة او حكومية..

و لازم يكون في شدة شوية في الكلام عند الطلب..

في ناس مابتجيش بالذوق يابوخليل! للأسف!!

و المفروض انه يحاول يبطل الكرم الزائد دة لأنه مستغل!!

و دة واضح..! بيتم استغلاله بطريقة فظيعة و الله صعبان عليا جداً!!

تقبل احترامي لشخصكم الكريم..

أنفال

[ابو خليل]

النتائج بعد اسبوع من تنفيذ مقترحاتكم الكريمة:

1- قاطعه الكثير من الناس .. وقالوا له ( انت بتخوننا ) لازم تكتب ورقة ..

2- لا يزال يماطل الكثير من الناس ...

3- صار يلتزم بتحويل كل مرتب في أول أيام الشهر الي مصر ...

واصبح الان مثل المحاصر اقتصاديا ..

لم يعد أحد يأتي ليشرب الشاي معه

لم يعد أحد يشكو له همومه ..

البعض كف حتي عن القاء السلام ..

لكنه الان مرتاااااااااااااااااااااح

بقي ان اذكر لكم ان صاحب المشكلة هو أنا ...أبو خليل المسكين :)

[أنـفـــال]

و لا يهمك يابوخليل..

خليك أسد..

يعني يقولولك انت بتخونا؟؟

قولهم أيوة بقى!!

يقولولك لازم ورقة؟

قولهم ايوة بقى!!

و مش لازم حد يشرب معاك شاي..

اشرب انت نسكافيه و خد كيك معاه كمان..

و لا تزعل نفسك!!

من لا يعرف ابوخليل لأنه ابوخليل لا يستحق ان يعرفه ابو خليل يا ابوخليل ..:)

تقبل تقديري..

أنفال

[bentmasria]

ابو خليل

انا عندى حل حيخليهم يستوعبوا السياسة الجديدة

انا اصلى كان عندى واحدة صاحبتى كانت زيك بالظبط لغاية ما جه يوم (ربنا ما يحكمش على حد) شحتت عشان تعالج ابنها المهم سيبك

انت خذ القرار الجرىء او تظاهر بانك تتخذه بجدية

وبلغ كل اللى حواليك

انا بدور على عروسة وحتجوز

الكلمة دى حيكون تأثيرها فظيع ويبدأ التعاطف معك يا مسكين هو احوج لكل قرش والناس حتتردد قبل ما تيجى تقصدك فى سلفية معدومة الرد وانت بسلاسة ممكن تبدأ تطالب عشان محتاج اجيب الغسالة والافلام دى

للاسف بقينا مضطرين نعمل اى شىء عشان نسترد حقوقنا

او نبقى زى ما حصل لك

لا صاحب بيحكى لنا حكاية

ولا رفيق بيزورنا صدفة

موش كل شىء مبرر فى الزمان ده بمصلحتك فين

استمر لا تيأس

ونفذ مخططى الخبيث

يمكن ربنا يرجع لك اى حاجة من الديون المعدومة

ربنا يعين

ام محمد

[عوف]

أقسم بالله .. لسه دلوقت حالاً باعت إي ميل رسمي لأحد موظفينا السابقين والذي كان يشغل مدير عام المبيعات - منصب قد الدُنيا وجاه وعز ومرتب خيالي - وكان قد ترك الشركة من سنيتن وتساهل معه المدير التنفيذي واعطاه تنازل وكان عليه حوالي 35 ألف ريال باقي مبلغ قد أقترضه من الشركة لشراء شقة تمليك في مصر مع إنه مش مصري  ... وكلمنا الراجل وقال هاسدد المبلغ في خلال 5 او 6 شهور كحد أقصى وكثر خيركم يا جماعة حيث إنه راح أشتغل في شركة حكومية بمرتب أكثر من 45 ألف ريال/ شهرياً

هل تعتبر مرتب شهري 45 الف ريال في السعودية جاه وعز ومرتب خيالي

ممكن اعرف انت كنت عايش فين بالضبط قبل ما تيجي السعودية علشان تفكر بهذه الطريقة

وهل تعتقد ان مسمى مديرعام المبيعات جاه وعز

مش عارف اقولك ايه بصراحة

انت متاكد انك متخرج من الجامعة

[Ahmed Mohsen]

أقسم بالله .. لسه دلوقت حالاً باعت إي ميل رسمي لأحد موظفينا السابقين والذي كان يشغل مدير عام المبيعات - منصب قد الدُنيا وجاه وعز ومرتب خيالي - وكان قد ترك الشركة من سنيتن وتساهل معه المدير التنفيذي واعطاه تنازل وكان عليه حوالي 35 ألف ريال باقي مبلغ قد أقترضه من الشركة لشراء شقة تمليك في مصر مع إنه مش مصري  ... وكلمنا الراجل وقال هاسدد المبلغ في خلال 5 او 6 شهور كحد أقصى وكثر خيركم يا جماعة حيث إنه راح أشتغل في شركة حكومية بمرتب أكثر من 45 ألف ريال/ شهرياً

هل تعتبر مرتب شهري 45 الف ريال في السعودية جاه وعز ومرتب خيالي

ممكن اعرف انت كنت عايش فين بالضبط قبل ما تيجي السعودية علشان تفكر بهذه الطريقة

وهل تعتقد ان مسمى مديرعام المبيعات جاه وعز

مش عارف اقولك ايه بصراحة

انت متاكد انك متخرج من الجامعة

وهل هذا أسلوب حوار واحد متخرج من الكتّاب حتي !!!!!!؟؟؟؟

عجبي :)

[ابو خليل]

انا عندى حل حيخليهم يستوعبوا السياسة الجديدة

بلغ كل اللى حواليك

انا بدور على عروسة وحتجوز

الكلمة دى حيكون تأثيرها فظيع ويبدأ التعاطف معك يا مسكين

أم محمد أنت نسيتي اني كل الكرة الارضية عرفت اني (انخطبت ) الصيف الماضي !!

تعرفي ان كل(السليفة) زعلوا جدا لاني علي وشك الزواج ..

وقعدوا فترة طويلة يقنعوني بتأجيل الفكرة .. !!

طبعا ما بنك التسليف هيقفل ...

المهم ...

اني خلاص (أممت ) مرتبي والحمد لله .. وعملت حصر للمستحقات الخارجية ... وبدأت في المطالبة ( علي استحياء ) لاني فعلا مقبل علي الزواج ..

ولكني فعلا اشكو هذه الأيام - وبعد اتخاذ قرارات التأميم .. من ان ناس كثيرة ... فرضت علي حظر (اجتماعي ) !!!!

حتى سلام عليكم يا مسلمين !!!

:)

[bentmasria]

سامحنى يا بوخليل نسيت

بصراحة اصلى بعتبرها خطوة جريئة جداااااااااا خاصة للمبدعين موش حقولك على آثارها السلبية دلوقتى خلاص fsh:: الفاس وقعت ف الراس ربنا يوفقك يارب ويتم لك بخير ان شاء الله

طيب بدون استحياء حتى لا تتاجل عمليات السداد الى اجل غير مسمى

يعنى

اتصل بصاحب منهم واقول

انا نازل اجيب النجف وما معاييش اكمل

ممكن تسلفنى

المفروض يتكسف لو ما حصلش

استنى يومين واجيبه او اروح له افضفض معاه

تخيل العروسة زعلانه عشان مامعاييش ثمن الفستان ابو المبلغ اللى انت مديون لى بيه بالظبط

وهكذا حتى تحصل ولو على شويه من اللى ليك عندهم

بصراحة

انا كنت بتكسف بس دلوقتى لااااااااااااااا

ما معاييش بجد وامثالهم جننونى

ربنا يعينك على الاستغلال والمستغلين

وبعد كده سلم مراتك الميزانية

:)

[mohamed gouda]

Dear abokhalil

i would like to say you that, you should go to the police office and give them the paper include on the mony and let them back you r mony because there is no sens

• 
  

[yasovinas]

كان معانا في الشغل القديم واحد فلسطيني بس من الناس الكبار ويعتبر من فلاحين فلسطين يعني بيضبش في الكلام مش بيعرف يذوق الكلام

جاء له واحد من الموظفين يطلب منه سلفه لغاية اول الشهر فقال له حاضر من عينيه بس خد بوس ومد له ايده

طبعاً الكل استغرب لما فعله واولنا المقترض وقال له اذاي تقول لي كده فكان رده حكيم جداً

قال له انا علشان استردهم منك هبوس رجلك موش ايدك بس خلاص

[bentmasria]

ياسو اداك المفيد

ارفع القبعة لاحييك قلت حكمة الموضوع

معروف طبعا اخواننا الفلسطينيين ناصحين شويه وببلاغة شديدة الراجل لخص كل الكلام رغم ثقتى ان ابوخليل يمكن يتكسف يعمل كده بس هى اول مرة صعبة جرب اظن موش حتندم بس حضر نفسك لسياسة الوحدة المستديمة

وعجبى

[أنـفـــال]

كان معانا في الشغل القديم واحد فلسطيني بس من الناس الكبار ويعتبر من فلاحين فلسطين يعني بيضبش في الكلام مش بيعرف يذوق الكلام

جاء له واحد من الموظفين يطلب منه سلفه لغاية اول الشهر فقال له حاضر من عينيه بس خد بوس ومد له ايده

طبعاً الكل استغرب لما فعله واولنا المقترض وقال له اذاي تقول لي كده فكان رده حكيم جداً

قال له انا علشان استردهم منك هبوس رجلك موش ايدك بس خلاص

ياسوفيناس..

انت فين من زمان؟؟ :rolleyes:

افتقدنا كلماتكم.

و دة حل جميل والله.. يا ابوخليل.

[ابو خليل]

كان معانا في الشغل القديم واحد فلسطيني بس من الناس الكبار ويعتبر من فلاحين فلسطين يعني بيضبش في الكلام مش بيعرف يذوق الكلام

جاء له واحد من الموظفين يطلب منه سلفه لغاية اول الشهر فقال له حاضر من عينيه بس خد بوس ومد له ايده

طبعاً الكل استغرب لما فعله واولنا المقترض وقال له اذاي تقول لي كده فكان رده حكيم جداً

قال له انا علشان استردهم منك هبوس رجلك موش ايدك بس خلاص

حل رائع ...

عموما ( سأضغط علي نفسي )

وسأمد لهم يدي ليبسوها ..

بس خايف

واحد منهم ياخذ يدي ... ويعضها :rolleyes: