أهلا و سهلآ بالمغامرين الخمسة

[Scorpion]

نظرآ لأنشغالي بالحملة الأنتخابية... و التي تصادف انتهائها يوم 5 فبراير دخول خمسة أعضاء مرة واحدة... يعني خمسة و خميسة..

و بما ان مجموعة الترحيب اللي كانت هنا.. جالها عقد في دولة عربية و بقت ترحب بالدولار... و سابونا من غير Reception .. فأنا مؤقتآ حاضطر البس اليونيفورم أبو بابيونا... و اعين اتنين تلاتة يقوموا بمهمة الترحيب مرة تانية...

Sally

كروان

مصر بلدنا

K-Fassi

خالد صبري

سلو بلدنا انه لما تيجي مجموعة كاملة لآزم نلعب مع بعض بريللا بريللا بريليللا... يالله ايدينا في ايدين بعض كده ...و

الف أهلآ و مليون سهلآ في بيت العيلة .. بيت المحاورات... و يا ريت نقرالكم في اسرع وقت...

دور كركديه هنا و النبي يا سي السيد .. بدال ما انت واقف هناك كده لا شغلة و لا مشغلة...

دور ترحيب تاني و مخصوص للأستاذ أحمد سعد اللي داخل حامي و ماشاءالله تلات مداخلات في السياسة الداخلية.. حاجة تفرح..

tot:: كباية سحلب من اللي هي يا اسطي عصام للكابتن هنا...

صوت فايزة احمد جاي من بعيييييييد بيغني...

بيت العز يا بيتنا....

تم تعديل 9 فبراير 2005 بواسطة Scorpion

[عصام]

كباية سحلب من اللي هي يا اسطي عصام للكابتن هنا...

إنت لسه حابس الواد القهوجى فى التلاجة يا سى السيد وللا طلعته؟ et:(

أنا باقول طلعه يعمل سحلب للجماعة .. واذا كان مات ابقى اعمله انت .. :P

أهلا بكل الأعضاء الجدد ..

أنا قولت لك ميت مرة ما تطلعش م التربة من غير ما تستأذن tot::

مش عايز حد يخاف .. دا حسب الله .. مشرف باب الابتسام

[إبن مصر]

اهلا اهلا .....اهلا..

اتفضلوا يا حبايب قلبى......

كلهم زى الفل ..

السحلب يا سى السيد....القهوه من النحيه دى..

وخدوا قطتى كيداهم معاكم تلاعبكم .......

خدى بايديهم ...

قطييييييييييييييييعه وحدش بياكلها بالساهل

[Scorpion]

اعلان هام..

تم رفد عصام شوقي و أبن مصر من مجموعة الترحيب.. نظرآ لنزعاتهم السادية و تخويفهم للأعضاء الجدد الوراور... و ليس من حقهم ان يتعاملوا بأسم الشركة او يصرفوا شيكات بأسمها...

بنقول ترحيب يا أمم ... ترحيييييييييب تقوموا تحطلهم العائد من الظلمات و باجيرا النمرة بتاع كتاب الأدغال...

معلهش ياجماعة .. عندي دي...

[وليد صفوت]

يا ألف أهلا و ألفين سهلاً بالاعضاء الجدد , و إن شاء الله تكونوا بتستفيدوا و بتفيدوا الاعضاء هنا ....

المحاورات طول عمرها بيت العز .....

ألف تحية ,..

[Scorpion]

اعلان هام...

تم تعيين الكمنجاتي المشهور بفايولينكينج... ياور اول تشريفات المنتدي و تيجي تلبس معايا البابيونا .. مش بس انا اللي مكتوب عليا اتخنق ..

و بالأضافة الي الكركديه تقرر عزف مقطوعة سيمفونية لدي كتابة اي عضو جديد مداخلة واحدة علي الأقل....

و بما انهم خمسة يا فايولين... اعزفلنا الخامسة بتاعت بيتهوفن....

تا دا دا داااااااااااااااااا ...

كنت فين من زمان يا جدع .. منصورة ايه و بتاع ايه.. بص لمستقبلك هنا ... jmb-)

[abofasad]

مبروك للمشرفين الجدد

نأمل أن نستفيد منهم حتى تعود المحاورات الى ما كانت عليه سابقا مليئة بالمناقشات المثمرة والأفكار الجديدة

تمنياتي لهم بالنجاح والتوفيق