عليه العوض ومنه العوض ...

[se_ Elsyed]

واحد صاحبي راح إشترى شوكولاته من محل هنا في الرياض هو فرع لسلسة محلات عالمية .... وكان رايح يزور ناس قرايبهم بمناسبة العيد بقى له أكثر من 10 سنوات ماشفهومش لظروف السفر بالخارج ولكن لما عرف إنهم هنا في الرياض راح لهم .. وبعدها كان هايطلع بعبوة تانية لزيارة صديق زوجته مريضه ..

يُفاجا بقى بقريبه بيتصل به تاني يوم عشان يستفسر عن مصدر شراء الشوكولاته ... فسأله بإستغراب ليه ؟ قال له إن زوجته أُصيبت بتسمم شديد ليلة أمس لما كلت حبتين وجالها دور قيء وإسهال شديد .. مع إنها ما كلتش غير الشوكولاته دي .. فلما بص على علبة الشوكولاته لقي التيكت الأصلي بتاع المصنع بيقول إن الشوكولاته منتهي صلاحيتها من شهرين .. في حين إن المحل حاطط تيكت تاني بيقول إنها فريش ..

وستر ربنا إن صديقي ماكنش راح زار صاحبه اللي مراته عيانة ورجلها مكسورة .. والمفاجاة إنها حامل في شهرها الأخير ... يعني كان زمانها فيصت هي والبيبي ..

وعشان صديقي يتأكد بص على العلبة اللي فضلت معاه لقاها نفس الشيء إكسبيرد والمحل العالمي المشهور حاطط تيكت تاني للتمويه ..

هو بيفكر يطلب تعويض مالي كبير منهم وهايعمل شكوى في وزارة الصحة و ممكن المحل يتشمع فيها .

الوليد بن طلال يا جماعه فتح هايبر ماركت هنا إسمه " هايبر بنده " من حوالي شهور قليلة ... وكانت حاجة إيه فخمه قوي قوي ... مافيش إسبوع والبلدية راحت مشمعاه لإخلاله بشروط معينه فيه .. مافتحوش إلا أما كمل الشروط دي .

فإيه رأيكم دام فضلكم في مسألة التعويض دي ... يعني حقه ولا مش حقه ؟

طبعاً ده لو حصل في دولة من دول الغرب كان التعويض بقى بالملايين ...

[سقراط المصري]

ممممممم طيب انت عاوز رأيي

انا شايف انه مش يطالب بتعويض وبس ، لا وكمان لو قدر يخرب بيتهم فربنا يوفقه.

صاحبك مجاملش او مراحش للست الحامل ، طيب ما اكيد فيه غيره اتاذي بعلم او بدون علم.

اخرب بيتهم عشان ارواح الناس مش لعبه عشان كام ريال

تحياتي

سقراط

[ابو يوسف]

أكيد صاحبكم ده مش مصرى ..

أو بقالوا كتير بعيد عن مصر ...

المصريين يا عزيزى ما بيجلهومش تسمم من "الشيكولاتة " !!

الشيكولاته دى ... ممكن نعتبرها هنا "مضاد حيوى" ... "قاتل للميكروبات" .. "مقويات"

وبتتاخد عندنا – للقادرين - على شكل أقراص ! B)

و بعدين المصريين رجالة قوى ... :D

يدوبك ... ممكن بطنك توجعك شوية .. بعدما تضرب لك من على العربية حوالى 8 انصاص كبدة حمير (و فاسدة) غرقانة فى الفلفل و التوم علشان ما تستطعمش حاجة !!!

و4 انصاص سجق ... كناسة سوق اللحمة اللى قى العتبة !!

:)

وعلاجك ..

تحبس بواحد كيلوباترة مفتخرة h): ...

يليها شوب عصير قصب علشان تطفى النار .. tea))(:

و لو الحالة خطيرة ..

يبقى باكو فوار !!!

wlch::

وتقوللى شيكولاته B) B)

بس عاوز رأى..

يا رب يخرب بيتهم !!

ما هم بيكسبوا فلوس كتير ...

يعنى المفروض يحترموا نفسهم !!!