هل انت راضي عن مستوي اداء عملك

[Akrum]

هل انت راضي عن مستوي ادائك للعمل ؟ هل انت تحب مجال العمل ؟ هل يرضي طموحك ؟ مثل هذه الأسئلة قد تراود البعض منا  ؟  و لقياس مستوي أدائنا لرفع مستوانا المهني نلخصها في معادلة بسيطة وهي

الأداء = معادلة (الرغبة) × (القدرة)

فمثلا لو كانت الرغبة تعادل 40% والقدرة 90% صار مستوي الأداء يعادل 36% وبالطبع العكس صحيح فتدهور احد معاملات المعادلة يوثر علي اجمالي مستوي الآداء ولذلك لمن يريد ان ينجح في عمل ما يجب ان يتأكد من توفر تلك المعاملين الهاميين ولتنمية الرغبة أو القدرة لن يتأتي هذا إلا بالبحث عن العوامل الموثرة علي عدم الرغبة والإقدام على العمل . أما القدرة فيمكن ان تنمي بالتعليم والتدريب واعتقد ان احد مصائبنا هي فقدان الرغبة ؟؟

وكيف لنا ان نقف علي اسباب فقدان الرغبة ؟ وكيفية العلاج؟ فما رأيكم دام فضلكم

[NonSuperior]

لحد يومين بس كنت السيد راضى كمان مش راضى بس :) قصدى راضيه طبعا بس القافيه تحكم :) دلوقتى انا فى قمة السخط من نفسى عشان كنت باشتغل كويس :) آه والله اكتشفت انى احمر واحده فى الشركه اما صدقت انى اما اشتغل كويس هاكون احسن واحده :) فى الآخر كلنا اتساوينا مع بعض لا وايه :) عشان باخلص كل الشغل اللى بيسند ليا بسرعه مذهله :) حبه غرور بقى :) لا والله انا باخلص فى زمن قياسى شربت شغل الناس اللى سابو الشركه اللى مش هاعرف احط فيه قلم :( ومحتاجه كام جوز جزم اضرب روحى بيهم على التفانى فى العمل

ايوه باحب مجال العمل جدا للاسف وده اللى كان بيخلينى احس بنوع من التحدى الجميل فى العمل والسعاده الفظيعه اما انجح فى التحدى ده "كل ده فى الماضى طبعا" :(

عاوز تعرف اسباب فقدان الرغبه فى العمل؟ اقوللك لانى كنت لسه باقول لوالدتى انى مش عاوزه اروح الشغل بكره لانى حاسه انهم بيسدو خانات وخلاص ومفيش اى تقدير للى بيبشتغل وفى الآخر كلنا بنتساوى لا وطلبوا من العميل يكتب جواب شكر لكل فريق العمل :( واللى تعب زى اللى ماتعبش وعاوزه اسيب الشركه و ابدا من جديد مع حد تانى لحد ما اوصل المرحله اللى انا فيها حاليا عشان اواصل البحث :(

[هشام عبد الوهاب]

الاخت ننسوبرير

العمل عباده و الله ورسوله يروا اعمالنا ونحن لا نعمل فقط لنرى مكافئه عما تعبنا من رئيس او مدير ... اننا نعمل لكى نحقق ذاتنا و ( و من عمل منكم عملا فليتقنه )

استمرى فى اتقانك لعملك بل اتقنيه اكثر من الاول و تأكدى مهما تأخر الحال السىء فهو لن يدوم ابدا ... اما الجماعه اياهم اللى ما بيشوفوش شغلهم و وضعهم زيك ... فكيف يرون انفسهم و كيف و كيف و كيف ..... اخلصى فى عملك ولا تنتظرى شيئا الا رضاء الله و الرسول و نفسك فقط ..

[الطفشان]

الاخت نن

كثيرا ما يصادف الانسان مفترق طرق في حياته، مثل اي تخصص يدرس، اي شخص يتزوج، و اي عمل يتوظف فيه

قد يكون الامر تغير من ناحيتهم، يعني كانوا كويسين و بقوا مش قد كدة، او انك اكتسبتي خبرات و اصبح المكان ضيق عليكي، او غير ذلك

التغيير في حد ذاته ليس خطأ بل مطلوب احيانا و لكن المهم اسباب التغيير، و الا يكون هروب، او بسبب سوء علاقات بالاخرين، الخ

في النهاية، القرار قرارك، و لا يمكن ان يمليه احد عليكي، يجب ان تقرري لنفسك

[NonSuperior]

الاخ هشام

كلامك على عينى وراسى وده اللى كنت باهتدى بيه طول العام الماضى والله لكن انا بشر بردو :( وطبيعى انى احس باحباط اما الاقى ان نتيجة العمل الجاد ما يشبه العقوبه :( طيب و ليه اشتغل كويس وليه الشغل اخلصه فى ساعه اما غيرى بيخلصه ففى يوم كامل :( المشكله عارف كمان فى ايه :) انى اما اخلص بسرعه الناس بتشك انى لعبيه ومش بتصدق ان الشغل خلص فعلا غير اما العميل يستلمه :)

زى ما بتقول اهم حاجه عندى كانت انى ارضى ربنا واحقق ذاتى واحلل المرتب اللى باخده آخر الشهر بس .. كل الناس بتاخد مرتبها ومفيش فرق بين حد خلص بسرعه وحد بلط فى الخط

الاخ طفشان

انا آسفه ليكم كلكم انى حولت الموضوع لما يشبه الموضوع الشخصى انا بس اتكلمت عن نفسى لانى ادرى بحالى ولا استطيع ان اتحدث عن سبب فقدان الرغبه للعمل لدى الآخرين كل ما استطيع الكلام عنه هو حالى فقط ... فعلا الموضوع كان كويس فى البدايه  :) بس دلوقت بدات احس انى باعمل ما يمكن ان يسمى

donkey work

يعنى حاجه مش مستاهله اى قدرات من اى نوع وكل ده عشان خلصت الشغل بدرى ومش لاقيين حاجه اعملها :) يعنى اروح اسيأ مثلا عشان ابقى باعمل عمل مفيد مقابل المرتب؟ :) ايوه معاك حق انا بدات احس انى محتاجه شغل اصعب وجايز هو ده اللى مخلينى احس بعدم الرضا اكتر :( حاليا هو ده سبب التغيير الوحيد بالنسبه لى :(

[هشام عبد الوهاب]

شوفى يا سيدتى  

مشكلتك ليست مشكله فرديه بل موجوده فى اماكن كثيره و عند ناس كتير

عندك مثلا تعنت اساتذه الجامعه مع طلبه الماجستير و الدكتوراه و احيانا يبقى طالب الماجستير عشره سنوات و اكثر حتى يحصل عليه او يطفش و نفس الحال فى رساله الدكتوراه

و غيره اقل منه فى كل النواحى العلميه بيعدى و بسرعه الصاروخ !!!!!!!!!!!

اقولك حاجه بينى و بينك بقى : بلطى فى الخط شويه يمكن هو ده السر فى شغلك:wink::o

[Arabisc]

[english]

Salam Alykum

Dear NonSup.

Actually, that was one of the reason why I left the company ( and the country ). The methodology of " sheddy Hailek Ya balad "  & " Masr kullaha Mehtagalak ya Ra`fat " until the job is done and then no appreciation afterward ! I saw this not in only one company but in three different companies in three different IT fields from Stock company to LLC did not really matter. always there is a " man " who actually manage the company and the company always relays on persons rather than ' System '

In the past week, the company I work in now was in disaster mode. we lost Data Center and evacuated another in Manhattan, we were working from a third data center in New Jersey. My manager was on his vacation outside the country which he could not get back, work was going normal and we did not ' stuck ' !

I am quite sure that there will be a compensation for the employees who worked days and nights to keep the company working.I work harder and better than others. that is why I am making  more than they do. as simple as that

and this is what I call " System "

Salam Alykum

[NonSuperior]

والله يا هشام بدء من يوم الحد هاحاول ابلط ولو انى مش عارفه هيليق عليا الدور ولا لأ :) ادعيلى البلاط يطلع كويس :)

الاخ ارابيسك :)

المشكله ان ترك البلد مش خيار سهل لكل الناس :( من الناحيه العائليه و الانسانيه على الاقل و الموضوع ده قتلناه بحثا قبل كده :( يا بختك انت قدرت تسيب البلد :) اللهم لا حسد والله :)

ايوه كل حاجه بتتنسى اول ما الازمه تعدى :( واللى بيتنطط اكتر هو اللى بيبان مش اللى بيشتغل اكتر من غير كلام :(

كنت فاكره الاول "لانى بقالى فى الشركه سنه و نص بس" انه فيه نتيجه للعمل بتاعى ده بس دايما مفيش اى تقدير و كلنا زى بعض و مش فاهمه ليه بيطبقو المساواه بيننا فى النقطه دى بس على الرغم اننا مش متساويين :( ياللا باه الظاهر ان النظام عمره ما هيتغير :( شكرا على اى حال

[الطفشان]

اضم صوتي لصوت ارابيسك

هذا هو احد اسباب طفشاني من البلد، و هو انعدام السيستم، و عدم التقدير للمجهود و اللي اشتغل زي اللي ماشتغلش

انا مش باقول كل واحد يهج، بس باحكي تجربة شخصية