من هو الشخص الذي يربي السمك

[darker19]

يا جماعة أنا وقعت في إيدي الفزورة دي و أنا عن نفسي مش فاهم منها أي حاجة شوفوابقى لو تعرفوا تحلوها ولا لأ, و أنا هكتبها بنفس شكل الورقة إلي موجوده عندي.

من أولها كده مش عايزين يأس ولا شد شعر.

هذا اللغزقد قام بصنعة أينشتاين و قد قال أن 3% فقط من سكان العالم هم الذين يستطيعون حله و الباقي الذي هو 97% لا يستطيعون فهل أنت من ال 3% أم ال 97% (أنا بصراحة لا من ده ولا من ده أنا مش فاهم حاجة أصلا)

1. البريطاني يسكن في بيت لونه أحمر.

2. السويدي يربي كلب.

3. الدانمركي يشرب الشاي.

4. البيت الأخضر يقع على يسار البيت الأبيض.

5. مالك البيت الأخضر يشرب القهوة.

6. الشخص الذي يدخن Pall Mall يربي عصفور.

7. مالك البيت الأصفر يدخن Dunhill .

8. الشخص الذي يسكن في البيت إلي في الوسط يشرب اللبن.

9. النرويجي يسكن في البيت الأول.

10. الشخص الذي يدخن Blend يسكن بجانب الشخص الذي يربي القطط.

11. الشخص الذي يربي الخيول يسكن بجانب الشخص الذي يدخن Dunhill.

12. الشخص الذي يدخن Blue Master يشرب بيرة.

13. الألماني يدخن Prince.

14. النرويجي يسكن بجانب البيت الأزرق.

15. الشخص الذي يدخن Blend لديه جار يشرب المياه.

و السؤال الأن

من هو الشخص الذي يربي السمك

وجهة نظري أنا شخصيا في الموضوع ده, إن إينشتاين شكله كان ضارب حاجة لما عمل الفزورة دي.

على أي حال ربنا معاكم

تم تعديل 11 يناير 2005 بواسطة darker19

[سقراط المصري]

احم احم

بلا خجل وبكل فخر انا طلعت شخص طبيعي ومش شاذ..احمدك يارب

سقراط

[se_ Elsyed]

وجهة نظري أنا شخصيا في الموضوع ده, إن إينشتاين شكله كان ضارب حاجة لما عمل الفزورة دي.

إنت قولت المفيد ...

تعرف مشكلتنا إيه ؟

مشكلتنا إن إحنا ساعات بناخد الامور على علتها ... او بعبلها كده زي ما بيقولوا .. وبنفتكر إن طالما الشخص ده عالم او متخصص في شيء وزائع الصيت يبقى كل اللي بيخرج من فمه نظريات علمية ودررٌ سنية وحكم سرمدية ..

وننسى إنه بشر زيينا زيه يخطأ ويصيب .. وممكن يكون بيتعاطى حاجة او ساعتها يكون سكران .. خصوصاً لو كان غربي والحاجات دي مش فارقه معاه ....

ده بالظبط نفس اللي شوفناه بيتعمل على سبيل المثال في محمد عبد الوهاب ونجيب محفوظ ... فلو حد فيهم كح بتبقى الكحه بتاعته سيمفونية ولا السيمفونية التاسعة لبيتهوفن ... والله يا أستاذ قول كمان .. ده سعالك ولا السعال الديكي ما شاء الله عليك ...

[mnman]

وحيث انني وعلشان ولابد منة!!! انا قررت اكون من ال 97% !! الموت مع الجماعة ارحم!!

علي الرغم اني اعتقد ضلوع شبكة القاعدة في تربية السمك h): rs: !! فدة كلة فسفور ويدي قوة ونشاط!!

منمان ملك حلقة سمك ابوقير!!

[عصام]

احم احم

بلا خجل وبكل فخر انا طلعت شخص طبيعي ومش شاذ..احمدك يارب

إزيك يا سقراط؟ rs:

عامل ايه كدا؟ h):

إتااخر شوية .. خدنى جنبك .. :D

rs:

[darker19]

أنا أعدت أفكر فيها يجي 3 ساعات مش عارف أعمل فيها أي حاجة لما زهقت و الموضوع ده فيه 3 إحتمالات:

1. زي ما قلت إن الراجل ده كان ضارب حاجة.

2. يإما إننا فعلا من ال97% إلي قال عنهم.

3. يإما إلي إداني الورقة ده بيشتغلني.

ملحوظة: إلي إداني الفزورة قالي إنه حالها بس مش فاكر الحل كان إيه بالظبط و قالي إستعمل ورقة و قلم و إنتا بتحلها. (أنا خايف لاتكون المشكلة في القلم)

تم تعديل 11 يناير 2005 بواسطة darker19

[G.G]

الذي يربي السمك هو الألماني ..

يسكن في البيت الأخضر, أقصى الشمال

يشرب القهوة

و يدخن prince

صح؟و لا لا rs:

الحل عن طريق مصفوفة مكونة من خمس خانات:

خانة لون البيت

خانة للجنسية

خانة للحيوانات

خانة للمشروبات

خانة لنوع السجائر

و مفتاح الحل عن طريق ترتيب البيوت بالنسبة لبعضها,,مين في الأول مين في الوسط,,مين في الشمال...و كده..

h):

تم تعديل 11 يناير 2005 بواسطة G.G

[سقراط المصري]

حرمنا المصون بقالها ساعتين ماسكه ورقه وقلم وعماله تحل اللغز وتضرب خمسه في سته ، وتجمع عليهم سبعه ، وتقسمهم على سبعه وعشرين. وراسها والف جزمه قديمه انها تكون من نسبة 3%.

عشم ابليس في الجنه. h): rs: rs:

سقراط

[سقراط المصري]

إزيك يا سقراط؟ 

عامل ايه كدا؟ 

إتااخر شوية .. خدنى جنبك

اهلاً اسو باشا

الراجل من الاداره ياجماعه

شكراً على السؤال ، واتمنى ان تكون رسالتي الخاصه وصلتك.

اخدك جنبي ايه ياراجل دا انا حاجزلك مكان من قبل اما تقول.

واخدلي بالك سي السيد عامل مظاهره وعمال يتوه في الاجابه. h):

سقراط

[سقراط المصري]

الذي يربي السمك هو الألماني ..

يسكن في البيت الأخضر, أقصى الشمال

يشرب القهوة

و يدخن prince

صح

اخيراً عملتها مراتي

اهي كاتمه على نفسي من الفرحه

تكنا نيله في حظنا الهباب

[darker19]

طب يا ريت إلي عرف يحلها يقول حلها إزاي علشان كدا أنا هاتعقد

[c'est la vie]

لونالبيت> أبيض ==> أخضر ==> أحمر ==> أزرق ==> أصفر

جنسية=> سويدى => ألمانى ==>بريطانى ==> أيرلندى => نرويجى

مشروب> صودا ==> قهوة ==> حليب ==> شاى ==> ماء==>

سجائر=> بلوماستر => برينس ==> بال مال ==> بلندز => دانهيل

حيوان=> كلاب => سمكة ==> طيور ==> خيول ==> قطط

مر عليّا اللغز ده قبل كده وكانت الاجابه السابقه ~أو كما قالت الاخت الفاضله جىجى

واعتقد انها تعتمد علي طريقة استخدام المعلومات المعطاه بطريقه منطقيه في مصفوفه..للوصول للنتيجه..

مع الاخذ في الاعتبار انى قسم سياسه, و ماليش في تربية السمك rs:

تم تعديل 12 يناير 2005 بواسطة c'est la vie

[yasovinas]

الله ينور عليكم يا شباب الاجابة صح الالماني

والحل بطريقة المصفوفة بحيث لما تقول السويدي يربي كلب يبقى تشطب امام السويدي على باقي خانات الحيوانات وامام الكلب على باقي خانات الجنسيات وهكذا هتلاقي في كل صف خانة متممة للباقي

هذه المسابقة موجود مثلها يوميا في جريدة الخليج خلال شهر رمضان بس على 3 معطيات فقط وليست خمسة

[Tamsite]

بلا بلا بلا

بلو بلو بلو

بلي بلي بلي

برربرربرر ، تك تك تك ( صوت عالي لهرش دماغ )

................. و مرت عشرة أيام

بلا بلا بلا

بلو بلو بلو

بلي بلي بلي

برربرربرر ، تك تك تك ( صوت عالي لهرش دماغ )

rs:

:D

rs: rs: rs:

سبعة و تسعين في المية ، اجدع نـــــــــــــــــــــــــــاس

، سقراط ، إسو ، وسعوا ، انا جاي أقعد جنبكو ، أوعوا حد يكون خد مكاني rs:

تم تعديل 12 يناير 2005 بواسطة Tamsite

[emmyyy]

I GOT ITTTTTTTTTTTTTTTTTTTTTTTTTTTTTTTT

هي سهله بس في اول تبان صعبه و مكلكعه

[mb14]

عندى سؤال

الناس اللى مش تبع ال3%

لا تبع ال97%

يروحوا فين

h):

[darker19]

بيروحوا النار h):

[ابو يوسف]

مالهم الـ 97 % ؟؟؟

h):

أجدع ناس !!

ys): ys): ys):

h):

[G.G]

يلا عايزين فزورة تانية

برافو مدام سقراط, سيلافي و ايمي ..

:)

تم تعديل 6 مارس 2005 بواسطة G.G

[nora]

والله يا داركر انا شفت الفزورة دي قبل كده واعدت وحلتها بالورقة والقلم وبسيطه يا جدعان انا مش عرفة لية انتم مستصعبنها rs:

بس الطرق الي تم عرضها صحيحه هي تحل بالورقة والقلم صحيح rs:

ادوني فرصة لبكرة وانا هحلها واجبهلكم rs: