اقتراااح عاااجل لانقاذ اقتصاد مصر بأيدي المغتربين

[التونسى]

يا عم زوهيرى انا عارف انى مش حخلص معاك ههههههههههههههههههههه .. اركز فى ماتش الشطرنج احسن

[masrymasry]

لن تسقط مصر بإذن الله

أنا في مصر وهأروح بإذن الله وأحول من 7000 إلى 10000 دولار في البنك إلى جنيه مصري

يارب يسر لنا أمرنا وأحفظ مصر والمصريين

وبعد إذن صاحب الموضوع

لو سمحت هأنقل من موضوعك إلى بعض المنتديات المصريه الآخرى لعل وعسى مصريين مغتربين يساعدوا

وشكرا

تم تعديل 31 ديسمبر 2012 بواسطة masrymasry

[egyptawy]

ماشى يا مان .. أهى نوايا تسند الزير أحسن من تكسير المجاديف

اكلمه بالأرقام يقولي زير و مجاديف و نوايا

تسند الزير صح

عايزين نضربلنا طبقين ممبار في مصر كده يرموا العضم يا ريس محمود

صباحين و حته

صحيح يازهيرى بما انك صديق س س ما تعرفش هو استخبى فين عشان مش عارفين نوصله

[MZohairy]

س س كبر يا عم خلاص و مبقاش حد يعرف يكلمه

اللي اداله يدينا

[أبو يمنى]

5000

دولار أخرى تم تحويلها اليوم

اذكركم ان قطرات المطر الصغيرة تصنع النهر الكبير ... طالما ظل الأمل فى القلوب

بلدنا باق لأبنائنا ولن تسقط أبداً

كثّر الله من أمثالك .

[احمد رضوان]

[أبو محمد]

المصريين المخلصين حيتصرفوا بحكمة

وحنحول فلوسنا لمصر

ده أكيد

معندناش حتى إختيارات أخرى

المشكلة فيما سيقوم به الإحتلال الإخواني

وماذا سيفعلون معنا وبنا

أنا متأكد إن المصريين مش حيتأخروا عن تحويل فلوس لمصر

ومتأكد إن الودائع آمنة .. سواء اللى بالعملة الحرة أو بالجنيه

لأن البنك المركزى ضامن لهذه الودائع فى البنوك الحكومية والخاصة والأجنبية

أنا متأكد من كده من واقع تجربة شخصية مريت بيها أيام غزوالكويت

وكانت مدخراتى فى بنك كويتى .. وبعدين بعد التحرير حولتها لبنك الاعتماد والتجارة

وفى يوليو سنة 91 إنهار بنك الاعتماد والتجارة (وفلوسى فيه)

وضاعت ودائع الناس فى الاعتماد والتجارة فى العالم كله ما عدا فرع البنك فى مصر

كان الشيخ زايد الله يرحمه يملك 70% من رأس مال الاعتماد والتجارة "مصر"

وكان بنك مصر وبنوك تانية مساهمة فى باقى راس المال

وقتها دخل بنك مصر اشترى الاعتماد والتجارة "مصر" وفضلت الودائع بتاعتى

زى ما هى والعائد بتاعها بينزل عليها بس ما كنتش أقدر أفكها لمدة سنة

المشكلة زى ما بتقول يابو أدهم وزى ما بيقول محمد زوهيرى هى فى السياسات

اللى مخلية جيب مصر مخروم .. الدولار ييجى من هنا ويروح من هنا

وده اللى بيغطرش عليه إخواننا بتوع التيار المسمى "إسلامى"

مش عايزين حد يكشف القصور فى الادارة اللى ما يفرقش عن قصور نظام مبارك

ويمكن أسوأ

لكن المفروض الناس اللى فعلا عايزة البلد تبقى أحسن ، ما يهمهاش الكليشيهات

اللى بيحفظها ويرددها المحبين والمريدين

زى "فيه ناس عايزة توقـَّع البلد" .. "فيه ناس عايزة تسقط الريس"

اللى ربنا بعته لنا من السجن عشان ينقذ مصر زى سيدنا يوسف

دى كليشيهات إرهاب فكرى ومعنوى علشان تستمر العتمة ويستمر الاستنفاع

وسلم لى على الشاطر/مالك إخوان

[egyptawy]

س س كبر يا عم خلاص و مبقاش حد يعرف يكلمه

اللي اداله يدينا

هو فتح منتدى لحسابه ولا ايه

لو كده قلنا عليه عشان نروحح ننفعه

[MZohairy]

المشكلة زى ما بتقول يابو أدهم وزى ما بيقول محمد زوهيرى هى فى السياسات

اللى مخلية جيب مصر مخروم .. الدولار ييجى من هنا ويروح من هنا

وده اللى بيغطرش عليه إخواننا بتوع التيار المسمى "إسلامى"

مش عايزين حد يكشف القصور فى الادارة اللى ما يفرقش عن قصور نظام مبارك

ويمكن أسوأ

لكن المفروض الناس اللى فعلا عايزة البلد تبقى أحسن ، ما يهمهاش الكليشيهات

اللى بيحفظها ويرددها المحبين والمريدين

زى "فيه ناس عايزة توقـَّع البلد" .. "فيه ناس عايزة تسقط الريس"

اللى ربنا بعته لنا من السجن عشان ينقذ مصر زى سيدنا يوسف

دى كليشيهات إرهاب فكرى ومعنوى علشان تستمر العتمة ويستمر الاستنفاع

وسلم لى على الشاطر/مالك إخوان

ده اللي بنهاتي فيه من الصبح عشان الناس الغلابه و البسيطه تفهم

البيت مصاريفه 1000 دولار في الشهر (شامل المصاريف الشرعية و الغير شرعية و سؤ الإنفاق وووووو)

رب البيت دخله 700 دولار فقط

سيادتك عايز تحول له 300 دولار علشان يسد العجز (ماشي بارك الله فيك)

و بعدين؟ هيعمل ايه بعد كده؟

حسابيا و اقتصاديا و محاسبيا مفيش قدامه غير سكه من تلاته

1- يا تفضل كمغترب تحوله 300 دولار كل شهر على طول (غير اللي انت بتحولهم من الاول يعني مطلوب تخليهم 600)

2- يا يقلل مصاريفه 300 دولار و يبقى الجاي على قد اللي رايح

3- يا يزود دخله 300 دولار بشكل دائم بطريقه غير الاقتراض و الاستدانه (وممكن طبعا تبقى عن طريق زيادة الضرائب و الاسعار على الشعب الغلبان)

غير كده كلها حلول (طيبه و على نياتها)

و مع ذلك مشاعر وطنيه جميله لازم نشكر عليها كل من يقوم بها حتى و ان كانت عديمة المعنى مقابل حجم الخلل

[EsoWay]

زملائي انضموا للمبادرة ومنهم اللي حول على طول ومنهم الي هيحول بكرة

اللي حول النهردة شخصين 2000 دولار و 1200 دولار وبكرة باذن الله هيكون فيه تحويلات اكتر من كدا ومبالغ أكبر

فيه اللي هيحول 10000 دولار

وكمان هنحاول نجهز مبالغ تانية بعد الدفعة دي

أنا عارف إن فيه ناس كتير بتقول دي مبالغ متواضعة جدًا ومش هتحل المشكلة

بس مصريين كتير منتظرين فرصة عشان يساندوا بلدهم بأي شيء حتى لو هتعتبروه مش مؤثر

وليه الإعلام لو فعلًا بجد خايف على البلد ميتبناش المبادرة دي ولا تبرعات البطاطين أهم ؟

[herohero]

طارق عامر كان بيكلم دلوقتي ع قناة النيل للاخبار والله الراجل بيقول كلام زي الفل

واظن طارق عامر مش أخواني

وقال مثلا ايطاليا وفرنسا ودول كثيرة احتياطياتها تقضيها 3 أشهر ومفيش حاجه اسمها مصر هتفلس

[egyptawy]

طارق عامر كان بيكلم دلوقتي ع قناة النيل للاخبار والله الراجل بيقول كلام زي الفل

واظن طارق عامر مش أخواني

وقال مثلا ايطاليا وفرنسا ودول كثيرة احتياطياتها تقضيها 3 أشهر ومفيش حاجه اسمها مصر هتفلس

طيب معناه ايه البيان الا اصدره البنك المركزى

وليه سعر الدولار بيزيد يوم عن يوم

[herohero]

الدولرة شغاله الله ينور

وبعدين ياريت الناس تشوف كلام اوباما فيما يعرف باسم -الهاوية المالية

وده أمريكا بتمنى لميس وعمورة ومجدي بيه الجلاد يتكلموا بقى ع كلام اوباما وشوفوا العنوان "الهاوية المالية

تم تعديل 31 ديسمبر 2012 بواسطة herohero

[AhMeD nOr]

اول ما اقبض هحول و دا الطبيعى كل شهر :D

المهم فى ناس انا منتظر ردودها هنا و لكن من الواضح انهم مش هيردوا

و الواضح ان طالما فكرهم لا يحكم البلد فالبلد لم تعد تهمهم بل يريدونها خرابه حتى يقولوا شفتو الاخوان عملوا فى البلد ايه

اسلوب رخيص

لم يتحدث منهم على 20 مليار دولار فى عهد العسكر

و يحاربون مرسى و قد رفع الاحتياطى مليا فى 6 شهور

[أبو محمد]

الدولرة شغاله الله ينور

وبعدين ياريت الناس تشوف كلام اوباما فيما يعرف باسم -الهاوية المالية

وده أمريكا بتمنى لميس وعمورة ومجدي بيه الجلاد يتكلموا بقى ع كلام اوباما وشوفوا العنوان "الهاوية المالية

المفروض بقى الحكومة تتخلص من الدولار

[Alshiekh]

اول ما اقبض هحول و دا الطبيعى كل شهر :D

المهم فى ناس انا منتظر ردودها هنا و لكن من الواضح انهم مش هيردوا

و الواضح ان طالما فكرهم لا يحكم البلد فالبلد لم تعد تهمهم بل يريدونها خرابه حتى يقولوا شفتو الاخوان عملوا فى البلد ايه

اسلوب رخيص

لم يتحدث منهم على 20 مليار دولار فى عهد العسكر

و يحاربون مرسى و قد رفع الاحتياطى مليا فى 6 شهور

كيف رفع مرسي الاحتياطي المزعوم؟

بودائع تركيا وقطر والسعودية وأذونات الخزانة بالدولار؟

إطرح تلك المبالغ ستجد ان الحقيقة أن الاحتياطي قد قل وربما وصل إلى عشرة مليار.

ياريت بلاش نضحك على انفسنا.