هل صحيح حدثت زيادة في رسوم توثيق عقد الزواج ؟

[se_ Elsyed]

فوجئت بأخي الأكبر بيتصل بي من كام يوم وبيبلغني إن الدولة هاترفع رسوم توثيق عقد الزواج إلى 2000 ج ( دي غير رسوم الشيخ مأذون ) تُدفع في المحكمة طبعاً عن طريق المأذون وده من اول السنة الجديدة وإن الاخبار دي خلت الناس عندها فزع وكل واحد بقى بيصارع الوقت وبيكتب كتابه بدل ما تيجي رقبته تحت المقصلة ...حتى المتجوز بيكتب كتابه برضوا فماحدش بقى يضمن الظروف والحاجة بكرة تغلى وما يلاقيهاش في السوق :blink: ups:

وحيث إن لي اخت صغيرة لسه مخطوبة والمفروض الزفاف كان هايتم في الصيف اللي جاي وطبعاً مع كتب الكتاب ، وكذلك لي بنت عمتي في نفس سنها وكانت هاتتزوج في عيد الأضحى هذا يعني بعد عدة أيام .. فقد سارعوا بتنفيذ ضربتهم وكتبوا كتابهم قوام قوام عشان ما ينفعوش الحكومة بمليم.. ده بعد ما لفوا ومالقوش مكان يكتبوا فيه الكتاب حيث إن معظم المساجد زحمة .

فهل صحيح الكلام ده ؟

ولا دي إشاعة سخيفة طلعها واحد مأذون عشان يعمل شغل ؟

والرسوم دي هاتبقى مُقابل إيه ؟

يعني هو الواحد رايح يتجوز ولا رايح يشرب قزازة بيبس وهايدفع رهن وياخده لما يرجع الفارغ ؟

وهل الفلوس دي هاتدخل جيب السبع ( الحكومة ) ومش هاتطلع تاني .. ولا هما محوشنها للعروسة عشان لو الراجل قل بأصله يبقى خدوا من عينه مبلغ تحت الحساب ؟

انا مش فاهم حاجة ومش عارف البلد دي عايزة إيه من الناس rs: ..

نسيت أقول لكم أن أول حاجة قولتها لأخويا إنك ما تمشيش وراء الإشاعات وروح إسأل فلان المأذون بتاع العيلة ( واخدنا غسيل ومكواه ) وبالتأكيد الراجل هايصدقك القول ومش هايعمل علينا شغل ولا مصلحة ...

وتاني يوم إتصل بي وقالي إنه راح للراجل وأكد له الكلام ده واللي مش هايسجل قسيمة الزواج قبل يوم الجمعة اللي هو بعد بكره يبقى أحسن له يتجوز عرفي ... ماهي مش ناقصة .. فالشباب الجديد المُقبل على الزواج بيبقى الضرب فيه حرام وكل ما الزواج بيقرب بيبقى على الجنط ومامعاهوش اللضه .

[Handicraft]

يا س س بلاش افترى على الحكومة ال 2000 جنيه دول نقطة من العريس والعروسة بمناسبة جوازهم وبعدين كفاية ان الحكومة سامحة بعلاقات زى دى تتم فيه بلاد تانيه كتير الزواج عندهم رفاهية وبعدين عندك حيمى لسه ما اتجوزش وحيسرى عليه نفس القانون يعنى مش اخوك لوحده بلاش بقى افترى.

وبعدين ال 2000 جنيه دول يدوبك حاجه ساقعة لتر ودايت كمان - علشان الحكومة فيها اعضاء تخان - للحكومة بمناسبة الفرح وسنتوتش جبنه رومى ولانشون من فرج الله.

كلامك ده سببلى احباط كده كده من تحت الباط .

يا اخى سيبوا الناس فى حالها افففففففففف

[c'est la vie]

الخبر في الوفد==<

لا زيادة في رسوم الزواج

نفي عبدالمنعم عوض الله رئيس جمعية المأذونين الشرعيين ما تردد عن ارتفاع رسوم الزواج بدءا من العام الجديد. وأشار الي ان هذه الشائعات لا أساس لها من الصحة، ولا توجد نية لدي الحكومة لرفع قيمة رسوم الزواج.

وكانت شائعات قد ترددت حول قيام الحكومة بزيادة رسوم الزواج الي نحو 2000 جنيه علي كل عريس و1000 جنيه علي العروس عند كتابة عقد الزواج.

الوصله

اهى اشاعه و كمان لا اساس لها من الصحه دايماً تظلموا الحكومه معاكم كده sdm:

أتساءل عن مصير تلك الفئه الذين "شربوا المقلب" وتزوجوا ..rs:

تم تعديل 29 ديسمبر 2004 بواسطة c'est la vie

[se_ Elsyed]

أتساءل عن مصير تلك الفئه الذين "شربوا المقلب" وتزوجوا ..rs:

إنتي اللي بتتساءلي .. اموال إحنا نعمل إيه ؟

الظاهر إن الحكومة بتطلق مثل هذه الشعارات إنطلاقاً من مبدئها الجديد ضمن سياسة التوفيق " يابخت من وفق راسين في الحلال "

واهو يالله أدينا سترنا البنت وضل راجل ولا ضل حيطه .. وهنيالك يا فاعل الخير والثواب ...

[Masrawy Abroad]

الإشاعة دي بقالها 3 أو 4 سنين بنسمعها وعمرها ما حصلت...بتبتدي في شهر ديسمبر وتنتهي في اول أسبوع من يناير لما الناس تكتشف إنها إشاعة زي كل سنة...هل يا ترى السنة ها تتطبق فعلا ولا ها تكون برضه إشاعة؟

أتخيل أن الإشاعات في مصر يَتَكَسَّب ناس كتير من وراءها بتلك الطريقة....ويستغلون عدم شفافية الحكومة وعدم ثقة المواطنين في حكومتهم وبالتالي فمحدش بيكون عارف فين الحقيقة فعلا...

تم تعديل 29 ديسمبر 2004 بواسطة Masrawy Abroad

[METALLICA]

يا جماعة . . . . يزودوها او ما يزودهاش مش فارقة خالص . .

ليييييييييييييييه !!!

ببساطة جداً . . . اللي معاه فلوس يتجوز أصلاً لا أعتقد انها ستمثل مشلكة لتدبير الـ 2000 لحلوح دولم . .

واللى ممعهوش فلوس علشان يتجوز . . يبقى معندوش مشكلة من الموضوع ده . . .

مش كده والا ايييييييييييييييه !!

[SnipeR]

وحيث إن لي اخت صغيرة لسه مخطوبة والمفروض الزفاف كان هايتم في الصيف اللي جاي وطبعاً مع كتب الكتاب ، وكذلك لي بنت عمتي في نفس سنها وكانت هاتتزوج في عيد الأضحى هذا يعني بعد عدة أيام .. فقد سارعوا بتنفيذ ضربتهم وكتبوا كتابهم قوام قوام عشان ما ينفعوش الحكومة بمليم.. ده بعد ما لفوا ومالقوش مكان يكتبوا فيه الكتاب حيث إن معظم المساجد زحمة .

فهل صحيح الكلام ده ؟

ولا دي إشاعة سخيفة طلعها واحد مأذون عشان يعمل شغل ؟

س س باشا

دي اشاعه طلعها عريس صايع عاوز يكتب الكتاب بدري ويبقي خطوبه وكتب كتاب وبعد سنه وللا اتنين الدخله المهم يضمن العروسة معاه h):

بس فكره شديده الصراحه h):

[ماجد]

أوبا ..........

يعنى مش هاعرف أتجوز تانى ولا تالت ولا رابع ....

طيب

خليينى قاعد زى الكبه كده h):

[montaser]

اشاعة ديسمبر أو كذبة ديسمبر

في كل سنة تحدث هذه الضجة الكبيرة ، ولكن لا أعرف ما هو السر في اطلاقها ، هل لتشجيع الشباب على الزواج .

ومن وراء هذه الإشاعات ، هل المأذونين ، أم من هو صاحب المصلحة وراء هذه الإشاعات .

[د/ألفا]

وحيث إن لي اخت صغيرة لسه مخطوبة والمفروض الزفاف كان هايتم في الصيف اللي جاي وطبعاً مع كتب الكتاب ، وكذلك لي بنت عمتي في نفس سنها وكانت هاتتزوج في عيد الأضحى هذا يعني بعد عدة أيام .. فقد سارعوا بتنفيذ ضربتهم وكتبوا كتابهم قوام قوام عشان ما ينفعوش الحكومة بمليم.. ده بعد ما لفوا ومالقوش مكان يكتبوا فيه الكتاب حيث إن معظم المساجد زحمة .

فهل صحيح الكلام ده ؟

ولا دي إشاعة سخيفة طلعها واحد مأذون عشان يعمل شغل ؟

س س باشا

دي اشاعه طلعها عريس صايع عاوز يكتب الكتاب بدري ويبقي خطوبه وكتب كتاب وبعد سنه وللا اتنين الدخله المهم يضمن العروسة معاه h):

بس فكره شديده الصراحه h):

دي اشاعه طلعها عريس صايع عاوز يكتب الكتاب بدري ويبقي خطوبه وكتب كتاب وبعد سنه وللا اتنين الدخله المهم يضمن العروسة معاه

:

h): :P

[yasovinas]

من مدة كبيرة ظهر هنا في ابو ظبي اعلان في جريدة الاتحاد على ما اذكر على نصف صفحة

مطلوب عاملين من كل الجنسيات ومن كل التخصصات وبرواتب عاليه جدا للعمل بجزر المالديف على ما اذكر والتقديم بالبريد المسجل على العنوان كذا كذا

وبعده فضلت الجريدة كام يوم اخبار عن هذه الجزر وانها مسلمة وان عندهم ثروات طبيعيه وووو

المهم حدث الاتي

البريد المركزي في ابو طبي اصبح شغال بكل طاقته لتسجيل الطلبات وهناك امام البريد جلس ناس بالظبط مثل العرضحالجية اللي قدام المحاكم في مصر بيبيعوا الطلبات ويملوها للناس وفضلت الحدوتة حوالي اسبوعين العرضحالجيه بعدها سافروا الى بلادهم وبقوا رجال اعمال مليونيرات والبريد عمل شغل ايراد خمس سنين قدام وطبعا لا سمعنا عن حد سافر ولا حد اشتغل

واهي ارزاااااااااااق

[أنـفـــال]

يا شيخ؟

بجد والله؟؟ rs:

و انا باقول ايه اللي حصل لزميلتي منى...

و خلاها تكتب كتابها بدري و هي كانت نايوة تكتبه في شهر 2

rs: