استفسار مهم عن صحيفه الحاله الجنائيه

[farfeal]

اخوانى الاعزاء اعضاء المنتدى

انا حاليا فى كندا فى زياره وانا متزوج كنديه وعندى طفلين

الحقيقه انا جيت زياره وانا ناوى انى هبدا فى اوراق الاقامه وانا هنا

وفعلا بدات وخلصت الكشف الطبى لكنى فوجئت انهم طالبين منى صحيفه حاله جنائيه لكل الدول اللى عشت فيها قبل كدا

انا عارف طبعا انى غلطان انى مدورتش وسالت قبل ماجى لكن قدر الله وماشاء فعل

المهم انى عشت قبل كدا فى الامارات وفى كوريا الجنوبيه والمشكله انى عايش هنا كمان فى نيوبرونزويك ومش عارف ازاى اجبلهم صحيفه حاله جنائيه من الامارات ومن كوريا وكمان طلبتهم فى الهجره هنا عشان استفسر ممكن اعمل ايه وكل واحد بكلام وكانهم هما كمان مش عارفين المهم هما عايزين صحيفه حاله جنائيه من كل الدول اللى عشت فيها قبل كده

المشكله حتى لو جبت الصحيفه دى من سفاره كل دوله(وانا معرفش اعرف ولا لا) ايه اللى هما طالبينوا فيها موثقه منين تانى مثلا من سفاره كندا فى البلد دى او من الخارجيه بتاع البلد دى هناك او..... او...او..

الموضوع بالنسبه لمصر تمام لانى اتصلت بالسفاره لكن الدول التانيه اعمل فيها ايه؟؟؟؟؟؟

وهل ممكن طريقه انى اروج قسم البوليس هنا وابصم وهما ممكن يبعتوا للدول دى يستفسروا؟؟؟

ياريت كل اللى عندوا معلومات يفيدنى وجزاكم الله خير