الدروس الخصوصية لا تتعدى 10%

[عادل أبوزيد]

صرح السيد وزير التربية و التعليم بأن نسبة الدروس الخصوصية أقل من 10%  ... و بذلك فكل من يتكلم على الدروس الخصوصية كسبب من أسباب الأزمة الإقتصادية - حتى على مستوى الأسرة - فهو مغالى  أو مضلل  و كل الأحاديث فى الإعلام  إنما هى كاذبة ...

ولكن إسمحولى أنا شخصيا كل من أعرفهم حتى البواب  يتعامل مع الدروس الخصوصية    فهل يا ترى هناك تعريف آخر للدروس الخصوصية بناء عليه أطلق هذا التصريح  أو أن موظفى الوزارة  رغبة فى إرضاء الوزير تطوعوا و أعطوه هذا البيان !!!!

إنى أناشد كل الجهات المخلصة فى مصر أن تقوم بمراجعة هذا التصريح إحصائيا  و أخص بالذكر مؤسسة رئاسة الجمهورية   و هنا يمكننا أن نعرف آلية توصيل بيانات خاطئة لمتخذى القرار

[saber el masry]

يا استاذ / عادل.....يعنى انا زعلتك فى حاجة...سايب المواضيع اللى فى الدنيا كلها و جاي تتكلم فى الموضوع اللى هايخلص علي فى يوم من الايام- موضوع بيحرق دمى كل يوم و كل ساعة- يا لخى العزيز انتم حصل عندكم لبس , الراجل قصده ان الدروس لا تتعدى نسبة العشرة % فى الحضانة...بلاش ظلم وافترى على الراجل, ثانيا انتم اللى بتفهموا غلط ...مين اللى قال ان المدارس عشان الاولاد يتعلموا فيها...يا سيدى المدارس دى مجرد مخزن تحفظ فيه ملفات العيال- اما التعليم فالبركة فى الجهود الذاتية.

لنا الله..........

[Kashta]

انا اول مدخلت الجامعه ذكرت مذكره من نار بس كنت عبيطه وبذاكر من كتب الدكاتره وجبت المقبول المتين بس بعد كده عرفت سكت ورق الدروس اللي الامتحنات متخرجش عنه والحمد للاه

طلعت من الاوائل وبعد كده بقت اول نصيحه بقولها لاي طالب جديد طنش الكتب  وركز في الورق

[abla]

ونعم النصيحة  :biggrin: :biggrin: :biggrin:

[Arabisc]

[english]

Salam Alykum all

---------------------

I said and say and will always, The Education system as total needs a re-construction. All such 'announcement' are no more that beating around the bush without any real treatment to the cancer that eats our most valuable asset. Our future.

Why I feel that always the teacher is in the plantif seat. How much the teacher make anyway if he/she does not give private courses. Do you think that this can garantee at least the minimum for him to live as a human beaing ?! And what do you expect a teacher who teaches 60 student most of the time do not have any morals or ethics or even respect for that man who kills himself with oveloaded schedule, what do you expect him to deliver ?

I am not giving excuses . I am rather pointing some reasons of the disaster we all live in

We need a total education system shake-up. Asprin cannot cure cancer

Salam All

[M. Alshiekh]

طبعا كما قال السيد الوزير نسبة الدروس الخصوصية لاتمثل الا 10% ولكن فى الصفوف الاول والثانى والثالث الابتدائى . حد يعرف اكثر من الوزير؟!!!!!!

[wanees]

والله جيت على الوجيعه يا اخ عادل  فمدرس الفصل اللى بيدرس لابنى مش بيقول ولايشرح اى كلمه ( مدرس انجليزى )فقلت ادى الواد درس انجليزي فرشحوا لى مدرس بيعطى دروس فى فصل فى مدرسه فقلت يمكن اسعارة معقوله  فرحت له فوجدت ان له سكرتير اى والله سكرتير يستقبلك ثم يوجهك الى مدير اعماله والله هذا حصل وليس خيال المهم قابلت مدير الاعمال فقال لى احنا بناخد فى الشهر  50 جنيه قلت له ماشى و15 جنيه رسم اختبار للولد نشوف اذا كان ممكن يستوعب الدرس ولا لا  و25 جنيه ثمن الملزمه اللى طابعها الاستاذ فقلت له طيب مش اشوف الاستاذ قالى هو فضيلك هو بس بشرح قلت له طيب والمتابعه قال لى هو مشفل واحد عندة ( ليس بمدرس ) علشان يتابع واجبات الطلاب  سالته طيب المجموعه كام واحد تصورا 50 طالب اى والله خمسون طالب ---الاخطر من هذا اننى وجدت هذا المدرس مستاجر فصلين من ناظر مدرسه ابتدائى لكى يعطى بها دروس اعدادى وثانوى كان المدرسه دى ملك للناظر ---والله العظيم هذا حدث لى ثم بتقولوا الدروس 10 % مش عارف اقول ايه

[Amira Khaleel]

كلنا شايلين الهم   و البهوات متهيالهم ان احنا بنكدب ؟؟ طب نعمل ايه

الأول اسم ونيس انت مشتقه من مسلسل ونيس ؟؟؟   قول بصراحة

يا ريت حت يقابلنى بوزير التربية و التعليم او نائب الوزير او سكرتير نائب الوزير  علشان افهمة ان  بالطريقة لازم تكون فى دروس  و دروس مالهاش آخر  و خراب بيوت يصحب كل العملية التعليمية

طيب حالوا تفهمونى او تفهموه  اذا كانت الإمتياز مع مرتبة الشرف فى الجامعة  تيجى ب خمسة و تمانين فى المية   و دول بالإحصا كدة مفروض يكونوا بالكتير خمسة فى المائة  قوم نيجى على العيال فى المدارس و مطلوب منهم يجيبوا فوق السبعة و تسعين فى الماية    طيب تيجى ازاى   حد يفهمنى    !!!!  و الا بلاش   آدى الكزرونة

[NonSuperior]

10% !! دى ناس مغيبه :(

[M.Alshiek]

عودة للمدارس ، عودة للصداع ، عودة للسؤال التقليدى " المدرس طالب كم السنة دى ؟"

لكن طبعا كما قال السيد الوزير يجب على كل طالب ان يصدق الوزير فى ان مشكلة الدروس الخصوصية لاتمثل الا 10% ، ربما يرى الوزير ان المشكلة تمثل شهرا واحدا كل عام

فعلا ، شر البلية مايضحك

[الأفوكاتو]

هناك سببين لعدم تواجد الدروس الخصوصية فى البلاد المتحضرة:

السبب الأول: إذا لم تستطع الحكومة توفير العلم و الثقافة للطالب, تسقط فى تالى إنتخاب.

السبب الثانى: أن الندرس يحصل على مرتف يكفل له حياة هنيئة بدون الحاجة الى إبتزاز الآباء و الأمهات.

السبب الثالث, الضمير.