وانا كمان(علمتنى الحياة)

[هشام الجنيدى]

بعد ما قراءت ما سطرته لنا يد الاخت الكريمه نورا

من خواطرها (علمتنى الحياة)

كبرت فى دماغى الحكايه وقلت لازم كل واحد فينا يكتب

ويعبر عن الى تعلمه فى هذه الحياة

حتى يستفيد كل واحد منا بما تعلمه الاحرين

وكل واحد بتسلوبه

وارجو انى اقرا الدروس الى تعلمها كل واحد مننا

وهذا ما علمتنى الحياة

انا علمتنى الحياة

امشى على الاشواك

تدمى القدم واقول يا الم هنساك

واقّف بشط الامل وارمى فى بحره شباك

وارجع فى اخر النهار راضى ومستكفى

وعلمتنى الحياة احلم واتمنى

وعلمتنى انىاصبر على رزقى واتانى

الدنيا مش هتطير حكمه ولها معنى

على بابى انا كتبتها ونقشتها بكفي non::

وعلمتنى الحياة الحب كيف اوئده

لو كان هيجرح البى وعالذل هيعوده

او كان هيخنق حلمى وبايدى هيأيده

نار الهوى متحرقش دى بس بتدفي h): cld:

وعلمتنى الحياه مامد ايدى لحد

اكل بعرقى المش الاقى طعمه الشهد

والدنيا زى البحر والبحر جزر ومد

ورزقى ده مكتوب هيجيلى متشفي

وعلمتنى الحياه اضحك لاحبابى

واضحك كمان للعدو علشان يشوف نابى

واخده كمان بالحضن لو خبّط على بابى

فيحس انى قوى وميشوفش يوم ضعفي :D mc: s-: :blink:

وعلمتنى الحياه وجابتلى من الآخر

قالتلى يابن التراب على ايه بتتفاخر

غيرك وعاشو سنين وماتو فى الاخر

وانتا كمان هتموت لو حتى متخفّي :D

تم تعديل 14 ديسمبر 2004 بواسطة هشام الجنيدى

[هشام الجنيدى]

اتمنى ان تعجبكم هذه الاضافه

وقد قرات بالفعل اضافات بعض الاعضاء فى هذا الموضوع

وقد اعجبتنى فعلا

واتقدم للاخت نورا بخالص الشكر على اعطاءها لنا هذه البذره والنواه الطيبه لمثل هذا العمل

وشكراااااااااااا :)

[bibo]

اتمنى ان تعجبكم هذه الاضافه

رائعة

[nora]

حقا كلمات رائعه انا مبعرفش اكتب بالعاميه rs:

ولا العربي حتى :blink:

هحاول اكتب حاجة جديدة اضفها بس حلوة ups:

[هشام الجنيدى]

الامل موجود

اقولك اكتبى بالاشاره ntw:

وانا مستنى الجديد h):

[Tafshan]

و انا علمتنى الحياه ..

اكون على طول تلميذ

ماشى وراء خطوتي ..

و الضحك عندي عزيز

اما الدموع لو سالت :

ما يشوفها غير كفي...

الدنيا ..متزوقه

و فستانها لونه فضى

لو تسأل عن مهرها

العمر ...ما يقضى

ارميها وراء ظهرك

ح تجيك .. و ح تكفي

حكمه و نقشها الزمن

بالدم في وريدك

اوعى تسيب الحلم

يكسر حياه في ايدك

احمد و اشكر ..

ما تبصش لحياة غيرك

بكره يجيك الحلم

و بالفرح ح يوفى

[homer]

وأنا علمتنى الحياة أتعب ولا أكلش

وأبقى زى الفجر بيشقشق ولا يملش

وان يوم لقيت الجفا والقسوة فى صحابى

اضحك واخلى الود يزيد وما يقلش

[bentmasria]

وانا علمتنى الحياه

اضحك ماقولش الآه

وان دق صوت الحنين

اجرى ماروحش وراه

وان الالم لوسكن

ف القلب يبقى مداه

ان الدموع تنتحر

ع الخد

من غير آآآآآآه :P bngn::

[homer]

وانا علمتنى الحياة اصرخ بدال ما آخد على قفايا

وفى الفرح والاتراح اقول كل اللى جوايا

وان فات فى يوم جبارعشان يسكتنى

أصرخ فى وشه وأقول حرام كده كفاية

[homer]

وكمان علمتنى الحياة دايما أقول يا رب

انت العليم والحكيم وانت المعين فى الدرب

لا مال ولا جاه بينفع وكل شئ فانى

وانت الكريم وبرحمتك تفك عنى الكرب

[homer]

وكمان علمتنى الحياة انى أشترى ولا بعش

واكسب قلوب الرجال واجرى عالحق لجل يضعش

وآجى على نفسى والم شمل الأحبة

ماهو بكره كله يزول ومفيش جيوب فى النعش

[homer]

انا علمتنى الحياة اكون حريص ولا أخون

واصبر على السوء وكل لئيم بيتلون

وكفاية انى بشوف تصاريف القدر

والدنيا فيها المر بس الحلو بيهون

[homer]

انا علمتنى الحياة ان حقوق الطبع محفوظة

والكل عمال يقول بس الكلمة مفروزة

اكتب وقول من قلبك مش من الجرنان

و اياك تغش لا تبقى الصورة مهزوزة

[هشام الجنيدى]

انا علمتنى الحياه الصبر عالمكتوب

لو يوم طالتنى المعاصى من ذنبى لازم اتوب

ادعى واقول يا رب استر ودارى عيوب

الاقى منه الستر ده ربى رب قلوب

وعلمتنى الحياه مسخرش من جاهل

الى هدانى العلم قادر يخده بالساهل

سعتها نفسى تلومنى تقولى تستاهل

لان انتا مهما علمت واتعلمت تعيش تموت جاهل

h): :huh:

تم تعديل 2 يناير 2005 بواسطة هشام الجنيدى

[هشام الجنيدى]

وعلمتنى الحياه اضحك ولا ابكيش

حزين فرحان طول ولا عرض هعيش

قدر علىّانكتب واضح بخط قفيش

فرحك كده حزنك كده سيبك من التفتيش

[Cleo]

الله عليكم... !!!! clp::

[هشام الجنيدى]

وعلمتنى الحياه

مطلعش وانا شايف سلمى مكسور

وعلمتنى الحياه مطلعش من عالسور

واقف فى اخر الطبور لما يجينى الدور

متعبش مالانتظار

ماحخدشى غير حقى مهما الف وادور

[Tafshan]

للرفع

[shahd]

وعلمتنى الحياه وجابتلى من الآخر

قالتلى يابن التراب على ايه بتتفاخر

غيرك وعاشو سنين وماتو فى الاخر

وانتا كمان هتموت لو حتى متخفّي

في الصميم الله ينور عليك ياهشام