شرط إحضار بطاقة الرقم القومي عند تصويت المصريين في الخارج

[الغريب]

السلام عليكم

برغم الاعتذار الصادر من لجنة الانتخابات الرئاسية بالأمس عن التوقف عن آداء الأعمال

ولكن ..

قرار لجنة الانتخابات الرئاسية بإلغاء التصويت بالبريد وجعل التصويت بحضور الشخص لمقر اللجنة وشرط إحضار بطاقة الرقم القومي

أعتقد أن هذا الأمر فيه تشديد للإجراءات بما يمنع التصويت الجماعي المرفوض في حالة المغتربين

ولكنه يصعب الأمر على كثيير ممن لا يستطيعون الوصول لمقار الإنتخابات في القنصليات ، وأيضا عدم وجود بطاقات الرقم القومي معهم بالخارج

هذا هو صورة الفقرة المعدلة التي تشير لم تم كتابته أعلاه

يمكنكم مراجعة أصل المادة التاسعة في القرار القديم على هذا الرابط

ويمكنكم مراجعة قرار التعديل على هذا الرابط

تم تعديل 8 مايو 2012 بواسطة الغريب

[se_ Elsyed]

دي قلة أدب بجد

طب في دول مترامية الأطراف زي امريكا والسعودية ... الناس تعمل إيه إن شاء الله ؟

يقعد رايح جاي سفر وتعطيل لنفسه عشان الإنتخابات ؟

يعني لو طبيب وشغله في منطقة أبها او جيزان ... يسيب العمليات والمرضى والدنيا ويقطع مئات الأميال عشان ينتخب ؟

[ام سلمي]

يتهيأ لي لازال مسموح التصويت بالبريد

التعديل فقط للفقرة التانية اللي هي في حالة الذهاب للسفارة

لان احنا ما كناش في الانتخابات السابقة ملزمين نقدم لاي حد بطاقة الرقم القومي

علشان يشوفها و لا كنا بنغمس صباعنا في الحبر السري

فضافوا التعديلات دي للفقرة التانية

انما الفقرة التالتة الخاصة بالتصويت بالبريد لسة موجودة زي ما هي و ما اتعدلتش

يعني اللي عايز يصوت بالبريد ما فيش مشكلة

تم تعديل 8 مايو 2012 بواسطة ام سلمي

[mezo]

فعلا لما دققت فيها لاقيت التغيير فى الفقرة التانية علشان يخلوا المواعيد لحد 8 مساء بدل من 6 مساء

تم تعديل 8 مايو 2012 بواسطة mezo

[الغريب]

يتهيأ لي لازال مسموح التصويت بالبريد

التعديل فقط للفقرة التانية اللي هي في حالة الذهاب للسفارة

لان احنا ما كناش في الانتخابات السابقة ملزمين نقدم لاي حد بطاقة الرقم القومي

علشان يشوفها و لا كنا بنغمس صباعنا في الحبر السري

فضافوا التعديلات دي للفقرة التانية

انما الفقرة التالتة الخاصة بالتصويت بالبريد لسة موجودة زي ما هي و ما اتعدلتش

يعني اللي عايز يصوت بالبريد ما فيش مشكلة

كلامك مظبوط يا أم سلمة التعديل على الفقرة الثانية وليس الثالثة (الخاصة بالبريد)

وبذلك يبقى التصويت بالبريد قائم

وكل ما حدث أن الفقرة الثانية تم إزالة الجزء الخاص (يوضع يده في الحبر الفسفوري) منها ، وأعتقد أن سبب ذلك هو أن الانتخابات هتستمر لحوال أسبوع ولذلك فلا جدوى من استخدام الحبر الفسفوري

ولكن أظن أنه مازالت مشكلة بطاقة الرقم القومي قائمة

وأعتقد أنه يمكننا تجاوز هذا الأمر إذا قررنا إعداد نظام المظروفين القديم (مظروف للوثائق الشخصية+مظروف لبيانات التصويت)

أما من يذهب ليضع مظروف التصويت فقط فعليه إحضار بطاقة الرقم القومي لإثبات شخصيته

نتابع والله المستعان

[الغريب]

تأكد لجميع المشاركين اليوم ضرورة حضور الشخص بنفسه وإحضار بطاقته القومية المصرية ، وهي مشكلة كبيرة ستؤثر على عدد المشاركين

وإن كان لها فائدة منع التصويت الجماعي

التصويت بالبريد لا يزال قائما ، ولكن بالنسبة لنا في الكويت فالحضور للسفارة أمر سهل ومستبعد أن يرسل أحد بالبريد

الآن هناك كلام أن السفارة تسمح باستخدام جواز السفر الجديد ، كبديل عن بطاقة الرقم القومي

كدة شكلي مش هقدر أصوت :( ، ولكن الحمدلله زوجتي معاها البطاقة وجواز السفر الجديد

ننتظر وإن شاء الله لعل الأمر يسمح باستخدام جواز السفر الجديد

[capitshino]

الآن هناك كلام أن السفارة تسمح باستخدام جواز السفر الجديد ، كبديل عن بطاقة الرقم القومي

كدة شكلي مش هقدر أصوت :( ، ولكن الحمدلله زوجتي معاها البطاقة وجواز السفر الجديد

اخبرنى من اثق فى كلامهم ان الجواز الجديد يصلح كبديل عن بطاقة الرقم القومى لك

وعلى العموم ممكن تصوت بالبريد .

[capitshino]

لو حد زيارة فى السعودية "مش معاه اقامة"

ازاى ممكن يصوت فى الانتخابات ؟

[capitshino]

اليوم السابع

صرح الوزير المفوض عمرو رشدى، المتحدث الرسمى باسم وزارة الخارجية، بأن الوزارة تلقت تعليمات جديدة من اللجنة العليا للانتخابات الرئاسية، بإمكانية تصويت الناخبين فى الخارج عن طريق تقديم جواز السفر المميكن، أو إرفاق صورته مع بطاقة الاقتراع، دون اشتراط تقديم المواطن لبطاقة الرقم القومى أو صورتها، وذلك بشرط وجود اسم الناخب مسجلاً بالفعل فى قوائم الناخبين.

[se_ Elsyed]

العليا للرئاسة تسمح بالتصويت بجواز السفر أو إرفاق صورته مع بطاقة الاقتراع

[Abu Reem]

ياريت يا سي السيد ..ترفع موضوعك عن خطتنا كمصريينفي الانتخابات...انا مش عارف انت حاطه فين

ياما ترفعه او تحط لي اللنك هنا.........الموضوع ده مهم..وفيه كلام عاوز اكتبه فيه...

[se_ Elsyed]

قصدك الموضوع ده ؟

http://www.egyptiantalks.org/invb/index.php?showtopic=135222

على فكرة بقى في باب مستقل لإنتخابات الرئاسة هايبقى فيه كل الموضوعات المتعلق بالإنتخابات

[عنبو]

طيب انا دلوقتى مش معايا الرقم القومى ؟ ولكن معايا صورتها اعمل ايه ؟

مش ممكن واحد يقول الخطوات اليى الواحد يعملها علشان ينتخب سواء عن طريق البريد او الذهاب الى السفاره ؟

انا منتخبتش فى مجلس الشعب لانى كنت فى مصر ورجعت قبل الانتخابات وكان وقت التسجيل اتقفل .

[عنبو]

انا دخلت على موقع الانتخابات وكتبت رقم التسجيل الخاص بى والرقم القومى وحملت استمارة الانتخابات وحملت الاقرار وان شاء الله بكره اول حاجه هعملهم الصبح هطبعهم وهطير على السفاره اسلمهم وبكده اكون ريحيت ضميرى امام الله

[ام سلمي]

انا لسة راجعة من السفارة في الرياض

اهم حاجة ما حدش طلب يشوف الرقم القومي

بس طلبوا صورة الرقم القومي وصورة الاقامة

و دخلوا بعض البيانات علي الكمبيوتر منهم ، و مضوا عليهم ،

و بعدين نروح بيهم لواحد عنده كشف بالاسامي ونمضي جنب اسمنا و نسلم له

صور الاقامة والرقم القومي ، و يختم لنا علي الظرف اللي فيه بطاقة الانتخاب

و بعدين نحط الظرف المختوم في الصندوق

المرة دي طبعا كانت زحمة عن انتخابات مجلس الشعب كتير

بس تقريبا اخدنا تلت ساعة علي ما خلصنا الحمد لله

اللي حيرسل الظرف بالبريد لازم يحط الظرف اللي فيه بطاقة الانتخاب داخل ظرف اكبر

و يحط معاه الاقرار وصورة الاقامة ، و يقفل الظرف الكبير ويكتب عليه عنوان السفارة

زي ما كنا بنعمل في الانتخابات السابقة

تم تعديل 11 مايو 2012 بواسطة ام سلمي

[se_ Elsyed]

إيه الحلاوه والحركات دي ؟

بأفتح الإيميل النهاردة لقيت اللجنة باعته لي الإقرار وفيه بياناتي .. وكمان بطاقة الإقتراع .. ويادوب أطبعهم بس .. وكده صح عشان بيبقى في حمل على الموقع وكتير مش بيفتح ...

ده كتير يا جماعة .. ياريت بقى تبقوا تصوتوا نيابة عننا عشان الزحمة هههههههههه

[زهرة الجبل]

طيب يا جماعه انا فتحت الموقع و حطيت الرقم القومي و كود التسجيل و لقيت بس قايمة المرشحين .. بيبقى فين الإقرار ده بقى ؟

[ام سلمي]

طيب يا جماعه انا فتحت الموقع و حطيت الرقم القومي و كود التسجيل و لقيت بس قايمة المرشحين .. بيبقى فين الإقرار ده بقى ؟

في يا زهرة تحت خالص زرار اسمه متابعة لو ضغطتي عليه حيظهر لك رابط الاقرار ، بس طبعا مش حتحتاجي الاقرار اللا لو حتبعتي بالبريد

تم تعديل 12 مايو 2012 بواسطة ام سلمي

[فولان بن علان]

السفارة في الرياض الله ينور

أي ورق فيه اثبات شخصية

يدوروا على الاسم في الكشف

حسب الحروف المكتوبة أعلى كل مكتب في الصالة

توقع سيادتك

يكتبلك على الظرف ختم بالماركر

تروح تختم

وبعدين تروح تحط الظرف في الصندوق

كنت ها اعيط

احساس رائع ..الأمس كانت زحمة رهيبة

دخلت مع الأولاد من غير وقوف في الطابور احتراما للعوائل

صورنا كل شئ

لو تحبوا ننزل الصور ننزلها

بجد الثورة أحدثت أشياء عظيمة

لو لم يكن إلا ما حدث الأمس لكفى

لم أكم أتخيل أن أعيش هذا اليوم

مبروك لمصر

تم تعديل 12 مايو 2012 بواسطة فولان بن علان

[ابراهيم عبد العزيز]

وجه حازم أبو إسماعيل من على صفحته الرسمية على الفيسبوك

رسالة للمصرين المغتربين وهم يبدأون التصويت في الإنتخابات الرئاسية :

من حازم صلاح أبو إسماعيل:

أعتذر لإخوانى المصريين المقيمين خارج مصر عن أننى لم أحدد بعد الإتجاه الذى نجتمع جميعا على أن نحشد تصويتنا إليه فى إنتخابات الرئاسة رغم أن الإنتخابات بالنسبة لهم تبدأ من الغد و لمدة إسبوع و ذلك لأن المؤكد أن التصويت فى أى من الإتجاهين تترتب عليه أخطار محدقة و أضرار كبيرة مما يلزم معه محاولة ترتيب الإحتياطيات و ذلك لمحاولة تقليل هذه المخاطر و الأضرار و هو أمر ليس بالهين. لذلك لم يسعفنا الوقت وخصوصا لما حدث من تطورات مفاجئة فى الفترة السابقة. إلا أن الأمر الذى لا شك فيه أنه لا يوجد منفذ من دين أو وطنية و لو كثقب إبرة يسمح بإنتخاب عمرو موسى أو أحمد شفيق فكل منهما كان وزيرا يجلس فى إجتماع مجلس الوزراء أسبوعيا لسنين طويلة

و ظهور المصريين تتقطع بالكرابيج فى السجون و هم ساكتون

و الأموال تنهب و هم ساكتون

و ثمانية إنتخابات تزور فى عهودهم و هم ساكتون

و أقسام الشرطة تمزق البشر و هم ساكتون

و الأقارب و المحاسيب ينهبون و هم ساكتون.

فضلا عن أن كل منهما لم يعمل قط ولا يعرف أبدا شيئا عن الدولةفى شأن الصحة ولا التموين ولا التعليم ولا الشئون الاجتماعية ولا اى شىء من معايش الناس اليومية فليس صحيحا أن أيا منهما عنده أى خبرة فى شئون الدولة.

كيف يمكن أن يعود أحدهم مؤتمنا على كرامة عمرى أو إبنى؟

و يكفى أنهم يملئون كلامهم دفاعا عن أطقم النظام السابق و لا يوجهون إليها تنديدا أبدا بشىء فعلوه مما يبشر بما سوف يفعلون خاصة و سلطان النسايب و الحبايب و زملاء العمر له أثر لا يهمل.

فإذا كنا مضطرين للتعامل مع ما صار واقعا فلا تخسروا كل شىء لتسليم مصر إلى من يبدأ الإنتقام من ثورتها لصالح شماتة النظام السابق فى الثورة.

>><<>><<>> وادعوا لنا ان نوفق فى سرعة الوصول إلى قرار رغم الأضرار و لا حول و لا قوة إلا بالله العلى العظيم <<>><<>><<

تم تعديل 12 مايو 2012 بواسطة ابراهيم عبد العزيز